"Ethio Construction" — @ethioengineers1 Telegram-kanali

Ethio Construction

28 Jan, 21:00

✅የብዙዎች ጥያቄ የሆነው ተሰርቶ ያለቀ ጣራ የጣራ ክዳን EGA quantity በAutocad ቀለል ባለ መልኩ እንዴት ሰርተን ማዘዝ እንዳለብን የሚያሳይ screenshot ነው።

በተለይ ለጀማሪ የሳይት መሀንዲሶች ጠቃሚ ነው።
እንበልና ተሰርቶ ሞራሌ ተመቶ ያለቀ የአንድ ቪላ የጣራ ልባስ ቆርቆሮ roof tiles ለማልበስ ፈልገን ከሆነ እንደምትመለከቱት ሁሉንም የጣራው section sketch አድርገን actual measurement ከወሰድን በኋላ የያዝነውን መረጃ በአውቶካድ በመሳል እንደምናዘው የቆርቆሮ ስፋት መከፋፈል ነው
አብዛኞቹ ፋብሪካዎች የሚያመርቱት ስፋት ሁለት አይነት ሲሆን እነዚህም ባለ90ሳ.ሜና ባለ 110ሳ.ሜ ሲሆን በፎቶ የምታዩት የተሰራው ክፍልፋይ ለባለ 90ሳ.ሜ ነው
ርዝመት እስከ ስድስት ሜትር ድረስ ወጥ ማዘዝ ይቻላል።
ምንም እንኳን ባለ 90cm ስፋት ብንጠቀምም ክፍልፋይ በ80cm የሚታየው 10cm overlap ስለሚደረግ ስናከፋፍል 10cm ተቀናሽ ተደርጎ ነው።
ባለ110cm ስፋት ማዘዝ ከፈለግን ደግሞ በ1m እናከፋፍላለን ማለት ነው።

በአሁን ሰዐት በአብዛኛው በየ40cm ርቀት ክርክር የተረገላቸው የዚህ አይነት ወጥ የቤት ክዳን ቆርቆሮዎች እየተመረቱ እየቀረቡ ነው።
የዚህ አይነቱ የቤት ክዳን ትልቁ ደካማ ጎኑ ብዙ ብክነት (waste) መኖሩ ነው እንደምትመለከቱት ከጣራው section ውጪ የሚታዩት በሙሉ waste ነው በአንፃሩ ለስራ ደግሞ በጣም ምቹና ቀላል ነው ለምን ቢባል በቦታ ልክ የሚታዘዝ ስለሆነ አስቀምጦ መትቶ በግራይንደር መቁረጥ ብቻ ነው።
ሌላኛው (48cm×110cm) ይመረት የነበረ ሲሆን ብዙ waste ባይኖረውም ለስራ እየቀጣጠሉ መምታት አመቺ ካለመሆኑም በላይ too many overlap ስላለው ተጨማሪ የቤት ክዳን ቆርቆሮ ያስጨምራል።

https://t.me/ethioengineers1

2.4k 0 26 22

Ethio Construction

26 Jan, 21:51

✅የ "Site Diary" ጥቅምና ይዘት
{The importance and Format of Site Diary}

በግንባታ ሂደት ውስጥ የምናገኛቸው የተለያየ ዓላማና ይዘት ያላቸው ሰነዶች አሉ። ለምሳሌ ያህል፦ የውል ሰነድ (contract document)፣ የሥራ ፍቃድ (Work Permit/order)፣ የግንባታ ፍቃድ (Building Permit)፣ የሥራ ምዘና መዝገብ (Checklists)፣ የዕለት ሥራ ማስታወሻ (Site Diary)፣ ንድፎች (Drawings) ... የመሳሰሉት ይገኙበታል። በሀገራችን የውል ፈጻሚዎች (አሠሪ፣ ተቋራጭ እና አማካሪ) ግጭት ውስጥ ለመግባታቸው አንዱና ዋነኛው ምክንያት እነዚህ ሰነዶች በግንባታ ሥራ አለመሟላታቸው መሆኑን የተጠኑ ጥናቶችም ጠቁመዋል።

💫ከእነዚህ ውስጥ አንዱ የሆነውን የዕለት ሥራ ማስታወሻ (Site Diary) እንመለከታለን።

ብዙ ጊዜ ስለዚህ ሰነድ ያለን ትኩረት ለዘብ ያለ ሆኖ የሚስተዋል ቢሆንም ብዙ የሥራ ተቋራጮች፣ አማካሪዎች እና አሠሪዎች ከስረውበታል።

ክፍል አንድ ዋና ዋና ጥቅሙ፦

1ኛ). የዕለት ተግባራትን መመዝገቢያ፡ ይህ የማስታወሻ ጥራዝ ወይም ሰነድ በየቀኑ በግንባታ ቦታው ላይ የተከናወኑ ሥራዎችን እንመዘግብበታለን። የተሰሩ ሥራዎችን፣ ግንባታው ያለበትን ደረጃ፣ በዕለቱ ያለውን የአየር ሁኔታ፣ ለግንባታ ሥራው የተሳተፉ ባለሙያዎችንና የጉልበት ሰራተኞችን ብዛት፣ የገጠሙ ችግሮችን፣ የተወሰዱ መፍትሔዎችን፣ በባለድርሻ አካላት የታዘዙ ልዩ ትእዛዞች (ካሉ) እነዚህ መረጃዎች የምንመዘግብበት የሁሉም የግንባታ ስራዎች አጠቃላይ ዕለታዊ መዝገብ ሆኖ ያገለግላል። ይህ ሰነድ የፕሮጀክቱን እድገት ለመከታተል ወሳኝ ሲሆን በዕለት ተዕለት እንቅስቃሴው ውስጥ ግልፅነትን ያረጋግጣል፣ የፕሮጀክት አስተዳዳሪዎች እና ባለድርሻ አካላት ስለቦታው ሁኔታ እንዲያውቁ ያግዛል።

2ኛ). ቅሬታ ወይም የክርክር የሚፈታበት ነው፦ በግንባታ ፕሮጀክቶች ውስጥ መጓተትን፣ የአቅም ለውጥን ወይም የሥራ ጥራትን በተመለከተ አለመግባባቶች ሊፈጠሩ ይችላሉ። በመሆኑም የዕለት ክስተት ማስታወሻው ሰነድ በቦታው ላይ ስለ ሁነቶች እና ሁኔታዎች ማስረጃ የሚያቀርብ ህጋዊ የግንባታ ሰነድ ሆኖ የሚቆጠር ስለሆነ በየትኛውም የፍትህ መንገድ ቅቡልነት አለው። ለምሳሌ ያህል፦ የጊዜ መጓተት የሚፈጥሩ ክስተቶች ካሉ (ለአብነት) ቀኑን ሙሉ ዝናብ ቢውል ወይም አካባቢው ረብሻ ቢሆን እነዚህ ክስተቶች የወሰዱትን ጊዜ (ሰዓት፣ ቀን፣ ወር) በቁጥር የምናሰላው ከ'Site Diary ላይ ለቅመን ስለሆነ ክስተቶቹ ባስተጓጎሉት የጊዜ መጠን ልክ በውሉ ላይ የነበረውን ግንባታ የሚጠናቀቅበትን ጊዜ ለማራዘም ያግዛል። በሌላም በኩል (ለምሳሌ) የግንባታ ግብአት ማቅረብ የአሠሪው (Client/employer) ድርሻ ቢሆን እና የግንባታ ጊዜ በዚህ የተነሳ ቢጓተትበት ሥራ ተቋራጩ የጊዜ ማራዘሚያ እና የሠራተኞች ያለሥራ የቆዩበትን ክፍያ አሠሪው እንዲከፍል ሊጠይቅበት የሚችለው በ'Site Diary ላይ በአግባቡ የተቀመጠ መዝገብ ካለ ነው።

