❤ የፍቅር ግጥም🌹

♦️ምክር ለወዳጅ

📍ወዳጄ ሆይ !

አዲስ ግኝት የመሰለህ እውቀት ከራስህ የመነጨ ሳይሆን ፈጣሪ ከሰጠህ አእምሮና አብርሆት የተገኘ ነው ። እውቀትን የጣለ እምነት ፣ እምነትን የጣለ እውቀት አይኑርህ ። እውቀት የሌለው እምነት ራስን ማደንቆር ነው ። የሚታወቅ ነገር ሳለ ፣ ማወቂያ መሣሪያው አእምሮ ከተሰጠህ የማወቅ ግዳጅ አለብህ ። ሰውን ሰው የሚያደርገው በእውቀት የተፈጠረና በእምነት የሚያድግ መሆኑ ነው ። እምነት የሌለው እውቀት ግን ማለስለሻ እንደሌለው ተሽከርካሪ እርስ በርሱ የሚፋጭ ፣ ድምፁ የሚረብሽ ፣ ዕድሜው የሚያጥር ነው ።

📍ወዳጄ ሆይ !

እኔ እንጂ እነርሱ ምን አለባቸው ? አትበል ። ብዙ ባለበት ዓለም ምንም የሌለበት ፍጡር የለም ። ሕፃናትም በረሀብ ፣ ልጆችም በበሽታ ይሰቃያሉ ። እንስሳትም በሰው የመጣውን ሐሣር ይካፈላሉ ። አንተ ስላለህ ሁሉ ያለው አይምሰልህ ። አንተ ስላጣህም ሁሉ ያጣ ሁኖ አይሰማህ  ፣ ብርታት ሌላውን ከማበርታት ይገኛል ። ሌላውን ስታበረታ አንተም በርትተህ ትገኛለህ ።

📍ወዳጄ ሆይ

ሰዎችን የምታሸንፋቸው በፍቅር ፣ የሚያሸንፉህ በክብር ነው ። እውነተኛ ፍቅር መስጠት ካልቻልህ በሽንገላ ራስህን ማድከም ፣ ትዝብት ላይ መውደቅ አያስፈልግህም። የጎላ ታይታ መውደድ ወደ ብዙ መሰወር ይለወጣል ። “እዩኝ ፣ እዩኝ ያለ ገላ ፣ ደብቁኝ ደብቁኝ ይላል” እንዲሉ ፣ ጓዳህን ለሁሉ አታሳይ፣ ምሥጢርህን በአደባባይ አትግለጥ። ክብር በትግል አይገኝም ፣ መፈራትም እውነተኛ ክብርን አያመጣም።

📍ወዳጄ ሆይ

ከፍታህን ከፍ ባለ ቃል ሳይሆን ከፍ ባለ ኑሮ ግለጠው። ሕያው መንፈስ አለህና በቁሳቁስ አትመካ፣ የሰው ንብረት አትቀማ! ሰውን ወልዶና ተዋልዶ ኑሮውን ከመሰረተበት መሬት አትንቀል፤ አታፈናቅል። እንጀራው ለሁሉ እንዲበቃ አድርገህ አስፋው! ለዚህ ፍቅር ያስፈልግሃል ፣ ይህ የሚቻለው ፍቅር ሲኖር ብቻ ነውና፣ ልብህ ለሰው ልጅ ሁሉ በፍቅር እንዲሞላ ይሁን።

📍ወዳጄ ሆይ

የሆነው መሆን ስላለበት ነው ። ፍርሃት የታዘዘን ነገር ከመምጣት አያድነውም ። በፈቃድህ ወደ እዚህች ዓለም ምንም ነገር አላመጣህምና ፣ እንዴት ይህ ይደርስብኛል? አትበል። የቀለጠ ወርቅ ጌጣጌጥ እንደሚይሆን የተጠረበ ድንጋይ ሐውልት እንደሚይሆን ሁሉ ፣ እንተም በብዙ ችግሮች ውጣ ውረዶች ባለፍክ ቁጥር አንተነትህ እያደገ መሆኑን አትርሳ !

🔺ታዲያ ወዳጄ፦

ቅን ልብ የጨለማ ዘመን መብራት ነውና ቅንነት ይኑርህ ። ማስተዋል የሌለበትን ዓይናማነትን አትውደደው ። ሰውን በፍቅር እንጂ በኃይል አትሳበው ፣ የሚያደምጡህን አድምጣቸው ። ራስህ የሠራኸውን ራስህ እንዳታፈርሰው ሥራህን በችኩልነት አትፈጽም ፣ ትዕግሥት የጎደለው ቤት በተገነባ ቁጥር መፍረሱ ይፈጥናል ። የረዳሃቸው ሌሎችን ሲረዱ ለማየት ናፍቆት ይደርብህ፣ የሰው ሰውነቱ መታያው ልቡናው ዉስጥ በሰነቀው ቅንነት ነውና፣ በሽተኛን ከሚፈውስ ባለ ስጦታ ፣ የተከዘን ልብ የሚያጽናና ወዳጅ ይበልጣል።

               ውብ አሁን

https://t.me/yafekerbet

💡በየትኘውም የህይወት መንገድህ መልካም ስብዕናን አየዘራህ ስትጓዝ ባታይውም ለሌሎች ፍካት ሆኖ ይቆያል ።ደግነትህ ለብዙዎች የዕድሜ ማራዘሚያ ሰበብ ስለሆነ እንዳይከስም ጠብቀው። ለጋስ በመሆንህ በምላሹ ከሌሎች ምንም ነገር አትጠብቅ። የጊዜ ጉዳይ ቢሆን እንጂ መልካም ነገር ሁሌም ከፈጣሪህ በጎ ምላሽ አለው።

