Injibara University

የእንጅባራ ዩኒቨርሲቲ ኔትወርክ እና ሲስተም ኦፕቲማይዜሽን ፕሮጀከት የርክክብ ስነ ስርዓት ተደረገ፡፡

ዩኒቨርሲቲውን በአይሲቲ ዘርፍ ደረጃውን ከፍ ለማድረግ በ37 ሚሊዮን ብር ወጭ በዋሊያ ቴክኖሎጂስ ሲሰራ የነበረው ፕሮጀክት ተጠናቆ ርክክብ ተደርጓል፡፡

በርክክቡ የተገኙት የእንጅባራ ዩኒቨርሲቲ ፕሬዝዳንት ጋርዳቸው ወርቁ(ዶ/ር) እንደተናገሩት ዩኒቨርሲቲው መማር ማስተማሩን ከቴክኖሎጂ ጋር በማገናኘት በተለይም ኢ-ለርኒንግን ለመጀምር ከፍተኛ ስራ እየሰራ እንደሚገኝ ገልጸው፣ በዛሬው ዕለትም ላለፉት ሁለት ዓመታት ሲሰራ የነበረውን ኔትወርክ እና ሲስተም ኦፕቲማይዜሽን ፕሮጀክት ተጠናቆ ከዋሊያ ቴክኖሎጂስ መረከቡን ገልጸዋል፡፡

ዶ/ር ጋርዳቸው አያይዘውም ፕሮጀክቱ ከ37 ሚሊዮን ብር በላይ መጨረሱን ጠቅሰው ፕሮጀክቱን በተፈለገው ጥራት ሰርተው በማስረከባቸው ምስጋና አቅርበዋል፡፡

የዋሊያ ቴክኖሎጂስ ፕሮጀክት ዋና ማናጀር ትግስት አምሳሉ እንደተናገሩት ዋልያ ቴክኖሎጂስ ከእንጅባራ ዩኒቨርሲቲ ጋር ከተዋዋለው ኔትወርክ እና ሲስተም ኦፕቲማይዜሽን ፕሮጀክት ሰርቶ ከማስረከብ በተጨማሪ የተለያዩ የሀገር ውስጥ እና የውጭ ስልጠናዎችን በማቻቸት ለተቋሙ ባለሙያዎች ስልጠና መስጠቱን ገልጸው በቆይታቸው ዩኒቨርሲቲው ላደረገላቸው መልካም ትብብር አመስግነዋል፡፡

የእንጅባራ ዩኒቨርሲቲ የአይሲቲ ስራ አስፈጻሚ አቶ አዱኛ አለበል እንደገለጹት ፕሮጀክቱ ከዚህ በፊት የነበረውን አጠቃላይ የኔትወርክ እና ሲስተም የሚያዘምን፣ ተደራሽነቱን እና ደህንነቱ እንዲጠበቅ የሚያደርግ በመሆኑ ለዚህ ፕሮጀክት መሳካት ከፍተኛ አስተዋጽኦ ላደረጉ የዩኒቨርሲቲው ከፍተኛ አመራሮች፣የአይሲቲ ባለሙያዎች እና ዋሊያ ቴክኖሎጂስን አመስነዋል፡፡

#ጥቅምት 2/2017ዓ.ም፣እንጅባራ ዩኒቨርሲቲ

የእንጅባራ ዩኒቨርሲቲ ሰራተኞች በወቅታዊ የሰላም ጉዳይ ተወያዩ፡፡
በውይይቱ  የአዊ ብሄረሰብ አስተዳደር እና የመከላከያ ሰራዊት ከፍተኛ አመራሮች እንዲሁም   ዩኒቨርሲቲው የአካዳሚክ  እና አስተዳደር  ሰራተኞች  ተገኝተዋል፡፡

በውይይቱ የእንኳን ደህና መጣችሁ ንግግር ያደረጉት የእንጅባራ ዩኒቨርሲቲ ፕሬዚዳንት ጋርዳቸው ወርቁ(ዶ/ር)  አጃንዳው በሰላም እና ጸጥታ ዙሪያ ውይይት ለማድረግ መሆኑን ገልጸው  ሰላም እጅግ ውድ እና ለሁሉም ነገር መሰረት ነው ብለዋል።

ዶ/ር ጋርዳቸው አያይዘውም የዩኒቨርሲቲው ምሁራን በክልላችን እየተስተዋለ ባለው የሰላም እና ጸጥታ  ችግሮች  ዙሪያ የመፍትሄ እና አሻጋሪ ሀሳቦችን እንዲያመነጩ እና ሀሳባቸውን እንዲሰጡ የተዘጋጀ መድረክ መሆኑን ገልጸው ሁሉም የዩኒቨርሲቲው ሰራተኞች እና ምሁራን የሰላም ዘብ እንዲሆኑ አሳስበዋል፡፡

የአዊ ብሄረሰብ አስተዳደር ዋና አስተዳደሪ እና የእንጅባራ ዩኒቨርሲቲ የቦርድ አባል አቶ ቴዎድሮስ እንዳለው በመክፈቻ ንግግራቸው እንተናገሩት የዩኒቨርሲቲ ምሁራን የተለያዩ  አካላት ስብጥር መሆኑን ጠቅሰው ውይይቱ በዋናነነት ከሰላምና ጸጥታ አኳያ የዩኒቨርሲቲ ምሁራን ሚና ፣ከሰላም ዕጦት መውጫ መንገድ መወያየት እና አማራጭ የመፍትሄ ሀሳቦችን ለማሰባሰብ መሆኑን ገልጸዋል፡፡

