╔═══════════════╗
የረሱል ኒካህ ዕለት
══════════════

የሙሽሪት እና የሙሽራው አጎቶች ተሰባስበው ወጉን ሊጀምሩ እርስ በርስ እየተያዩ ነው። የሙሽራው አጎት የሆነው አቡ ጣሊብ ከመሐል ብድግ ብሎ ቆመ።
ስፍራው ላይ የታደሙት ሰዎች አቡ ጣሊብ ለመናገር እንደቆመ ሲረዱ ፅሞናን አሰፈሩ። አቡ ጣሊብም ንግግር ጀመረ፦ "የኢብራሂም ዝርያዎች እና የኢስማዒል ፍሬዎች ያደረገን ጌታ የክብርነት ቤቱ ጠባቂያዎች እና የጎብኚዎቹም ተቀባይ ስላደረገን ጌታችንን እናመሰግናለን። በመቀጠል ይህ የወንድሜ ልጅ ምንም እንኳ ደሃ ቢሆንም ከመካ ቁረይሽ ወጣቶች ብታነፃፅሩት ብጤ የሌለው ሲሆን በልግስናም፣ በትህትናም፣ በክብርም ማንም አይስተካከለውም። ባለ ፀጋነት እንደሆን የቀን ጥላ ማታ ጠፊ ነው። ልጃችን ልጃችሁን የከጀለ ሲሆን ልጃችሁም ልጃችንን ከጅላለች እና የሻችሁን የመህር ተመን ወስኑ ከፋዩ እኔ ነኝ" ብሎ የሽምግልና ሂደቱን አስጀመረ።

የሙሽሪት አጎት እሷን ወክሎ ሊድራት ከተሰየመበት መንበር ተቀምጦ እንዲህ አለ፦ "ባወሳኋቸው ፀጋዎች ሁላ ለጌታችን ምስጋና ይገባው። የመላው አረብ በላጮች ስላደረገንም እያመሰገንን እናንተም በኑ ሀሺሞች የዐረብ ሁላ ቁንጮ መሆናችሁን እንመሰክራለን። እኛም ከናንተ በሚያስተሳስረን የዝምድና ገመድ ለመተሳሰር ከጅለናል" ብሎ ሽምግልናውን ተቀበለ።
ንግግሩን ቀጠለ። በስፍራው ወደታደሙ የቁረይሽ ነገዶች ፊቱን አዙሮም፦ "እናንተ የቁረይሽ ነገዶች ሆይ! እኔ ኸዲጃ ኹወይሊድን ለሙሐመድ ዐብዱላህ የዳርኩ ስሆን እናንተም ምስክር ሁኑ" ብሎ ለኸዲጃ የአለማቱን ክብረት ሸለማት።

ይኼኛው የረሱል (صلى الله عليه وسلم) ሰርግ ቢያመልጠንም ነገ በአኪራ በጀነት እልፍኞች ውስጥ የሚደገሰውን ሰርጋቸውን በክብር እንድናጅባቸው አላህ ይወፍቀን።

═════════════════
ይህ የዩቱዩብ ፔጄ ነው ሰብስክራይብ አድርገው የጀግኖችን ታሪክ ይከታተሉ
👇👇
https://youtube.com/channel/UCPgxFIQ_qZ2XHM1di_y_xoA

ይህ ደግሞ የቴሌግራም አካውንታችን ነው
👇👇👇
http://t.me/sehkaliderashid
═════════════════
ለሌሎችም ሼር በማድረግ ተደራሽነቱን እናስፋ
╔═══════════════╗
Like ☑ Comment ☑ Share ☑
ኢኽላስ - ታማኝነት - ትጋት - ስኬት
╚═══════════════╝