3ኛ) ጥራትን ለመቆጣጠር ማረጋገጫ ይሆናል፦ site diary መያዝ የጥራት ቁጥጥር እርምጃዎችን እና ፍተሻዎችን ለመመዝገብ ያስችላል። ለምሳሌ፦ በዕለቱ የተሠራው ሥራ የፌሮ ብረት እና የአርማታ ሙሌት ነው ብለን ብናስብ ለእያንዳንዱ ስትራክቸር የተጠቀምንው የፌሮ ብረት አይነትና ብዛት፣ የሲሚንቶ የአሸዋ እና የጠጠር ብዛት፣ የተከናወኑ የቤተሙከራ ሥራዎችና ውጤቶቻቸው እና የተስተዋሉ ያልተሟሉ ጉዳዮችን የምንመዘግብበት ስለሆነ የግንባታ ሥራ በዲዛይኑ መሰረት ዝቅተኛውን መስፈርት አሟልቶ እየተከናወነ ስለመሆኑና ስላለመሆኑ ጥራቱን እንድንቆጣጠር፣ የሚፈለገውን ደረጃና መስፈርት የሚያሟላ መሆኑን ለማረጋገጥ፣ ተጠያቂነትን ለማስፈን እና አጠቃላይ የፕሮጀክት ጥራትን ለማሻሻል ያግዛል።

https://t.me/ethioengineers1

4.1k 0 79 42

Ethio Construction

21 Jan, 22:23

✅ስለ Field Hammer Test

በአሁኑ ሰዓት ያለው የኮንክሬት ቅይጥ አተገባበር (Concrete Mixing Methodology) የተሻሻለ እየሆነ ቢመጣም አንዳድን ችግሮች ይስተዋላሉ።

🏷ለምሳሌ ያህል፦ ወጥ የሆነ የጠጠር እና የአሸዋ አይነት አለመጠቀም፣ በቤተሙከራ የቅይጥ ምጥጥን (Mix Design Ratio) ሳይወሰንላቸው የተለያዩ የሲሚንቶ ምርት አይነቶች መጠቀን፣ ሌላ ቦታ ተቀይጦ የሚመጣ እና የኮንክሬት grade ለባለቤቱ በውል ያልተገለጸ አርማታን ለሙሌት መጠቀም (ready mix concrete) የመሳሰሉት ይገኙበታል።

እነዚህ ሂደቶች ለሕንጻው ወይም ለአርማታ መዋቅሩ ስትራክቸራል ፍላጎት አለመሟላት ሊያስከትል ይችላል።

በመሆኑም በሳይት ላይ የምንጠቀማቸው ሙከራዎች ያሉ ሲሆን በዋናነት ሐመር ቴስት (Hammer
⭐️በተለምዶ የመዶሻ ሙከራ በመባል የሚታወቀው Hammer Test ኮንክሪት ከተሞላ በኋላ ባሉት በ7ኛ እና በ28ኛ ቀናት ውስጥ ሊከናወን ይችላል (በእርግጥ በመካከል ባሉ ቀናት እና ከ28ኛ ቀን በኋላም እስከ 3 ወር ድረስ የሚተገብሩ ሀገራት አሉ)።

ይህ Non-Destructive Test ምድብ የሆነ የሙከራ ዘዴ የኮንክሪት ጥንካሬን የሚለካ ሲሆን ይህም ከአርማታ ውቅሩ ጥንካሬ ጋር የተያያዘ ምዘና ነው። በመሆኑም፦

1ኛ) በ7ኛ ቀን፦ የ7ኛ ቀን የመዶሻ ሙከራው የአርማታው መዋቅር (Concrete Structure) ያጎለበተውን የጥንካሬ እድገት የምለካበት ሲሆን እስከ 7ኛ ቀን ድረስ ከሚጠበቀው ዝቅተኛ ጥንካሬ (Minimum Compressive strength) ውስጥ ከ60% - 70% ድረስ ማጎልበት ይኖርበታል።

2ኛ) በ28ኛ ቀን፦ በ28ኛ ቀን የሚደረግ ሙከራ የአርማታ ውቅሩ የሚጠበቅበትን 100% ጥንካሬ ማጎልበቱን የምናረጋግጥበት የሜዳ ሙከራ (Field Test) ነው።

⚡️ልብ ሊባል የሚገባው ይህ የሐመር ቴስት የኮንክሪት ጥንካሬን ለመወሰን ብቸኛው ዘዴ ሳይሆን እንደ ተጨማሪ ዘዴ መጠቀም የምንችለው መሆኑን ነው። ለበለጠ ውጤት ደግሞ Core Sampling፣ Cylinder test የመሳሰሉትን የጥንካሬ መፈተሻዎችን መጠቀም አለብን።

የሐመር ቴስት ትግበራ ጥንቃቄ (Cautions during field Hammer test)፦
~ ቢያንስ 10 ቦታዎች ላይ መሞከርና ማንበብ
~ እያንዳንዱ ናሙና እርስ በእርሱ ቢያንስ 2.5ሴ.ሜ ተራራቁ መሆን አለባቸው
~ ከኮንክሬት መዋቅሩ ጠርዝ ቢያንስ 10ሴ.ሜ መራቅ
~ ሐመር ቴስት መሳሪያው የሚመታበትን አንግል ማወቅ (90° ቢሆም ይመረጣል)
~ የአሥሩን ናሙናዎች አማካኝ ማስላትና እና የመጣውን አማካኝ (Average) ውጤት ለውሳኔ መጠቀም ናቸው።

https://t.me/ethioengineers1

6.3k 0 51 33

Ethio Construction

21 Jan, 14:37

✅በጎረቤት መሬት ውስጥ ወሰን አልፎ ግንባታ ስለመፈጸም -- (የሕግ አግባብ)

ከግንባታ ሥራ ጋር ተያይዞ በሀገራችን ፍርድ ቤቶች ከቀረቡ ሪፖርቶች መካከል ሰፊውን ቦታ የያዘው «ጎረቤት ወሰን አልፎ አጥር ማጠር፣ እጽዋት መትከል እና በመሬት ውስጥ ወይም በአየር ላይ ግንባታ መፈጸም» በሚሉ ጉዳዮች የቀረቡ አቤቱታዎች ናቸው።

በመሆኑም አንድ ሰው የይዞታ ማረጋገጫ ከተሰጠበት የይዞታ ድንበር መስመሮች ውጪ በመሬት ውስጥም ይሁን ከመሬት በላይ (በአየር ላይ አንጠልጥሎ) ግንባታ መፈጸም አይችልም።

ግንባታ ይቅርና ባለይዞታው ካልፈቀደ በቀር እና በህግ ትእዛዝ ካልተሰጠ በቀር ማንም ሰው በሌላ ይዞታ ላይ አልፎ መግባት (መራመድ፣ መቆም) አይችልም (ፍ/ብ ሕ/ቁ 1216)።

አንድ ጎረቤት በራሱ ይዞታ ላይ ዛፍ ቢተክልና ዛፉ እያደገ ሲሄድ የዛፉ ሥሮች በመሬት ውስጥ ወደሌላኛው ባለይዞታ መሬት ውስጥ ቢገቡ አልፈው የገቡትን የዛፉን ሥሮች የመቁረጥ ግዴታ አለበት፣ የዛፉ ቅርንጫፎችም በአየር ላይ በሰው ይዞታ ላይ ከገቡ ወይም ቅርንጫፎቹ ወደሌላ ጎረቤት ይዞታ ውስጥ ከተስፋፉ እነዚያን ቅርንጫፎች የመቁረጥ ግዴታ አለበት (ፍ/ብ ሕ/ቁ 1212)

በመሆኑም በፍትሐብሔር ህግ ላይ በግልጽ እንደተቀመጠው አንድ ሰው በጎረቤቱ ይዞታ ላይ ግንባታ የፈጸመ ከሆነ (በመሬት ውስጥ መሰረት ግንባታ Foundation፣ በመሬት ላይ ወለል ወይም በአየር ላይ ተንጠልጣይ ውቅር Cantliver Structure ሊሆን ይችላል) ይዞታ የተጣሰበት አካል የባለቤትነት አቤቱታ በፍትሐ ብሔር /ሕ/ቁ 1206 መሰረት በማዘጋጀት ስልጣን ላለው ፍ/ቤት የማመልከት መብት አለው፡፡

