EBC (Ethiopian Broadcasting Corporation)

ባለፉት 6 ዓመታት መንግስት ሁሉን አቀፍ ብልጽግናን ለማረጋገጥ እየሰራ ነው፡- ፍጹም አሰፋ (ዶ/ር)
*******************

ባለፉት 6 ዓመታት መንግስት ሁሉን አቀፍ ብልጽግናን ለማረጋገጥ እየሰራ ነው ሲሉ የፕላንና ልማት ሚኒስትር ፍፁም አሰፋ (ዶ/ር) ገልጸዋል።

ሚኒስትሯ በጠቅላይ ሚኒስትር ፅሕፈት ቤት ፕሬስ ሴክሬታሪያት ኃላፊ ቢልለኔ ሥዩም አዘጋጅነት በሚቀርበው ‘ኢትዮጵያ ኢን ፎከስ’ ፕሮግራም ላይ ኢትዮጵያ በኢኮኖሚያዊ፣ በማበራዊና በአካባቢያዊ ጉዳዮች ቀጣይነት ያለው ዕድገት ለማረጋገጥ እየሰራች መሆኑን ጠቅሰዋል።

ባለፉት ዓመታት መንግስት በወሰዳቸው እርምጃዎችም በሁሉም መስኮች አካታችና አሳታፊ ዕድገት በማስመዝገብ ማህበራዊ አካታችነትን ማረጋገጥ መቻሉን ሚኒስትሯ በማብራሪያቸው ገልጸዋል።

በዚህም መንግስት በቀየሳቸው የፖሊሲና የሕግ ማዕቀፍ ማሻሻያዎች ተጨባጭ ለውጥ መመዝገባቸውን ነው ያስረዱት።

ለአብነትም በኢትዮጵያ ዓለም አቀፍና ሀገር አቀፍ ነባራዊ ሁኔታዎችን ባገናዘበና አካታች በሆነ መልኩ አዲስ የትምህርት ፖሊሲ ተቀርጾ ወደ ስራ መገባቱን አንስተው፣ በዚህም ለውጥ ማምጣት ተችሏል ብለዋል።https://web.facebook.com/EBCzena/posts/pfbid0ya4UxdnD3SqqtMaUEJKeBgoUQy2Wy8Vf2ubEmBMFrrWyZExWnECFKBFuxEG8Z77ml

ጅቡቲ ወደብ የደረሰው የአፈር ማዳበሪያ ወደ ኢትዮጵያ እየተጓጓዘ ነው
************

ዩሪያ እና ዳፕ ማዳበሪያ የጫኑ 6 መርከቦች ጅቡቲ ወደብ መድረሳቸው ተገልጿል።

እስከአሁን በወደቡ ከደረሰው 313 ሺህ 260 ሜትሪክ ቶን የአፈር ማዳበሪያ 256 ሺህ 398.2 ሜትሪክ ቶን የሚሆነው ወደ ኢትዮጵያ መላኩን በኢትዮጵያ የጅቡቲ ኤምባሲ መረጃ ያመላክታል።

ቀሪው ማዳበሪያ በመጓጓዝ ላይ እንደሚገኝም በመረጃው ተያይዞ ተገልጿል።

በተጨማሪም 56 ሺህ 000 ሜትሪክ ቶን ዳፕ የአፈር ማዳበሪያ የጫነች ሰባተኛ መርከብ ትናንት ዶራሌ ሁለገብ ወደብ ደርሳ ጭነት እያራገፈች እንደምትገኝ ተጠቁሟል።

በሚቀጥሉት ቀናትም ተጨማሪ 4 የአፈር ማዳበሪያ የጫኑ መርከቦች ጅቡቲ ይደርሳሉ ተብሎ እንደሚጠበቅ ተገልጿል።

ስራ አቁመው የነበሩ ከ625 በላይ ኢንዱስትሪዎች ወደ ስራ እንዲመለሱ ተደርጓል - አቶ መላኩ አለበል
******************

የኢንዱስትሪ ሚኒስቴር የ2017 በጀት ዓመት የመጀመሪያ ግማሽ ዓመት የኢትዮጵያ ታምርት ንቅናቄ የእቅድ አፈፃፀም የስትሪንግ ኮሚቴ የውይይት መድረክ እየተካሄደ ነው፡፡

በመድረኩ ላይ የኢንዱስትሪ ሚኒስትር አቶ መላኩ አለበል፤ የኢትዮጵያ ታምርት ሀገር አቀፍ ንቅናቄ ወደ ስራ ከገባ ጀምሮ በተለያየ ምክንያት ስራ አቁመው የነበሩ ከ625 በላይ ኢንዱስትሪዎች ወደ ስራ እንዲመለሱ ማድረግ መቻሉን ገልፀዋል።

የአምራች ኢንዲስትሪዎች የማምረት አጠቃቀም 46 በመቶ የነበረ መሆኑን የጠቀሱት አቶ መላኩ፤ ንቅናቄው ከተጀመረ አንስቶ እስከ አሁን ያለበት ደረጃ በአማካይ የማምረት አጠቃቀም ወደ 61 በመቶ ደርሷል ብለዋል፡፡

