FastMereja.com

ለጠ/ሚው መልእክት የህወሀት ምላሽ

ሰሞኑን በጠቅላይ ሚኒስቴር አቢይ አህመድ በትግሪኛ ቋንቋ የተላለፈውን መልእክት የህወሓት ከፍተኛ አመራር ወይዘሮ ፈትለወርቅ ገብረእግዚአብሔር «ማስፈራሪያ» ነው አሉ። ወይዘሮ ፈትለወርቅ ጦርነት አንፈልግም፥ ያለንን ጥያቄ ግን እናቀርባለን ነው ያሉት።

የኢትዮጵያው ጠቅላይ ሚኒስቴር ለትግራይ ክልል ሕዝብ በተለይም ለትግራይ ልሂቅ በማለት በትግርኛ ላሰራጩት መልእክት ምላሽ የሰጡት የህወሓት ከፍተኛ አመራር ወይዘሮ ፈትለወርቅ ገብረ እግዚአብሔር፥ የጠቅላይ ሚኒስቴሩ መልዕክት በጥሩ ቃላት የቀረበ እንኳን ቢሆንም የትግራይን ሕዝብ ለማስፈራራት ያለመ ሲሉ ኮንነውታል። ጠቅላይ ሚኒስቴር አብይ አሕመድ በጽሑፍ መልእክታቸው ባለፉት 100 አመታት ከማዕከላዊ መንግሥት ጋር በተለያዩ ምክንያቶች ባጋጠሙ ቅሬታዎች፥ የትግራይ መሬት የጦርነት ምድር ሆኖ ቆይቷል ያሉ ሲሆን የህወሓት ጽሕፈት ቤት ሐላፊ የሆኑት ወይዘሮ ፈትለወርቅ ገብረእግዚአብሔር ግን በምላሻቸው፥ የትግራይ ሕዝብ ባለፉት መቶ ዓመታት ወራሪዎችን መክቷል፣ ጨቋኞችን ታግሏል እንጂ የሆነ አካል ላይ ጦርነት የከፈተበት አጋጣሚ የለም ሲሉ ተናግረዋል።ከዚህ በተጨማሪ የህወሓት ከፍተኛ አመራር ወይዘሮ ፈትለወርቅ፥ ያሉንን ጥያቄዎች እናቀርባለን ይህ ደግሞ ጦርነት መሻት አይደለም ብለዋል።

ወይዘሮ ፈትለወርቅ «ልዝብ የሚመስል ግን ደግሞ በውስጡ ተጠንቀቁ የሚል ማስፈራርያ ያለው ስለሆነ ወደጦርነት ያስገባል የሚል ስጋት በሕዝብ ዘንድ ፈጥሯል። ይህ ሆን ተብሎ የተደረገ ነው። ሕዝብ እንዲሸበር እየተደረገ ነው። ይህ በትግራይ ሕዝብ ላይ እየደረሰ ያለው በደል አካል አድርገን ነው የምንወስደው። የትግራይ ሕዝብ ይህ አይገባውም፣ ማስፈራራት አይገባውም። በመላው ትግራይ ያለው ሁኔታ ለጦርነት የሚጋብዝ ነገር የለም። መብታችን ይከበር፣ ማንነታችን ይከበር፣ በፕሪቶሪያ ውል መሠረት ሁሉ ነገር ይፈፀም ማለት ግን ጥያቄያችን ነው። ይህ ግን ወደ ጦርነት የሚያስገባ አይደለም» ብለዋል።