አቤቱታው ይዞታው በሚገኝበት አካባቢ ባለ ፍርድ ቤት ቢሆን የተመረጠ ሲሆን በይዘት ደረጃ የይዞታው ባለቤትነት ማረጋገጫ ሰነድ የተያያዘበት፣ ግንባታ የፈጸመው አካል ምን ያህል ካሬሜትር አልፎ እንደገባ፣ እና ያለአግባብ የተፈጸመውን የግንባታ አይነት በመጥቀስ ማቅረብ ይኖርባቸዋል።

የአቤቱታው ፍሬ ነገር (ፍላጎት ደግሞ) ግንባታ የፈጸመው አካል አልፎ የገነባውን የግንባታ አይነት በራሱ ወጪ አፍርሶ ይዞታውን ቀድሞ በነበረበት ይዘት እንዲያስረክብ ውሳኔ እንዲወሰን የሚጠይቅ መሆን አለበት።

https://t.me/ethioengineers1

5.9k 0 34 27

Ethio Construction

18 Jan, 18:00

✅ለመላው የኦርቶዶክስ ተዋሕዶ ምዕመናን በሙሉ እንኳን ለ2017 ዓ/ም ለከተራ እና ለጥምቀት በዓል በሰላም አደረሳችሁ!

Baga Ayyaana Chuuphaa Bara 2017 tiin nagaan isin gahe!

https://t.me/ethioengineers1

6.4k 0 0 27

Ethio Construction

17 Jan, 12:03

✅አርክቴክት Yohannes Mekonnen - ዮሐንስ መኮንን

⚡️ጎንደር ቤተ መንግሥት አዲስ መልክ

የጎንደር ቤተ መንግሥት ጥገና ህዝቡን እያሳሰበ ነው። ቢጫ ቀለም ያለው ይመስል የነበረው ቤተ መንግሥት አሁን በጣም ነጭ ሆኖ ይታያል እናም ብዙዎች ለምን እንደሆነ ይጠይቃሉ።
ቤተ መንግሥቱን ብዙ ጊዜ ጎብኝቼዋለሁ እና በአአዩ የኤምኤስሲ ተማሪዎቼ በቤተ መንግሥቱ ላይ በርካታ የጥበቃ ጥናቶችን በማስተባበር ተሳትፌያለሁ።
ከባለሙያ አንጻር ሲታይ የሚከተሉት ነጥቦች አሉ፡
* በጥገናው ወቅት አዲስ የኖራ ኮንክሪት መጠቀም በአጠቃላይ ነጭ ቀለም እንዲፈጠር አድርጓል፣ ይህም ቀስ በቀስ ወደ ቀላል ቢጫነት ይለወጣል።
* ከጥገናው በፊት አልጌ እና ላይከን ያጨለሙት የድንጋይ ገጽታዎች በጥገናው ወቅት ተጠርገዋል፣ ይህም አዲስ ነጭ መልክ አስገኝቷል።
* የብርሃን ልዩነት - በተለያየ ጊዜ እና በተለያየ ብርሃን የተነሱ ፎቶግራፎች የቀለም ለውጥን በእጅጉ ሊያመጡ ይችላሉ።
የኖራ ድንጋይ ሕንጻዎች እርጥበት እና አየር ሲጋለጡ የብረት ቆሻሻዎች ኦክሳይድ ስለሚሆኑ ከጊዜ በኋላ ቢጫ ይሆናሉ።

https://t.me/ethioengineers1

5.8k 0 14 44

Ethio Construction

15 Jan, 22:35

✅Join

https://l.jaco.live/MmgXG548xc

@ethicons in JACO

Engineer

6.2k 0 1

Ethio Construction

13 Jan, 09:29

✅የኮንስትራክሽን ጨረታ በተመለከተ!

⚡️ውድ የቻናላችን ቤተሰብዎች

በአሁን ሰዓት ብዙ ኮንትራክተሮች ከ technical ግምገማ ውጪ እየሆኑ እናያለን የ ቻናላችን ቤተሰቦች በሰበሰቡት መረጃ መሰረት አንዱ ምክንያት የግዢ አዋጁ ከደነገገው መመሪያ በላይ requirement ስለሚቀመጥ ነው።

ለምሣሌ የግንባታ የተሻሻለው መመሪያ ላይ ስለ turnover እንዲህ ያስቀምጣል:-

👌ለሀገር ውስጥ ተጫራቾች peak annual turn over እንዲያዝ ሲያዝ ለውጪ ተቋራጮች ደግሞ average turnover እንዲያዝ ያዛል ነገር ግን የሀገር ውስጥ ተቋራጭ average ባለሟሟላቱ ውድቅ ይደረጋል።

Turnover amount የሚሰላው የሚገነባው ፕሮጀክት ዋጋ ለሚፈጀው ወራት በማካፈልና በ12 በማብዛት ሲሆን አንድ ፕሮጀክት engineering estimation 100 million ሆና duration 3 አመት ቢሆን መጠየቅ ያለበት peak 33.3 million birr ለሀገር ውስጥ ተቋራጭ እና 100 million ለውጪ ተቋራጭ እንደ ማለት ነው።

👌ስለዚህ የ ቻናላችን ቤተሰቦች ጨረታ ሲገዙ ይህንን አዋጅ በመጥቀስ clarification እየጠየቁ ቢሞሉ ጨረታውን የማለፍ እድልዎ እንደሚጨምር እየገለፅን ተመሳሳይ አስተማሪ የሆኑ መልእክቶችን ለወደፊቱ እናሳውቃለን።

እናመስግናለን!

Ethio Construction

በኮንስትራክሽን ዘርፍ ላይ ከዲዛይን ,ቅየሳ ጀምሮ እስከ ፊኒሺንግ ሁሉንም 👷‍♂እናማክራለን 🏢ዲዛይን እናደርጋለን 📚ሙያዊ ድጋፍ እና እገዛ እናደርጋለን 🏗በጥራት እና በጊዜ ፍጥነት እንገነባለን 📲 0953138434(eng sintayehu melese) ወይም tiktok https://www.tiktok.com/@ethiocons ለሃሳብ እና ኣስተያየት @Ethiocon143bot ይጠቀሙ

9.1k 0 47 54

Ethio Construction

11 Jan, 16:28

✅የሲሚንቶ ቤተሙከራዎች »
{ Cement Tests }

A) የመኮማተር ጥንካሬ (Compressive Strength)፡-

ይህ ምዘን ሲሚንቶ ከደረቀ በኋላ ያለምንም መኮማተር ወይም መፈረካከስ የሚተገበርበትን ክብደት የመሸከም አቅሙን የምንለይበት ነው።

በመሆኑም ሲሚንቶው ምን ያህል ክብደትን ወይን ጭነትን (loads) የመቋቋም አቅም እንዳለው የምንለይበት ነው።

B) የመለጠጥ ጥንካሬ (Tensile strength)፡

ይህ ሙከራ የሲሚንቶን የመለጠጥ ጥንካሬን የምንመዝንበት ሲሆን ለጭንቀት ሊጋለጥ ለሚችልበትን የጭነት ትግበራ ለማወቅ ጠቃሚ ነው።

C) ጤናማነት ፍተሻ (Soundness): ይህ የምዘና ሥራ ሲሚንቶ ከውሃ ጋር ሲዋሃድ የሚኖረውን የመጠን ለውጥ እና መሰነጣጠቅን ለመቋቋም ያለውን ክህሎት (ጥንካሬ) የምናይበት ነው።

