ኢትዮ ጥቅሳ ጥቅስ

Which Unlocks The World Secrets?¿😐

"ፈጣሪ የት ነው..?"
       (ሩሚ)

የክርስቲያን መስቀል ላይ ልፈልገው ሞከርኩኝ ነገር ግን ከዛ የለም! የሒንዱስ ጥንታዊ ቤተ-መቅደስ ፓጎዳ ጎራ አልኩኝ ቢሆንም ዱካውን የትም ላገኘው አልቻልኩኝም!

ከተራራው እና ከሸለቆው አሰስኩት ግን በከፍታም፣ በዝቅታም ለማግኘት አልተቻለኝም! መካ ውስጥ ካዕባም ተጓዝኩኝ በተመሳሳይ እዛም ቢሆን የለም!

ጠበብቶች እና ፈላስፎችን ጠየኩኝ ዳሩ ግን እሱ (ፈጣሪ) ከመረዳታቸው በላይ ነው!

በመጨረሻ ከልቤ ስፍራ ማተርኩኝ፣ ማረፊያውን ያፀናው እዛ ነው፤ አየሁትም! እናም ሊገኝ ሚችልበት ሌላ ቦታ የለም!

Philosopy gora

SHARE||@ethio_tksa_tks

#repost
🤔እረስቼዋለሁ‼

#አንድ ሴት ወደ አንድ መንፈሳዊ አባት ዘንድ ቀርባ "እግዚአብሔር ሁሌም ያናግረኛል" ትላቸዋለች። በሴትዮዋ ሁኔታ ግራ የተጋቡት እኚህ አባትም በሁኔታው ተበሳጭተው ጥለዋት ይሄዳሉ።

ከዚያን ቀን በኋላ እቺ ሴት እየደጋገመች በመምጣት "እግዚአብሔር ማታ ማታ እየመጣ ያናግረኛል" ትላቸዋለች። በሴትየዋ ጭቅጭቅ የተሰላቹት እኚህ አባትም እንደለመደችው አንድ ቀን መጥታ ስታናግራቸው እንዲህ አሏት ....

"እውነት አንቺን እለት እለት እየመጣ ፈጣሪ የሚያናግርሽ ከሆነ አምንሽ ዘንድ ሁለት የቤት ሥራ ልስጥሽ" አሏት ትኩር ብለው እየተመለከቷት!

ሴትዮዋም የሚሏትን ሁሉ ለማድረግ ቃል ገባች! ፡

እኚህ አባትም ከዚች ሴት ጭቅጭቅ ይገላግለኛል ያሉትን ጥያቄ አቀረቡላት እንዲህ በማለት "እውነት አንቺን እግዚአብሔር የሚያናግርሽ ከሆነ እስቲ ዛሬ ማታ ሁለት ጥያቄ ጠይቂልኝ" አሏት።

ሴትየዋም በእርጋታ "ምን ልጠይቅልዎ አባቴ?" አለቻቸው።

አባትም ጥያቄያቸውን እንዲህ ሲሉ ቀጠሉ አንደኛው የቤት ስራሽ "አንዲት ሴት ከእኔ ዘንድ በተደጋጋሚ እየመጣች አንድ በጣም ህመም የሆነባትን ችግሯን እያነባች እየነገረቺኝ ትሄዳለች። እኔም ይሄ ችግሯ ይወገድላት ዘንድ እየጸለይሁላት ነው፡፡ እስቲ እውነት ፈጣሪ ካንቺ ጋር የሚያወራ ከሆነ ይህቺ ሴት ለኔ አንብታ የነገረቺኝ ችግሯ ምን እንደሆነ ጠይቂልኝ አሏት፡፡

ሁለተኛው የቤት ስራሽ "ለረጅም አመት ልተወው ያልቻልኩት የዛሬ ወር ገደማ ግን ንስሀ ገብቼ የተውኩት አንድ ከኃጢያት እሰራ ነበር። ያ በፊት እሰራው የነበረ አሁን ግን ንሰሀ ገብቼ የተውኩት ኃጢያት ምን እንደነበረ ጠይቀሽ ንገሪኝ። እነዚህ ሁለቱን ጥያቄዎች በትክክል ከነገርሺኝ እውነትም ላንቺ እግዚአብሔር እንደሚናገር አምናለሁ" አሏት።

