Murad Tadesse (Official Channel)☪️🇪🇹

If you know how quickly people forget the dead, you will stop living to impress people.

ለምንድን ነው ከዙህር ጀምሮ የምታኮርፉትና የምትኮሳተሩት¿
ኧረ! ተው እናንተ ፈገግና ነቃ በሉ። ቢያንስ ሰላምታም መልሱልን¡ አታስፎግሯ¡

«የአዲስ አበባ መጅሊስ ከዚህ በኋላ በመስጂዶች ጉዳይ አይታገስም።

1446ኛው ታላቁ የረመዳን ወር መስጂዶች ደምቀውና ተውበው ህዝበ ሙሊሙን በተገቢው መንገድ በመቀበል እያሰተናገዱ ነወ።
በአብዛኛዎቹ መስጂዶች ህዝበ ሙሰሊሙ እምነቱ በሚያዘው መሠረት ዒባዳውን እያከናወነ ሲሆን በጣት በሚቆጠሩ መስጂዶች ሁከት ለማስነሣት የተደረጉ ሙከራዎችን በየመሰጂዱ የሚገኙ ኮሚቴዎች፣ ሀዲሞችና ህብረተሰቡ ባደረገው ጥረት በቁጥጥር ሰር ሊውሉ ችሏል።

በተለይም ጠሮ መስጂድ ፣ሎሚ ሜዳ(ዓሊ) መስጂድና አቃቂ ቃሊቲ ክፍለ ከተማ ወረዳ 2 የሚገኘው ሀምዛ መሰጂድ የረመዳንን መግባት ተከትሎ በአንዳንድ ሰውር አላማ ያላቸው ግለሰቦች ሁከትና ብጥብጥ በማሰነሣት ከፍተኛ ችግር ሲፈጥሩ የቆዩ አካላት መሸሸጊያ ሆኖ የቆየ ቢሆንም መጅሊስ ከዛሬ ነገ ይቀየራሉ ብሎ ሁኔታውን አባታዊ በሆነ ትዕግሰት ይዞት ቆይቷል።

መጅሊሰ በእነዚህ ጥቂት መስጂዶች የተፈጠሩትን ችግሮች ለመፍታት የተለያዩ ጥረቶችን ቢያደርግም ዕድሉን ባለመጠቀም ቡድኑ መሰጂድ ሰብሮ በመግባት፣ ጄነሬተር በማጥፋት፣ ለደህንነት የተገጠመ ካሜራን በመሰባበር እና አማኞች የተረጋጋ ዒባዳ(የአምልኮ ስርዓት) እንዳይከውኑና የረመዳንን ወር የብጥብጥና የረብሻ አውድማ የማድረግ እንቅሰቃሴያቸውን ቀጥለውበታል።

ከወራት በፊት ማዕከላቸውንና የብጥብጥ መነሻቸውን ዓሊ መስጂድ በማድረግ ሴቶችና ህፃናትን ከፊት በማሰለፍና የተወሰኑ ግለሰቦችን በገንዘብ በመደለል የተጀመረው ውንብድና ኢማሞችን ማይክ ቀምቶ በመደብደብ የተራዊ ሰላት እንዲቋረጥ እሰከ ማድረግ ደርሰዋል

ይህ በግልፅ በሚታወቁ ግለሰቦች የሚመራው ቡድን በተመረጡና ለማምለጥ ምቹ በሆኑ መስጂዶች ከተለያየ አካባቢ ተጠራርተው በመግባት አወል ሰፍን (የሰላቱን የመጀመሪያ ረድፍ) ለመሰጂድም ሆነ ለሸማግሌዎች ክብር የሌላቸው አሰቀድመው በመያዝ ረብሻ በማሰነሣት መሰጂዱን አውከዋል።

በየጊዜው በየመስጂዱ እየተዘዋወሩ ሁከት የሚፈጥሩ አካላት በሚገባ የሚታወቁና መረጃ ያለን ሲሆን እንደ አስፈላጊነቱ ለህዝብ እንደምናሳውቅ እየገለፅን መጅሊሱ ከዚህ በላይ እንደማይታገሰና ከሚመለከታቸው አካላት ጋር የፀሎት ቦታዎች ሠላማዊ እንዲሆኑ መስራቱን እንደሚቀጥል ለህዝበ ሙስሊሙ ያሣውቃል።

መጅሊሱ ካለበት ሀላፊነትና ተጠያቂነት አኳያ ጉዳዩን በትዕግሰት መያዙ አግባብ ቢሆንም በዚህ የሠላም፣ የፍቅር፣ የአንድነትና የመተዛዘን ወር በሁለቱ መስጂዶች በተፈጠረው አሳፋሪ ተግባር ክፉኛ ማዘኑን እየገለፀ ሙስሊሙ ማሕበረሰብ ዒባዳውን(የአምልኮ ሥርዐቱን) የሚፈፅምባቸው መስጂዶች ሠላማቸው እንዲጠበቅ ከባለ ድርሻ አካላት ጋር በትኩረት እንደሚሠራ በድጋሚ ለመግለፅ ይወዳል።»