ከዚህ በተጨማሪ 50 ዓመት የምስረታ በዓሉን ሊያከብር ቀናት የቀሩት ሕዝባዊ ወያነ ሓርነት ትግራይ፥ በታሪክ የከፋ የተባለ ክፍፍል ላይ ይገኛል። የምስረታ በዓሉን ለማክበር ሁለቱ የህወሓት ቡድኖች የየራሳቸውን የተለያዩ ዝግጅቶች እያደረጉ ሲሆን፥ የየራሳቸውን የተለያዩ መፈክሮችም ይዘው ቀርበዋል። በትናንትናው ዕለት በዶክተር ደብረፅዮን የሚመራው የህወሓት ክንፍ በመጪው የካቲት 11 የሚከበረው የህወሓት ምስረታ 50ኛ ዓመት ለማክበር ዝግጅት ላይ መሆኑን ሲገልጽ፤ በሌላ በኩል ደግሞ የትግራይ ጊዜያዊ አስተዳደርን የሚመሩት ፕሬዝደንት ጌታቸው ረዳ፥ የካቲት 11ን ለማክበር ኮሚቴዎች ተቋቁመዋል ብለዋል። በዚሁ መድረክ ስለወቅታዊ ሁኔታ የተናገሩት ፕሬዝዳንት ጌታቸው ረዳ፥ የትግራይ ፖለቲካዊ ሁኔታ በከፋ ደረጃ ላይ እንደሚገኝ እና በሆነ ቅፅበት ግጭት ሊነሳ ይችላል ሲሉ ተደምጠዋል።

አቶ ጌታቸው «በመጥፎ ሁኔታ ውስጥ ነን ያለነው። በሆነች ደቂቃ በአንድ ሰው ስህተት ወደ ግጭት የምንገባበት ዕድል የሰፋ ነው። እየሄድን ያለነው ወደ ጥፋት ስለሆነ ቢያንስ ይህ በዓል ቆም የምንልበት እናድርገው ነው እያልን ያለነው» ብለዋል።

ጠቅላይ ሚኒስቴር አብይ አሕመድ ባለፈው ሰኞ ለትግራይ ብለው አስተላልፈውት በነበረ መልእክት የትግራን ልሂቃን የውስጥ ችግራቸው እንዲፈቱ እና ቀጥሎም ከፌደራል መንግሥቱ ጋር እንዲነጋገሩ ጥሪ አቅርበዋል።

ዘገባው የዶይቼ ቬለ ነው

#የቤተ መንግስቱን ግድግዳ ሰንጥቆ ገብቶ…


በ1ኛው መቶ ክ/ዘመን መጨረሻ አካባቢ በሮም ቤተ መንግስት የተወለደች፣ ንጉሡ አባቷ ጣዖት የሚያመልክ፣ እስከ ወጣትነቷ ድረስ ክርስቶስን ልታውቅ የምትችልበት አጋጣሚ ያልነበራት፣ ይሁንና ስለክርስቶስ ፍቅር በሰማዕትነት ያረፈች እናት ናት ቅድስት ኦርኒ፡፡ "ኦርኒ" ማለት በምሥራቃውያን ልሳን "ሰላም" ማለት ነው:: ቅድስቲቱ አርበኛ የዘመነ ሐዋርያት የቤተ ክርስቲያን ፍሬ ስትሆን ተወልዳ ያደገችውም በቀድሞው የሮም ግዛት ውስጥ ነው:: ንግሥት እናቷ ምንም ክርስቲያን ብትሆንም የሚደርስባትን መከራ በመፍራት ስለ ክርስትና ልትነግራት አልደፈረችም፡፡ ዘወትር ስለልጇ በስውር ከመጸለይ ግን አልቦዘነችምና ድንቅ ምላሽ አግኝታለች፡፡


ጣዖት የሚያመልከው አባቷ ሰው እንዳያያት ለብቻዋ ቤተ መንግስት ሠርቶ 12 ሞግዚቶችን መድቦ ፍቅረ ጣኦት እንዲያድርባት፣ ጣዖት ከፊቷ አቁሞ ለዘመናት በስውር አቆያት፡፡ የሚያስተምራት ፈላስፋ ከቀጠረላት በኋላም መልኳን እንዳያየው በር ላይ ሆኖ ነበር የሚያስተምራት፡፡ የመዳን ምክንያት የሚፈልግልን እግዚአብሔር ግን ይህን የንጉሱ አካሔድ ተጠቀመበት፡፡ በሚገርም ሁኔታ መምህሯ ጠንካራ ክርስቲያን ደግ ሰው ነበርና በምን መንገድ ሃይማኖትን ሊያስተምራት እንደሚችል ሲያስብ አንድ ቀን ቅድስት ኦርኒ ራዕይ እንዳየች ነገረችው፡፡ ራዕዬዋ የቤቷ መስኮቶች ተከፍተው በስተምሥራቅ ነጭ ርግብ የወይራ ዝንጣፊ ይዛ ገብታ ከማዕዷ ላይ አስቀምጣው ትወጣለች፡፡ እርሷን ተከትሎ ቁራ በምዕራብ ገብቶ ማዕዷ ላይ እባብ ጥሎይወጣል፡፡ በ3ኛው ደግሞ ንስር ገብቶ አክሊል አስቀምጦላት ወጣ፡፡


