የኔ መሃሪ ሁሉን መርሻዬ
እንደ ሕልም አልፏል
ትላንትናዬ ባንተ ጌታዬ

አዳፋው ልብሴ ከነፃ
ከእዳ ከፈታኝ በነፃ
ለፅድቁ ባርያ ሆኛለው
ሳገለግለው እኖራለሁ

የእንባ ዘለላን ያቀፈው
አይኔም እልልታ ተረፈው
ደልዳዩ መዳፍ ደርሶልኝ
ተራራው ሜዳ ሆነልኝ

አይኖቼን ከጉድ ጋርዶልኝ
ክንዶቼን በጁ ይዞልኝ
ከእግሬ በታች ነው ወጀቡ
አሁን ታይቶኛል ወደቡ

ሰላም ይነፍሳል ዙሪያዬ
እረፍት ሆኖልኝ ጌታዬ
የባረከኝን ባርኬ
ተለወጠልኝ ታሪኬ

ብርሃንህ ገፏል ድቅድቁን
በልቤ ተክሏል ሰንደቁን
ተቆጣጥሮኛል መውደዱ
መንገዴ ሆኖአል መንገዱ

ያበቃው ነገር ቀጥሏል
ጭንቄ በሞቱ ተሰቅሏል
የኢየሱስ ሁኝዔ ምን አጣው
ሁሉን በስሙ ተወጣሁ

እንደኔ ማንን ታግሷል
ይቅርታ ፍቅሩን አልብሷል
ማይገባኝን አድርጎ
ያሳለፈኝን ሸሽጎ

መልካም ነው ለኔስ መልካም
ፀጋው ያገዘኝ ስደክም
ሞትኩኝ ስል ምህረት ደርቦ
አቆመኝ በሕይወት አስውቦ

ዘማሪ የአብቃል ደሳለኝ