ሴትዬይቱም ወደ ቤቷ ሄደች።

አባት ተመልሳ እንደማትመጣ ገምተው ነበር። ዳሩ ግን በንጋታው ያቺ ሴት መጥታ አባን አስጠራቻቸው።

አባም ሴቲዮይቱን ሲያዩ በጣም ተገርመው ወደ እርሷ በመሄድ በፌዝ መልክ "እህስ ልጄ! ... እግዚአብሔርን የሴትቷን ችግር ምን እንደ ሆነና እኔም እግዚአብሔርን ንስሀ ገብቼ ያቆምኩት ኃጢያት ምን እንደነበር ጠየቅሺው?" አሏት ሳቅ እያሉ፤

"አዎን አባ" አለቻቸው ሴትየዋ አንገቷን እንዳቀረቀረች ...

"እህሳ ምን አለሽ?" አሏት አባ በመጓጓት ...

"የሴቷ ችግርና ጭንቀት ልጅ መውለድ አለመቻሏ ሲሆን የእርስዎን ግን እረስቼዋለሁ አለኝ" አለቻቸው፡፡

እኚህ መንፈሳዊ አባት ባልገመቱት ሁኔታ እውነተኛውን የልጅቷን ጭንቀት ሲሰሙ እጅግ ደነገጡና ለእርሳቸው ኃጥያት የእግዚአብሔር ምላሽ ልባቸው ተነክቶ ስቅስቅ ብለው እያለቀሱ ወደ ደረታቸው አስጠግተው አቀፏት!

እ.. ረ .. ስ .. ቼ .. ዋ .. ለ .. ሁ ..!!

ሰው እንጂ ፈጣሪ ያለፈ ስህተትህን አያስብም ወይም እንደ ፍርድ ቤት የሰራሃውን ነገር ፋይል አድርጎ መዝገብ ቤት አያስቀምጠውም.... በቃ ወደ እርሱ በንስሃ ስትቀርብ ጥፋትህን ሙሉ ለሙሉ ይረሳዋል። ይቅርታዉ ትላንትን አያስብም። የሰው ልጅ ግን ሙሉ ይቅርታ የለውም። ዛሬ ምን ፍሪዳ አርዶ ቢታረቅህ፣ ምን በልቅሶ ታጅበህ እየተንፈራፈርክ ይቅር በለኝ ብትለው "ይቅር ብዬሀለሁ" ይልህና የሆነ ቀን ስታስቀይመው ይቅር ያለውን በደልህን እየቆጠረ ሲወቅስህ ይውላል! በአንድ ወቅት ያደረግከኝን የረሳሁት እንዳይመስልህ ይልሃል።

ፈጣሪ ግን ይቅር ካለህ በቃ ረሳው! ፍቅር ነዋ!

ታዲያ ስንቶቻችን እንሆን ፈጣሪን በኛ መጠን መትረን ንስሀ በገባንበት ኃጢያት ዘወትር የምናለቅስ? ስንቶቻችን እንሆን ፈጣሪ እንደኛ ቂመኛ መስሎን በፍቅር ያጠበውን ኃጢያታችንን እያስታወስን ዘወትር በፀፀት አለንጋ ራሳችንን የምንገርፍ? ... ይቅርታ ከመለመን እኮ ይቅር ማለት ይከብዳል! ምሬሀለሁ ከማለት ማረኝ እያሉ እግር ስር መደፋት አቤት በቀለለ!