📍ህሊናህ ይረካ ዘንድ ከመቀበል ይልቅ ሰጪ ሁን። በምግባርህ ፈጣሪህን ለማስደሰት ሁሌም ጥረት አድርግ። እርሱ ከወደደህ ደስታ በእጅህ ትገባለች። በመልካም ስነ ምግባር ሽቶ የተርከፈከፈ ስብዕና ከመሬት በታች አፈር ለብሶ እንኳ መዓዛው ያውዳል።

💡አስተሳስብህ ካለባበስህ የበለጠ ሲያምር መልካምነትህ ከምትቀባው ሽቶ የበለጠ ሲያውድ ስነምግባርህ ከመልክህ የበለጠ ሲያምር የዝነጣ ጣሪያ ላይ ደርሰሀል ማለት ነው። ላመነን ሰው መታመን ከህሊና ወቀሳ መዳን ነው። ማንን እንደምታገኝ አታውቅምና ለሁሉም ሰው ቅን ሁን፡፡ በህይወታችን የምናሰፍራቸው ነጥቦች ሁሉ በኋላ ላይ ተያይዘው መስመር መስራታቸው አይቀርም።

        ውብ ምሽት❤️

https://t.me/yafekerbet

በሂሳብ አታፈቅሪም!
      
በሰውነት ውስጥ የመውደድ፣ የማፍቀር፣ የመወዳጀት ፀጋ አብሮ ተሰቶናል። ነገር ግን አስበን፣ አውጥተን፣ አውርደን፣ አገናዝበን፣ ተገንዝበን አንወድም። አንዳንዴ ስላንተ አስባ የማታውቅን ሴት ከልብህ አፍቅረህ፣ መናገር አቀቶህ፣ ምላስህ ተሳስሮ፣ ማንነትህ ተቀያይሮ ልትገኝ ትችላለህ። የሆነ ጊዜ መፈጠርሽንም የማያቅ ሰው ወደሽ እርሱን ጥበቃ ሌላውን ህይወትሽን የምትረሺበት ጊዜ ሊፈጠር ይችላል። ፍቅር ሂሳብ አይደለም፤ እንዲሁም ሰቶ መቀበልም አይደለም። ባላሰብሽው መንገድ ከእራስሽ በላይ የምታስቀድሚው ሰው ወደ ህይወትሽ ይገባል፤ ሁሉ ነገርሽን ልትሰጪው ትፈቅጂያለሽ፤ ከጊዜያዊ የደስታ ስሜትሽ ውጪ የሚታይሽ ነገር የለም። በፍቅሩ መዓበል ትወሰጂያለሽ፤ የውቂያኖሱን እንቅስቃሴ የማቆም ሃይል ታጪያለሽ። ፍቅርን ብለሽ መሔድሽ ፍቅርን ለማግኘትሽ ዋስትና አይሆንሽም።

አዎ! ጀግኒት..! በሂሳብ አታፈቅሪም! አመዛዝነሽ የሰው ህይወት ውስጥ አትገቢም። ለዚህም ነው እደማይሆንሽ እያወቅሽ መውደድሽን የማታቆሚው፤ ለዚህም ነው እየተገፋሽ የምትፈለጊበትን ጊዜ በፅናት የመትጠብቂው፤ ለዚህም ነው የደረሰብሽን በደል ሁሉ ችለሽ በፍቅር መታከምን የመረጥሽው። ፍቅር ጥልቅ ስሜት ነው። ታስቦበት የሚደረግ፣ እየታዘዘ የሚኖር፣ በህግና ደንብ የሚመራ አይደለም። ውስጥሽ የተፈጠረው የተለየ ስሜት ፍቅርን ሲጭርብሽ፣ የተለየ ፍላጎትን ሲያስከትል፣ እይታሽን ሲቀይር ትመለከቺያለሽ። በሂሳብ ከመወዳጀት ታቀቢ፤ ይህን ስላለው፣ ያንን ስላለው፣ ይህንን ስለሚያደርግለኝ ከሚል በመስፈርት የተቃኘ ፍቅር ተላቀቂ። በእውነተኛው ስሜትሽ ስትመሪ የእውነት ፍቅርን መኖር፣ በፍቅር መሞላት፣ የፍቅርን ትርጉምም መረዳት ትጀምሪያለሽ።

አዎ! ጀግናዬ..! ፍቅር በፊት ያስቀመጥካቸውን መስፈርቶች አስጥሎ፣ ለእራስህ የሰጠሀውን ክብር አሳንሶ፣ በማትጠብቀው ሰዓት የማይሆን ሰው ላይ ቢጥልህም ማፍቀርህን ላታቆም ትችል ይሆናል፣ እንደማታገኛት እያወክም ከውስጥህ ለማውጣት ይከብድሃል። ለዘመናት ከአንድ ሰው ውጪ ሌላ መመልከት ያልቻሉ፣ በአንድ ሰው ፍቅር የታሰሩ፣ እራሳቸውን የሰወሩ፣ ማንነታቸውን ያስገዙ ሰዎች አሉ። እራሳቸውን መቆጣጠር ሲኖርባቸው ማንነታቸውን በሙሉ የሚሰማቸው ፍቅር እንዲቆጣጠራቸው ያደርጋሉ፤ ህይወታቸውን ቀምቶ በበዶ እንዲያስቀራቸው፣ በጭንቀት ብዛት ሰውነታቸውን እንዲያሳጣቸው ይፈቅዳሉ። የማያፈቅርህን ሰው ታፈቅራለህ ያምሃል፤ ከልብህ ያፈቀርከው፣ በሙሉ ልብህ ያመንከው ሰው ይከዳሃል ይባስ ትታመማለህ። ነገር ግን ይህን አስብ፣ መዝነህ ያልጀመርከው ፍቅር መዝኖ አይከፍልህም፤ እውነት ስታፈቅር አለመፈቀር፣ መከዳት፣ መገፋት አብሮ ሊመጣ እንደሚችል አስታውስ። ከልብህ ወደህ ብትጎዳ፣ በሰውነትህ አፍቅረህ ብትታመም የእውነት ፍቅርን አይተሃልና ዳግም ምላሹን በመጠበቅ እራስህን አታድክም፣ እራስህን አታሳምም። በምትኩ ለአዲሱ የህይወትህ ምዕራፍ እራስህን አዘጋጅ።
═════════❁✿❁ ═════════
💪💯 ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!!👌የቴሌግራም ቻናላችንን ግቡና Join አድርጉ ።
https://t.me/yafekerbet

