🌼🌼🌼🌼🌼🌼🌼🌼🌼🌼
ሥርዓተ ማህሌት ዘህዳር ጽዮን
🍀🍀🍀🍀🍀🍀🍀🍀🍀🍀ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገአርየ፡ ሃሌ ሉያ ሃሌ ሉያ፡ ወኢትሚጥ ገጸከ እምኔየ፡ በዕለተ ምንዳቤየ አጽምእ እዝነከ ኀቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል።
@Beteyaredtube16መልክአ ሥላሴሰላም ለኵልያቲክሙ እለ ዕሩያን በአካል፤ዓለመክሙ ሥላሴ አመ ሐወፀ ለሣህል፤ እምኔክሙ አሐዱ እግዚአብሔር ቃል፤ተፈጸመ ተስፋ አበው በማርያም ድንግል፤ወበቀራንዮ ተተክለ መድኃኒት መስቀል፡፡
@Beteyaredtube16ዚቅሃሌ ሉያ ለአብ፤ሃሌ ሉያ ለወልድ፤ሃሌ ሃሌ ሉያ ለመንፈስ ቅዱስ፤ዕዝራኒ ርእያ ለጽዮን ቅድስት፤እንዘ ትበኪ ከመ ብእሲት፡፡
@Beteyaredtube16ዘጣዕሙ ፦
ሰላም ለዝክር ስምኪ ዘመንክር ጣዕሙ፤ለወልድኪ አምሳለ ደሙ፤መሠረት ሕይወት ማርያም ወጥንተ መድኀኒት ዘእም ቀዲሙ፤ ኪያኪ ሠናይተ ዘፈጠረ ለቤዛ ዓለሙ፤እግዚአብሔር ይትባረክ ወይትአኰት ስሙ፡፡
@Beteyaredtube16ዚቅዘዘካርያስ ተቅዋም ዘወርቅ፤ዘሕዝቅኤል ነቢይ ዕፁት ምሥራቅ ለመሠረትኪ የኃቱ ዕንቈ ሰአሊ ለነ ማርያም በአሚን ንጽደቅ፡፡
@Beteyaredtube16 ነግስ፦
ነቢያተ እሥራኤል ጸሐፉ በመጽሐፎሙ እሙነ፤ነገረ ሰቆቃው ወላህ በዘመኖሙ ዘኮነ፤ለባቢሎን ውስተ አፍላጋ አመ በጼዋዌ ነበርነ፤ውስተ ኵሃቲሃ እንዚራቲነ ሰቀልነ፤ሶበ ተዘከርናሃ ለጽዮን እምነ፡፡
@Beteyaredtube16ዚቅወይቤላ ኢትሬእዪኑ ላሃ ዚአነ፤እንተ ረከበተነ በእንተ ጽዮን፤ዕዝራኒ ርእያ ወተናገራ።
@Beteyaredtube16ወረብ፦
ወይቤላ ኢትሬእዪኑ ላሃ ዚአነ እንተ ረከበተነ/፪/
ዕዝራኒ ርእያ ወተናገራ/፪/
@Beteyaredtube16 መልክዓ ማርያም ሰላም ሰላም ለዝክረ ስምኪ ሐዋዝ፤እምነ ከልበኒ ወቍስጥ ወእምነ ሰንበልት ምዑዝ፤ማርያም ድንግል ለባሲተ ዐቢይ ትዕዛዝ፤ይስቅየኒ ለለጽባሑ ወይነ ፍቅርኪ አዚዝ፤ከመ ይሰቅዮ ውኂዝ ለሠናይ አርዝ፡፡
@Beteyaredtube16ዚቅሃሌ ሉያ
፫ ጊዜ በል እምነ ጽዮን በሀ፤ቅድስት ቤተ ክርስቲያን ሥርጉት በስብሐት፤ዓረፋቲሃ ዘመረግድ ሥርጉት በስብሐት፤ወማኅፈዲሃኒ ዘቢረሌ ሥርጉት በስብሐት፤ እምስነ ገድሎሙ ለሰማዕት ሥርጉት በስብሐት፤ታቦተ ሕጉ ለንጉሥ ዐቢይ ሥርጉት በስብሐት፤እንተ ክርስቶስ መሠረተኪ፤ፀሐየ ጽድቅ ያበርህ ለኪ፡፡
@Beteyaredtube16ወረብእንተ ክርስቶስ መሠረትኪ ፀሐየ ጽድቅ ያበርህ ለኪ ፀሐየ ጽድቅ/፪/
ለሰማዕት ሥርጉት በስብሐት ሥርጉት በስብሐት/፪/
@Beteyaredtube16መልክዓ ማርያም፦ሰላም ለአስናንኪ ሐሊበ ዕጐልት ዘተዛወጋ፤ወመራዕየ ቅሩፃተ እለ እምሕፃብ ዐርጋ፤ማርያም ድንግል ለደብተራ ስምዕ ታቦተ ሕጋ፤አፍቅርኒ እንበለ ንትጋ ለብእሴ ደም ወሥጋ፤ ዘየዐቢ እምዝ ኢየኃሥሥ ጸጋ፡፡
@Beteyaredtube16 ዚቅታቦተ ሕጉ ለእግዚአብሔር በካህናት ሕጽርት፤ወበመንፈስ ቅዱስ ክልልት፤ንጉሥኪ ጽዮን ኢይትመዋዕ ለፀር ወኢየኀድጋ ለሀገር፡፡
