Addis Ababa Education Bureau

በከተማ አስተዳደሩ የ2017 ዓ.ም ትምህርት ዘመን በዛሬው እለት በይፋ ተጀመረ።


(መስከረም 6/2017 ዓ.ም) ትምህርቱ በሁሉም የመንግስትና የግል ትምህርት ቤቶች የተጀመረ ሲሆን የአዲስ አበባ ከተማ አስተዳደር ትምህርት ቢሮ ማኔጅመንት አባላት በየደረጃው ከሚገኙ አመራሮች ጋር በመሆን የመማር ማስተማር ሂደቱን በድምቀት አስጀምረዋል።


የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ እና የቢሮ ኃላፊ ተወካይ ወይዘሮ ታጋይቱ አባቡ በዳግማዊ ሚኒሊክ ሁለተኛ ደረጃ ትምህርት ቤት ተገኝተው ትምህርቱን ባስጀመሩበት ወቅት ባስተላለፉት መልዕክት በከተማ አስተዳደሩ ለሚገኙ አጠቃላይ የትምህርት ማህበረሰቡ አካላት ለ2017 ዓ.ም የትምህርት ዘመን እንኳን በሰላም አደረሳችሁ በማለት መልዕክት ያስተላለፉ ሲሆን በ2017 ዓ.ም የትምህርት አመት በ2016 ዓ.ም የነበሩንን ጠንካራ ጎኖች በማስቀጠል ውጤታማ ስራ መስራት እንደሚገባ አስገንዝበዋል።


ምክትል ቢሮ ኃላፊዋ አክለውም በ2017 ዓ.ም የትምህርት አመት ተማሪዎች ለትምህርት አገልግሎት ከሚጠቀሙባቸው የመማሪያ ቁሳቁሶች ባሻገር የሞባይል ስልኮችን ጨምሮ ሌሎች የተከለከሉ ነገሮችን ይዘው መምጣት እንደማይችሉ ጠቁመው ቢሮው በ2017 ዓ.ም የትምህርት አመት የተማሪዎችን ውጤትና ስነምግባር ለማሻሻል ከባለድርሻ አካላት ጋር በጋራ መስራቱን አጠናክሮ እንደሚቀጥል አመላክተዋል።

የሰኞ ማለዳ የዕውቀት ሽግግር መርሀ ግብር ተካሄደ፡፡


(መስከረም 6/2017 ዓ.ም) የአዲስ አበባ ከተማ አስተዳደር ትምህርት ቢሮ የሰኞ ማለዳ ከስራ ሰዓት መግቢያ በፊት የሚያዘጋጀው የሰራተኞች የዕውቀት ሽግግር መርሀ ግብር በዛሬው ዕለት የተካሄደ ሲሆን በመድረኩ ላይ የአዲስ አበባ ከተማ አስተዳደር ትምህርት ቢሮ ሰራተኞች ተሳታፊ ሆነዋል።


በመርሀ ግብሩ ላይ ስፖርታዊ እንቅስቃሴ ማድረግ የሚኖረዉን ጠቀሜታ እና በቀላሉ በሰራተኞች ሊተገቡ የሚችሉ ስፖርታዊ እንቅስቃሴዎችን ሰነድ በወ/ት ኤልሳቤት በዮራ በቢሮ የስፖርት ባለሙያ አማካኝነት ከቀረበ እና ሰራተኞች ቀላል የሚባሉ የስፖርት እንቅስቃሴዎችን በተግባር እንዲያሳዩ ተደረጋል፡፡


በመድረኩ ማጠቃለያ የአዲስ አበባ ከተማ አስተዳደር ትምህርት ቢሮ የስነ ምግባርና ጸረ ሙሰና ዳይሬክተር የሆኑት አቶ አስራት ሽፈራው በተግባር የተገለጸ እና ብቁና ንቁ እንዲሁም ጤናማ ለመሆን የሚያግዝ እውቀት መሸመት የተቻለበት የዕውቀት ሽግግር መድረክ መሆኑን ገልጸዋል፡፡

ለእስልምና እምነት ተከታዮች በሙሉ እንኳን ለ1 ሺህ 499ኛው የመውሊድ በዓል በሰላም አደረሳችሁ።



(መስከረም 5/2017 ዓ.ም) በዓሉን ስናከብር የነብዩ መሐመድ የፍቅርና የአብሮነት አስተምሮትን በመተግበር ምንጊዜም እንደምናደርገው ለወገኖቻችን ያለንን ፍቅር የምንገልፅባቸውን የበጎነት ፣ የልግስናና የቸርነት ተግባራትን በማከናወን ፤ አብሮነትን ፣ ወንድማማችነትንና መተሳሰብን በማጠናከር ሊሆን ይገባል።



ከዚህም ጎን ለጎን በከተማ አስተዳደሩ የፊታችን ሰኞ የምንጀምረውን የ2017 የትምህርት ዘመን የትምህርት ልማት ስራ ውጤታማ እንዲሆን የሚጠበቅብንን ሁሉ በማድረግና እጅ ለእጅ ተያይዘን ለላቀ አፈጻጸም በመትጋትም ጭምር መሆን ይኖርበታል፡፡