በውይይቱ የተገኙት ኢፌዲሪ መከላከያ ሰራዊት የ302ኛ ኮር ም/አዛዥ ኮሎኔል ሰጤ አራጌ የሀገር መከላከያ ሰራዊት ሰላምን ለማስጠበቅ እየሰራ እንደሚገኝ ገልጸው የዩኒቨርሲቲ ምሁራን ሰላም እና መረጋጋት እንዲመጣ ሰላማዊ የመማር ማስተማር ሂደት እንዲኖር ከፍተኛ ሃላፊነት እንዳለባቸው አሳስበዋል፡፡
በውይይቱ ከተሳታፊዎች የተለያዩ ሀሳብ እና አስተያየቶች ተነስተው በሚመለከታቸው አካት ምላሽ እና ማብራሪያ ተሰጥቶባቸዋል፡፡
ጥቅምት 29/2017 ዓ.ም፤እንጅባራ ዩኒቨርሲቲ

#ማስታወቂያ
#ለትምህርት_ፈላጊዎች

ለአካዳሚክ እና አስተዳደር ሴት ሠራተኞች የጡት ካንሰር የግንዛቤ ፈጠራ ሥልጠና ተሰጠ።

ለእንጅባራ ዩኒቨርሲቲ ለአካዳሚክ እና አስተዳደር ሴት ሰራተኞች ስለ ጡት ካንሰር ምንነት፣አጋላጭ ሁኔታዎች እና ቅድመ መከላከያ መንገዶች ላይ ትኩረት ያደረገ የግንዛቤ ፈጠራ ሥልጠና ተሰጠ፡፡

በመርሃ ግብሩ የመክፈቻ ንግግር ያደረጉት የእንጅባራ ዩኒቨርሲቲ ፕሬዝደንት ጋርዳቸው ወርቁ(ዶ/ር) የስልጠናው ዓላማ ብዙ ሴት እህቶቻችንና እናቶቻችንን እየነጠቀ ያለውን የጡት ካንሰር በተመለከተ የተሻለ ግንዛቤ መፍጠር መሆኑን ገልጸዋል፡፡፡

ፕሬዘዳንቱ አያይዘውም "በዩኒቨርሲቲው ሴት ሰራተኞች ላይ መስራት ለዩኒቨርሲቲው ዕድገት እና ስኬት የራሱ ጉልህ አስተዋጽኦ አለው" ብለዋል። ዩኒቨርሲቲው መሰል ስልጠናዎች እና የግንዛቤ ፈጠራ ስራዎች ላይ በትኩረት እንደሚሰራም ተናግረዋል፡፡

የእንጅባራ ዩኒቨርሲቲ ሴቶች እና ማህበራዊ ጉዳይ አካቶ ትግበራ ስራ አስፈጻሚ የሆኑት ባንቻለም ካሴ "በሴቶች ዙሪያ የተለያዩ ስልጠኛዎችን እና ግንዛቤ ፈጠራ ስራዎችን መስራት ሴቶች በስራቸው ብቁ እንዲሆኑ ያስችላል" ብለዋል።

ሥልጠናውን የእንጅባራ ዩኒቨርሰቲ መምህር እና ጠቅላላ ቀዶ ጥገና ስፔሻሊስት ዶ/ር ዜናው አማረ እና የእንጅባራ ዩኒቨርሲቲ የሚድዋይፈሪ መምህርት እና CPD አስተባበሪ የውብምርት ሻረው(ረዳት ፕሮፌሰር) ሰጥተዋል።

ጥቅምት 28/2017 ዓ፣ም፤እንጅባራ ዩኒቨርሲቲ

#የሀዘን_መግለጫ
ወ/ሮ የሽሀረግ ይስማ ላለፉት ስድስት ዓመታት በእንጅባራ ዩኒቨርሲቲ በጽዳት ሙያ ላይ ሲያገለግሉ ቆይተው ጥቅምት 25/2017 ዓ.ም ከዚህ ዓለም በሞት ተለይተዋል።
ዩኒቨርሲቲው በወ/ሮ የሽሀረግ ይስማ ህልፈት የተሰማውን ሀዘን እየገለጸ ለቤተሰቦቻቸውና ወዳጅ ዘመዶቻቸው መጽናናትን ይመኛል።

Injibara University Launches Its Fourth English Language Improvement Program for Educators.

Injibara University launched the fourth round of its English Language Improvement Program (ELIP) on October 26, 2017 E.C.

In alignment with the Ministry of Education's commitment to improving English proficiency as a Key Performance Indicator (KPI) across all Ethiopian universities, Injibara University is dedicated to empowering its community through English language mastery.

This semester-long program aims to equip participants with the language skills and confidence they need to excel in effective classroom communication.

A dedicated group of 30 teachers from various colleges across the University are currently participating in this intensive program.

The initiative will significantly enhance the English language skills of dedicated teachers, creating a more vibrant and inclusive learning environment for all.