✧ የመላእክት አለቃ ✧

የመላእክት አለቃ ገብርኤልን ላከው
ኃያሉ እግዚአብሔር በሰማያት ያለው
የባህሪይ ልጄ ወዳንቺ ይመጣል
ብለህ ለጽዮን ልጅ ንገራት ለድንግል

ኃይለ ልዑል ወልድም ሥጋሽን ይለብሳል
በተለየ አካሉ ወዳንቺ ይመጣል
ከሥጋሽም ሥጋን ከነፍስሽም ነፍስ
ነስቶ ይዋሃዳል በግዕዘ ሕፃናት ካንቺ ይወለዳል

✥•┈┈•●◉አዝ◉●•┈┈•✥

ደንቆሮ ሊሰማ ዲዶች ሊናገሩ
በጌታ ተአምራት እውራን ሊበሩ
ሙታን ይነሱ ዘንድ በማሕፀንሽ ፍሬ
ከእግዚአብሔር ወዳንቺ ተልኬአለው ዛሬ

✥•┈┈•●◉አዝ◉●•┈┈•✥

ደስ አሰኛት አለው በልዩ ሰላምታ
ሐሴት እንድታደርግ ምስራቹን ሰምታ
ድዳ እንዳደረከው ካህን ዘካርያስ
እንዳታሳዝናት ከእርሷጋር ስትደርስ

✥•┈┈•●◉አዝ◉●•┈┈•✥

ገብርኤል በደስታ ምስራቹን ይዞ
ከሰማይ ወረደ በአምላኩ ታዞ
በሊባኖስ መንደር እስኪሰማ ድረስ
ክንፉን እያማታ መጣ ሲገሰግስ

✥•┈┈•●◉አዝ◉●•┈┈•✥

ደስ ይበልሽ አላት እየተሳለማት
ሐርን ከወርቅ ጋር ስትፈትል አግኝቷት
እውነተኛው ንጉሥ ካንቺ ይወለዳል
ላንቺ ፍቅርና አንድነት ይገባል

👉ሊቀ መዘምራን ይልማ ኃይሉ

 ✥•┈•●◉༒ ናሁ ሰማን-ዜማ ༒◉●•┈•✥
╭━─━─━─≪✠≫─━─━─━╮
    ✞ @Nahuseman256✞
    ✞ @Nahuseman256 ✞        
╰━─━─━─≪✠≫─━─━─━╯