Skyline media

የኦሮሞ ፖለቲከኛ ጃዋር መሐመድ በቅርቡ አሳትሞ ያሰራጨውን "አልጸጸትም" የተሰኘ መጽሐፉን PDF ሙሉውን በነጻ አሰራጭቶታል። የማንበብ ፍላጎቱ ላላችሁ ሼር አድርገነዋል። መልካም ንባብ።

መረጃ‼️

የኢትዮጵያ አትሌቲክስ ፌዴሬሽን አትሌት ስለሺ ስህንን አዲስ ፕሬዝዳንት አድርጎ ሾመ !

የኢትዮጵያ አትሌቲክስ ፌዴሬሽን 28ኛ መደበኛ ጠቅላላ ጉባኤውን ትላንት እና ዛሬ በስካይ ላይት ሆቴል አካሄዷል።

በጉባኤው ከሚጠበቁ ሁነቶች መካከል አንዱ የሆነው ቀጣዩ የኢትዮጵያ አትሌቲክስ ፌዴሬሽን ፕሬዝዳንት ምርጫ በዛሬው ዕለት ሲካሄድ ኮማንደር አትሌት ስለሺ ስህን በአብላጫ ድምፅ አሸንፏል።

ኮማንደር አትሌት ስለሺ ስህን በምርጫው 1️⃣1️⃣ ድምፆችን በማግኘት የኢትዮጵያ አትሌቲክስ ፌዴሬሽን ፕሬዝዳንት በመሆን ማሸነፉ ታውቋል።

ኮማንደር አትሌት ስለሺ ስህን ረዳት ኮሚሽነር ደራርቱ ቱሉን በመተካት በሚቀጥሉት አራት አመታት ፌዴሬሽኑን በፕሬዝዳንትነት የሚመራ ይሆናል።

በርካታ ኤርትራዊያን በህገወጥ መንገድ ወደ ኢትዮጵያ ገብተው በህገወጥ ስራዎች ላይ ተሰማርተዋል !
--------

ከኢሚግሬሽን እና ዜግነት አገልግሎት መግለጫ የተሰጠ መግለጫ 👇👇

የኢሚግሬሽንና ዜግነት አገልግሎት በኢትዮጵያ የሕግ ጥሰት የፈፀሙ የውጭ ዜጎችን በተመለከተ ማብራሪያ ሰጥቷል የማብራሪያው ሙሉ ቃል ቀጥሎ ቀርቧል፡-

የኢሚግሬሽንና ዜግነት አገልግሎት ደህንነቱንና ጥራቱን የጠበቀ ዘመናዊ፣ ተደራሽ የውጭ ዜጎች አገልግሎት በመዘርጋት የሀገራችን የውጭ ኢንቨስትመንትና የቱሪዝም ፍስት በመጨመር የተጀመሩትን የልማትና የለውጥ ጉዞ በማፋጠን የሀገራችን ሁለንተናዊ ብልፅግና ለማረጋገጥ እየተደረገ ባለው ሀገራዊ እንቅስቃሴ የበኩሉን ሚና ለመወጣት የሚያስችለውን የሪፎርምና ቀጣይነት ያለው ተቋማዊ ግንባታ ሂደት ላይ እንደሚገኝ ይታወቃል፡፡

ሀገራችን ኢትዮጵያ ያሏት ተፈጥራዊና ታሪካዊ የቱሪዝም እምቅ ሀብቶች እና ኢንቨስትመንት ተጠቃሚ ለማድረግና የቱሪዝም መዳረሻ ማዕከል ለማድረግ በሀገር ደረጃ በሚደረግ ጥረት የኢሚግሬሽንና ዜግነት አገልግሎት የቱሪስት ቪዛ፣ ኮንፈረን ቪዛ ከዚህ በፊት ከነበረው የቪዛ ክፍያ ተመን ከ23 በመቶ በላይ እንዲቀንስ መደረጉን ከኢሚግሬሽንና ዜግነት አገልግሎት የክፍያ አገልግሎት ደንብ ቁጥር 550/2016 መገንዘብ ይቻላል።

መንግስት ከጎረቤት ሀገራት ጋር ያለው መልካም ጉርብትናና ህዝብ ለህዝብ ግንኙነት ለማጠናከር ካለው ቁርጠኛ አቋም በድንበር አካባቢ ከሚደረጉ ነጻ የሰዎች እንቅስቃሴ መፍቀድ በተጨማሪ መግቢያ ቪዛ ሳይጠየቁ በቀን ማህተም (ያለ ቪዛ ከፍያ) ገብተው ለ90 ቀናት እንዲቆዩ መፍቀዱ ይታወቃል።