ያልወረደ እንባ
.
ላዩኝ ሁሉ ደስተኛ  ነኝ እስቃለሁ፤
በነሱ ቤት መከፋትን  የት አዉቃለሁ፤
.
የሚገርመዉ.....

በኔ መፍካት መቅናታቸዉ፤
እኔን መሆን ምኞታቸው፤

መች ያዉቁና ማስመሰሌን፤
የዉስጥ ሀዘን ስዉር ቁስሌን፤

በዉስጤ ታጭቆ ሰላም የሚነሳኝ፤
በነጋ በጠባ ሆድ ሆዴን ሚበላኝ፤

አዉጥቼ እንዳልጥለዉ አፍኖ የያዘኝ፤
ሳቅ የሸፋፈነዉ ያልወረደ እምባ አለኝ።
.......................................................
https://t.me/yafekerbet

#ፍቅር_እዚህ_ቦታ_ፈገግ_ብሎ_ነበር
.
ያሳለፍነዉ ሁሉ
አሁን ትዝታ እንጂ
ዉስጡ ህይወት የለም እያልሽ ላገሩ
ታወሪያለሽ አሉ
.
.
(እኔ ግን ልንገርሽ)
የሁለታችን ፍቅር
ምን እንደሚመስል. . .
እንዴት እንደነበር
በሶስት ምስክር
1
አሁን በቀደም ለት
የሆነ ቦታ ላይ
ድምጻችን ከፍ አርገን የሳቅንበት ቦታ
ፒያሳ አደባባይ
ድንገት
በቀደም ለት
በዛ ቦታ ስሄድ
ከሰባት ወር በፊት
ስቀሽ የነበረዉ
ያንቺ ሳቅ ተሰማኝ
መራመድ አቃተኝ
የሚገርምሽ ነገር
ያለፈ ነዉ ያልሺዉ
ትዝታ ነዉ ያልሽዉ
ፍቅርሽና ሳቅሽ
ከሰባት ወር ኋላ እንደ ወንዝ ፍሳሽ
ይሰማል ልንገርሽ
.
(ታዲያ ለምንድን ነዉ)
የወንዝ ዉሀ ሳቅሽ
ያለፈ ትዝታ ምናምን ነዉ ብሎ
ማንም ተራ ዘፋኝ የሚሸነግልሽ
(ይልቅ እኔን ስሚኝ)
.
ወደየትም ሳይሆን
ወዴትም ተመለሽ
የትም ሳትደርሺ
ጊዜን እንዳቆምነዉ
እንኳን ጊዜ ቀርቶ ሰዓት እንዳልሄደ
ደቂቃ እንዳልሄደ
አስረጂ ሊሆንሽ
ምስክር ሊሆንሽ
ከምንም አቅጣጫ. . . የትም ሳትመለሽ
አደባባይ መሀል
ከቡና ጠረን ጋር
እንደወንዝ የሚፈስ
ሳቅሽን ትሰሚያለሽ
.
2
ትዝ ይልሽ እንደሆን
ካንቺ መኖሪያ ቤት
(የመጣሁኝ ጊዜ)
የመራራቅ ናፍቆት
አስክሮን ቸኩለን
ሰማያት ለመዝለቅ
ከመሬት ላይ ወድቀን
ፍቅር ስንሰራ
ፍቅር ስንሰራ
ፍቅር ስንሰራ
ከሴት ወዝሽ ጋራ
የጡትሽ ስር ሽቶ
ሸሚዜ ላይ ቀርቶ
ሸሚዜ ላይ ቀርቶ
ምወደዉን ሸሚዝ
ለመልበስ እርም አልኩኝ
ለብሼዉ እንዳልሄድ
ከበደኝ ጨነቀኝ
ያንቺን ጠረን ማጠብ. . .
ነፍስ የማጥፋት ያህል
ሀጥያት መስሎ ታየኝ
(የሚገርምሽ ነገር)
እስከ ዛሬ ድረስ
በመስኮቱ ዘልቆ. . .በበሬ
የሚወጣዉ የማለዳዉ ነፋስ
በሽቶሽ ጠረን ነዉ መንደሩን የሚብስ
.
3
ታስታዉሽ እንደሆን
የሆነ ቅዳሜ
የሆነ ዉብ ሆቴል
ደግሞም አትረሺዉም. . .ፍጻሜ ምሳ ነዉ
ይኼ እንኳን ትዝ ይላል
እና. . .
እኔና አንቺ ብቻ
የተቀመጥንበት ወንበር ጠረጴዛዉ
ከዘጠኝ ወር ኋላ. . .
እዛዉ ቤት ዳግመኛ ተመልሼ ባየዉ
የሚገርምሽ ነገር
ጻፊዉን ባላዉቅም
#ፍቅር_እዚህ_ቦታ_ፈገግ_ብሎ_ነበር
የሚል ጽሁፍ ሰቅለዉ
ከዘጠኝ ወር ኋላ
አንድ ለብቻዬ ካንድ አንቺ ናፍቆት ጋር
ነበር ለምትይዉ ለሁለታችን ፍቅር
(ምስክር ሊሆኑን)
ያኔ ሁለታችን የጠጣነዉ ወይን
ከወይንም. . . Two Ocean
እኔ የጨለጥኩት
አንቺ ያጋመስሽዉ
እኛ ያስተረፍነዉ
እስከዛሬ ድረስ
ያተረፍነዉ ማዕድ. . .
ጠርሙስና ጽዋዉ
በክብር ተቀምጧል
ማንም ሳያነሳዉ. . .ያኔ እንደነበረዉ
(ታዲያ ምን ማለት ነዉ)
.
.
.
ፒያሳ አደባባይ
የወንዝ ዉሃ ሳቅሽ
ከቡና ጠረን ጋ
ከኔ መኖሪያ ቤት. . .
የምወደዉ ሸሚዝ ላይ
የሽቶ መአዛሽ
ከሴት ላቦትሽ ጋር
ደግሞም
እዚያ ዉብ ሆቴል ስር
ያስተረፍነዉ . . .
ማዕድ ጠርሙስና ጽዋ
አንጀት ከሚበላ
ከቆንጆ ጥቅስ ጋር
‘’#ፍቅር_እዚህ_ቦታ_ፈገግ_ብሎ_ነበር::’’
.
ነበርን እስካሁን
በመሆን እያየሽ
ሳቅሽ ፈሶ ሳያልቅ
ከምወደዉ ሸሚዝ
የሽቶ መዓዛሽ ዉብ ጠረኑ ሳይለቅ
ማዕድ ሳይነሳ ጽዋዉ ሳይታጠብ
ሦሥቱን ምስክሮች በዓይንሽ ፊት እያየሽ
(ታዲያ ለምንድን ነዉ)
ያሳለፍነዉ ሁሉ
#አሁን_ትዝታ_እንጂ.....
#ዉስጡ_ህይወት_የለም
ብለሽ ለመንደሩ
ላገሩ ማዉራትሽ
እዉነት ለምንድን ነዉ?
.
.
https://t.me/yafekerbet