D) የመጠንከሪያ ሰዓት (Setting Time)፡
ይህ ሙከራ ሲሚንቶ የሚጠበቅበትን ጥንካሬ የሚይዝበትን ወይን የሚደርቅበትን የሰዓት መጠን (ለማጠንከር የሚፈጀውን ጊዜ) ለማወቅ የሚደረግ ምዘና ነው።

ይህ ሂደት የቀረበው የሲሚንቶ አይነት ልንጠቀምበት ላቀድነው የሥራ ክፍል (application to intended works) ተስማሚ የሆነ የመጠንከሪያ ጊዜ መሆኑን ለመለየት ይጠቅማል።

E) ጥቃቅንነት ወይም ልመት (Fineness):
ይህ የሲሚንቶ ቤተሙከራዊ ምዘና የሲሚንቶውን ቅንጣት መጠን (particle size) ለመወሰን የምንሰራው ሲሆን ከውሃ ጋር የመዋሐድ (hydration) ምጣኔን እና በውኅደት ሂደት የሚኖረውን ጥንካሬ እድገት የምንለካበት ነው።

F) ከውሃ ጋር የሚዋሃድበትን የሙቀት መጠን (Heat of Hydration)

ይህ የምዘና ሂደት ሲሚንቶ ከእርጥበት ወይም ከውሃ ጋር ለሚያደርገው አጸግብሮት የሚያስፈልገውን የሙቀት መጠን ለማወቅ ይጠቅማል። ይህ ፍተሻ በእርጥበት ሂደት ውስጥ የሚፈጠረው ሙቀት በሲሚንቶው ላይ ስንጥቅ ወይም ሌላ ጉዳት እንዳይደርስበት መጠኑን ለመወሰን ወይም ለማረጋገጥ ጠቃሚ ነው።

G) የኬሚካል ይዘት (Chemical Analysis)፡ ይህ ሙከራ ሲሚንቶው የተመረተበትን የኬሚካል ስብጥር ለማወቅ የሚጠቅም ሲሆን በውስጡ ያሉ ኬሚካሎችና መጠናቸው ለሚፈለገው ሥራ ተስማሚ መሆኑንና አለመሆኑን ወይም የኬሚካል መመዘኛዎች የሚያሟላ መሆኑን እና ምንም ዓይነት ጎጂ ንጥረ ነገሮችን እንደሌለው ለማረጋገጥ ጠቃሚ ነው።

https://t.me/ethioengineers1

8.4k 0 53 50

Ethio Construction

10 Jan, 09:39

✅ባለ ፌሮ አርማታ (RC) የምናረገው ሁለት ነገሮችን ለመቋቋም ነው

1. መኮማተርን(compression)
2. መለጠጥን (tension)

ፌሮ የመለጠጥ ጥንካሬ አለው ductile property አለው ስለዚህ ሲለጠጥ እና deform ሲያረግ ጊዜ ይወስድበታል

አርማታ ደግሞ የ መኮማተር ጥንካሬ አለው ለመለጠጥ ከጠጋለጠ ወዲያው ይቀነጠሳል ለምን ቢባል brittle ስለሆነ

ስለዚህ አርማታ በዝቶ ብረት ካነሰ tensile failure occur ያረጋል በተቃራኒው ደግሞ ብረት በዝቶ አርማታ ካነሰ compression failure በዚህ ግዜ ፈጠን ያለ ምላሽ እናገኛለን ከ tensile failure አንፃር።
ስለዚህ Balanced የሆነ structure design ማረግ አለብን።

✅Tiktok

https://www.tiktok.com/@ethiocons

8.1k 0 49 71

Ethio Construction

9 Jan, 21:48

✅መሀንዲስ ስራ ለመቀጠር ሲሄድ የሚጠየቃቸው ጥያቄዎች እና መልሶች?❓

1. የስላምፕ ቴስት ውጤት ምን ይነግርሀል?
ኮንክሪታችን ምን ያህል ፈሳሽ እና ወጥ እንደሆነ ፣water- cement ratio ከፍተኛ እንደሆነ እና እንዳልሆነ፣ የ batchingኣችንን ጥራት እና ወጥነት የስላፕ ቴስት ውጤት ይነግረናል፡፡

2. ካሊፐር ምንድነው?
ስፋት፣ውፍረት ፣ጥልቀት እና ወርድ የምንለካበት መሳሪያ ሲሆን በ ኮንስትራክሽን የ 6.ሮ diameter እና ለ ስቲል ሴክሽን ውፍረት ምንለካበት ነው።

3. C25 ምን ማለት ነው?
አርማታው ከተሞላ በ 28 ቀን የመኖረው የ 25 ሜጋፓስካል (25MPa) 99% የመኮማተር አቅም Characteristics compressive strength (fck)

4. ህንፃ ስንሰራ ፌሮ አስተዋፅኦ ምንድነው?
(deformable bar)RC (reinforced concrete) structure የ Tensile stressን ለመቆጣጠር ፌሮ እንጠቀማለን እንደየ ስትክቸሩ የተለያዩ አገልግሎቶች አሉት ለምሳሌ ቢም ላይ ለ tension zone ላይ እንጠቀማን ለ ሺር (ስታፋ) እንጠቀማለን፣ መሬት ላይ ለምንሰራው (Ground supported slab) minimum rebar a temperature (ሙቀት ሲያጋጥመው እንዳይሰነጠቅ) እንጠቀማለን።

✅Tiktok

https://www.tiktok.com/@ethiocons

እናመስግናለን!

8.7k 0 145 138

Ethio Construction

9 Jan, 19:03

✅የአፈር ጥቅጠቃ (Fill or Embankment)

በሀገራችን የቀድሞው ባትኮዳ (Building and Transport Construction Design Authority - BaTCoDA) Specification እና በ 'AASHO T147' መሰረት የአፈር ጥቅጠቃ ወይም መረምረም በተቆጣጣሪው መሐንዲስ የጸደቀ ግብአት መሆን ያለበት ሲሆን፦

1ኛ) ቢያንስ 95% የመጠቅጠቅ ብቃትን (95% compaction) ያሟላ መሆን አለበት

2ኛ) የጥቅጠቃ ሥራው ቢበዛ ከ20 ሳንቲሜትር ባልበለጠ የንጣፍ ውፍረት (not ecmxceeding 20cm layers) መጠቅጠቅ አለበት

3ኛ) እያንዳንዱ ንጣፍ በቂ ውሃ እየጠጣ መጠቅጠቅ (watered compaction) አለበት

https://t.me/ethioengineers1

7k 0 34 21

Ethio Construction

7 Jan, 10:00

❝ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና።❞

— ሉቃስ 2፥11

እንኳን ለጌታችን ለመድሀኒታችን ለኢየሱስ ክርስቶስ የልደት በዓል በሰላም አደረሳችሁ።

በዓሉ የሰላም፣ የፍቅርና የመተሳሰብ እንዲሆንላችሁ እንመኛለን።

መልካም የገና በዓል | ethio construction

https://t.me/ethioengineers1

8.6k 0 6 39

Ethio Construction

5 Jan, 20:39

✅በሀገራችን_በህንጻ መዋቅር ጥናት ውስጥ ጥቂት ስለ Seismic (Earthquake) ታሳቢነት

ይህ ጽሁፍ የተዘጋጀው ወቅታዊው የመሬት መንቀጥቀት ያሳደረብንን ስጋት አንጻር ጥቂት ለማለት ነው።

በሀገራችን ራሱን የቻለ የዲዛይን ኮድ አለን ካሉን የዲዛይን ኮዶች መካከል አንዱ ስለ Seismic Design የሚንመራበት ES EN 1998-1:2015 Design of Structures for Earthquake Resistance የሚለው ይገኝበታል።

የመዋቅር ዲዛይን የሚሰራው ባለሙያም ዲዛይኑን የሚያጸድቀውም መኮንን በዚሁ መሰረት ዲዛይን ተሰርቶ ወደ ግንባታ እንዲገባ ፈርመው ይሰጣሉ።