ቅድስቲቱም እየገረማት አረጋዊ መምህሯን "ተርጉምልኝ" አለችው፡፡ እርሱም:- ርግብ-ጥበብ መንፈስ ቅዱስ፣ ዘይት-ጥምቀት፣ ቁራ-ክፉ ንጉሥ፣ እባብ-መከራ፣ ንስር-ድል ነሺነት ልዑላዊነት፣ አክሊልም-ክብረ ሰማዕታት ነው" በማለት ክርስቲያን ሆና ይህ ሁሉ እንደሚደረግ ነግሮ ተሰናበታት፡፡ እርሷም ስትጸልይ የእግዚአብሔር መልአክ ተገልጦ ካጽናናት በኋላ አስተምሮ ያጠምቃት ዘንድ ሐዋርያው ቅዱስ ጢሞቴዎስን ልኮላታል፡፡ ሐዋርያውም የቤተ መንግስቱን ግድግዳ ሰንጥቆ ገብቶ፣ ለሰማያዊ ሙሽርነት የሚያበቃ ትምህርት አስተምሮ አጥምቋት ሔዷል፡፡ በክርስቶስ ፍቅር የተነካቸው ቅድስት ኦርኒም የአባቷን ጣዖታት ቀጥቅጣ ሰብራ እውነተኛውን አምላክ ማማለክ በመጀመሯ ከአባቷ ጋር ተጣላች፡፡ ንጉሱ አባቷ በእንስሳት ጅራት ላይ ጸጉሯን አስሮ በማስጎተት ሊገድላት እንስሶቹን ሲይዛቸው ደንብረው እጁን ገንጥለው መሬት ላይ ጥለው ገደሉት፡፡ ቅድስት ኦርኒ ግን ወደ ፈጣሪዋ ጸልያ አድርሳ አባቷን ከሞት አስነሳችው፤ እጁም ተመለሰለት፡፡


በዚህ ታላቅ ተአምር ምክንያትም በዚያች ዕለት ብቻ አባቷና 30,000 የከተማው አሕዛብ አምነው ተጠምቀዋል፡፡ ቅድስት ኦርኒ ኃይለ መንፈስ ቅዱስ ታጥቃ ክርስትናን ሰብካለች፡፡ የክርስትና ጠላት የነበረው ንጉሡ ዳኬዎስ፣ ልጁና ሌሎች 2 ነገሥታት ክርስትናን እንደትተው ለጣኦትም እንድትሰግድ በእሳት በማቃጠል፣ ለአራዊት በመስጠት፣ በግርፋትና በጦር ፈትነዋታል፡፡ እርሷ ግን ሁሉን በክርስቶስ ኃይል ድል ነስታለች፡፡ ድንቅ ተአምራት ያደረገችው ቅድስት እናት በመጨረሻም ጥር 30 በሰማዕትነት አርፋለች፡፡ በዘመነ ስብከቷ አስተምራ ካሳመነቻቸው ባሻገር 130,000 የሚያህሉ ሰዎች ለሰማዕትነት እንዲበቁም ምክንያት ሆናለች፡፡ ገዳማውያን አባቶችና እናቶቻችንን በመርዳት የበረከታቸው ተሳታፊ እንሁን፡፡