አስተዉል
.
.
ያየኸው በሙሉ፤
       የሰማኸው ሁሉ፤
የህይወት አመሉ፤
      እዉነት እንዳይመስልህ፤
በዉስጣዊ አይንህ፤
            በሶስተኛ ጆሮህ፤
በጥሞና አዳምጥ፤
          ሳትሮጥ አታንጋጥ፤
ሳትጎርስ አታላምጥ፤
            ግራና ቀኝህን፤
ግብር ኑረትህን፤
               ከኋላና ከፊት፤
አጥብቀህ ተመልከት፤
              ከሁሉ አትገኝ፤
የሌላን አትመኝ፤
          ለመፍረድ አትቸኩል፤
በጥሞና አስተዉል፤
       ይከትሃል ገደል፤
ይህንን ልብ በል!!!!

https://t.me/yafekerbet

ጥበቃህን ግታው!
  
ተሸናፊዎች ሲወድቁ ያቆማሉ፣ በቃላት ፈጥነው ይሰበራሉ፣ ከስኬታቸው በላይ ውድቀትና ስህተታቸውን ደጋግመው ያስባሉ። አሸናፊዎች ግን እስኪሳካላቸው ደጋግመው ይወድቃሉ፣ ለሚገጥማቸው አደጋ እራሳቸው ያዘጋጃሉ፣ ከስህተታቸው እንዴት እንደሚማሩ፣ እንዴት ጥፋታቸውን እንደሚያስተካክሉ፣ እንዴት ሃላፊነት መውሰድ እንደሚችሉ በሚገባ ያውቃሉ። ማናችንም ሁለት ወሳኝ ድምፆችን በአዕምሯችን ውስጥ እናስተጋባለን። አንደኛው "አሁን የሚጠቅመውን ብቻ አድርጉ፣ ቀላሉን ምረጡ፣ አደጋ ሽሹ፣ አሁን ደስታ የሚሰጣችሁን ብቻ አድርጉ፣ ህይወትን እንደአመጣጧ ኑሯት" የሚል ሲሆን። ሁለተኛው ደግሞ "ዛሬ ጠንክራችሁ ስሩ፣ ዛሬ አትተኙ፣ እራሳችሁን ለአደጋ አጋልጡ፣ እራሳችሁን ፈትኑት፣ እራሳችሁን ወደፊት ግፉት፣ እራሳችሁን ምቾት ንሱት፣ ህይወትን በውጣውረድ ውስጥ ኑሯት።" የሚል ድምፅ ነው። የትኛውን እየሰማችሁ ነው? በየትኛው እየተመራችሁ ነው? በየትኛው ቁጥጥር ስር ናችሁ?