ገንቢውም በዚህ ተመስርቶ እንዲገነባ ይጠበቅበታል።

የህንጻ መዋቅር ዲዛይን ታሳቢዎች
በመዋቅር ዲዛይን ታሳቢ የሚደረጉ ጭነቶች (Action loads) መካከል መሰረታዊ የሚባሉት Dead load, Live load Wind Load እና Seismic actions ሲሆኑ እንደ ሁኔታው እየታየ የተዘረዘሩት loadዎች በጋራ የሚያመጡት ጉዳት ከግንዛቤ የሚያስገባ እንደ አስፈላጊነቱ ከ 100 load combination ይሰራል።

ወደ መሬት መንቀጥቀጡ ስንገባ ለህንጻ ዲዛይንም በሬክተር ስኬል እየተለካ ሳይሆን ቀድሞ በተጠና አካባቢያዊ ተጠባቂ ሁኔታ የተከፋፈሉ ዞኖችን ታሳቢ አድርጎ በዚያ አካባቢ የሚጠበቀውን ከፍተኛ የምድር እንቅስቃሴ (Peak Ground Acceleration) ታሳቢ በማድረግ በተሰሩ ቀመሮችና ለመቀመሪያ በተዘጋጁ Software በመታገዝ ነው።

✅ወደ ዲዛይን ታሳቢዎች ስንገባ

፩) ህንጻው የሚገባበት አካባቢ ለመሬት መንቀጥቀጥ ያለው ተጋላጭነትን ያገናዘበ ዞን (Seismic Zone) ( አዲስ አበባ ዞን 3 ሲሆን የሰሞኑ የአብዛኛው መሬት መንቀጥቀጥ መነሻ አፋር ክልል ብዙው ዞን 5 ነው)

፪) እያንዳንዱ ህንጻ ስንመለከተው በአርማታ በመሰራቱ ግትር ቢሆንም የመሬት መንቀጥቀጥን ለመከላከል እንዲችል የተወሰነ ያክል ተለማጭ እንዲሆን የሚያስችል ስሌት (Elastic Analysis) ይሰራለታል።

፫) የህንጻው መሰረት የሚያርፍበት የመሬት (አፈር/አለት)
ሁኔታ ( Ground Type) ታሳቢ ይደረጋል።

፬) የሚገነባው ህንጻ መዋቅር ዓይነት ( Structural Type and Behavioral Factor) የጥናቱ አካል ነው።

፭) የህንጻው ቅርጽና ቁመና (Structural Regularity) ከግምት ውስጥ ይገባል።

፮) የህንጻው መዋቅር አካላት Beam, Slab, Column, Wall, Number of Story, Number of Bays እና Foundation Types በልዩ ሁኔታ ታሳቢ ይደረጋሉ።

፯) ለግንባታ የምንጠቀማቸው ቁሶችና ጥራታቸው ( በተለይ የአርማታ የብረት ) በየመስፈሪያቸው የዲዛይኑ ግብዓት ሆነው ያገለግላሉ።

⭐️ከላይ የተዘረዘሩትና ሌሎችም ታሳቢዎች ታክለው በተሰራው የኮምፒውተር ሞዴል በሚሰጣቸው ከመቶ በላይ load combinations የከፋ ጉዳት ሊያደርሱ የሚችሉትን እንዲቋቋም ተደርጎ ፣ የተለያዩ ማሻሻያ የሚያስፈልጋቸው Modifier Factors ተካተው፣ የ Stability Check ተደርጎ የስትራክቸራል ዲዛይን ድሮዊንግ ይሰራል።

✅ለምን እንንቀጠቀጣለን?

⏺እንዲህ ተሰርቶ ለምን እንንቀጠቀጣለን? ለሚለው መልሱ ከላይ የዘረዘርኩት ማስረጃዎችን ታሳቢ ተደርጎ ከተሰራ ዲዛይን ላይ ሶስት ሞዴሎች ተያይዘዋልና ተመልከቷቸው።

⏺እንቅስቃሴዎቹ በተለያዩ load combinations ህንጻው ራሱን ሲከላከል የሚያሳይ የትክክለኛ ዲዛይን animation ነው።

⏺ይህ እንቅስቃሴ በአይናችን ልናየው ባንችልም የተሰቀሉ መብራቶች ሲንቀሳቀሱ፣የተቀመጠ ዕቃ ሲወድቅ፣ የተከፈተ መስኮት/በር ሲዘጋ...እንመለከታለን እኛም ህንጻው ላይ እንደተቀመጡት ዕቃዎች ንዝረቱ ይሰማናል እንጂ የህንጻውን እንቅስቃሴ ልንመለከት አንችልም ግን እየተንቀሳቀሰ ነው።

⏺ህንጻው ተንቀሳቀሰ ማለት ዲዛይኑ ትክክል አይደለም ማለት ወይም ይፈርሳል ማለት አይደለም። ዲዛይን በተደረገው ሞዴል መሰረት እራሱን እየተከላከለ ነው።

💫ምን ያሰጋናል?

፩) የግንባታ ጥራት
፪) ከዲዛይን ውጪ የተጨመሩ ወለሎች ያሏቸው ህንጻዎች
፫) የመሬት መንቀጥቀጥ የሚነሳባቸው አካባቢ ያሉ ቤቶች
፬) ሳይት ላይ መዋቅሮች የተደረጉ ማሻሻያዎች
፭) በተኛንበት ወይም በተቀመጥንበት የተንጠለጠሉ ቁሶች አናታችን ላይ ወድቀውብን አደጋ እንዳያደርሱብን!

Via ደሳለኝ ከበደ ህንጻ መሀንዲስ፣ ገንቢ፣ ሪል ስቴት አማካሪ

https://t.me/ethioengineers1

9.2k 0 38 54

Ethio Construction

5 Jan, 17:15

ከመንግሥት ጋር ከተያያዙ ተግዳሮቶች ባሻገር ተቋራጮች በራሳቸው ደካማ የሆነ የውል አስተዳደር (Contract Administration) ትግበራ እንዳላቸውም ተጠቅሷል።
ሳሙኤል (ኢንጂነር)፣ ‹‹ለምሳሌ የዋጋ ማስተካከያ ይፈቀድልን በሚል ገንዘብ ሚኒስቴር ሲጠየቅ፣ ‹ማን ከለከላችሁ?› የሚል ጥያቄ ሲያነሳ፣ የከለከለን አማካሪው በልዩ ሁኔታ (Special Condition) በማስፈረም መሆኑን ሲገልጹ፣ ገንዘብ ሚኒስቴር እንደዚህ ያለ ውል ማን ፈርሙ አላችሁ? ብሎናል። የእኛንም ችግር ራሳችን መውሰድ መቻል አለብን። ግን ፍፁም የተከለከለ አይደለም። በፊት የ12 ወር ተባለ አሁን የ18 ወር ሆነ፣ ከዚያ ውጪ ግን ሙሉ ለሙሉ ይህ ፕሮጀክት ይህንን አያካትትም ብሎ መከልከልን ያመጣው በደካማ ውል አስተዳደር ትግበራችን ችግር ነው፤›› ብለዋል።

ከዚህ ባሻገር የአገር ውስጥ የሥራ ተቋራጮች የግንባታ ጥሬ ዕቃ ከውጭ አገሮች ለማስመጣት፣ ከፕሮጀክቱ አጠቃላይ ወጪ ከ40 እስከ 60 በመቶ የሚሆነውን ያህል ገንዘብ የሚያወጡ ቢሆንም፣ ግዥ ለመፈጸም የሚዋዋሉት አገር ውስጥ ካለ አስመጪ ድርጅት ጋር በመሆኑ፣ ዕቃዎቹ ወደ አገር ውስጥ የሚገባበት ጊዜ ፍጥነት አስተማማኝ አለመሆኑን ጥናቶቹን ያቀረቡት ባለሙያዎች አስረድተዋል። (Reporter)

https://t.me/ethioengineers1

7.2k 0 14 14

Ethio Construction

5 Jan, 17:15

✅መንግሥት በራሱና በውጭ ተቋራጮች ግንባታዎችን በመቆጣጠሩ የግል ሥራ ተቋራጮች ከሥራ ውጪ መሆናቸውን አስታወቁ‼️

መንግሥት የመንገድና የሕንፃ ፕሮጀክቶችን ለመገንባት የራሱን የግንባታና የዲዛይን ድርጅቶች በማቋቋም፣ ፕሮጀክቶችን መያዙና የተቀረውን ለውጭ አገር የሥራ ተቋራጮች እየተሰጠ መሆኑ፣ የአገር ውስጥ የግል የሥራ ተቋራጮች ከሥራ ውጪ መሆናቸውን አስታወቁ።