ንቅናቄው የአምራች ኢንዱስትሪ ዘርፉ ከላይ እስከታች ባለው የመንግስት አመራር ትኩረት እንዲሰጠው ማስቻሉን ሚኒስትሩ አንስተዋል፡፡

በዘርፉ ችግሮች ዙሪያ ተከታታይነት ያለው ውይይት በማድረግ ለችግሮቹ የመፍትሔ ባለቤት በመሆን በጋራ መስራት በመቻሉ የማምረት አቅም አጠቃቀም፣ ገቢ ምርቶችን በሀገር ውስጥ ምርቶች መተካት፣ በራስ ምርት የመኩራትና የመጠቀም ባህላችን እየተሻሻለ መምጣቱንም ጠቅሰዋል።

በውይይት መርሃ ግብሩ የሁሉም ክልሎችና ከተማ አስተዳደሮች የኢትዮጵያ ታምርት ንቅናቄ አፈፃፀም እየቀረበ መሆኑን የሚኒስቴሩ መረጃ ያመለክታል።

"በእግር ኳሱ በ63 ዓመት ውስጥ ምን እንደሰራን አለማጥናታችን አንዱ ችግር ነው" - ጋዜጠኛ ሰኢድ ኪያር
****************

ልክ በዛሬዋ ዕለት ጥር 13 ቀን 1954 ዓ.ም ኢትዮጵያ 3ኛውን የአፍሪካ ዋንጫ ያነሳችበት ቀን ነው።

የዚህን ታሪካዊ ቀን 63ኛ ዓመት ምክንያት በማድረግ "አሸናፊ ብሔራዊ ቡድን እንዴት እንገንባ?" በሚል ርዕስ ኢቢሲ ያዘጋጀው የፓናል ውይይት እየተካሄደ ይገኛል፡፡

በውይይት መድረክ ላይ አስተያየቱን የሰጠው የስፖርት ዞን ፕሮግራም አዘጋጅ ሰኢድ ኪያር ለበርካታ ዓመታት ምን እንደተሰራ አለመጠናቱ አንዱ ችግር መሆኑን ተናግሯል።

ችግሮቹን በዋናነት በሶስት መልኩ ከፋፍሎ እንደሚመለከተው ገልፆ ከአለመጠናቱ ባሻገርም ያለንን ነገር አለማወቅ እንዲሁም ብሄራዊ ቡድኑን ለመቼ ነው መገንባት የታሰበው የሚለው መታየት እንዳለበት ጠቁሟል።

በአስተዳደር በኩል ለሚነሳው ጥያቄ የይድነቃቸው ተሰማን የስኬት ጊዜ አንስቶ፤ ሆኖም ያኔም ውጤታማ ያልነበርንባቸው ጊዜዎች ስለነበሩ ከዛኛው ይልቅ ያለንን አቅም መመልከት ላይ ማተኮር የተሻለ ነው ሲል ተናግሯል።

የቀድሞ የኢትዮጵያ ብሄራዊ ቡድን አሰልጣኝ ዮሀንስ ሳህሌ በበኩላቸው፤ እግርኳሱን ስለከበቡት በርከት ያሉ ችግሮች ሀሳባቸውን ሰጥተዋል።
https://web.facebook.com/EBCSPORT/posts/pfbid0ex5iQTCvQ4ovTJsFNW7vKrdy2iSKHNQzT5hrLLPDUePBopSEE4hwB5TdvG8m2CBcl

መንግስት በቀጣናው የንግድ እድሎችን ለማሳደግ በቁርጠኝነት እየሰራ ነው - ካሳሁን ጎፌ (ዶ/ር)
****************

የኢትዮጵያ መንግስት በአፍሪካ ቀንድ ቀጠና የንግድ እድሎችን ለማሳደግ በቁርጠኝነት እየሰራ መሆኑን የንግድና ቀጣናዊ ትስስር ሚኒስትር ካሳሁን ጎፌ (ዶ/ር) ገለፁ፡፡

በኢትዮ-ሎጅስቲክስ የዘርፍ ማኅበራት የተዘጋጀው የቢዝነስ ማጎልበቻ ኮንፈረንስ እየተካሄደ ይገኛል፡፡

በኮንፈረንሱ ላይ እየተሳተፉ የሚገኙት የንግድና ቀጣናዊ ትስስር ሚኒስትር ካሳሁን ጎፌ (ዶ/ር) ጉዳዩን አስመልክቶ በማህበራዊ ትስስር ገፃቸው ባጋሩት መልእክት፤ ከጅቡቲ ጋር ያለው የንግድ እና ኢንቨስትመንት ግንኙነት ወሳኝ ነው ብለዋል፡፡

የኢትዮጵያ መንግስት በቀጣናው የንግድ እድሎችን ለማሳደግ ያለውን ቁርጠኝነትም አረጋግጠዋል።

ከጂቡቲ ጋር ያለን የጸና ትብብርና የመሠረተ ልማት ትስስር ለጋራ ዕድገትና ለአዳዲስ ዕድሎች ምቹ መደላድል የሚፈጥር ነው ሲሉም አክለዋል፡፡

