YeneTube

በኢትዮጵያ ብሔራዊ ዲጂታል የጤና የመረጃ ቋት ለመዘርጋት እየተሰራ መሆኑ ተገለጸ!

በኢትዮጵያ ብሔራዊ የሆነ ዲጂታል የጤና የመረጃ ቋት ለመዘርጋት እየተሰራ መሆኑን የጤና ሚኒስቴር አስታውቋል።ሚኒስቴሩ በኢትዮጵያ እየተስተዋለ ያለውን የተበታተነ የጤና መረጃ አያያዝ ማሻሻል አስፈላጊ መሆኑ እንደታመነበት ገልጿል።

ይዘጋጃል የተባለው የመረጃ ቋት የመድኃኒት አያያዝንና ቁጥጥርን ጨምሮ የበሽታ አይነቶች የሚመዘገቡበት እንዲሆን ውጥን መያዙን የጤና ሚኒስቴር ሚኒስትር ዶክተር መቅደስ ዳባ ገልጸዋል።

አክለውም፤ ዲጂታል የጤና መረጃ ለማደራጀት፣ ለመጠቀም እንዲሁም ወደ ዲጂታል አገልግሎቶች መግባት የሚችሉ የጤናው ዘርፍ ሥራዎችን በዲጂታል ለመተካት bጤና ሚኒስቴር በርካታ ሥራዎች እየተሰሩ መሆናቸውን ለአሐዱ ተናግረዋል።

ዲጂታል የጤና የመረጃ ቋት በተለያዩ ጊዜያቶች የሚፈጠሩ በሽታዎችን ለመለየት የሚያስችል መሆኑን የገለጹት ሚንስተሯ፤ የተያዘው ውጥን እንዲሳካ ከተለያዩ ተቋማት ጋር በትብብር መስራት አስፈላጊ መሆኑን አሳስበዋል።

"የዲጂታል የጤና መረጃ ስርአት መዘርጋቱ የጤና አገልግሎት አሰጣጡን ለማቀላጠፍ ይረዳል፡፡" የተባለ ሲሆን፤ ስርዓቱ መረጃን በፍጥነት ተደራሽ ለማድረግ፣ እንግልትን ለመቀነስ እንዲሁም፤ ቶሎ ውሳኔ በመስጠት ወረርሽኝን ለመግታት እና ለመሳሰሉት አስፈላጊ መሆኑን ተነግሯል።በኢትዮጵያ ከጊዜ ወደ ጊዜ የሚከሰቱ በሽታዎች ዙርያ በሰነድ ደረጃ የሚያዝ መረጃ እንዳልነበረ ሲገለፅ ቆይቷል።

[Ahadu]
@YeneTube @FikerAssefa

ዩኤስኤድ በኢትዮጵያ በ5 ቢሊየን ብር የሚተገበር የአደጋ ሥጋት አመራር ፕሮግራም ይፋ አደረገ!

የአሜሪካ አለም አቀፍ የተራድኦ ድርጅት (ዩኤስኤድ) በኢትዮጵያ 9 ክልሎች የሚተገበርና 5 ቢሊየን ብር ድጋፍ የተደረገበትን የአምስት ዓመት የአደጋ ሥጋት አመራር ፕሮግራም በዛሬው ዕለት ይፋ አድርጓል።

በደቡብ ኢትዮጵያ ክልል አርባምንጭ ከተማ ይፉ የተደረገው ይህ ፕሮግራም፤ በአሜሪካ መንግሥት በሚገኝ የ49 ሚሊዮን ዶላር ወይንም ከ5 ቢሊዮን ብር በላይ ድጋፍ የሚተገበር ሲሆን፤ በኢትዮጵያ በሚገኙ 9 ክልሎችና 120 ወረዳዎች ላይ ከ14 ሚሊዮን በላይ ሕዝቦችን ማዕከል አድርጎ እንደሚሰራ ተነግሯል፡፡