ይህ የተገለጸው የከተማና መሠረተ ልማት ሚኒስቴር ከግሉ የግንባታ ዘርፍ ባለድርሻ አካላት ጋር ባለፈው ሳምንት ባደረገው የምክክር ጉባዔ ላይ ነው።

ሚኒስቴሩ የአገር ውስጥ የሥራ ተቋራጮች በአሥር ዓመታት ውስጥ በአገር ውስጥ ያላቸውን የገበያ ድርሻ ወደ 75 በመቶ፣ በቀጣናው ደግሞ የ25 በመቶ ድርሻ እንዲያሳድጉ ዕቅድ ቢይዝም፣ የሥራ ተቋራጮች በበኩላቸው መንግሥት በውጭ ተቋራጮች ላይ ያለውን ከፍተኛ ጥገኝነት፣ የክፍያዎች መዘግየት፣ በቅርብ የተካሄደው የኢኮኖሚክ ሪፎርም በኢንዱስትሪው ላይ ያሳደረውን ጫናና ሌሎችም ማነቆዎችን በማንሳት፣ መንግሥት በእርግጥ ኢንዱስትሪውን ያውቀዋል ወይ? የሚል ጥያቄ አንስተዋል።

አቶ ሀብታሙ ጌታቸው የተባሉ ተሳታፊ፣ መንግሥት ከቅርብ ጊዜ ወዲህ ኢንዱስትሪውን በብቸኝነት ወደ መቆጣጠር እያመራ ነው ሲሉ ወቅሰዋል።

‹‹ከቅርብ ጊዜ ወዲህ ያው ከመሰላቸትምም ተነስቶ ሊሆን ይችላል፣ ግን በመንግሥት በኩል ኢንዱስትሪውን በብቸኝነት የመያዝ ሒደት ነው እያየን ያለነው። መንግሥት የራሱን የዲዛይን፣ የኮንስትራክሽን ተቋማት እያደራጀና እያዘጋጀ ነው። ስለዚህ ፕሮጀክት ሲመጣ ራሱ ዲዛይን ያደርጋል፣ ራሱ ግንባታ ይፈጽማል፣ በጣም ከእሱ አቅም በላይ የሆነውን ለውጭ ኩባንያዎች ይሰጣል። ስለዚህ ለግሉ ዘርፍ ቦታው ባዶ ነው ብዬ ነው የምገምተው፤›› ብለዋል።

በሌላ በኩል በምክክር መድረኩ የቀረቡ ሁለት ጥናቶች፣ በአገር ውስጥ የሥራ ተቋራጮች የሚገነቡ መንገዶች በ143 በመቶ፣ ሕንፃዎች ደግሞ በ110 በመቶ ከተያዘላቸው ጊዜ አሳልፈው እንደሚጠናቀቁ፣ ከተያዘላቸው በጀትም እንዲሁ የመንገድ ፕሮጀክቶች በ18 በመቶ፣ ሕንፃዎች ደግሞ በ35 በመቶ እንደሚያሳልፉ አመላክተዋል።

ከሚኒስቴሩ በኩል ጥናት ያቀረቡት ባለሙያ፣ ‹‹ከዚህ ጥናት በኋላ በፕላንና ልማት ሚኒስቴር አስተባባሪነት በተደረጉ የፕሮጀክቶች ክትትል በብዙ ፕሮጀክቶች እያንዳንዱ እየተነጠለ ሲታይ የጭማሪዎቹ መጠን ከዚህም በላይ እንደሆነ ማየት ተችሏል፤›› ብለዋ።

ሳሙኤል ሳህለ ማርያም (ኢንጂነር) የተባሉ ጥናት አቅራቢ በበኩላቸው፣ የውጭ ኮንትራክተሮች የሚይዙት ግንባታ መጠን አነስተኛ ሆኖ፣ ነገር ግን የሚይዙት የገበያ ድርሻ እስከ 62 በመቶ እንደሚደርስ አሳውቀዋል።
ከዚህ ጋር ተያይዞም ያሉ ሥጋቶች ላይ ማብራሪያ ሲሰጡ፣ ‹‹የግንባታ ዘርፉ አሁንም ትልልቅ የመሠረተ ልማት ፕሮጀክቶች ትልቁን ድርሻ የያዙት የውጭ ሥራ ተቋራጮች ናቸው።
ይህንን ልንቀይርበት የምንችልበት አካሄድ እስካልተፈጠረ ድረስ አሁን በቅርብ ይህ ንግድ ለዓለም የንግድ ድርጅት ክፍት ነው የሚሆነው። ስለዚህ እኛ ምን ይዘን ነው የምንቀላቀለው? ምን ይዘን ነው ለውድድር ልንቀርብ የምንችለው? በዚህ ሁኔታ ከሆነ የምንቆየው ሁላችንም ተበልተን ነው የምናልቀው፤›› ብለዋል።

በሚኒስቴሩ በኩል የቀረቡት ባለሙያ የውጭ ተቋራጮች ጉዳይ እስከ ሉዓላዊነት የደረሰ ችግር ሊያስከትል ይችላል ሲሉ አስጠንቅቀዋል።

በአሁኑ ወቅት በሥራ ላይ ያሉት የአገር ውስጥ የሥራ ተቋራጮችና አማካሪ ኩባንያዎች 35 ሺሕ መድረሳቸውን፣ የባለሙያዎች ብዛትም 151 ሺሕ መሆኑን ጠቅሰዋል።

‹‹በቁጥር ይግዘፍ እንጂ በፌዴራልም ሆነ በክልል ደረጃ የመንግሥት ሜጋ ፕሮጀክቶች በብዛት የተያዙት በሚያሳዝን ሁኔታ በውጭ ኮንትራክተሮች ነው። መጀመሪያ የአገራችንን 75 በመቶ ይዘን የቀጣናውን 25 በመቶ ገበያ ለመያዝ ነው ዕቅዳችን። እነዚህ ቁጥሮች ሳይሆኑ እኛን የሚታደጉን ሄዶ ሄዶ ጉዳዩ የሉዓላዊነት ጉዳይ ጋር ይመጣል፤›› ብለዋል።

ሳሙኤል (ኢንጂነር) የውጭ አገር የሥራ ተቋራጮች ከዚህም ባሻገር ከበጀት ጋር የተያያዙ ጫናዎች እየፈጠሩ መሆናቸውን አሳውቀዋል።

‹‹አንድ በውጭ ተቋራጭ የሚሠራ በጀቱ 800 ሚሊዮን ብር የነበረ ፕሮጀክት፣ ግንባታውን በመሀል አቁመው 3.2 ቢሊዮን ብር ካልከፈላችሁን አንሠራም ማለታቸውን እናውቃለን። ቦሌ ክፍለ ከተማ የሚሠራው ስታዲየምን መጥቀስ ይቻላል፡፡ ፕሮጀክቱ ሲጀመር በጀቱ ከሁለት ቢለዮን ብር ጥቂት ነበር ከፍ የሚለው። ግን በኋላ ላይ እስከ 12 ቢሊዮን ብር አይበቃም ማለታቸውን ሰምተናል፤›› ብለዋል።

