አዲስ ሪፖርተር - NEWS

ከጥር 10 እስከ ጥር 12 ቀን 2017 ዓ/ም ድረስ ጃን ሜዳ እና አቃቂ ቃሊቲ ታቦት ማደሪያ በሚከበረው የከተራና የጥምቀት በዓል ምክንያት መንገዶች ይዘጋሉ።

አሽከርካሪዎች አማራጭ መንገዶችን እንዲጠቀሙ የአዲስ አበባ ፖሊስ ጥሪ አቅርቧል።

➡️ ከ6 ኪሎ አደባባይ - ምኒልክ ሆስፒታል
➡️ ከምኒልክ ሆስፒታል - መከላከያ 3ኛ ሻለቃ አደባባይ
➡️ ከ3ኛ ሻለቃ አደባባይ - 6 ኪሎ አደባባይ እንዲሁም አቃቂ ቃሊቲ አካባቢ
➡️ ከዋልያ ቢራ - ጥሩነሽ ቤይጂንግ ሆስፒታል
➡️ ከአቃቂ ዋናው መንገድ - ጥሩነሽ ቤይጂንግ ሆስፒታል
➡️ ከ08 - አቃቂ ድልድይ ድረስ ከጥር 10 ቀን 2017 ዓ/ም ከጠዋቱ 4:00 ሰዓት ጀምሮ  ለተሽከርካሪዎች ዝግ ይሆናሉ።

በተጨማሪ ከጥር 10 ቀን 2017 ዓ/ም ጀምሮ በ11ዱም ክ/ከተሞች ጥምቀተ ባህር ባሉባቸው ቦታዎች ሁሉ በ500 ሜትር  ክልል ውስጥ ታቦታት ሲወጡና ሲገቡ እንዲሁም በሚሄዱባቸው መንገዶች ለአጭር ጊዜም ይሁን ለረዥም ጊዜ ተሽከርካሪ አቁሞ መሄድ የተከለከለ መሆኑን ፖሊስ አስታውቋል።

@Addis_Reporter
@Addis_Reporter

የአሜሪካ መንግሥት፣ በሱዳን እስካሁንም በቀጠለው ጦርነት፣ በሲቪሎች ላይ በሚፈጸሙ ጥቃቶችና በሰብዓዊ ቀውሱ ሳቢያ አሜሪካ ለሚኖሩ ሱዳናዊያን ስደተኞች የሰጠውን ጊዜያዊ የከለላ መብት ለ18 ወራት አራዝሟል።

የጊዜያዊው የመቆያ ጊዜ ማራዘሚያ ሕግ፣ ጦርነቱ ከተቀሰቀሰበት ጊዜ ጀምሮ በተከታታይ አሜሪካ ውስጥ የኖሩ 1 ሺሕ 900 የሚገመቱ ሱዳናዊያን ስደተኞች የልዩ ከለላ መብት ይሰጣል።

ኾኖም የዚህ መብት ተጠቃሚ መኾን የሚፈልጉ ሱዳናዊያን፣ ጠበቅ ያሉ የብሄራዊ ደኅንነትና የሕዝብ ደኅንነትን ለማስጠበቅ የተቀመጡ መስፈርቶችን በቅድሚያ ማሟላት ይጠበቅባቸዋል።

የመብቱ ተጠቃሚ ስደተኞች በቆይታጊዜያቸው ሥራ ተቀጥረው የመስራት መብት አላቸው።

በሰሜን ኢትዮጵያው ጦርነት ወቅት፣ የፕሬዝዳንት ጆ ባይደን አስተዳደር ከጦርነቱ በኋላ አሜሪካ ለገቡ ኢትዮጵያዊያን ስደተኞች ተመሳሳይ ከለላ ሰጥቶ እንደነበር አይዘነጋም።

@Addis_Reporter
@Addis_Reporter

ኢትዮጵያዊያን፣ በፖሊስ ላይ ያላቸው ዕምነት እጅጉን ዝቅ ያለ መኾኑን አፍሮ ባሮ ሜትር የተሰኘው አሕጉራዊ የሕዝብ አስተያያት ሰብሳቢ ተቋም ያካሄደው አንድ የዳሰሳ ጥናት አመልክቷል።

የፌደራል መንግሥቱ ወንጀልን በመቀነስ ረገድ ባለው ሚና ላይ ብዙኅኑ ዜጎች ጥርጣሬ እንዳላቸውና የመንግሥት ወንጀል የመቀነስ መዝገብ ባለፉት ሦስት ዓመታት በሰባት በመቶ መቀነሱን ጥናቱ ጠቅሷል።

በጥናቱ ከተካተቱት ዜጎች 43 በመቶዎቹ በፖሊስ ላይ ዕምነት የለንም ሲሉ፤ 46 በመቶዎቹ ደሞ በመኖሪያ ቤቶቻቸው ዙሪያ ለመንቀሳቀስ እንኳን እንደሚሰጉ ተናግረዋል ተብሏል።