የንግድ ተግዳሮቶችን በማስወገድ ከአፍሪካ አህጉራዊ ነፃ የንግድ ስምምነት ጋር የሚስማማና አስተማማኝ የትብብር ማዕቀፍን እውን ለማድረግ በትጋት እየተሰራ መሆኑንም ጠቅሰዋል፡፡

ማኑፋክቸሪንግና ግብርናን መሰረት ያደረገና ብዝሃነት ያለውን የውጭ ንግድ ለማስፋት እየሰራን ላለነው ስራ ጂቡቲ ስትራቴጂክ አጋራችን ናት ሲሉም ነው የገለፁት፡፡

"አሸናፊ ብሔራዊ ቡድን እንዴት እንገንባ?" በሚል ኢቢሲ ያዘጋጀው የፓናል ውይይት እየተካሄደ ነው
*****

ልክ በዛሬዋ ዕለት ጥር 13 ቀን 1954 ዓ.ም ኢትዮጵያ 3ኛውን የአፍሪካ ዋንጫ ያነሳችበት ቀን ነው።

የዚህን ታሪካዊ ቀን 63ኛ ዓመት ምክንያት በማድረግ "አሸናፊ ብሔራዊ ቡድን እንዴት እንገንባ?" በሚል ርዕስ ኢቢሲ ያዘጋጀው የፓናል ውይይት መካሄድ ጀምሯል፡፡

በኢቲቪ መዝናኛ ቻናል፣ በሬዲዮ እና ኢቢሲ ዶትስትሪም በቀጥታ እየተሰራጨ የሚገኘውን የፓናል ውይይት እንድትከታተሉ እንጋብዛለን።

ፕሬዚዳንት ትራምፕ በመጀመሪያው የሥራ ቀናቸው የፈረሟቸው ትዕዛዞች
*******************

ከሰዓታት በፊት ቃለ መሃላ ፈጽመው ሥራ የጀመሩት ፕሬዚዳንት ዶናልድ ትራምፕ በመጀመሪያ ቀን የአስተዳደር ሥራቸው ቅድሚያ ሰጥተው የሚፈርሙ የአስፈፃሚ ትዕዛዞችን ግልጽ አድርገዋል። እነዚህም በኢሚግሬሽን፣ በማኅበራዊ ጉዳዮች እና በኢኮኖሚ ፖሊሲዎች ላይ የሚያተኩሩ ናቸው፡፡

እነዚህ የአስተዳደር እርምጃዎች በኢሚግሬሽን ቁጥጥር፣ በባሕላዊ እና ማኅበራዊ ፖሊሲዎች እና የሀገር ውስጥ የኃይል ምርት እንዲጠናከር እና የዋጋ ግሽበትን ለማስወገድ በሚያችሉ ኢኮኖሚያዊ እርምጃዎች ላይ ትኩረት ያደረጉ ናቸው።

1 የኢሚግሬሽን እና የድንበር ደህንነት ጉዳዮች

የመጀመሪያው ትዕዛዛቸው የኢሚግሬሽን እና የድንበር ደህንነት ጉዳይ ነው፡፡ ፕሬዚዳንቱ የሀገራቸውን የደህንነት ሁኔታን ለማሻሻል የዩናይትድ ስቴትስ ወታደሮች ወደ ደቡባዊ የሀገሪቱ ድንበር እንዲንቀሳቀሱ ትዕዛዝ ሰጥተዋል። ይህ ድንበር ካሊፎርኒያ፣ አሪዞና፣ ኒው ሜክሲኮ እና ቴክሳስን የሚያዋስነው 3 ሺህ 145 ኪሎ ሜትር የሚረዝመው ድንበር ሲሆን አሜሪካ ከሜክሲኮ ጋር የምትጎራበትበት ነው፡፡

. ዓለም አቀፍ የሽብርተኞች ቡድኖች ላይ የሚካሄደው ዘመቻን ማጠናከር

ትዕዛዙ ትሬን ደ አራጓን የተባሉትን የቬንዙዌላ ወሮበሎችን አሸባሪ ቡድኖች ብሎ የሰየመ ሲሆን ፤ አነዚህን ለመቆጣጠር አስፈላጊው እርምጃ እንደሚወሰድም ታውቋል።

. የሜክሲኮን የድንበር ቅጥር ግንባታ እንደገና መጀመር

የሀገር ውስጥ ደህንነት እና የመከላከያ መሥሪያ ቤቶች የድንበር ቅጥሩን ግንባታ አጠናቀው ተጨማሪ ሠራተኞችን ለድንበር ቁጥጥር እንዲያሰማሩ ታዝዘዋል።

2 ማህበራዊፖሊሲዎች

ሙሉውን ለማንበብ ማስፈንጠሪያውን ይጫኑ- https://www.ebc.et/newsdetails.aspx?newsid=9401