ባለሙያው ይህ ዓይነቱ አሠራር ለአገር ውስጥ የሥራ ተቋራጮች እንደማይሠራ ገልጸው፣ ኩባንያዎች፣ ከባንኮች ከግንባታ ዕቃ አቅራቢዎች ጋር ተያይዞ ሊሠራበት የሚችልበት ሁኔታ እንደሌለ ገልጸዋል።

የውጭና የአገር ውስጥ ተቋራጮች አፈጻጸምን በተመለከተ ለአብነት የቻይና ተቋራጮችን አፈጻጸም ያነሲ ሲሆን፣ ፕሮጀክቶችን በሚያገኙበት ወቅት ዕቃ አቅራቢ ፋብሪካ አዘጋጅተው፣ አማካሪ ኩባንያው የራሳቸው አገሮች ኩባንያ መሆኑንና ንዑስ ተቋራጮችም በራሳቸው እንደሚያዘጋጁ ጠቅሰው፣ የቻይና ኤግዚም ባንክ እዚህ ለሚሠሩ ሥራ ተቋራጮች የገንዘብ ፍሰት (Cash Flow) ችግር እንዳያጋጥማቸው እንደሚያቀርብላቸውና በእነዚህ ሁኔታዎች ውስጥ የሚያልፍ የውጭ ተቋራጭ በተገቢው ሁኔታ ሥራውን አከናወነ እንደሚባል ተናግረዋል።

‹‹የእኛ ሥራ ተቋራጭ እኮ በክፍያ ምክንያት የሚያጋጥመው ጫና ምናልባት መንግሥትና ዘርፉ የእውነት ይተዋወቃሉ?› የሚል ጥያቄ እንዳነሳ ነው የሚያደርገኝ። የእውነት ይተዋወቃሉ ወይ? ዘርፉ እኮ እየሞተ ነው ያለው። ክፍያ በአግባቡ ካልተከፈለው የፕሮጀክት ቆይታ በከፍተኛ ሁኔታ ነው እየጨመረ የሚመጣው። ስለዚህ ይህንን ክፍተት መሙላት የሚያስችል የፋይናንስ ሲስተም ያስፈልጋል፤›› ብለዋል።

የከተማና መሠረተ ልማት ሚኒስቴር ደኤታ አቶ የትምጌታ አሥራት በበኩላቸው፣ መንግሥት ፕሮጀክቶችን ለአገር ውስጥ የሥራ ተቋራጮች ለማስተላለፍ እየተሠራ መሆኑን ገልጸዋል።

በሌላ በኩል በውይይት መድረኩ ከተነሱ ዋነኛ ጉዳዩች የውጭ ምንዛሪ ላይ የተደረገው ሪፎርም በኢንዱስትሪው ላይ ሌላ ጫና ይገኝበታል።

‹‹የኢንዱስትሪው ገበያ የሚንቀሳቀሰው በጥቁር ገበያው ነበር፡፡ እዚህ ላይ ምንም ልንወሻሽ የሚገባ ነገር የለም። ለምን አንድ አቅራቢ ዕቃ ከውጭ አምጥቶ ለመሸጥ ለሒደት ማስፈጸሚያ (Procedure Issue) ብቻ የባንክን ምጣኔ ይጠቀማል። ለምሳሌ 60 ብር በነበረበት ሰዓት ለፕሮሲጀር የባንክን ይጠቀማል፡፡ ሌላውን ግን በጥቁር ገበያ ሴኪውር ያደርጋል። ከዚያ በኋላ ግን ዋጋ ሲያወጣ በጥቁር ገበያው ምጣኔ ነው የሚያወጣው፡፡ በዚህ ምክንያት የፕሮጀክት ዋጋ ከፍ ይላል፤›› ብለዋል።

በተጨማሪም፣ ‹‹ምንዛሪ በገበያው መወሰን ሲጀምር በፊት ግብር የሚከፍል የነበረው ባንክ በሰጠው ምጣኔ ነበር። ለምሳሌ ምንዛሪው ሰባት ብር ከነበረ፣ አሁን ግን 125 ሲሆን ግብሩም በዚያው መጠን ከፍ ይላል ምክንያቱም በደረሰኝ ገንዘቡን ዝቅ አያደርግም።

እንደነዚህ ዓይነት ዕርምጃዎችን እንዳይሄድና ኃላፊነት እንዲወስድ ብሔራዊ ባንክ አስገዳጅ መመርያ አውጥቶበታል። ያንን ስናይ ደግሞ ከኢንሹራንስና ከትራንስፖርት ጋርና ከሌሎች ሎጂስቲክስ ጉዳዮች ጋር የተገናኙ የወጪ ክፍያዎች አሉበት። ስለዚህ በኢኮኖሚክ ሪፎርሙ የኮንስትራክሽን ዘርፉ አሁንም እንደገና ደግሞ ሌላ ተጋላጭነት አጋጥሞታል፤›› ሲሉ አብራርተዋል።

7.1k 0 16 13

Ethio Construction

5 Jan, 12:38

✅ጨረታ ውድቅ ሊሆንባቸው የሚችሉ ምክንያቶች

⚡️ጳጉሜን 4 ቀን 2016 ዓ/ም የወጣው የፌደራል ነጋሪት ጋዜጣ ቁጥር 66 "የፌደራል መንግሥት ግዢና ንብረት አስተዳደር አዋጅ (PPPAA - Federal Public Procurement and Property Administration Proclamation) ቁጥር 1333/2016 ስለግዢ የተደነገገ ሕግ ነው።

⏺በዚህ ህግ አንቀጽ 26 ላይ "ጨረታን ሙሉ ለሙሉ ወይም በከፊል ውድቅ ስለማድረግ" የፈቀደ ሲሆን ይህንን ለማድረግ ያስቀመጣቸው ምክንያቶች፦

~ በግዢ አፈጻጸም ውጤት የሚያዛባ ስህተት ካገኘ
~ የተሻለ የሥራ ወይም ኢኮኖሚያዊ ወይም ማህበራዊ ጥቅም ካገኘ
~ የቀረቡት ተጫራቾች የጨረታውን ዝቅተኛ መስፈርት የማያሟሉ ከሆነ
~ የቀረበው ዋጋ ስታቲስቲክስ አገልግሎት ካጠናው የገበያ ዋጋ ከፍተኛ ልዩነት ካለው
~ በጨረታው ያሸነፈው አካል ያስገባው ዋጋ ለጨረታው ከተያዘለት በጀት በላይ ከሆነ
~ ተጫራቾች የጨረታ ሂደቱን ለማዛባት እንደተመሳጠሩ የሚያሳይ መረጃ ካለ

በእነዚህ ምክንያት ጨረታ ያወጣው አካል ጨረታውን ሙሉ ለሙሉ ወይም በከፊል ሊሰርዝ ይችላል ነገር ግን በዚህ ህግ መሰረት ጨረታው ከተሰረዘ ምክንያቱን የሚገልጽ ማስታወቂያ ለተወዳዳሪዎች ማሳወቅ ይኖርባቸዋል በተለይ የመንግሥት መሥሪያ ቤቶች በዚህ መሰረት ጨረታን ውድቅ ቢያደርጉ ተጠያቂ አይሆኑም።

https://t.me/ethioengineers1

6.7k 0 31 21

Ethio Construction

4 Jan, 18:21

✅ማንኛውም ጨረታ ቴክኒካል እና ፋይንናሻል ፕሮፖዛል ከማዘጋጀት በፊት የሚከተሉትን ማድረግ እጅግ ጠቃሚ መሆናቸውን ልብ ይበሉ

1. ጨረታውን ያወጣው ተቋም ያዘጋጀውን ጨረታ ሰነድ በጥልቀት ማንበብና መረዳት

[ምንም እንኳ አብዛኛው ተቋም PPA 2011 Standard Bidding Document ተጠቅሞ ወይም እንደ ግዥው በጀት ምንጭ አለም አቀፍ አበዳሪ ተቋማት ስታንዳርድ ጨረታ ሰነዶችን ተጠቅሞ የሚያዘጋጅ ቢሆንም እንኳ በጨረታ ሰነዱ የሚገኙ የተለያዩ ክፍሎች እንደየፕሮጀክቱና ተቋሙ ሁኔታና መረዳት የሚሞሉ እንደመሆናቸው የተዘጋጀውን ሰነድ ገዝቶ በግዥ ላይ በሰሩና ልምድ ባላቸው ባለሞያዎች በዝርዝር ማየት አስፈላጊ ነው]