የአ/አ/ከ/እ/ጉ/ከ/ም ቤት የሕዝብ ግንኙነት መምሪያ

በምድር በላይ በደል ፥ በተንሰራፋበት፣
የጣዖት አምልኮ ፥ ጫፍ በደረሰበት፣
ጎሳ ከጎሳ ጋ ፥ በሚጋደልበት፣
ባለሃብት ደሃውን ፥ በሚጨቁንበት፣
ሴት ልጆችን መውለድ ፥ ወንጀል በሆነበት፣
ደጋግ የአላህ ባሮች ፥ መጠጊያ ባጡበት፣
የባርነት ቀንበር ፥ ድካ ባለፈበት፣
ምድር አልችል ብላ ፥ የፈሳዱን ብዛት፣
በድቅድቅ ጨለማ ፥ በተሞላችበት፣
ውዱን ነቢይ ሰጠን ፥ ለዓለማት እዝነት።

በእርሳቸው መላክ ፥ ጨለማው ተገፏል፣
የተውሒዱ ፋኖስ ፥ እስከ ጥግ አብርቷል፣
የተጋጨ ጎሳ ፥ ወንድማማች ሆኗል፣
የባርነት ቀንበር ፥ ቀስ በቀስ አክትሟል፣
የተውሒዱ ጮራ ፥ ዓለምን አዳርሷል፣
የኡማው አንድ አካል ፥ ክብሯ ተመልሷል።


ከ'ናት አባት በላይ ፥ ለኛ ተቆርቋሪ፣
መጥፎ ሠሪዎችን ፥ በ'ሳት አስፈራሪ፣
መልካም ሠሪዎችን ፥ በጀነት አብሳሪ፣
በሁሉም ሁኔታ ፥ በጎ ተናጋሪ፣
ክፉ 'ማይወጣቸው ፥ ጀግና ትጉህ መሪ፣
በየመንገዳቸው ፥ ወደ ተውሒድ ጠሪ።



ስነ ምግባራቸው ፥ ምን ቃል ይገልፀዋል፣
እንኳን ወዳጃቸው ፥ ጠላትም ያውቀዋል፣
በበጎነታቸው ፥ ብዙውን ማርከዋል፣
የበደሏቸውን ፥ በይቅር አልፈዋል፣
ቁርኣንን ኑረው ፥ ለኛ አስተምረዋል።


ገና ሳንወለድ ፥ በዓይናቸው ሳያዩን፣
"ወንድሞቼ" ብለው ፥ "ናፍቀውኛል" አሉን።
ይገባን ይሆን ወይ ፥ ይሄ ሁሉ ፍቅር፣
ከተዘፈቅንበት ፥ ካለንበት አንፃር?


ጥለውን ሄደዋል ፥ ፍንትው ባለ መንገድ፣
ሐቁን አብራርተዋል ፥ ሁሉንም አንድ'ባንድ፣

አደራ ብለዋል ፥ ከዚህ እንዳንለቅ፣
እስከፍፃሜያችን ፦ ዱንያን እስክንለቅ።

ሐቃቸው አለብን ፥ ልንከተላቸው፣
ከነፍስያችንም ፥ ልናስበልጣቸው፣
ከናት አባት በላይ ፥ የምር ልንወዳቸው፣
በተጠሩ ቁጥር ፥ ልናወድሳቸው።

ባሰመሩት መስመር ፥ ቀጥ ብለን ልንጓዝ፣
ያዘዙንን እንጂ ፥ ያላሉንን ላንይዝ፣
ያፈነገጥን እንደሁ ፥ አለው ትልቅ መዘዝ።

መጸጸት ብቻውን የማይጠቅምበት ቀን ፥ ከመምጣቱ በፊት፣
ከሺርክ እንውጣና ፥ ከቢድዓህ አዙሪት፥፣
በሱንናቸው መንገድ ፥ ተሳስረን በአንድነት፣
በተውሒድ ጎዳና ፥ እንጓዝ ወደፊት።

ያኔ እንሆናለን ፥ የምር ተናፋቂ፣
የሐውዳቸው ቀማሽ ፥ አደራ ጠባቂ፣
ሚዛናዊ ህዝቦች ፥ ግሩም አስደናቂ።

አላህ ይዘንልን ፥ መንገዱን ያግራልን፣
ከተዘፈቅንበት ፥ በቶሎ ያስወጣን፣
የሚደሰትብን ፥ ምርጥ ባሮች ያር'ገን፣
የዓለማቱን እዝነት ፥ በጀነት ያሳየን፣
የርሱን ፊት ተመልካች ፥ ወዳጆቹ እንሁን።


||
t.me/MuradTadesse