TIKVAH AFAAN OROMOO

Mana Sirreessaa (Hidhaa) Indoneeshiyaa Keessatti Manni Ajaaibaa "Mana Qanaani" Dureessota ta'e Argame

​Mana Sirreessaa Sibinong jedhamu kan Naannoo West Java Indoneeshiyaatti argamu keessatti hidhamtoota sooreyyii qofaaf kan qophaa'e manni jireenyaa dhoksaa ta'e argamuun beekameera.

​Bakki dinqisiisaa kun kan saaxilame daawwannaadhaan/sakatta'insa tasaa kan Dhaabbata Ombudsman biyyattii tiin taasifameen ta'uu miidiyaaleen biyyattii gabaasaniiru.

Mooraa sana keessatti kutaa 10 ol akka viillaa, taawunhaawusii fi mana jireenyaa ammayyaatti tajaajilan kan argaman yoo ta'u, kutaaleen kunis meeshaa qillensa qabbaneessu (AC), Tiivii Pilaazmaa, firiijii fi meeshaalee mana keessaa qaaliidhaan kan guutamanidha.

​Kutaalee kana deebisanii kan dhuunfatan irra caalaatti aanga'oota duraanii yakka malaammaltummaatiin itti murtaa'ee hidhaman ta'uun isaanii beekameera.

​Kana malees, hidhamtoota kanaaf bakka bashannanaa kan ta'u leenjii jiimii (Gym) fi bidiruu bishaanii (swimming pool) kan ijaarame yoo ta'u, cinaa isaa immoo "golf simulator" ijaaramaa akka ture ibsame.

​Mana qananii kana cinaatti balballi hin cufamne kan argame yoo ta'u, kunis hidhamtoonni sarara sakatta'iinsa ijoo ta'e gowwoosuudhaan gara mana hidhaa sanaatti akka seenan fi akka bahan kan isaan dandeessisu ta'uun isaas irra gahameera.

#TikvahAfaanOromoo
Fulbaana 24, 2019
Finfinnee

@tikvahethafaanoromoo

Raayyaa Ittisa Biyyaa fi Humnoonni Nageenyaa Tigraay gara walakkaa magaalaa Maqalee, Addabaabayii Romaanaatotti galuun isaanii mirkanaa'eera.

​Kutaa magaalattiis guutumaan guutuutti to'annoo isaanii jala ooluun isaanii ibsameera.

"Garee Tajaajila Nageenyaa fi Jijjiirama Tigraay" kan ta'an, dura taa'aan Paartii Qaancii Haaqii Obbo Dagaafii Gudifaayi, "Tumsi Raayyaa Ittisaa fi Humna Nageenyaa Tigraay (TPF) bakkeewwan hedduu to'ateera" jechuun Tikvaah Itoophiyaaf dubbataniiru.

​Raayyaan Ittisa Biyyaa magaalaa Raayyaa irraa kaasee hanga Maqaleetti, Saqoxaa irraa kaasee hanga Kooram fi Addishahutti, akkasumas gama Naannoo Afaariin aanaa Ab'aalaa irraa hanga Maqaleetti bakkeewwan jiran to'achuu isaanii ibsaniiru.

​"Naannoo Raayyaa Azaboo fi Wajaraatti milishoonni TPLF addaan citanii hafanii turan, isaanis har'a walitti qabamanii bahuu isaanii ragaan arganne ni agarsiisa," jechuun dabalanii ibsaniiru.

​Geggeessitoonni TPLF Maqalee gad-dhiisanii ba'uu isaaniitiin walqabatee, loltoonni gargar faca'anii turan meeshaa waraanaatiin magaalattii keessatti saamicha irratti bobba'anii akka turan eeraniiru.

​#TikvahAfaanOromoo
Fulbaana 23, 2019
Finfinnee

@tikvahethafaanoromoo