በመኖሪያ አቅራቢያም ኾነ በቤት ውስጥ ወንጀል ይፈጸምብናል የሚለው የዜጎች ስጋት ባለፉት ሦሥት ዓመታት በአራት በመቶ መጨመሩንም የዳሰሳ ጥናቱ አመልክቷል።

@Addis_Reporter
@Addis_Reporter

ኒያላ ኢንሹራንስ ከሰራተኞቹ ከፍተኛ ቅሬታ እና ክስ ቀረበበት

- "13.6 ሚልዬን ብር በቦነስ ስም ለድርጅቱ ስራ አስፈፃሚ ብቻ እንዲከፈል ተደርጓል"

ኒያላ ኢንሹራንስ ውስጥ ከፍተኛ የሆነ የህዝብ ሃብት ምዝበራ እና የመልካም አስተዳደር ችግር እንዳለ ሰራተኞች ለብሄራዊ ባንክ እና ለጠቅላይ ሚኒስትር ፅህፈት ቤት በፃፏቸው ደብዳቤ ማሳወቃቸውን ሰምተናል።

በሃገሪቱ ካሉ እና በብሄራዊ ባንክ ፈቃድ አግኝተው በስራ ላይ ከሚገኙ 17 የኢንሹራንስ ኩባንያዎች ውስጥ የሚመደበው ድርጅቱ ከቅርብ ግዜ ወዲህ ከፍተኛ የሆነ የመልካም አስተዳደር ችግር እና ውንብድና በኩባንያው ከፍተኛ አመራሮች በተደጋጋሚ እየተፈፀመ የህዝብ ሃብት እና
ንብረት በማን አለብኝነት እየተመዘበረ ይገኛል ብለዋል።

ለዚሁ ማሳያ ይሆን ዘንድ ሰራተኞቹ የተለያዩ ማስረጃዎችን ለእነዚህ ሁለት አካላት እንዳሳወቁ መሠረት ሚድያ የደረሰው ሰነድ ያሳያል።

ለምሳሌ ኢትዮጵያ በሂሳብ አያያዝ እና አቀራረብ አዋጅ ቁጥር 847/2006 ዓ.ም መሰረት የአለም አቀፍ የሂሳብ አያያዝ (IFRS) ህግን ከ 2006 ዓ.ም ጀምሮ በይፋ ተቀብላ እየተገበረች ቢሆንም እ.ኤ.አ በ January 1, 2023 ጀምሮ ድርጅቱ በሂሳብ አመቱ እንዳልተገበረ በውጭ ኦዲተሮች ተረጋግጧል ብለዋል።

በሁለተኛነት የቀረበው አቤቱታ ደግሞ "ይህ በIFRS መርህ መሰረት ያልተዘጋጀ እጅግ የተጋነነ ትርፍ ተገኘ በማለት ባለአክሲዬኖችን እና ባለድርሻ አካላትን በማሳሳት በህገወጥ መንገድ እ.ኤ.አ በ 2023/24 አመት ብቻ የትርፍ ምጣኔ የተሰላ 3% የትርፍ ድርሻ 13.6 ሚልዬን ብር በቦነስ ስም ለድርጅቱ ስራ አስፈፃሚ ብቻ እንዲከፈል ተደርጓል" ይላል።

ከዚህም በተጨማሪ እ.ኤ.አ በ 2021/22 የበጀት አመት ብቻ የብሄራዊ ባንክ መመሪያ ቁጥር SB/46/2018 ለኩባንያው የቦርድ አባላት በአመት ሊከፈል የሚገባው ማንኛውም ክፍያ ከብር 150 ሺህ መብለጥ የለበትም ብሎ ቢደነግግም ይህን መመሪያ በሚፃረር መልኩ ከ6 ሚልየን ብር በላይ በቦነስ ስም ለኩባንያው ቦርድ አባል እንዲከፈል ተደርጓል ብለዋል።

ለ20 አመታት በላይ ደከመኝ ሰለቸኝ ሳንል በሰራንበት የኢንሹራንስ ሴክተር በቂም በቀል በሌሎች የኢንሹራንስ ኩባንያዎች ውስጥ ሰርተን እንኳን ቤተሰቦቻችንን እንዳናስተዳድር ሆነ ተብሎ የኢንሹራንስ ኩባንያዎቹ እኛን እንዳይቀጥሩ ከፍተኛ የስም ማጥፋት ዘመቻ እና ጫና እያሳደሩ ይገኛሉ። ይህ ደግሞ ህጋዊ ስራ ሰርቶ የመኖር ፣ በየትኛውም ቦታ ተዘዋውሮ የመስራት እና ንብረት የማፍራት ህገ-መንግስታዊ መብታችንን የሚጋፋ የማን አለብኝነት ድርጊት ነው" በማለት ቅሬታቸውን ለብሄራዊ ባንክ እና ለጠቅላይ ሚኒስትሩ አስገብተዋል።

Via : Meseret Media

@Addis_Reporter
@Addis_Reporter