በተለይ ከኤርትራ (አስመራ ወደ አዲስ ኣበባ ኢትዮጵያ) የሚመጡ ኤርትራዊያን ለ9ዐ ቀናት ያለ ቪዛ ክፍያ በቀን ማህተም ገብተው እንዲቆዩ ማድረጉ በሁለቱም ህዝቦች ያለው ግንኙነትና ወንድማማችነት ለማጠናከር ምን ያህል ቁርጠኛ አቋም እንዳለው ለመገንዘብ ይቻላል። ከዚህ በተጨማሪ በርካታ ቁጥር ያላቸው ኤርትራዊያን ስደተኞች በጥገኝነት እንደሚኖሩ ይታወቃል።

ይህ በእንዲህ እንዳለ አንዳንድ ሚዲያዎች በተሳሳተ፣ ሚዛኑን ባልጠበቀ እና ኃላፊነት በጎደለው አግባብ ተቋማችን ኤርትራዊ ዜግነት ያላቸውን ሰዎች የተለየ በደል እና አድልዎ እየፈጸመባቸው እንደሆነ፣ ለመውጪያ ቪዛ የተጋነነ ክፍያ እንደሚጠየቁ፣ በስደተኝነት የተመዘገቡ ኤርትራዊያን ዲፖርት እየተደረጉ እንደሆነ አድርገው ሲዘግቡ ተስተውሏል።

በርካታ የውጭ ሀገር ሰዎች በህገወጥ መንገድ ድንበር ጥሰው ወደ ኢትዮጵያ በመግባትና ከተፈቀደላቸው ጊዜ በላይ ሀገር ውስጥ ሲቆዩ የሚስተዋሉ ሲሆን፣ ቁጥራቸው ቀላል የማይባል የውጭ ሀገር ሰዎች የስራ ፈቃድና መኖሪያ ፈቃድ ሳይኖራቸው ባልተፈቀደላቸው የሥራ መስክ ከመሰማራት ጀምሮ በህገወጥ የማዕድን ዝውውር፣ በህገወጥ የገንዘብ ዝውውር፣ በአደገኛ እፅ ዝውውር፣ በህገወጥ የሰዎች ዝውውር፣ በኮንትሮባንድ፣ በሀሰተኛ ሰንዶች ዝግጅት ወዘተ የመሳሰሉ የሀገራችን ብሔራዊ ጥቅምና ደህንነት የሚጎዱ ተግባራት ላይ በመሰማራት ከባድ እና የተደራጁ ድንበር ተሻጋሪ ወንጀሎች ሲፈፅሙ መገኘታቸውን ማርጋገጥ ችለናል።

በተለይ በርካታ ኤርትራዊያን በህገወጥ መንገድ ወደ ሀገር በመግባትና በህጋዊ መንገድ ገብተው ከተፈቀደላቸው የጊዜ ገደብ በላይ በመቆየት በህገ-ወጥ መንገድ እየተንቀሳቀሱ እንደሚገኙ ይታወቃል።

የኢሚግሬሽንና ዜግነት አገልግሎት እነዚህን አካላት ወደ ህጋዊ መንገድ ለማስገባትና ለመመዝገብ በተደጋጋሚ ጥሪ ማድርጉ የሚታወቅ ቢሆንም ተመዝግበው ወደ ህጋዊ ስርዓቱ የገቡ ግን በጣም ጥቂት ናቸው።

ስለሆነም የሀገርን ብሄራዊ ደህንነትና ጥቅም በሚጎዳ መልኩ ህገ ወጥ ተግባር ላይ ተሰማርተው የሚገኙ የውጭ ሀገር ዜጎች በተመለከተ የሚከተሉትን ነጥቦች ማጉላት አስፈላጊ ነው።

ህጋዊ የመኖሪያ ፈቃድና የስራ ፈቃድ ሳይኖራቸው ሐሰተኛ ወይም የተጭበረበረ ማንነት በመያዝ ለውጭ ሀገር ዜጎች ባልተፈቀዱ የስራ መስኮች በመሰማራት በህገወጥ መንገድ ከትንሸ ሱቅ ችርቻሮ እስከ ያልተፈቀዱ ትላልቅ ስራዎች ተሰማርተው ተገኝተዋል።

በርካታ የኤርትራዊ ዜግነት ያላቸው ዘመድ ለመጠየቅ በማስመስል ከዱባይ፣ ከኤርትራ፣ ከኡጋንዳ በመመላለስ የተለያዩ ሸቀጣ ሸቀጦች በሻንጣ በማስገባትና በማስወጣት የኮንትሮባንድ እና ሌሎች ህገወጥ ተግባራት ሲያከናውኑ ተገኝቷል።

በተለያዩ ሀገራት ከሚገኙ ሌሎች ህገ-ወጥ ደላሎች ጋር በመተሳሰር በርካታ ፍልሰተኞችን በህገ-ወጥ መንገድ ሲያዘዋውሩና በህገ-ወጥ የሰዎች ዝውውር ሲያከናውኑ ተገኝቷል።