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

#የስጋ ሞታቸውን ለምነው ያገኙት ቅዱስ አባት


በሀገራችን በኢትዮጵያ ወንጌል አንዲስፋፋ ትልቅ አስተዋጽኦ ካደረጉ አጋጣሚዎች የተስዓቱ ቅዱሳን መምጣት ነው፡፡

በአክሱማዊው ሥርወ መንግሥት በምጽዋና ቀይ ባሕር አድርገው የገቡት ዘጠኙ ቅዱሳን በቅድሚያ የጊዜውን ቋንቋ ግዕዝ ከተማሩ በኋላ በርካታ ቅዱሳን መጻሕፍትን ከተለያዩ ቋንቋዎች ወደ ግዕዝ ተርጉማል፡፡ ከእነዚህ ሀገራችንን በወንጌል ብርሃን እንደ ፀሐይ ካበሯት ቅዱሳን አንዱ ታላቁ አባት አባ ጽሕማ ናቸው፡፡ የትውልድ ሀገራቸው አንጾኪያ ሲሆን አቡነ ጽሕማ የተባሉት ጺማቸው በጣም ረጅም ስለነበረ ነው፡፡ አባ ጽሕማ ገዳም እየገደሙ፣ በዓት እያበጁ፣ ከሣቴ ብርሃን አባ ሰላማ የመሠረተውን የክርስትና ሃይማኖት በከፍተኛ ሁኔታ አስፋፍተዋል፡፡ ገዳማትን አስፋፍተው የወንጌልን ብርሃን በሀገራችን ላይ አብርተዋል፡፡


ትግራይ ዓድዋ አካባቢ የሚገኘው ደብረ ሐተታ የሚባለው ገዳማቸው ትልቅ በረከት ያለበት ስፍራ ነው፡፡ ጻድቁ በጸለዩበት ስፍራ የሚገኘው ፈዋሽ ጸበላቸው  አሁንም ድረስ በርካቶችን ከጭንቀት የሚገላግል ነው፡፡ የተፈጥሮን ሕግ በሻረ መልኩ ይህ ጸበል በጋ ሲሆን መጠኑ ይጨምራል፣ ክረምት ላይ ደግሞ ይቀንሳል፡፡ ሌላው አስገራሚ ነገር በጸበሉ አካባቢ ሣር ወይም እርጥብ ነገር ፈጽሞ አለመኖሩ ነው፡፡ በሰማዕትነት ያረፉት አቡነ ጽሕማ ጌታችን ከሞት ቢያስነሳቸውም እርሳቸው ግን እንደገና ልሙት ብለው ለምነው ነው ያረፉት፡፡  በገዳሙ ውስጥ መካነ መቃብራቸው ካለበት ትልቅ ተራራ ሥር ውስጥ ለውስጥ ወጥቶ የሚመጣው ሙቀት ያለው እስትፋስ ለአስምና ለቁርጥማት መድኃኒት ነው፡፡ በርካታ ሰዎችም ከHiv ኤድስ ድነዋል፡፡


በአንድ ወቅት አቡነ ጽሕማ ኢየሩሳሌም ደርሰው ሲመለሱ የሞተ ሰው ቢያገኙ በበድኑ ላይ የነበሩትን ተባዮች ወደሳቸው ሰውነት አስተላልፈው ተባዮቹ ሰውነታቸውን ሲመገቡ ኖረዋል፡፡ ተባዮቹም ወርቃማ ክንፍ ያላቸው ሆኑ፡፡ እነዚያ ተባዮች ዛሬም ድረስ በዓመት አንድ ጊዜ መስከረም 21 ቀን ላይ ጻድቁ ሰማዕትነት ወደተቀበሉበት ቦታ እየበረሩ ሲሄዱ በግልጽ ይታያሉ፣ ድምጻቸውም ይሰማል፡፡ ከዚያም ይሰወራሉ፡፡ አቡነ ጽሕማ ከገዳማቸው ወጥተው አርድእቶቻቸውን ለመጠየቅ "ወርዒ" በተባለው ቦታ አባ ፊልሞና ገዳም ደርሰው፣ ወንጌልን እየሰበኩ ሲመለሱ ሽፍቶች “አትስረቁ” የሚለን ይህ ደግሞ ማነው ብለው ስለገደሏቸው ለወንጌል ክብር ሰማዕትነት ተቀብለዋል፡፡

