የሰለሞን ናፍቆት
ሰለሞን ደሬሳ ካረፈ እንደ ቀልድ አመታት ተቆጠሩ ስለ ሰለሞን ምን? ይባላል ምንም ሰለሞን ግዙፍ ነው። አስታውሳለሁ ያረፈ ጊዜ ወዳጄ ዶክተር በድሉ ዋቅጅራ እንዲህ ብሎ ነበር “ሰሎሞን ደሬሳ ባለቅኔም፣ ገጣሚም አይደለም፤ ወለልቱ ነው፡፡ የወለልቱ ነፍስ ፈጣን ናት - ካማጠችው ሀሳብ በላይ የምጥ ስሜቷን ለማጋት የምትተኮስ፡፡ ወለሎ የሚገጠም ወይ የሚቃና - በይሁነኝ የሚከረከም አይደለም፤ የሚጠለቅ - የሚቀዳ ነው፡፡ መጥለቅ ደግሞ ከይሁነኝ ለስሜት ይቀርባል፡፡” እውነቱን ነው የሰለሞንን ጥልቅነት ለመረዳት ግጥሙን ማንበበ በቂ ነው። ለዛሬ ሰቅዞ የያዘኝን ከዘበትል ፊቱ አንድ ነጠላ ግጥም እንዳስሳለን ግጥሙ “ስጠብቅሽ ቀርተሽ” ይሰኛል።
በዚህ ግጥም ብቻ ነፍስ ያለው በርካታ ጽንሰ ሃሳብ እናገኛለን እንደ ብርሃን ብልጭ ከሚለው የናፍቆት ስሜት አንስቶ እንደ ጀምበር እስከሚርቀው ናፍቆት በፈካ ውበት ታጅሎ እዝራ እንደሚለው ተናዳፊ ሆኖ ግጥሙ ቀርቡዋል። “ በየማህሌቱ /በየመስጊዱ / በየኢሬፈቻው ጥላ/ ስጠብቅሽ አንጀቴ ደቂቃውን እየበላ/ ጠይም ነበርሽ የጠይም ማለቂያ/ ” ጥርሶችሽ የንጣት መለኪያ [ገፅ፥ 56] በሶስት ቦታ ጠበቃት ሲጠብቃት ጨርቅ ህላዌው ነተበ ይህ የወለሎት አንጉዋ የኢምራን ሻኪን አንድ ግጥም ያስታውሰናል ግጥሙ በአማርኛ ይዘቱ ይሄ ነው። ባትቀር ባትቀር/ ነፍሱዋ የፍቅር ወይን ነበር። ማግባትሽን ከሰው ሰምቼ/ ከ ናት መወለዴን ጨርሼ ረስቼ/ ከሰውነት ርቄ ጭራሽ ተበትኜ/ መልህቄን ለቅቄ በጽልመት ተውጬ/ የፈላ ወርቅ ለጠበል መጣሁኝ/ ክብደቴ ተሰምቱዋት መሬት እንድትውጠኝ [ገፅ፥ 56] ታዋቂው ተዋናይ ካርል ክሪስቲያን ፍሎረስ “How many more days will you wait for that clink--That you'll cross her mind and she'll finally see? People don't think of people as much as we think, But we think of people, so which people are we?” "ስንት ቀን ትጠብቃለህ ያን ድምጽ--ወደ አእምሮዋ ትመጣለህ? በመጨረሻም ታያለች?ሰዎች የምናስበውን ያህል ሰዎችን አያስቡም፣ እኛ ግን ሰዎችን እናስባለን፤ ታዲያ እኛ የትኞቹ ሰዎች ነን?" የጥሩሱዋ ውበት ከናፍቆቱ አይገዝፍም በአንጻሩ ናፍቆቱዋ የሱን ህልውና ከ ጨለማ ያቀላቅለዋል።
ከቆሰለ ልቤ በሱዋ ስሰናበት/ ማእበሉን ቁዋጥኙን ተመስገን እንዳልኩት/ ለጋስ አካላቱዋን ከልቤ እንዳቀፍኩት/ ለሎማንዲ ባህር ድፊት ሰገድኩለት [ገፅ፥ 57] ይህን ግጥም ፓሪስ የተጻፈ ነው። ምን አልባት ግጥሙን በደንብ ያነበበ እንደሚረዳው በዚህ ግጥም የተቀረጸው ናፍቆት ሎማንዲ ባህር ይገዝፋል። በአራእንድ ቢ ዘፈኑ የሚታወቀው ኦሊ You & I በሚለው ሙዚቃ ያለው ነገር ትዝ እነዛ ቀናት ይናፍቁኛል ይህ ስሜት ወደ ጥልቅ ያሰርጠኛል። ኦ ሰለሞን