አዎ! ጀግናዬ..! ጠቃሚውን ድምፅ አስተጋባ፣ አሻጋሪውን ሃሳብ ኑረው፣ ነገህን የሚያስተካክለውን የውስጥ ንግግር ደጋግመህ አዳማጠው፣ ወጥነት እንዲኖርህ የሚያደርግህን፣ ዋጋህን የሚጨምረውን፣ ወደ ህይወት አላማህ የሚያስጠጋህን ድምፅ በሚገባ ተከተለው። በህይወት ሁሌም ልታዳምጠው የሚገባው ሰው እራስህን ነው፣ በህይወትህ በሙሉ ሊመራህ የሚገባው የገዛ አላማህ ነው። በውጫዊ ጫጫታ አትረበሽ፣ በውጫዊ ጫና አትሰበር፣ በሚናፈሰው ወሬ ሁሉ አትታወክ። አዕምሮህን ጠብቀው፣ አስተሳሰብህን ከበካይ አስተምህሮዎች፣ ዋጋህን ከሚያሳንሱ ትርክቶች ጠብቀው።
የራስህን ህልም መገንባት ካልጀመርክ ዘመንህን በሙሉ የሰው ህልም እየገነባህ እንደምትኖር እወቅ። በየአቅጣጫው የሚመጡ ፈተናዎች እንዲያጠነክሩህ ካልፈቀድክ እስረኛ አድርገው ያስቀምጡሃል።

አዎ! የምትከተለው መርህ፣ አምነህበት የምታከናውነው ተግባር፣ ወስነህ የገባህበት ስራ የህይወት አቅጣጫህ ዋና ቁልፎች ናቸው። ጥበቃህን ግታው፣ ጊዜህን ማባከን አቁም፣ በቀላሉ መታለል ይብቃህ፣ በጊዜያ ደስታ መደለል ይበቃሃል። ማቆም ያለብህን አቁመህ እራስህ ላይ መስራትን ጀምር፣ መለየት ያለብህን ሰው ቆርጠህ ተለየው፣ መሆን የምትመኘውን ሰው ጊዜ ሳታጠፋ አሁኑኑ መሆን ጀምር። እራስህን በመሆንህ ያጣሀው ላይ ሳይሆን የምታገኘው ላይ አተኩር። ወቀሳ ሁሌም የውድቅህ መሰረት ነው። ውጤት ከፈለክ ሰበብ ማብዛት አቁም፣ ለውጥን ከተመኘህ ሃላፊነት ውድ። እራስህ ላይ አተኩር፣ እራስህ ላይ ስራ፣ ለወደፊትህ አሁኑኑ ዋጋ መክፈል ጀምር። በከባዱ ተግባር ህይወትህን ቀላል አድርገህ ተገኝ።
═════════❁✿❁ ═════════
💪💯 ሶሻል ሚዲያ ያገኘነውን እውቀት ለሌላውም የምናደርስበት የመረጃ ቋጥ ነውና ይህን ጹሁፍ ካነበባችሁት በኋላ ለሌላውም እንዲደርስ #ሼር ማድረጋችሁን አትርሱ!!!👌የቴሌግራም ቻናላችንን ግቡና Join አድርጉ ።


https://t.me/yafekerbet

ተመሳቅሎ ምህዋሬ፣፣፣
አለመኖር ነው ካጣሁሽ
የይስሙላ አኗኗሬ።።።
ግራ ያጣ፣
መላ ቅጡ ዳር የወጣ።
ለፎርሙላ ያህል ብቻ፣
አለመኖር መኖር ብቻ፣
መሄድ ብቻ፣
መብላት ብቻ፣
ማለም ብቻ፣
ለፎርሙላ
አለመኖር መኖር ብቻ።።
በደመነፍስ፣፣
ከሄድሽማ እጣዬ ነው መፈራረስ፣፣
ያፈቀርኩሽ
መሞትና መኖር ድረስ።።።

https://t.me/yafekerbet

#እርሶ_ቢሆኑ_ምን_ያደርጋሉ!?
እሷ  የ11ኛ ክፍል ተማሪ ናት ፤ እሱ ደሞ የዘጠኝ እና እነዚ ልጆች ለምን8ወር ያክል በፍቅር ከቆዩ በኃላ አብዛኛውን ጊዜ አይገናኙም ከአካል ይልቅ በስልክ  ና በቴክስት ማውራት ያዘወትራሉ ኢሄ ነገራቸው እየበዛ እና እየተራራቁ መጡ ከዛም ልጅቷ ልጁ ብዙ ሴቶችን እንደሚያናግር እና የገዛ ጓደኛዋን የፍቅር ጥያቄ እዳቀረበላት አወቀች💔💔 ይሁን ብላ ለሱ ካላት ፍቅር የተነሳ በትግስት አለፈች፤ ከዛም ብዙም ሳይቆይ ልደቷ እደደረሰነና ደስ እዳላት ስትነግረው "እና እኔ ምን ላርግ" የሚል ምላሽ ነበር የሰጣት😭 ልጅቷም ክፉ ሳትናገር ዝም ብላ በተከታታይ ሲበድላት ችላ በትግስት አለፈች። በስተመጨረሻ ግን እየወደደችመውም ቢሆን የሱ ለሷ ያለው ፍቅር መጥፋቱን ተረድታ እንለያይ የሚል ጥያቄ አቀረበችለት እሱም ያለምንም ማገራገር "እሺ" የሚል ምላሽ ሰጣት ልቧ ተሰበረ !!!!!💔💔💔
ወይ "ወንድም እና እህት መሆን እችላለን " አላት መቀበል ግን አልቻለችም ስልኩንም ፎቶውንም አጠፋፍታ ልትለየው ወሰነች የተወሰነ ጊዜ እራሳን በሀዘን እና በለቅሶ ካሳመመች በኋላ ወደራሷ ተመልሳ እራሷን መቀየር ጀመረች እሱንም ከነ መፈጠሩ እረሳችው። እንደቀልድ 1 አመትከ 5 ወር አስቆጠሩ በመሀል ግን እሱ በየሶሻል ሚዲያው እደተፀፀተና ከሷጋር ለመታረቅ እደፈለገ የሚያሳሱ ፅሁፎችን ትመለከታለች እናም ያ የረሳችው ፍቅር እና ናፍቆት ዳግም ያገረሽባት እና በደሉን እያወቀች በሰባራ ልቧ እያፈቀረችው ነው። ነገር ግን ለሷ እደማይሆናት እያወቀች ልታረቅ ወይስ የሚል አድምታ  ውስጥ ተዘፍቃ ያፈቀረ ልቧን ታስጨንቃለች!!!!!!! ትታረቅ ወይስ ይቅርባት ?
አንተ/ቺ  በሷ ቦታ  ብትሆኚ/ን ምን ታረጉ ነበረ ?