@Beteyaredtube16 ወረብታቦተ ሕጉ ለእግዚአብሔር በካህናት ሕጽርት ወበመንፈስ ቅዱስ ክልልት/፪/
ንጉሥኪ ጽዮን ኢይትመዋዕ በፀር ወኢየኀድጋ ለሀገር/፪/
@Beteyaredtube16 መልክዓ ማርያም፦ሰላም ለከርሥኪ ዘአፈድፈደ ተበጽዖ፤እም ታቦተሙሴ ነቢይ ለጽሌ ትእዛዝ ዘየኀብኦ፤ማርያም ድንግል ጊዜ ጸዋዕኩኪ በአስተብቍዖ፤ለፀርየ ብእሴ አመጻ ኀይለ ዚአኪ ይጽበኦ፤እስከነ ያሰቆቁ ጥቀ ድኅሪተ ገቢኦ፡፡
@Beteyaredtube16ዚቅሃሌ ሃሌ ሉያ በጾም ወበጸሎት፤ተመጠወ ሙሴ ኦሪተ፤ጽላተ አሥሮነ ቃላተ፡፡
@Beteyaredtube16ወረብሃሌ ሃሌ ሉያ በጾም ወበጸሎት/፪/
ተመጠወ ሙሴ ኦሪተ ጽላተ አሥሮነ ቃላተ/፪/
@Beteyaredtube16 መልክዓ ማርያም፦
ሰላም ለመከየድኪ እለ ረከቦን መከራ፤እምፍርሃተ ቀተልት ሐራ እንበለ አሣእን አመ ሖራ፤ማርያም ጽዮን ታቦተ ቃለ ጽድቅ መንፈቀ ዕሥራ፤ዕጐላት እም ዕጐሊሆን ከመ ኪያኪ አፍቀራ፤አፍቀርኩኪ አፍቅርኒ እም ይእዜ ለግሙራ።
@Beteyaredtube16 ዚቅሃሌ ሉያ ወሪድየ ብሔረ ሮሜ፤ለቤተ ክርስቲያን ርኢክዋ፤አእመርክዋ አፍቀርክዋ፤ከመ እኅትየ ሰናየ ኀለይኩ፤እም ድኅረ ጉንዱይ መዋዕል፤ወእምዝ እም ድኅረ ኅዳጥ ዓመታት፤ካዕበ ርኢክዋ ወትትሐፀብ በፈለገ ጤግሮስ ፡፡
@Beteyaredtube16ወረብሃሌ ሉያ ወሪድየ ብሔረ ሮሜ/፪/
ለቤተ ክርስቲያን ርኢክዋ አእመርክዋ አፍቀርክዋ ለቤተ ክርስቲያን/፪/
@Beteyaredtube16 መልክዓ ማርያም፦በዝንቱ ቃለ ማኅሌት ወበዝንቱ ይባቤ፤ለዘይስእለኪ ብእሲ ጊዜ ረከቦ ምንዳቤ፤ብጽሒ ፍጡነ ትሰጠዊዮ ዘይቤ፤ማርያም ዕንቍየ ክርስቲሎቤ ወምዕዝተ ምግባር እምከርቤ፤ዘጸገየ ማኅጸንኪ አፈወ ነባቤ፡፡
@Beteyaredtube16ዚቅአብርሂ አብርሂ ጽዮን፤ዕንቍ ዘጳዝዮን፤ዘኃረየኪ ሰሎሞን፡
@Beteyaredtube16ወረብአብርሂ አብርሂ ጽዮን/፪/
ዕንቍ ዘጳዝዮን ዘኃረየኪ ሰሎሞን ንጉስ/፪/
@Beteyaredtube16ማኅሌተ ጽጌዘካርያስ ርእየ ለወርኃ ሳባጥ በሠርቁ፤ ተአምረኪ ለዘይት ማእከለ ክልኤ አዕጹቁ፤ማርያም ጽዮን ለብርሃን ተቅዋመ ወርቁ፤ ዕዝራኒ በገዳም አመ ወዓለ ዉዱቁ፤ለኅበረ ገጽኪ ጽጌ ሐተወ መብረቁ፡፡
@Beteyaredtube16 ዚቅ፦
ለቅድስት ቤተ ክርስቲያን ፯ቱ መኃትዊሃ፤ወ፯ቱ መሣውር ዘዲቤሃ፤ዘካርያስ ርእየ ተቅዋመ ማኅቶት፤ዘኲለንታሃ ወርቅ ወያክንት፤ዕዝራኒ ርእያ ለጽዮን ቅድስት እንዘ ትበኪ ከመ ብእሲት።
@Beteyaredtube16ወረብ፦
ለቅድስት ቤተ ክርስቲያን ቤተ ክርስቲያን ፯ቱ መኃትዊሃ/፪/
ዕዝራኒ ርእያ በርእየት ብእሲት/፪/
@Beteyaredtube16ዚቅ(ዘበአታ)ዕዝራኒ ርእያ በርእየተ ብእሲት፤ወሶበ ርእያ ኢኮነት ብእሲት አላ ሀገር ቅድስት፤ርእየ ተቅዋመ ማኅቶት ዘኲለንታሃ ወርቅ ወያክንት።
🇪🇹👇👇👇👇👇🇪🇹
👉
@Beteyaredtube16👈
👉
@Beteyaredtube16👈
👉
@Beteyaredtube16👈
🇪🇹👆👆👆👆👆🇪🇹
@Beteyaredtube16