የድርጅቱ በኢትዮጵያ የሰብዓዊ ድጋፍ ቢሮ ምክትል ዳይሬክተር ሄኖክ ሁንበላይ፤ ለፕሮግራሙ የ5 ዓመታት ጊዜ መያዙን ገልጸው፤ ሦስት መሰረታዊ ትላልቅ አላማዎች በውስጡ መያዙን ለአሐዱ ተናግረዋል፡፡

እነርሱም አንደኛ የአገሪቱ አደጋ ሥጋት ሥራ አመራር ኮሚሽን ሥራዎች በተፋጠነ እና በተቀላጠፈ መልኩ በተሻለ ዝግጁነት እንዲሰሩና ከአሁን በፊት በተደረጉ ሥራዎች ላይ ተመስርቶ የተሻለ ትንበያ እንዲሁም የአደጋ ምላሽ እንዲሰጥ ማስቻል መሆኑን ገልጸዋል፡፡

ሁለተኛው ደግሞ በየክልሎቹ ያሉ የአደጋ ሥጋት ሥራ አመራር ተቋማትን አቅም የማጎልበት ሥራ ነው ብለዋል፡፡

በሦስተኛው ደረጃ ደግሞ የግሉ ዘርፍ አደጋ ከተከሰተ በኋላ ሳይሆን፤ አደጋ ከመከሰቱ በፊት አስተዋጽዖ እንዲያደርግ ማስቻል እና ማስተባበር የፕሮግራሙ ዋና አላማዎች መሆናቸውን ተናግረዋል፡፡

ከዚህ በተጨማሪ በየክልሎቹ የሚገኙ የአደጋ ሥጋት ሥራ አመራር ኮሚሽኖች የተሻለ የአደጋ ትንበያ እንዲሰጡ፣ ያላቸውን ሀብትና ሌሎች ግብዓቶችን በአግባቡ እንዲጠቀሙ እንዲሁም አደጋው ችግር ከማስከተሉ በፊት ከማህህረሰቡ ጋር እንዲሰሩ የሚያደርግ የአቅም ግንባታ ሥራዎች እንደሚሰሩም አቶ ሄኖክ አስረድተዋል፡፡

በዚህም መሰረት ፕሮግራሙ የሶማሌ ክልል፣ የደቡብ ክልል፣ የአፋር ክልል፣ የኦሮሚያ ክልል፣ የአማራ ክልል፣ የትግራይ ክልል፣ የደቡብ ምእራብ እና ማዕከላዊ ደቡብ ክልሎችን ማዕከል አድርጎ እንደሚሰራ የገለጹ ሲሆን፤ በዚህም እንደየክልሎቹ የአደጋ ተጋላጭነት የክልሎቹን አቅም የመገንባት ሥራ ይሰራል ሲሉ ለአሐዱ ገልጸዋል፡፡

የአሜሪካ አለም አቀፍ የተራድኦ ድርጅት በዚህ ፕሮጀክት ከፌደራል አደጋ ስጋት አመራር ኮሚሽን፣ ከገንዘብ ሚኒስትር እንዲሁም ከሌሎች የመንግሥት አካላትና የልማት አጋር ድርጅቶች ጋር በትብብር እንደሚሰራ የገለጹት ምክትል ዳይሬክተሩ፤ የኢትዮጵያ ቀይ መስቀል ማህበርን ጨምሮ ሦስት አለም ዓቀፍ እና የአገር ውስጠ ተቋሟት ፕሮግራሙ በማስፈጸም ደረጃ አብረው እንደሚሰሩ ተናግረዋል፡፡

ይህ ድጋፍ በአደጋ ሥጋት አመራር ዘርፍ በዩኤስኤድ እስካሁን ከተደረጉ ድጋፍ ከፍተኛ መሆኑ የተነገረ ሲሆን፤ በዚህም ምክንያት ፕሮግራሙ በአግባቡ ተግባራዊ ስለመደረጉ ትልቅ አጽዕኖት ተሰጥቶበት የቁጥጥር ሥራ እንደሚሰራ ተመላክቷል፡፡

Via Ahadu
@YeneTube @FikerAssefa

የብሔራዊ ባንክ ውሳኔን ተከትሎ ንግድ ባንክ የዶላር መሸጫ ዋጋውን በ8 ብር ቀነሰ!