 "ፈጣሪ ይቅርታን የሚጠይቅ አንደበት እና ይቅርታን የሚያደርግ ልብ ይስጠን!"
አሜን!🙏

#LIKE👍👍 እና
ለምትወዱት 10 ሰው ሼር አርጉት‼

❤መልካም ምሽት🙏

SHARE|

ታሪካችሁ ሲነገር እንዲህ እንዲባል አድርጉ እንዳቃታቸው እንዳልተሳካላቸው እንደወደቁ እንዳለቀሱ ሰዎች እንደተሳለቁባችው አልቀሩም ሁሉንም በድል አሸንፈዋል!💪👏👏👏

SHARE||@ethio_tksa_tks

በአለም ላይ ትልቁ ባለስልጣን እራሱን የሚቆጣጠር ነው

አህያው ዛፍ ስር ታስሮ ነበር። በአጋጣሚ ሰይጣን መጣና አህያውን ከታሰረበት ፈቶ ለቀቀው። አህያውም ወደ ማሳው እየሮጠ ገብቶ ሰብሉን ማውደም ጀመረ።

ይህን ያየችው የገበሬው ሚስት አህያውን በጥይት መታችው። የአህያው ባልተቤት ተበሳጨና የገበሬውን ሚስት ገደላት። ገበሬው መጣና ሲያይ ሚስቱ ሙታለች። ወዲያው አጸፋውን መለሰና የአህያው*ን ባለቤት ተኩሶ ገደለ*ው።

የአህያው ባልተቤት ሚስት ልጆቿን ጠራችና የገበሬውን ቤት እንዲያቃጥሉ አዘዘቻቸው። ልጆቹም አመሻሹ ላይ እናታቸው ያዘዘቻቸውን ለመፈጸም ገበሬውም በውስጥ ሲቃጠል እያሰቡ በደስታ ሄዱ። ወዲያውም ቤቱን አቃጥለው ተመለሱ። እንዳጋጣሚ በሚያሳዝን ሁኔታ ገበሬው እቤት አልነበረምና ተመልሶ መጥቶ የአህያ*ውን ባልተቤት ሚስትና ልጆቹን ገድሎ ተመለሰ።

ሲመለስ ግን ሰይጣንን መንገድ ላይ ያገኘዋል። ገበሬው ትንሺ ሰከን ሲል የሆነውን አስታውሶ ነበርና ሰይጣንን ይህ ሁሉ እንዴት ሊሆን እንደቻለ ይጠይቀዋል? ሰይጣንም እንዲህ አለ፦ እኔ ምንም አልሰራሁም። አህያው*ን ብቻ ነው የፈታሁት። ግን ሁላችሁም የውስጣችሁን ሰይጣን ፈታችሁት። ሁሉንም ነገር ያደረጋችሁት እራሳችሁ ናችሁ።

ሌላ ጊዜ ለምንም ነገር ምላሺ ከመስጠታችን ፣ ውሳኔወችን ከማሳለፋችን በፊት ለአፍታ ቆም ብለን ማሰብ ይኖርብናል። ብዙጊዜ ሰይጣን የሚያደርገው ውስጣችን ያለውን አህያ መልቀቅ ነው። "በአለም ላይ ትልቁ ባለስልጣን እራሱን የሚቆጣጠር ነው!"


SHARE||@ethio_tksa_tks

.........አንዳንድ ሞቶች ከሟች ነፍስ በላይ ቋሚን ይገላሉ። አንዳንድ ስብራቶች ካለመኖር በበለጠ መኖርን ያስፈራሉ።ካለፈ ይልቅ መጪውን ከሟች ይልቅ ቀባሪን ያስፈራሉ። ለሚወዱት ምንም አለማድረግ የቋሚ ሌላ ሞቱ ነው።........

ምርጡ ፊልም አይተህ የወደድከው ነው እንጂ ኦስካር የወሰደው አይደለም...


ምርጡ ሙዚቃ የልብህን ያ ዜመው ነው እንጂግራሚ ያሸነፈው አይደለም...


ምርጡ ምግብ ተርበህ ያገኘኸው ነው እንጂ ጣፍጦህ የበላኸው አይደለም... 





ምርጡ ስጦታ ድንገት የመጣው ነው እንጂ ውድ ያወጣው አይደለም... 


ምርጡ ጓደኛህ ያልነገርከውን የሚሰማው ነው እንጂ እስክትነግረው የሚጠብቀው አይደለም... 

