Namoota lamadha

Halkan tokko ka'een
Abjuun manaa bahee
Osoon ciisee laaluu
Samiin ifuu ga'ee

Samiin ifee Ka'ee
Jiini guddaan bahee
Muka baayyee guddaan
Lafarraa ol kahee

Namoota baayyeetu
Jelatti wolga'ee
Oromoo Oromoo
Woliin jedhaa ka'ee

Harka wolqabuudhaaf
Wolitti hiixatuu
Jaarsi guddaan tokko
Waa Arkatti Baatuu

Namoota woldhaban
Wolfaana Fidanii
Osoodhuman Arguu
Araarsuu Eegalanii

Namoota lamadha
Jaarsummaa dubbatuu
Isin ilmaan Kootidha
Maalidhaaf wolnyaattuu

Muka kana Argituu
Dameen waan fakkaatuu
Akka muka kanaa
Ilmaan koo baayyatuu

Inni Tokko Dheeraa
Kaanimoo gabaabaa
Baay'ees hin dheeratu
Xiqqoo bira Darbaa

Namoota Baay'eetu
Dhaabbatee ilaalaa
Lakkooftee hin fixxu
Miliyoona Caalaa

Dhiiraa Fi Dubaraa
Daa'imaaf maanguddoo
Walitti dhiyoodhaa
Hin mullatu Iddoon

Jedhee jaarsi tokko
Osoonni dubbatuu
Lafa bariin geenyaan
Simbirri Iyyituu

Bara moo bariidha
Kan natti mullatuu
Baay'eesaa bareeda
Abjuu hin Fakkaatuu

➪@Musaab_Naasir🌟
➪@Musaab_Naasir🌟