ንግድ ባንክ ዛሬ ጥቅምት 5/2017 ዓ.ም. ባወጣው ዕለታዊ የውጭ ምንዛሬ ግብይት የዋጋ ዝርዝር ላይ የዶላር የመሸጫ ዋጋው ከትናንቱ ጋር ሲነጻጸር የስምንት ብር ቅናሽ አሳይቷል። ባንኩ ያደረገው ይህ ማስተካከያ በአንድ ዶላር መሸጫ እና መግዣ ዋጋ መካከል ያለውን ልዩነት ወደ ሁለት በመቶ አውርዶታል።

ንግድ ባንክ ሰኞ ጥቅምት 4/2017 ዓ.ም. የዶላር የመሸጫ ዋጋው 123.63 የነበረ ሲሆን መግዣው ደግሞ 112.39 ነበር። ይህም በሁለቱ ዋጋዋች መካከል የነበረው ልዩነት የ9.2 በመቶ ነበር።

የብሔራዊ ባንክ ውሳኔን ተከትሎ ንግድ ባንክ ዛሬ ማክሰኞ ባደረገው የውጭ ምንዛሪ ግብይት ዋጋ ማስተካካየ የዶላር መግዣ 113.13 ተደርጓል።መሸጫውን ደግሞ ወደ 115.39 በመውረድ የስምንት ብር ቅናሽ ታይቶበታል።ይህ የባንኩ እርምጃ ብሔራዊ ባንክ ባስቀመጠው የሁለት በመቶ ልዩነት ውስጥ የሚገኝ ነው።

ብሔራዊ ባንክ አዲሱን መመሪያ በተመለከተ በአገሪቱ ለሚገኙ ሁሉም ባንኮች በደብዳቤ ያሳወቀ ሲሆን እስከ ረቡዕ ድረስ ውሳኔውን ተግባራዊ እንዲያደርጉ አዟል።

@YeneTube @FikerAssefa

"26 ድሃ ሀገራት እአአ ከ2006 ወዲህ ባልታየ ደረጃ ዕዳ ውስጥ ተዘፍቀዋል” -የዓለም ባንክ

ከዓለም እጅግ ድሃ ህዝብ አእርባ ከመቶው የሚኖርባቸው 26 ድሃ ሀገራት እአአ ከ2006 ወዲህ ከምንጊዜውም በከፋ ከፍተኛ እዳ ውስጥ እየተዘፈቁ፣ ለተፈጥሮ አደጋዎች እና ሌሎች ቀውሶች እየተጋለጡ መሆኑን የዓለም ባንክ ጥናታዊ ዘገባ አመለከተ፡፡ትላንት የወጣው ጥናታዊ ዘገባው እንዳመለከተው ምንም እንኳ የተቀረው የዓለም ክፍል ከኮቪድ 19 ቀውስ በማገገም ጉዞውን የቀጠለ ቢሆንም፣ እነዚህ ኢኮኖሚዎች ግን ወረርሽኙ ዋዜማ ከነበሩት አንጻር ሲታዩ ዛሬ በአማካይ የበለጠ የደኸዩ ሆነዋል፡፡

በዋሽንግተን ከሚካሄዱት የዓለም ባንክ እና የዓለም የገንዘብ ድርጅት አመታዊ ስብሰባዎች በአንድ ሳምንት ቀደም ብሎ የተለቀቀው ጥናታዊ ዘገባው የከፋ ድህነትን ለማስወገድ በሚደረገው ጥረት ትልቅ ችግር መኖሩን ያረጋገጠ ነው ተብሏል፡፡እነዚህ ሀገራት በዓለም አቀፍ ልማት ማህበር (አይ ዲ ኤ) እርዳታ እና ብድር ላይ በከፍተኛ ደረጃ ጥገኛ በመሆናቸው ድህነትን ለማስወገድ በሚደረገው ጥረት ላይ ያለውን ውድቀትም ያሳየ መሆኑ ተገልጿል፡፡