2. የጨረታ ሰነዱን ገዝተን በዝርዝር ካየን በኋላ አሻሚ የሆኑ፣ ግልጽ ያልሆኑ እና መካተት የነበረባቸው የቀሩ ሰነዶች አሉ ብለን ካሰብን፤ ጨረታውን ላወጣው ተቋም ማብራሪያ መጠየቅ አለብን

[ ማብራሪያን በተመለከተ እንዴት እና የት እንደሚጠየቅ የጨረታ ሰነዱን ክፍል አንድ ወይም ሁለት ላይ መመልከት ይኖርብናል። ይህንን ጥያቄ መሰረት አድርጎ ጨረታውን ያወጣው ተቋም ማብራሪያ መስጠት ይኖርበታል]

3. በግዥ/ጨረታ ላይ ልምድ ያለው ባለሙያ የቴክኒካልና ፋይናንሻል ፕሮፖዛል ዝግጅቱን እንዲያከናውን ማድረግ፤

4. ቴክኒካል እና ፋይናንሻል ሰነድ ለማዘጋጀት የሚያስፈልጉን ቅጾች/forms/ በጨረታ ሰነዱ ላይ የሚገኙ መሆናቸውን በማረጋገጥ እነሱን ተጠቅሞ ማዘጋጀት ይገባል። ከዚህ በፊት ከተጠቀምናቸው ቅጾች ሊለዩ ስለሚችሉ በጥንቃቄ መረዳትና ማየቱ ተገቢ ነው።

https://t.me/ethioengineers1

7.4k 0 32 32

Ethio Construction

3 Jan, 20:51

✅የመሬት መንቀጥቀጥ (Seismic load)

🏷የመሬት መንቀጥቀጥ በአንድ የግንባታ ንድፍ (በተለይ በስትራክቸራል ዲዛይን ሥራ) ሂደት ከግምት ውስጥ የሚገባ ከዋናዎቹ ጫናዎች (loads) መካከል ነው።

ይህ የመሬት መንቀጥቀጥ ማባዣ (seismic factor) ለተለየያዩ አካባቢዎች የተቀመጠ ሲሆን ማብዣ ቁጥሩ የሚወሰነው ቀድሞ በነበረው የመሬት መንቀጥቀጥ ታሪክ (Historical records) መሰረት ነው።

በዚህ አግባብ በቀድሞው EBCS ምትክ የተቋቋመው በኢትዮጵያ የልኬት ኤጀንሲ (Ethiopian Standard Agency) በ2015 (እ.ኤ.አ) ለስትራክቸራል ዲዛይን ሥራ ከግምት ውስጥ እንዲገባ ባዘጋጀው የመሬት መንቀጥቀጥ ንዝረትን በወሰነበት CES 160 ልኬት መሰረት ከፍተኛው የመሬት መንቀጥቀጥ ማባዣ አምስት (5) እንዲሆን ያረቀቀ ሲሆን ይህ ልኬት የተሰጣቸው አካባቢዎች፦

🏷1ኛ)፦ በአፋር ክልል፦ አፍዴራ፣ አርጎባ ልዪ፣ አሳይታ፣ አዋሽ ሸለቆ፣ ዳልፋጊ፣ ዱብቲ፣ ዱሌቻ፣ ኤሊዳር፣ ገዋኔ፣ ሀደሌላ፣ ሰመራ፣ ሰሙሮቢና ገላሎ

🏷2ኛ)፦ በአማራ ክልል፦ አንኮበር፣ አንጾኪያ ገምዛ፣ አርቱማ ፉርሲ፣ ባሶና ወራና፣ መንዝ ግሼ፣ ጅሌ ጥሙጋ፣ ቀወት፣ መንዝ ጌራ፣ መንዝ ማማ፣ ሞጃና ወደራ፣ ወይን አምባ፣ ጣርማ በር ናቸው።

⭐️በእነዚህ አካባቢዎች ዙሪያ ያሉ አካባቢዎች የሀገሪቱ ስምጥ ሸለቆ ዞኖች ስለሆኑ ከፍተኛ የመሬት መንቀጥቀጥ ንዝረት የሚስተዋልባቸው ናቸው።

ነገር ግን በዚህ ሰሞን የሚስተዋለው የመሬት መንቀጥቀጥ ንዝረት በሬክታል ስኬል እስከ 5.2 የደረሰ መሆኑ ተዘግቧል።

ይህ ማለት የሀገሪቱ የመሬት መንቀጥቀጥ ንዝረት ልኬት ከተቀመጠው ስታንዳርድ ያለፈ ሆኖ የተመዘገበ ታሪክ ስለሆነ የስታንዳርድ (standard) ማስተካከያ ሊያስፈልገን ነው ማለት ነው።

https://t.me/ethioengineers1

8.6k 0 31 69

Ethio Construction

1 Jan, 12:06

✅በግንባታ ግዥ ዘርፍ ስራ ልምድ ወይንም ዓመታዊ ተርን ኦቨር አላሟላም ብለው ከጨረታ ተሳትፎ ለመውጣት ከመወሰኖ በፊት ይህንን ይንብቡ?

በፌደራል መንግስት እና የአዲስ አበባ ከተማ አስተዳደር የመንግስት ግዥ መመሪያዎች ላይ ከተቀመጡ መሰረታዊ ጉዳዮች መካከል በግንባታ ግዥ ጨረታ ውድድር ላይ የስራ ልምዱ እና ዓመታዊ ተርን ኦቨር ላይ በዶላር ምንዛሬ ለውጥ መሰረት የሚደረግ ማስተካከያ መኖሩ ሲሆን ይህም እንደሚከተለው ይሰላል።

1) ለጨረታ ግምገማ ዓላማ የሥራ ተቋራጩ በስራ ልምድነት እንዲያዝለት በሚያቀርበው የግንባታ ውለታ ዋጋ ላይ ማስተካከያ የሚደረግለት ሲሆን ይህም የሚሰላው ጨረታ ከሚቀርብበት የመጨረሻ ቀን 28 ቀናት በፊት የነበረው የምንዛሪ ምጣኔን ውሉ በተፈረመበት ጊዜ በነበረው የምንዛሪ ምጣኔ በማካፈል ከተሰላ በኋላ በሚገኘው ውጤት በማባዛት ነው።

2)በተመሳሳይም በጨረታ ግምገማ ጊዜ ለሚደረግ ማስተካከያ አላማ ለተርን ኦቨር ስሌት የሚወስደው ሥራ ተቋራጩ ያቀረበው አመታዊ የግንባታ ሥራ ተርን ኦቨር መጠን' ጨረታ ከሚቀርብበት የመጨረሻ ቀን 28 ቀን በፊት የነበረውን የምንዛሪ መጠን በእያንዳንዱ በጀት አመት የመጨረሻ ቀን ላይ ባለው የምንዛሪ መጠን በማካፈል ነው።

3) ሁለቱም ማስተካከያዎች የሚሰሉት የኢትዮዽያ ብሔራዊ ባንክ የሚሰጠውን የውጭ አገር ገንዘብ መሸጫ ዋጋ መረጃ መሠረት በማድረግ ይሆናል

https://t.me/ethioengineers1

9.8k 0 38 27

Telegram Analytics

SearcheeBot

TGAlertsBot

Ethio Construction

Kanal geosi va tili

Toifa

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

Ethio Construction

26 827

Kanalda mashhur

Sayt tili

Telegram Analytics

SearcheeBot

TGAlertsBot

Ethio Construction

Kanal geosi va tili

Toifa

26 827

Kanalda mashhur