ቋሚ ኮሚቴው የደሴን ሪጅን የስራ እንቅስቃሴ ጎበኘ

በተወካዮች ምክር ቤት የመንግሥት ልማት ድርጅቶች ጉዳዮች ቋሚ ኮሚቴ የደሴን ሪጅን የስራ እንቅስቃሴ በመጎብኘት የሪጅኑ አመራርና ሠራተኞች ህዝቡን ለማገልገል ከአሰተዳደር አካላት ጋር ተቀራርቦ ለመሥራት ላደረገው ጥረት ምስጋና አቅርቦላቸዋል፡፡

የቋሚ ኮሚቴ አባላቱ ከጉብኝቱ ባሻገር ከሪጅኑ አመራርና ሠራተኞች ጋር መምከራቸውን የሪጅኑ ዳይሬክተር አቶ ኃብቱ አበበ ተናግረዋል፡፡

በውይይቱ ወቅት የሪጅኑ ሠራተኞች ለሕዝብ ውጤታማ አገልግሎት እንዳይሠጡ ለደሴ ከተማ አገልግሎት እየሰጠ ያለው ባለ66 ኪቮአ የኃይል ማከፋፈያ ጣቢያ መሙላት እየፈተናቸው መሆኑን ተናግረዋል፡፡

ሠራተኞቹ ቃል ተገብቶ የነበረው በምዕራብ ወሎ አቃስታ ላይ ሊገነቡ የነበሩት ሦስት የኃይል ማከፋፈያ ጣቢያዎች አለመጀመራቸው በሠራተኞች እንደጥያቄ ለቋሚ ኮሚቴው ቀርቧል ሲሉ አቶ ኃብቱ አስታውቀዋል፡፡

በውይይቱ የቂጣ የኃይል ማከፋፈያ ጣቢያ ግንባታ በወቅቱ አለመጠናቀቁ ያልተቆራረጠና ጥራት ያለው የኤሌክትሪክ አገልግሎት ለመስጠት አዳጋች እንዳደረገባቸው ለቋሚ ኮሚቴ አባላቱ መግለጻቸውን ዳይሬክትሩ ገልፀዋል፡፡

የቋሚ ኮሚቴ አባላቱ ከኢትዮጵያ ኤሌክትሪክ ኃይል እና ከሚመለከታቸው ባለድርሻ አካላት ጋር በመነጋገር የኃይል ማከፋፈያ ጣቢያዎችን ለመግንባትና ለማጠናቀቅ እንደሚሠሩ ቃል መግባታቸውን ከዳይሬክተሩ ጨምረው ገልፀዋል፡፡

ሪጅኑ ከባለድርሻ አካላት ጋር የሚያድርገው የተሳለጠ ግንኙነት እና የደንበኞን ቅሬታ ፈጥኖ ለመመለስ የሚያደርገው ጥረት የሚበረታታና የሚመሰገን በመሆኑ በዚሁ መቀጠል እንዳለበት የቋሚ ኮሚቴ አባላቱ አስተያየታቸውን ሰጥተዋል፡፡