✞ በኤፍራታ ምድር

በኤፍራታ ምድር በቤተልሔም/2/
ጌታ ተወለደ ከድንግል ማርያም/2/
ብርሐናዊው ኮከብ ከሠማይ ዝቅ አለ/2/
ፍጥረትም ዘመረ ሀሌሉያ እያለ/2/
 
መንጋውን በለሊት ሲጠብቁ እረኞች
ከሰማይም ሠሙ ታላቅ የምስራች
በመላዕክት ግርማ ምድር ስታበራ
የሚያስጨንቅ ነበር እጅግ የሚያስፈራ

አዝ___

ድንገትም በሠማይ ሠራዊት ተገልጠው
በአንድነት ዘመሩ ከኖሎት ጋር ሆነው
ክብር ለእግዚአብሔር በአርያም ብለው
ሠላምም በምድር በጎ ፈቃድ ለሠው

አዝ___

ቤተልሔም ሄደው ጌታን ተሣለሙት
ከእናቱ ጋር ሆነው በግርግም አገኙት
የመላዕክትን ዜማ እረኞች አወሩ
በልዩ ምስጋና አምላክን ሲያከብሩ

አዝ___

በመዝሙርም ቢሆን ፍስሐ ደስታ
በዳዊት ከተማ ተወለደ  ጌታ
ህፃን ከእናቱ ጋር በግርግም ፈለጉት
እርሱ ነው ለሠዎች የድህነት ምልክት

@mahberemedhaniyalem
@mahberemedhaniyalem
@mahberemedhaniyalem
         ።።።🙏🙏🙏።።