በ2016 የትምህርት ዘመን ካስመዘገብናቸው አፈጻጸሞች በመነሳት በ2017 የትምህርት ዘመንም በቅንጅታዊ አስራር ፤ በመሰናሰልና በትጋት በመስራት የላቀ አፈጻጸም እንዲመዘገብ እንደምናደርግ ምንም ጥርጥር የለኝም፡፡

የ2017 የትምህርት ዘመን ትምህርት ሰኞ መስከረም 6/1/2017 ዓ.ም ይጀመራል፡፡



(መስከረም 4/2017 ዓ.ም) ለትምህርት ባለድርሻ አካላት በሙሉ እንኳን ለ2017 የትምህርት ዘመን አደረሳችሁ እያልን በአዲስ አበባ ከተማ አስተዳደር የ2017 የትምህርት ዘመን ትምህርት ሰኞ መስከረም 6/1/2017 ዓ.ም በሁሉም ትምህርት ቤቶች የሚጀመር መሆኑን እንገልጻለን፡፡




መልካም የትምህርት ዘመን እንዲሆን እንመኛለን፡፡




መረጃዎችን በፍጥነት ለማግኘት ማሰፈንጠሪያዎቹን ይጫኑ!

Imo: - https://s.channelcom.tech/vlWdNr?from=TG
What Sapp: - https://whatsapp.com/channel/0029VaHFiBpA2pLF0lLslK2D
flickr :- https://www.flickr.com/photos/197652854@N04/
You Tube: @addisababaeducationbureau9728' rel='nofollow'>https://www.youtube.com/@addisababaeducationbureau9728
TikTok፡- @aaeducationbureau' rel='nofollow'>https://www.tiktok.com/@aaeducationbureau
Telegram ፡ https://t.me/wwwAddisAbabaeducationbureau
Twitter ፡ https://twitter.com/aacaebc
Face book: https://www.facebook.com/aacityeducationcommunication
Blog: - http://www.aacaebc.wordpress.com/
Instagram: - https://www.instagram.com/aacaeb/
Website: - aaceb.gov.et
Email;- aacaebc@gmail.com

ከ1ኛ እስከ 12ኛ ክፍል የሚማሩ ተማሪዎች በሒሳብና እንግሊዘኛ የትምህርት አይነቶች ውጤታማ እንዲሆኑ በተዘጋጀው ስትራቴጂክ እቅድ ዙሪያ የሚደረገው ውይይት ዛሬም ቀጥሎ ተካሂዷል።


(መስከረም 4/2017ዓ.ም) በዛሬው ውይይት የክፍለ ከተማ ስርአተ ትምህርት ትግበራ ቡድን መሪዎችና አስተባባሪዎችን ጨምሮ የወረዳ ስርአተ ትምህርት ቡድን መሪዎች እና በየደረጃው የሚገኙ ሱፐርቫይዘሮች ተሳታፊ ሆነዋል።


የአዲስ አበባ ከተማ አስተዳደር ትምህርት ቢሮ ምክትል ቢሮ ኃላፊ አቶ አሊ ከማል በመርሀ ግብሩ መክፈቻ ባስተላለፉት መልዕክት በከተማ አስተዳደሩ የተማሪዎች ውጤት ከጊዜ ወደ ጊዜ መሻሻል እያሳየ እንደሚገኝ እና ዘንድሮ በ12ኛ ክፍል ውጤትም በአዲስ አበባ ደረጃ 21.4% ተማሪዎች የማለፊያ ነጥብ ከማስመዝገባቸው ባሻገር በ6ኛ እና 8ኛ ክፍል ተስፋ ሰጪ ውጤት መመዝገቡን አስታውቀዋል።


ምክትል ቢሮ ኃላፊው አያይዘውም የተማሪዎች ውጤት መሻሻል እያሳየ ቢገኝም በሒሳብና እንግሊዘኛ የትምህርት አይነቶች የሚፈለገው ውጤት እየተመዘገበ ባለመሆኑ ቢሮው ተማሪዎች በሁለቱ የትምህርት አይነቶች ውጤታማ እንዲሆኑ ስትራቴጂ ነድፎ ወደ ተግባር መግባቱን ጠቁመው ተማሪዎች በሁለቱ የትምህርት አይነቶች ውጤታማ መሆን ከቻሉ በሌሎች የትምህርት አይነቶች የተሻለ ውጤት እንዲያስመዘግቡ የሚኖረው አስተዋጽኦ ከፍተኛ በመሆኑ በስትራቴጂክ ዕቅዱ የተቀመጡ ዝርዝር ጉዳዮችን መሰረት በማድረግ ወደተግባር መግባት እንደሚገባ አስገንዝበዋል።


ምክትል ቢሮ ኃላፊ እና የቢሮ ኃላፊ ተወካይ ወይዘሮ ታጋይቱ አባቡ በበኩላቸው ስትራቴጂው በ2016 ዓ.ም በየትምህርት አይነቱ የነበረውን የ6ኛ እና 8ኛ ክፍል ውጤት ትንተና መነሻ አድርጎ መዘጋጀቱን ገልጸው