ለተለያዩ ሕገወጥ ተግባራት የሚያገለገሉ ሐሰተኛና የተጭበረበሩ የጉዞና የይለፍ ሰነዶች፣ ማህተሞች፣ የባንክ ቡኮች በማዘጋጀትና በመጠቀም ህገ-ወጥ ተግባራት ሲፈጽሙ ተገኝተዋል።

የተለያዩ ሐሰተኛ ሰነድና ማንነት በመጠቀም ህገ-ወጥ የገንዘብ ዝውውር ሲያከናውኑ እና ከህግ ውጭ ሰነዶችን ሲጠቀሙ መገኘታቸው።

ስለዚህ ማንኛውም የውጭ ሀገር ዜጋ የሀገራችንን ህግ ተላልፎ ከተገኘ በህግ ተጠያቂ እንደሚሆን ይታወቃል።

በመሆኑም ህጉ ተፈጻሚ የሚሆነው በሁሉም የሚመለከታቸው የውጭ ሀገር ሰዎች እንጂ በአንድ ሀገር ዜጋ ብቻ ተፈጻሚ የሚደርግ አሰራር ተደርጎ በአንድ አንድ ሚድያዎች መዘገቡ ስህተት ነው። ስለሆነም ለኤርትራዊያን ዜጎች እንደማንኛውም የጎረቤት ሀገር ዜጎች በቀን ማህተም ገብቶ በተፈቀደለት የጊዜ ገደብ (90) ቀናት ቆይቶ ለሚሔድ ሰው ምንም ዓይነት የቪዛ ክፍያ እንደማይጠየቅ ለመግለጽ እንወዳለን።

ከተፈቀደለት የጊዜ ገደብ ቆይተው የሚጣልባቸው ቅጣት ቢሆንም የኤርትራ ዜግነት ያላቸው ሰዎችን ጨምሮ ለጎረቤት ሀገራት እንዲከፍሉት የሚጠየቀው ክፍያ በእጅጉ (በ200 በመቶ) የቀነሰ ሆኖ እያለ ለኤርትራዊያን የተለየና የተጋነነ ክፍያ እንደሚጠየቁ ተደርጎ መዘገቡ ከእውነታ የራቀ ነው።

በተመሳሳይ መልኩ ኤርትራውያን ስደተኞችን በተመለከተም ኢትዮጵያ ስደተኞችን ተቀብላ ጥላ ከለላ መሆን የቆየ ታሪኳና ባህሏ እንደሆነና የኤርትራ ዜግነት ያላቸው ስደተኞችን ጨምሮ የበርካታ ሀገራት ዜጎች በጥገኝነት እንድሚገኙ ይታወቃል።

በመሆኑም በስደተኝነት የተመዘገበ ማንኛውም የኤርትራዊ ዜግነት ያለው ሰው ያለ ፈቃዱ ከሀገር እንዲወጣ እና ተገቢነት የሌለው ክፍያ እንዲከፍል የተረገ ሰው የሌለ መሆኑን ለመግለጽ እንወዳለን።

እውነታው ይህን ሆኖ እያለ በኤርትራዊያን ስደተኞች ላይ ያለ አግባብ ክፍያና ዲፖርቴሸን እንደሚፈጸምባቸው ተደርጎ መዘገቡ ከእውነት የራቀ ነው።

የሀገራችንን ብሔራዊ ደህንነትና ጥቅም በመጠበቅ ህጋዊ የውጭ ሀገር ሰዎች እንቅስቃሴን ለማረጋገጥ ለሚሰራው ስራ ላይ ሁሉም የሚመለከታቸው ባለድርሻና ተባባሪ አካላት ከጎናችን እንዲቆሙ ጥሪያችን እያቀረብን በተለይ ሚደያዎች ሚዛናዊ በመሆን የሀገራችንን ብሔራዊ ደህንነትና ጥቅም በጠበቀ መልኩ አወንታዊ ሚና እንዲወጡ እናሳስባለን።