ይሁንና ጌታችን ጻድቁን አባት ከሞት አስነሣቸው፡፡ እርሳቸውም ወደገዳማቸው ተመልሰው ለቀናት ሲጸልዩና ለገዳዮቻቸው ምሕረትን ሲለምኑ ቆይተው ከጌታችን ታላቅ ቃልኪዳን ከተቀበሉ በኃላ እባክህ ወዳንተ ውሰደኝ ብለው እንደገና በሰላም ዐርፈዋል፡፡ ገዳማውያን አባቶችና እናቶቻችን የዚህን ዓለም ክብር ንቀው የሰማያዊውን መንግስት ክብር ሽተው “ሊሔዱ ጌታቸውንም ሊያዩ ይወዳሉ፡፡” አቡነ ጽሕማ በመጨረሻ ጥር 19 ቀን ካረፉ በኃላ በወቅቱ የነበረው ደገኛው ንጉሥ ዐፄ ገብረ መስቀል ተዝካራቸውን አድርጎላቸዋል፡፡ ጻድቁም በአካለ ነፍስ ተገልጠውለት እርሱም ኅዳር 30 ቀን እንደሚያርፍ ነግረውትና ባርከውት ዐርገዋል፡፡ ጥር 26ም መታሰቢያቸው ይደረጋል፡፡ ገዳማውያንንነስንደግፍ በዓቸውን ስናጸና በረከታቸውን እናገኛለን፡፡



ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

ወደ ማረሚያ ቤት እንዳይገቡ  የተከለከሉ ነገሮች እና መዘዛቸው

1. በማረሚያ ፖሊስ አባላት ዘንድ፣

በፌዴራል ማረሚያ ቤት ኮሚሽን የፖሊስ አባላት የዲስፕሊን አፈፃፀም መመሪያ ቁጥር 3/2003 አንቀጽ 31 ቁጥር 24 በሕገ ወጥ መንገድ  አባልና ሰራተኛ ከታራሚ ጋር ወይም አባል እርስ በርስ በመመሳጠር ወደ ማረሚያ ቤት እንዳይገቡ የተከለከሉ ነገሮችን  ማስገባት፤ ለሌሎች መተባባር፣ ድርጊቱ ሲፈፀም እያዩ ለአስተዳደር አለማሳወቅ፣ ከፍተኛ ጥፋት መሆኑ በግልጽ ተመላክቷል፡፡
ወደ ማረሚያ ቤት እንዳይገቡ የተከለከሉ ነገሮች
 ሀሽሽ፣
 የሞባይል ቀፎ፣
 ሲም ካርድ፣
 ሲጋራ፣
 አልኮል መጠጥ፣
  ፈንጅ ፣
 የጦር መሳርያ፣
 ተቀጣጣይ ነገሮች፣
 ስለታም ነገሮች …ወዘተ ማስገባት ወይም አስገብቶ መገኜት ሲሆን፣ ይህ ጥፋት በፈፀመ የማረሚያ ፖሊስ አባል ላይ የሚወሰድ እርምጃ፡- በፌዴራል ማረሚያ ቤት ኮሚሽን በከፍተኛ ዲስፕሊን የሚያስጠይቅ፣ጥፋት ነው፤ ጥፋቱም ከስራ ማሰናበት እስከ ፍርድ ቤት ድረስ የሚሄድ ጥፋት ይሆናል፡፡