@selafekerbot


https://t.me/yafekerbet

🔴የሕይወት ግንድ ብዙ ቅርንጫፎች ነን!!

📍 አንድ ውቅያኖስ ላይ ነን  ‘የአንተ’ ታንኳ ሲናጥ ‘የእኔው’ ደንገል መንቀጥቀጥ ይጀምራል፣ ‘የእርሷ’ ጀልባ ሲቀዝፍ የባሕሩ ለመምቴ ይናጣል፣ የሰላምህ እርግብግቢት የሰላማችንን ንፋስ ይጠቅሳል… የሕመማችን ትንፋሽ የደስታ መንፈሷን ይበርዛል።ስለምን - ‘እኔም’፣ ‘አንተም’፣ ‘እርሷም’፣ ‘ሁላችንም' አንድ ነንና።

🔷መምህሩ ራማና ማሃርሺ …
“How are we Supposed to treat others?” ብለው ቢጠይቁት…
“There are no others” ሲል የመለሰው ለዚህ ነበር።

በተገበርከው ክፋት ብቻ ሳይሆን በተብሰልስሎትህ ሂደት ነገር ዓለማችን ይታወካል። በተነፈስከው በጎ ቃል አይደለም ባሰላሰልካት ደግነትም መውጣት መግባታችን ይዋባል… ብቻህን አይደለህምና የብቻ ሰላም የለህም… አልተነጣጠልንምና የብቻ ሕመምም አይኖርህም

የግዙፍ ውቅያኖስ አካል ነን ፣ እኛም ሆንን በዙሪያችን ያለው የተፈጥሮ ስንክሳር የውቅያኖሱ አንድ ጠብታ ነው ፣ አንዲት ጠብታ የምትፈጥረው ለመምቴ /Ripple/ የሌላውን ለመምቴ ትነካለች… እኒህ የሃሳብ፣ የስሜትና የድርጊት ለመምቴዎች በሌላኛው ተፈጥሮ ላይ ቀጥተኛ ተጽዕኖ አላቸው… በበጎም በክፉም… ተመልሰው ግን ወደ ምንጫቸው ይመጣሉ፣ በመዋኛ ገንዳ ውስጥ የፈጠርከው የውሃ ለመምቴ የገንዳውን ግድግዳ ገጭቶ ወዳንተ እንዲመለስ ማለት ነው።

🔶ከኔ ቤት ላይ የረጨኸው እሳት ከሆነ ነበልባሉ ያንተን ቤት ይነካል ፣ ሽቶ ስትረጨኝ የመዓዛው ቅንጣቶች ለአፍንጫህ ውብ ጠረን ይለግሳ፣ “You reap what you saw”ሰው የዘራውን ያንኑ ደግሞ ያጭዳል ፣ ይህን ምስራቃውያኑ Karma ሲሉት ሌሎች ደግሞ Boomerang ይሉታል… Boomerang አውስትራሊያኖቹ አቦርጂኒስቶች ከእንጨት የሚሰሩት ደጋን ቅርጽ ያለው የአደን መሳሪያ ሲሆን ወርዋሪው ዘንድ ተመልሶ እንዲመጣ ተደርጎ የሚነደፍ ነው። ለሃሳብ፣ ለስሜትና ድርጊትህ መጠንቀቅ የሚኖርብህ ወላፈኑ ‘ለእኔም’፣ ‘ለእርሷም’፣ ‘ለእነርሱም’ እንደሚተርፍ በማሰብ ነው… ምክንያቱም    
              We are all One!

🔷ሰው ብቻ ሳይሆን ከዋክብቱ፣ ሕዋው፣ ምድሪቱ፣ እንስሳው… በሚታየውና በማይታየው ዓለም ያለው ነገር ሁሉ በአንዳች ተፈጥሯዊ ክር የተሳሰረ ነው… ማሰሪያው ስላልታየ መተሳሰሩ የለም አይባልም።

‘እዚያ ቤት ሲንኳኳ እኛ ቤት ይሰማል’ ‘ከወዲህ አንተን ሳማ እዚያ ከንፈር ትነክሳለህ’፣ ‘እከሊት ስታነሳኝ በስቅታዬ አውቀዋለሁ’፣ ‘የሰፈር ውሻ ሲያላዝን አንዱ አዛውንት ሊያልፉ ነው ማለት ነው’… ‘ውስጥህ ሲረባበሽ ራቅ ካለ ቤተሰብህ አልያም ወዳጅህ ቤት አንድ አደጋ አለ ማለት ነው’፣ 'ቅንድብህ ሲርገበገብ እንግዳ ሰው ልታይ ነው'፣ የጥንቶቹ ይሄ እውነት ስለገባቸው ይመስለኛል መሰል አባባሎች ያቆዩልን።

♦️በረከት በላይነህ "የመንፈስ ከፍታ" ላይ እንዲህ ይለናል👇

“የግልህ ወንዝ ስለሌለህ ብቻህን የምትሰራው ድልድይ የለም! የሰማዩ ርቀት፣ የምድሪቱ ስፋት በ’እኛ’ እንጂ በ’እኔ’ አይለካም፡፡ ውዱ ‘እኔ’ ከ’እኛ’ የተሰራው ነውና!”