ምርጡ ጊዜ አሁን ነው እንጂ የሚመጣው አይደለም... 


ምርጡ ሃብት ፍቅር ነው እንጂ ገንዘብህ አይደለም... 


ምርጡ መንገድ የማትጋፋበት ነው እንጂ አስፓልት አይደለም... 


ምርጡ ስልጣን ራስን መግራት ነው እንጂ ሌላውን መግዛት አይደለም... 


ምርጡ እውቀት ራስን ማወቅ ነው እንጂያጠኑትን ማስታወስ አይደለም... 


ምርጡ ሰው ራሱን የሆነው ነው እንጂ መንጋው የከበበው አይደለም...


ምርጡ ባለውለታህ አቅምህን ያሳየህ ነው እንጂ ጥሪት ያኖረልህ አይደለም...

~

እና ደግሞ...

__

ምርጥነት ለሌሎች እንደሚታየው አይደለም... ለራስ እንደሚሰማው እንጂ...

SHARE ||@ethio_tksa_tks

በተሳፋሪዎች የተሞላዉ አዉቶብስ ጉዞ ላይ ነዉ ወዲያዉ የአካባቢዉ የአየር ሁኔታ ተቀያየረና አስፈሪ የነጎድጓድ ድምፅ የመብረቅ ብልጭታ መታየት ጀመረ፡፡
ተሳፋሪዎቹ አዉቶብሱ ከአሁን አሁን በመብረቅ ተመታ እያሉ መጨነቅ ጀመሩ መብረቁ ግን መኪናዉን እያለፈ ይወድቅ ነበር፡፡
እንዲህ አይነቱ አጋጣሚ ሁለት ሶስቴ እንደቀጠለ ሾፌሩ አዉቶብሱን ከአንድ ዛፍ ሃምሳ ጫማ ርቀት ሲቀረዉ አቆመና ተሳፋሪወቹን "ከእናንተ መሃል ዛሬ መሞቱ ግዴታ የሆነ ሰዉ አለ ከአሁን በኋላ አብሮን ከተጓዘ በእሱ ምክንያት ሌሎቻችንም አብረን ልንጠፋ እንችላለን።
ስለዚህ ሁላችሁም በየተራ እየወጣችሁ ያንን ዛፍ እየነካችሁ እንድትመለሱ እፈልጋለሁ መሞት ያለበት ሰዉ ካለም ዛፉን የነካ ጊዜ በመብረቅ ይመታል ሌሎቻችን ግን እንተርፍለን ማለት ነዉ!!" አለ ሁሉም የመጀመሪያዉን ተሳፋሪ ሄዶ ዛፍን እንዲነካ መጎትጎት ጀመሩ እሱም እየጨነቀዉና በፍርሃት ተዉጦ ሄዶ ዛፍን ነክቶ በሰላም ተመለሰ ምንም ሳይሆን በመመለሱም ልቡ በደስታ ጮቤ ረገጠች፡፡ መጨረሻ ላይ የነበረዉ ተሣፋሪ ተራ እንደደረሰ ሁሉም ሟቹ እሱ እንደሆነ በማሰብ ዐይኑን እያዩት እንዲሄድ ገፋፉት እሱም በመሞት ፍራቻ ተዉጦ ከአዉቶብሱ ወረደ። ከዛፉ ደርሶ እንደነካዉም ኃይለኛ ድምፅ ተሠማ አስፈሪ የመብረቅ ብልጭታም ሆነ...
መብረቁ ግን የመታዉ አዉቶብሱን ነበር። ውስጡ የነበሩት ተሳፋሪዎችም ሞቱ፡፡ እነዚያ ቀደም ብሎ አዉቶብሱን ያለፉት አደጋዎች ሁሉ ያለፉትም ለመጨረሻዉ ተሣፋሪ ንጽህና ነበር፡፡

SHARE ||@ethio_tksa_tks

እስቲ 2024 ለመጨረሻ ጊዜ በ Reaction እንሰናበተው 😊

Happy New Year 🥳🥳

last day of 2024