•
በቃን

#ገጣሚ Samuel የገኒ ልጅ (ብሩኬ)

በልተነስ አንበሳው
ቤትህን ደፈሩት
የታገስክ እንደሆን
ከፍራት ቆጠሩት
በቃኝ በል አታንባ
ተጭኖብህ ዝግባ
በደጃፍ ከመሞት
ታግለህ ካፈር ግባ
ነፍጥህን ከፍ አርገው
እንዲታይ ከሩቁ
ስምህ ለጠፋቸው
ጀግና መሆንህን አይተውት ይወቁ
ነገር የከፋ ለት ግማሽ ስጋህ ጎሎ
ውሎ አይሰጥለት ከመጣብህ ምሎ
መመለስ አይኖርም መቀመጥ ዝምብሎ
ሸኘው በመጣበት ይበቃኛል እስኪል
ነገም እንደትናንት
ከድንበርህ ገብቶ ገድያለው ከሚል
ታግል ጎበዜዋ ያታግላል በደል
አሳደህ አስገባው ጨምረው ከገደል
ግፍ እየበዛበት ፍርድ የታጣ ለታ
እምቢኝ ያለ እንደሆን ከታጠቀ አይፈታ
ስበርና ውጣ ጠላት ካጠመደው
ልክ ልኩን ስጠው ክብር ላልወደደው
ታሪክህ ታላቅ ነው ያሚያወሳው ሀገር
ቆርጠህ ከተነሳህ ክንድህ አይበገር
እምቢ በል ያገር ሰው ትግሉን አሳምረው
እምቢ ያለ ሰው ነው ተከብሮ ሚኖረው
ጀምርው ዳርዳሩን ዝለቅ ወደ መሃል
ከቶ ከዚ በላይ ምን ይመጣብሃል
ሴረኛው ተኩላ
ጨርሶ ሊበላህ ጥላ እጥልቶብሃል
መክት በአንድነት
ክብርህ በውሾች ተረግጦ እንዳይጣል
ታገል ለነፃነት ትግል ነፃ ያወጣል

✍@Lanchisel

°
°
JOIN US👇👇
@getem_besamuel
@getem_besamuel