የኢሚግሬሽንና ዜግነት አገልግሎት

ጥቆማ ❗️❗️
እንደወረደ 👇👇👇

አዲስ ነገር መረጃዎች ሠላም ከናንተጋ ይሁን
ኧረ ጅጅጋ 02ቀበሌ ነጋዴዎች በጣም እየተበደልን ነው የቀበሌ አመራሮች አማርኛ ተናጋሪ የሆነ እየመረጡ ቀበሌ እያሠሩ 2000እስከ5000 እያስከፈሉን ነው ክፍያውሰ ደረሠኝ የለውም በአካውንት አደለም የሚገባው በራሳቸው ስልክ ቁጥር ኢ-ብር ነው ሚገባው እና በየ ወሩ አንዴ ግዴታ አረጉት ምክንያት የለውም የነጋዴው ብዛት ከ150በላይ ነው በየመንገዱ ሚዛን ሚሠሩ ህፃናት እንኳን አይምሩም 500እያስከፈሏቸው ነው አማራ የተባለ ብቻ ላይ ነው ይሄን የሚያረጉት ነጋዴው ሠርቶ ለነሱ ነው ሠዉ ለማን እደሚናገር ግራb ገብቶናል እነዚ ሠዎች እንደዚህ  ያረጉት አንዴ አደለም ተደጋጋሚ በየወሩ ነው እነዚ ሠዎች በጣም የተደራጁ ናቸው ገቢያቸው 200ሺ በላይ ነው በየወሩ በምን መጡ ተብሎ ጭንቅ ነው አዘኔታ የላቸው ሴት ጭምር በጥፊ ነው የሚመቱት አማራ ከሆነች ምክንያት መጠየቅ አይቻልም ሀይ ሚላቸው ጠፋ በጣም ተማረናል
እባካችሁ የሚመለከተው አካል መፍትሄ ይስጠው 🙏🙏

#አዲስ_ነገር_መረጃ

በ170 ሚሊየን አሜሪካውያን ዘንድ ጥቅም ላይ የዋለው መተግበርያ ለአሜሪካ ኩባንያዎች ከመሸጥ ይልቅ መታገድ መምረጡን ተከትሎ በሚቀጥሉት 6 ሳምንታት ውስጥ በአሜሪካ መስራት ሊያቆም ይችላል ተብሏል፡፡

ተመራጩ የአሜሪካ ፕሬዝዳንት ዶናልድ ትራምፕ በዓለ ሲመታቸው ከመከናወኑ አንድ ቀን በፊት ውሳኔውን ካላሳወቀ የእግድ አደጋ የተጋረጠበት ሲሆን በመጪዎቹ ቀናት ይግባኙን ለጠቅላይ ፍርድ ቤት እንደሚቀርብ አስታውቋል፡፡ 

በባይደን አስተዳደር ለቻይና መንግስት የአሜሪካውያን ግላዊ መረጃዎች አሳልፎ ይሰጣል በሚል ክስ የቀረበበት ቲክቶክ ምንም እንኳን ከቤጂንግ መንግስት ጋር ምንም አይነት ግንኙነት እንደሌለው እና የቀረበበት ክስም ሀሰተኛ መሆኑን በፍርድ ቤት ቢከራከርም ውሳኔውን ማስቀየር አልቻለም፡፡

ጠቅላይ አቃቤ ህግ ሜሪክ ጋርላንድ ውሳኔው “የቻይና መንግስት ቲክቶክን በመሳርያነት እንዳይጠቀም ለማድረግ አስፈላጊ እርምጃ ነው” ሲሉ ጠርተውታል።

"አይን ያወጣ የንግድ ዘረፋ ነው" ሲል ውሳኔውን የተቃወመው በዋሽንግተን የሚገኘው የቻይና ኤምባሲ በበኩሉ ፤በሁለቱ ሀገራት መካከል ያለውን የጋራ መተማመን እና የሁለትዮሽ ግንኙነት እንዳይጎዳ አሜሪካ ይህን ጉዳይ በጥንቃቄ መያዝ አለባት ሲል አስጠንቅቋል።

የቲክ ቶክ ዋና ሥራ አስፈፃሚ ሾው ዚ ቼው ለሮይተርስ በላኩት ኢሜል “የዛሬው ዜና ተስፋ አስቆራጭ ቢሆንም የመናገር ነፃነትን ለመጠበቅ ትግሉን እንደምንቀጥል ለማረጋገጥ እንወዳለን” ብለዋል በነጻነት የመናገር መብት አንቂዎች እና የሲቭል ማሕበረሰብ ድርጅቶች ይህን ውሳኔ ከተቃወሙት መካከል ይጠቀሳሉ፡፡

 “ቲክቶክን ማገድ ይህንን መተግበሪያ ሃሳባቸውን ለመግለጽ እና በአለም ዙሪያ ካሉ ሰዎች ጋር ለመግባባት የሚጠቀሙ በሚሊዮን የሚቆጠሩ አሜሪካውያን መብቶችን በግልፅ ይጥሳል” በሚል ተቃውመዋል፡፡

በቻይና ጉዳይ ከባይደን አስተዳደር በበለጠ ጠንካራ አቋም ያላቸው ዶናልድ ትራምፕ በምርጫ ቅስቀሳቸው ወቅት የሚያሸንፉ ከሆነ ቲክቶክን ከመሸጥ እና ከመታገድ እንደሚታደጉት ተናግረው ነበር፡፡