🔷እዚህ ጋ ነው ስለ ዝምድናና ባዳነት ያለን ግንዛቤ መፈተሸ ያለበት፣ ስለ ዘርና ቀለም ያለን መረዳት መጤን ያለበት፣
Peter Russell “The Global brain” ብሎ ባሰናዳው ቪዲዮው ላይ አንድ በጨረቃ ላይ የተጓዘ የጠፈር ሳይንስ ተመራማሪ የተናገረውን ውብ ቃል ትሰማላችሁ
“When you are up there you are no longer an American citizen or a Russian citizen. Suddenly those boundaries disappear. You are a planetary citizen.”

🔑ኑረዲን ዒሳ በአንድ ግጥሙ.

“ባዳውን አፍቅሮ፣
ከባዳው ልጅ ፈጥሮ፣
እኔን ባዳዬ አለኝ - ሰባት ቤት ቆጥሮ፣
ልጁን ዘመዴ አለው - በፍቅር ታውሮ፡፡
ቅጠሉ ነኝና ለረጂሙ ሃረግ፣
እኔም ዘመዱ ሆንኩ - መቼስ ምን ይደረግ?” ብሏል…

❤️ፍቅር ሲገባን የልዩነት ቅዠት ይተናል ፣ ማንነት ሲገባን ሕብራችን ይታያል ፣ ጥበብ ሲያጥጠን ግን ልዩነት ያዜምልናል፣ ፍቅር ስንሰጥ በዙሪያችን ባሉት ላይ እርግብግቢቱ ፍቅርን ይወልዳል፣ክፉ ስናስብ ደግሞ በተቃራኒው ክፋት ይጠነሰሳል፣ከፊልዱ ውጭ እስካልሆንን ድረስ ከምላሹ ተጽዕኖ ልናመልጥ አንችልም።

                           
                             ውብ ቻናሉ ነው

         We are all One!
        https://t.me/selafeker/5048

🛑 ኢኮኖሚክስ ላይ 'Water & Diamond paradox' የሚባል እሳቤ አለ... ለኑረት ወሳኙ ነገር ውሃ ነው ፣ ግን 'እርካሽ' ነው። አልማዝ ለህላዌ የሚያበረክተው ድንቡሎ የለም  ግን ውድ ነው። ለዚህም ይመስላል አንስታይን "The important things are always simple" ማለቱ...

ዘግይቶም ቢሆን የሚገባህ እውነት ነገሮችን በውድና ርካሽ የሚፈርጀው አስተሳሰብ እንጂ የነገሩ ወሳኝነት አለመሆኑ ነው። እርግጥ ማሕበረሰባዊ ስምምነቶች ለተፈጥሮ ህግ ከመገዛት ይልቅ መንጋነትን ያበረታሉ።

ለምሳሌ፦
፨ ዋናው ቁምነገር አብሮነትና ፍቅሩ ቢሆንም ውዱ ግን ሰርጋችን ነው...
፨ ትልቁ እውቀት ራስን ማወቅ ቢሆንም ውዱ ግን ከአስኳላ የምንገዛው ነው።
፨ ጠቃሚው ውበት ጸጥታ ቢሆንም የምንከፍለው ግን ለሚበጠብጠን ጩኸት ነው።
፨ ጤናችን ያለው ንጹህ ውሃ ውስጥ ቢሆንም ብዙ የምንከፍለው ግን ለመታመሚያችን አልኮል ነው... ወዘተ

እልፍ ርቀት ሮጠህ ስታበቃ ቆም ብለህ 'ለዚህ ጉዳይ ይህን ያህል ዋጋ መክፈል ነበረብኝን?' ብለህ ብትጠይቅም መሮጥህን ግን አታቆምም።

በዙሪያህ ያሉ ነገሮች ጡዘትህን እንጂ ቆምታህን አያበረቱም ፣ ይልቁን በውድድር ውስጥ እንድትቆይ ይገፉሃል ከጓደኛህ ትወዳደራለህ ፣ ከጎረቤትህ ትወዳደራለህ፣ከባልደረባህ ትወዳደራለህ ፣ ከንግድ አቻዎችህ ትወዳደራለህ... እናም በምስሉ ላይ እንደምታየው ማቆሚያ በሌለው ዙረት [Vicious circle] ውስጥ ትቧችራለህ።

📍ዛሬ የሆነ ነገር ለማግኘት ትሮጣለህ... ደርሰህ ስትይዘው ይቀልብሃል፣ነገ ሌላ ለመጨበጥ ትዘረጋለህ፣ ደርሰህ ስታየው 'ለዚህ ነው በሬዬን ያረድኩት?' ያስብልሃል... እንደገና ሌላ ሩጫ. እንደገና ሌላ ፍለጋ... እንደገና ሌላ መባከን...