የዓለም ባንክ በዚህ አመት በአለም እጅግ ድሃ ለሆኑት የገንዘብ ድጋፍ ለማድረግ 100 ቢሊዮን ዶላር ለማሰባሰብ የሚያደርገውን ጥረት አጉልቶ እንደሚያሳይም ተመልክቷል፡፡የሀገራቱ ዕዳ ከአጠቃላይ ምርት ገቢያቸው (GDP) አንጻር ሲሰላ 72 በመቶ መደረሱም በዘገባው ተጠቅሷል፡፡ ይህም በ18 ዓመታት ውስጥ ሲታይ ከፍተኛው ሲሆን ከእነዚህ ሀገሮች ውስጥ ግማሾቹ በእዳ ማጥ ውስጥ የተዘፈቁ ወይም ለከፍተኛ አደጋ የተጋለጡ ናቸው ተብሏል።

ከእነዚህ ሀገራት መካከል ሁለት ሶስተኛዎቹ በትጥቅ ግጭት ውስጥ የሚገኙ ወይም ፀጥታን የማስከበር ፈተናዎች ገጥሟቸዋል፣ ይህ ደግሞ የውጭ ኢንቨስትመንቶችን ለመሳብ የሚያበረታታ ባለመሆኑ በርካቶች ወደ ውጭ በሚላኩ ምርቶች ላይ ብቻ እንዲተማመኑ በመገደዳቸው ለኢኮኖሚ አለመረጋጋት ተጋላጭ እንደሚያደርጋቸው ተዘግቧል፡፡

የተፈጥሮ አደጋዎች በነዚህ ሀገራት ላይ ትልቅ ተፅዕኖ ያሳደሩ ሲሆን እኤአ በ2011 እና 2023 ባለው ጊዜ አመታዊ ኪሳራቸው በአማካይ በአጠቃላይ የሀገር ውስጥ ምርት የሁለት ከመቶ ኪሳራ ያሳደረባቸው መሆኑ ተመልክቷል፡፡የዓለም ባንክ ዋና ኢኮኖሚስት ላለፉት አምስት አመታት በተለይም ሌሎች የፋይናንስ ምንጮች እየቀነሱ በመጡበት ወቅት ዓለም አቀፍ ልማት ማህበር (አይዲኤ) ለሀገሮች ወሳኝ የሆነ የፋይናንስ ምንጭ መሆኑን አጽንኦት ሰጥተዋል።

ዓለም አቀፉ የልማት ማሕበር በየሦስት ዓመቱ ከዓለም ባንክ አባል ሐገሮች መዋጮ ገንዘብ የሚያገኝ ሲሆን እኤአ በ2021 ከፍተኛው የሆነው የ93 ቢሊዮን ዶላር መዋጮ ሰብስቧል፡፡ የዓለም ባንክ ፕሬዚደንት ኤጄይ ባንጋ እ አ አ እስከ ታሕሳስ 6 ባለው ጊዜ ቃል የተገባውን 100 ቢሊዮን ዶላር እና ከዚያም በላይ ለመሰብሰብ አቅደዋል፡፡እነዚህ ሀገራት የግብር አሰባሰብ ስርዓቶችን በማሻሻል ፣ መንግስታዊ ወጪን የበለጠ ውጤታማ በማድረግ የውጭ ዕርዳታ ላይ ያለውን ጥገኝነት በመቀነስ ፣ የራሳቸውን ጥረት ማጠናከር እንዳለባቸው ሪፖርቱ አመልክቷል።

@YeneTube @FikerAssefa