የጎሽታይ ነግደ
ደቺ ረመዳንን ሜጠቃይ ሻብ ያሲ ፣
ቦዘይ ሸር ዪደጌ ፈያይ ቢለ ያሲ ፣
አኩ መጥ ተዮን ፊገይሪ ረመዳን ፣
ሸር ኡንኮ ፈየ ሁለምጊን ያጤግራን ፣
የሸይጣንንሰ ብል አላሀን ያትኖዛን ፣
ተጀነት ያወጨ የጅራን አት ኢጢላን ።
👇👇👇👇👇👇👇👇👇👇
ረመዳን ምጦትከ ሉሌን ኢነውዛነ ፣
ተሼጣኒ ቀደ ሰብሚ ታገዳነ ፣
ተመስጂድ ወጣነ ኔቀሰ ኢባደነ ፣
ጎሽቴ ኒቀሊነ ለኛው አሎኒነ::
የሮሬይ ነግደነ ረመዳኒ መጣን ፣
የአላሀይ ረህመት የከርመክ ኢዘልማን ፣
ጀነት ተከፈትተ ጀሀነም ተዘጋታት ፣
ሱነቴ ሰላት ተፈርድ ቲቴለቃት ፣
ፈርዲቴንገ ሰላት በሲበ ቲትባዛት ፣
ሱነቴ ሰደቀ ፈርደይ ዘከ ታላት ።
ኢ ..የትረገመ ሸይጣንም ታገደ ፣
ተራጠ አይቺላነይ ሰላተክ ሰገደ ፣
በሼነነሚ ሰብ ኤራቲ ወረደ ፣
ተሰብ ያትናች ናረይ ለዚያራም ሄደ ።

ቶሪ ረመዳን አላህ አበዛያን ፣
ታያም ጁመቴነ አላህ ወደዴታን ፣
ታሮት ለይለተልቀድረነ አለህ ሜጠሬታን ፣
ተኪም አይዶ ቲጠቅላት አይነኮን ለባሙ ፣
አላሀት ባለናን ኢ... ጀባት አለሙ ፣
የአለሀን ረህመት ኤለቄ ኢለፈዱይ ፣
የረመዳነዊ ስረም ኢለመሉይ ፣
ተጅግት ኢጠቅላን ሃንኩም የጀምሩይ ።
👉አይኔን ረሳሙያም የኛነይ ሃለተ ፣
No ሰላት No ኢባደ
በኤማትን ያልፋን ገደ
Only ጫት Only ምኜት
በኪሳረ ወደቅኔት
አርዴይንገ ጠቀላን መንከ
አሮት ማልተ በስልኪከ
በፌስቡኪ ተቂቀሎትከ
ኢንዴ ኢውደኝ ምን ረከብከ
አኩም ተያንስ ተይማለይ
ቲያንዥ ዊላን ድራመ ፊልመይ
አለህ ሉልምከ ቀልብ ያበይ ።
ኢኜሀ ላል ኒቀ ኡመተው ኤጋሀ ፣
ሂጲታይ ሀማድ ዚረ ላኼራሀ ፣
ወክቲ አረውጣነን አያምቸ አለፉሀ ።
👌👌👌👌👌👌
መስጂድ ለቶንጤኮ ስረክ ዛንዘ አይበሊ ፣
ፈርደሚ ሰላትቸ ሱናሚ የድበሊ ፣
በጋርም የስገዲ በሌኔ አዪኒ ፣
ለጫት አይታወሪ ሰነፈ አዩኒ ፣
ከማ አቃቂጠ ገበየ ተቃነነኮ ፣
ወንጀልሚ ኢትባዛን በሶመን ያነምኮ ፣
ኡምራነ አትፊጅ ቲቶን ሀዳዱኮ ፣
አላን ታቴክሰናት ባሆ ሀትራመትኮ።

አላህ ረመዳን ያትጄመረነኮ
በገሬት ያትፊጂነ
አላህ በረመዳን ኸይረይዋ መቅቡለይ
ብል ቲያሶን ሱር ያሽነ ።
አላሁመ አሚን
✍የሱልጣኒ ሙጂብ & edited
~~~
https://t.me/TewhidVsSunnahsiltgna