2. በሕግ ታራሚዎችና በቀጠሮ እስረኞች ዘንድ፣
በፌዴራል ማረሚያ ቤት ኮሚሽን የሕግ ታራሚዎችና የቀጠሮ እስረኞች የተሻሻለ የሥነ ስርዓት ጥፋት ቅጣት አፈፃፀም መመሪያ ቁጥር 5/2009 በክፍል 02 አንቀጽ 11 ቁጥር 35 የተከለከሉ ነገሮችን (ጫት፣ ተቀጣይ ነገር፣ ስልክ፣ ሲም ካርድ ፣ሲጋራ፣ ጋንጃ፣ ቡሪ፣ አንጋዳ፣ አልኮል መጠጥና …ወዘተ) ወደ ማረሚያ ቤትና ማረፊያ ማዕከል ለማስገባት መሞከር ወይም የገባውን መጠቀም የሚያስከትለው የቅጣት አይነት
 ለ4 ወር እንዳይጎበኝ መከልከል ወይም
 ለ3 ወር ለብቻ ለይቶ ማሰር ወይም
 ከ5 ወር ከ1 ቀን አስከ 6 ወር ለሚደርስ ጊዜ ከሚያገኘው ገቢ 1/3ኛውን በመቀነስ ሥራ ማሰራት ወይም ማግኘት ከሚገባው የአመክሮ እስራት 3/4ኛውን መከልከል፡፡

ቁጥር 36 የተከለከሉ ነገሮች (አደንዛዥ እጽ፣ ጦር መሳሪያ እና ተቀጣጣይ ነገሮች ወደ ማረሚያ ቤት እና ማረፊያ ማዕከል ለማስገባት መሞከር ወይም አስገብቶ መገኘት ወይም ሌሎች እንዲያስገቡ መተባበር፣ ጉዳት ማድረስ (በወንጀል ያለው ተጠያቂነት እንደተጠበቀ ሆኖ የሚያስከትለው የቅጣት አይነት
 ለ4 ወር እንዳይጎበኝ መከልከል ወይም
 ለ3 ወር ለብቻ ለይቶ ማሰር ወይም
  ከ5 ወር ከ1 ቀን እስከ 6 ወር ለሚደርስ ጊዜ ከሚያገኘው ገቢ 1/3ኛውን በመቀነስ ሥራ ማሰራት ወይም ማግኘት ከሚገባው የአመክሮ እስራት 3/4ኛውን መከልከል፡፡

ቁጥር 37 የተከለከሉ ነገሮች (ሀሺሽ፣ ፈንጂ፣ እና ተቀጣጣይ ነገሮች…ወዘተ) ወደ ማረሚያ ቤት እና ማረፊያ ማዕከል ለማስገባት መሞከር ወይም ማስገባት ወይም የገባውን መጠቀም የወንጀል ተጠያቂነት እንደተጠበቀ ሆኖ የሚያስከትለው የቅጣት አይነት
 ለ4 ወር እንዳይጎበኝ መከልከል ወይም
 ለ3 ወር ለብቻ ለይቶ ማሰር ወይም 
 ከ5 ወር ከ1 ቀን እስከ 6 ወር ለሚደርስ ጊዜ ከሚያገኘው ገቢ
 1/3ኛውን በመቀነስ ሥራ ማሰራት ወይም ማግኘት ከሚገባው የአመክሮ እስራት 3/4ኛውን መከልከል፡፡ የሚሉት ይገኙበታል፡፡

በመሆኑም አባላት እና ሰራተኞችም ሆኑ የህግ ታራሚዎች፣የቀጠሮ እስረኞች፣ ጠያቂ ቤተሰቦች ወይም ማናቸውም በዚህ ጸያፍ ስራ ላይ የሚሰማራ ሁሉ አባላትና ሰራተኞችን ከስራ ከማፈናቀል ጀምሮ እስከ ማሰሳር ሊያደርስ የሚችል ጥፋት ሲሆን ለታራሚዎች እና ለቀጠሮ እስረኞች ደግሞ በፍርድ ቤት ከተወሰነባቸው ውሳኔ ወይም ከተጠረጠሩበት ወንጀል ተጨማሪ ጥፋት የሚሆን በመሆኑ ለተጨማሪ ቅጣት እንዲዳርጉ የሚያድርግ  ስህተት መሆኑ ታውቆ አስፈጊላው ሁሉ ጥንቃቄ ሊደረግ ይገባል፡፡

የፌዴራል ማረሚያ ቤት ኮሚሽን
ጥር 27/2017 ዓ.ም