እጅህ ላይ ያለው ካላስደሰተህ እርግጠኛ ሁን ሊመጣ ያለውም አያረካህም። በበርህ አበባ ሳትፈነድቅ በገነት ውበት አትመሰጥም። ደስታን ከውጭ ከመፈለግ በላይ ጉድለት የሚመስለኝ ይህ ነው። እየፈለጉ መቀጠልን ማቆም ባይቻል በደረሱበት አለመብቃቃት ትልቅ ጉዳት ነው የደረስክበት ደግሞ 'አሁን' ነው ይህ ቅጽበት.አሁንና እዚህ።

አንድ ጊዜ የምረቃዬ መጽሔት ላይ ከፎቶ ስር ለሚሰፍር ጽሑፍ 'የእኔ ቀን ነገ ናት' የሚል ቃል ሰጥቼ ነበር... አሁን ላይ ቆም ብዬ ሳስብ 'ምን ሆኜ ነው ግን' እላለሁ. እንዴት ሰው እርግጠኛ ከሚሆንበት ዛሬ ይልቅ በማያውቀው ነገ ላይ የደስታውን ውበት ያንጠለጥላል?  ደስታ ኑረትን ግድ ይላል እኮ... 'ነገ እንትን ሳገኝ እደሰታለሁ' የምትል ከሆነ ለመደሰት ቀጠሮ እየሰጠህ ነው፣ ከዚያም በላይ ደስታህን በነገሩ መኖር አለመኖር ላይ እየመሰረትክ፣

ደግሞስ 'ለደስታ ምን ያህል ነው የሚበቃን?' ስንት ብር? ስንት መኪና? ምን ያህል ቁስ?

በዙሪያዬ ብዙ 'ያላቸው' - ተነጫናጮች እና ደግሞ 'ምንም የሌላቸው' ደስተኞች አየሁ ፣ ብዙ ሃብታም የበሽታ ቋቶችና ድሃ ፍልቅልቅ ፊቶችን ሳስተውልም ይሄ ጥያቄ ትዝ ይለኛል፦
.
.
መልሱ እኮ በአጭሩ "ደስታ ውስጣዊ እንጂ ቁሳዊ [ሰበባዊ] አይደለም" የሚለው ነው። ሆኖም በተግባባንበት መንገድ ሄጄ 'ለመደሰት ስንት ያስፈልገናል?' እላለሁ ፦ ምንም አይበቃንም!!* ምናልባት ምድርን የሚያህል ሃብት ቢኖረን እንኳ ሌላ ፕላኔት ማሰሳችን አይቀርም፣ ደስታ ግን ከብዛትም ሆነ ከነገር ጋር አትቆራኝም።

አዎን... ደስተኛ መሆን ካሻህ ባለህ ተብቃቃ Be Content እልሃለሁ!!

📍'የሰው ልጅ ፍላጎት ገደብ የለውም' በሚል ከንቱ ስብከት እየተነዱ 'ያለኝ ይበቃኛል' ማለት እንደሚከብድ ግልጽ ነው።ያም ሆኖ በፍላጎታችን ላይ የምንሰለጥን እንጂ ፍላጎት የሚሰለጥንብን እንዳልሆንን ማወቅም ጠቃሚ ይመስለኛል። አግበስባሽነት በማግኘት ላይ እንድትመሰጥ እንጂ ባለህ ደስታ እንድትፈጥር ፣ አሁን ያለህን ሐይወት እንድታጣጥም ዕድል አይሰጥምና።       

                

              ውብ አሁን ❤️

https://t.me/yafekerbet

💎የመሰብሰብ ጉጉትህ ላይ እስካልሰለጠንክ ድረስ የሚበቃ ነገር የለም፤ ጊዜ በጨመረ - ቀን በተቆጠረ ልክ የፍላጎት አድማስ እየሰፋ፣ የመጨመር ሃሳብ እየተንሰራፋ ይቀጥላል...

💡የመጨመር ጉጉት ጉድለት ላይ ብቻ ከመቆዘም የሚፈጠር ህመም ነው፤ በቃኝ አለማወቅ ልክን የመሳት አባዜ ነው... ምን 'ሀብታም' ብትሆን በፍላጎትህ ላይ ገዢ እስካልሆንክ ድረስ የደስታን ደጅ አትረግጥም...

📍በሕይወት ውስጥ በቃኝ የማለትን ያህል ምልዓት የለም!! ብዙ ሰው "ያለኝ ይበቃኛል" እያለ ያጣቅሳል - እንደ ጥቅሱ ግን አይኖርም፤ ጥያቄው ታዲያ 'ያለው ስንት ሲሆን ነው የሚበቃው?' የሚለው ነው፤

የኑሮ ቅንጦት የበዛበትም፣ መኖር ቅንጦት የሆነበትም እኩል 'ያለኝ ይበቃኛል' ካለ ልክ አይሆንም... ስሜትም አይሰጥም።

📍ቁምነገሩ 'ያለህ መብቃቱ' ሳይሆን ባለህ መብቃቃቱ ነው... ሁሉም ሰው 'ያለኝ ይበቃኛል' ሲል 'የሚገባውን' ብቻ ይዞ ላይሆን ይችላል... የተትረፈረፈለትም - ትራፊ ያጠጠበትም አንድ ሊሆን አይችልም... ግና የሚብቃቃ ሰው በውስንነት ውስጥ ሆኖም ጉድለት አይሰማውም...

💎ስትብቃቃ ያለህ ምንም ያህል ይሁን ደስታ ሳይርቅህ ትኖራለህ፤ ስታግበሰብስ ግን ምድሪቱ ሙሉ ስጦታ ሆና ብትቀርብልህ እንኳ በቃኝ አያውቅህም...አንተ ዘንድ የበዛው ከሌላው ጎድሎ ነው፤ በማትፈልገው ጊዜ በስብሶ ሳትጥለው በሚፈልገው ጊዜ ለሚጠቀመው ስጠው!!

                  
             [የግል ቻናሉ ነው ተቀላቀሉት ]

           ውብ አዳር ❤️
https://t.me/yafekerbet