🌺ሴና🌺

#ክፍል 7⃣

#ልብ አንጠልጣይ የፍቅር ታሪክ✅

የኛ ክፍል ወዳለበት ፎቅ ስንደርስ አንድ የሴት ድምፅ "ሴና ሴና" ሲል ከሁዋላችን ተጣራ፡፡ አራታችንም ዞርን . . .
"እንዴ ፀዲ!" ስል አጠገቤ እስክትደርሰ በፈገግታ ተቀበልኳት፡፡ ፀደንያ ነች ከ 10ኛ ክፍል ጀምሮ እስከ 11 አብረን ነው የተማርነው፡፡ 12ላይ ወደ ሌላ ትምህርትቤት ገብታ አልተገናኘንም፡፡ አቅፌያት ሰላም አልኳት፡፡ በጣም ነው ደስ ያለኝ ማውቀውን ሰው ባገኝ እያልኩ ስመኝ ነበር ፡፡ ፀዲ ጉዋደኞቼን ተዋወቀቻቸው፡፡ ሁሉም ስማቸውን ሴና መሆኑን ስትሰማ ትንሽ እንደመገረም ብላ "ለምን የዶርም ስም አታወጡም? ለናንተም እኮ ያስቸግራቹሀል፡፡" አለችን፡፡ እውነትም የዶርም ስም ማውጣት አለብን፡፡ ዛሬ ማታ ስራችን ይሄ እንደሚሆን ተነጋገርን፡፡ ከፀዲ ጋር ስልክ ተለዋውጠን ተሰነባብተን ወደ መማሪያ ክፍል ገባን፡፡
አስተማሪው ራሱን አስተዋውቆ ፕሮግራም እና ኮርስ አውት ላይን ሰጥቶን አንተንድ ነገሮች ስለ ኮርሱ ነግሮን ወጣ፡፡ ቀጣይ ሌላ አስተማሪ ከመጣ ብለን ስንጠብቅ ሁሉም ተማሪ ወጥቶ ስለሄደ እኛም ወጥተን ቁርስ ስላልበላን ወደ ካፌ ሄድን፡፡ ቁርሳችንን ከበላን በሗላ የምንሄድበት ስለሌለን ቁጭ ብለን እየተጨዋወትን TV ማየት ጀመርን፡፡
ትንሽ ቆይቶ ፍሬ እና ዴቭ መጡ፡፡ቁጭ ብለን ወሬ ተጀመረ ደስ ሚል ጨዋታ መጨዋወት ጀመርን፡፡ ፍሬ ብዙም አያወራም ግን እኔ ሳወራ እኔ ባወራውት ላይ ተጨማሪ ሀሳብ ያቀርባል፡፡ ሚቃወሙኝ ቦታ ይደግፈኛል፡፡ በዚ መሀል ሳይታወቀን በጎራ ተከፈልን፡፡ እኔና ፍሬ አንድ ላይ የቀሩት አንድ ላይ በመሆን የሞቀ ጨዋታ ያዝን፡፡ እዛው በተቀመጥንበት ሳናስበው ምሳ ሰአትም አለፈ፡፡ ዴቭ ልጋብዛቹ ብሎ ምሳችንን በላን፡፡ "ዴቭ ግን ብር ከየት እያመጣ ነው? ቤት ይሰጡታል ወይስ ስራ ይሰራል?" እኔንጃ ግን ጥያቄውን በውስጤ እንደያዝኩ ዝም አልኩ፡፡ ጨዋታችን ቀጠለ፡፡ ወደ አመሻሽ ላይ ወንድሜ ደወለ፡፡ ዞር ብዬ አናገርኩት፡፡ ስለ ትምህርት ፣ዶርም ፣ስለግቢው ጠቅላላ ነገር ነገርኩት፡፡ ከምመላለስ አንደኛዬን አርብ መጥቼ ሰኞ እንደምመለስ ነገረኝ፡፡ በጣም ደስ አለኝ፡፡ እዚ ስሆን የፈሐኩትን አወራለው ፣ጠይቃለው፡፡ እንደፈለኩት ስቄ እጫወታለው፡፡ ከቤት ይልቅ እዚ መሆኔን መረጥኩ፡፡ እራት ሰአት ሲደርስ ካፌ ገብተን በላን፡፡ እኔ ጉዋደኞቼን ላለማስቀየም እንጂ የካፌው ምግብ አልተመቸኝም፡፡ ደግሞም በቂ ገንዘብ ተሰጥቶኛል ከውጪ እንድበላ፡፡ እራት ከጨረስን ብሀላ" ሰአት ገና ስለነበር ወክ ማድረግ ምትፈልጉ ሲል ዴቭ ጥያቄ አቀረበ፡፡ ሁሉም ወዲያው ተስማሙ ፍሬ እኔን ማየት ጀመረ፡፡ ተስማማው ፍሬም እሺ ብሎ እያወራን ወክ ማድረግ ጀመርን፡፡ ትንሽ እንደሄድን እኔና ፍሬ ወደ ሁዋላ ቀረት ብለን ለሁለት እያወራን ወክ ማድረግ ጀመርን፡፡

#ክፍል_ስምንትን_ለማንበብ_የቸኮለ👉👍
ታሪኩ ከተመቻችሁ 👍👈 በመንካት #VOTE ያድርጉልን ለኛም ብርታት መስጠት ነው!!

.............ይቀጥላል............✍

🎙ግሩፑን ለማግኘት
@Mtshaf_bicha
@Mtshaf_bicha

❤️ለወዳጅዎ #ሼር ያድርጉ
👉አሰተያየት ካላችሁ 📩 @Eyos18 አድርሱን
📗📒📕📗📒📕
Join&share
@EyosC1
📚ማንበብ ባህላችን ይሁን📚