"መንግሥት ወደ ዩኒቨርሲቲ የሚገባውን ተማሪ ቁጥር ሆን ብሎ የመቀነስ ምንም ፍላጎት የለውም።"

-የትምህርት ሚኒስትር ብርሃኑ ነጋ (ፕ/ር)

መንግሥት በትምህርት ዘርፍ እየወሰዳቸው ስላሉ ማሻሻያዎችና የ12ኛ ክፍል ፈተና ውጤትን አስመልክተው የትምህርት ሚኒስትሩ ብርሃኑ ነጋ (ፕ/ር) ከብሔራዊ ቴሌቪዥን ጣቢያው ጋር ቆይታ አድርገዋል።

መንግሥት ወደ ዩኒቨርሲቲ የሚገባውን ተማሪ ቁጥር ሆን ብሎ የመቀነስ ምንም ፍላጎት እንደሌለው ሚኒስትሩ ተናግረዋል።

"ችሎታ ያላቸው ተማሪዎች ወደ ዩኒቨርሲቲዎች እንዲገቡ ነው የሚጠበቀው" ያሉት ሚኒስትሩ፤ በዩኒቨርሲቲ ደረጃ መማር የሚችሉ ወጣቶችን ለማፍራት እየተሠራ ነው ብለዋል።

ዩኒቨርሲቲ ለመግባት የሚያስችል አቅም የሌላቸው ተማሪዎች ህብረተሰቡን በማገልገል ራሳቸው የሚጠቀሙባቸው ሌሎች ሥራዎች ላይ የሚሰማሩበት ዕድል መኖሩን ጠቁመዋል። በዚህም የTVET ተቋማትን በማስፋፋት ወጣቶቹ የሚያስፈልጋቸውን ክህሎት እንዲያገኙ የሚደረግ መሆኑን ገልጸዋል።

"በጣም የተወሳሰበና በዕውቀት ላይ የተመሰረተ ዓለም እየተፈጠረ ነው" ያሉት ሚኒስትሩ፤ "ብዙ የተማሩና ብዙ ክህሎት ያላቸው ወጣቶች ቢኖሩ የመንግሥት ፍላጎት ነው" ብለዋል።

"ተማሪዎች እንዲያልፉ ነው የምንፈልገው። ተማሪዎች በመውደቃቸው የሚገኝ ምንም ጥቅም የለም። እየሆነ ያለው ያሳዝናል። ነገር ግን የሰጠናቸው ፈተናዎች ያለብንን የትምህርት ጥራት ጉድለት፣ የበሽታችንን ጥግ አሳይተውናል።"

https://t.me/grade12_results
https://t.me/grade12_results
https://t.me/grade12_results