Oromia Education Bureau

#Galmeen_Barattootaa_Kutaa_12ffaa_Qormaata #Biyyoolessaa_Fudhatanii_Eegaluufi.
######
Galmeen Barattootaa Qormaata Biyyoolessaa Kutaa 12ffaa Bara 2017tti fudhatan Muddee 6/2017 Karaa Toora Intarneetii (Online) Ni Eegala.
#BARA_KANA
#Manneen #Barnootaa 1,280 ta'an Barattoota isaanii qorsiisuuf qophii taasisaa jiru.
#Barattoota Istriimii Saayinsii Hawaasaa (Social Science) #Walumatti = 90,877
#Barattoota Istriimii Saayinsii Uumamaa (Natural Science) #Walumatti = 128,423 yammuu ta'u walumaa galatti barattoonni 219,300 ta'an qormaaticha fudhachuuf qophii taasisaa jiru.
BBOtti Daayirektarri Madaallii Barnootaa, Qophiifi Bulchiinsa Qorumsaa Obbo Huseen Qaasim galmeen barattootaa Kutaa 12ffaa qormaata biyyoolessaa fudhatanii Muddee 6/2017 kan eegalamu ta'uu ibsanii jiru.
#Galmeen Barattootaa kun karaa toora intarneetii (Online) kan raawwatamu waan ta'eef, bifa qulqullina qabuun akka raawwatuuf barattoonni odeeffannoo guutuufi qulqulluu ta'e qaama isaan galmeessuuf akka kennan, akkasumas hooggansiifi caasaan barnootaa sadarkaan jiru deeggarsa barbaachisaa akka taasisu dhaamaniiru.
#Qormaanni Bara kanaa #Kaarikuleemii #duraanii (Old Curriculum ) kutaa 9fi10 keessaa gaaffiin qormaataa kan bahu ta'uu, #Kaarikuleemii #Haaraa keessaa ammoo kutaa 11fi 12ffaa irraa qormaanni kan bahu ta'uu, hubatanii barattoonni akka ofqopheessan dhaamsi darbee jira.
#Karaa biraan ammoo #Qormaata_modeelaa (model exam) gahumsa barattootaa madaaluuf qormaanni baatii walakkeessa Amajjitti kan kennamu ta'uun beekameera.
Akka waliigalaatti barattoonni keenya bara 2017tti qabxii gaarii akka galmeessaniif kallattii garaa garaan akka deeggaramaniif Biiroon Barnootaa deeggarsaafi hordoffii walitti fufaa taasisaa jira

#Galmeen Barattootaa Qormaata

Oromia Education Bureau 💠

​Guyyaa 01/04/2017
#BEEKSISA
Barsiisota Barnoota #Appilaayidii_Marsaa_5ffaafi
#Barnoota_Hojiifi_Gochaa_Marsaa_3ffaa Qacaramtan Hundaaf
----------------
Gara godina/Bulchiinsa Magaalaa ramadamtaniitti deemtan hojii akka jalqabdan isin beeksifna.
Godinoonnifi Magaalotnis simattanii akka hojii jalqabsiiftan haa ta'u.
#Maqaa_keessaniifi_bakka_ramaddii keessanii chaanaalii Telegraama keenyaa irra ilaalladhaa!
#Bara_Hojii_Gaarii_Isiniif_Haata'u!

Telegram: https://t.me/oeb_book_store

​Guyyaa 28/03/2017
Oduu Gammachiisaa!
---------------
#Barsiisotaafi_Barattoota_Hundaaf

Afaan Ingilizii Fooyyeffachuufi Dagaagfachuuf 'Portal Web' Qophaa'etti Fayyadamuun Afaan Ingilizii Barsiisotaafi Barattoota sadarkaa 1ffaan duraa (Pre-primary) hanga kutaa 12ffaa jiran hundaafuu sadarkaa kutaa (Grade Level) addaan qoqqoodamee dandeetii bu'uuraa Afaanii; Barreessuu, Dubbisuu, Dhaggeeffachuufi Dubbachuu,
akkasumas, Grammer, Vocabulary, Pronounciation, Story telling dabalatee kan dhihaatedha.

'#Portal_Web' kana meeshaan ittiin fayyadamuu dandeenyu:
- Kompitara
- Bilbila/ 'Mobile phone'
-'Smart TV'
- Tablet' irratti yoo ta'u,
boroosarii(Browser)n ittiin bannu immoo ,
- Chrome
- Edge
- Safari fi biroosariiwwan ammayyaa ta'an kamiinuu fayyadamuu ni dandeenya.

Liinkii asii gadii fayyadamuun tajaajila argadhaa.
Fuula Weebichaa (#Web Page) keessa galuun #haala_fakkeenya_kennameetiin filattanii fayyadamuun ni danda'ama.
#Hubachiisa:- 'Portal Web' kana kan qopheesse Ministeera Barnootaa Itiyoophiyaati.

✅ https://learn-english.moe.gov.et

✔️ https://learn-english.moe.gov.et

Oromia Education Bureau

#Beeksisa_Qacarrii_Barsiisotaa
Biiroon Barnootaa Oromiyaa #Manneen_Barnootaa_Ifa_Boruu_Bultii_Addaa_Sad.2ffaaf barsiisota sadarkaa barnootaa MA/MSC qabanfi Afaanota Biyya Alaa barsiisuu danda'an dorgomsiisee kanneen ulaagaa armaan gadii guutan keessaa filatee hojitti bobbaasuu barbaada.
#HAALUMA_KANAAN
#Afaan Ingilizii MBIBBA Sad.2ffaa #Dodolaa
========
#Afaan Amaaraa MBIBBA Sad.2ffaa #Haramaayaaf
======
#Ikoonomiksii MBIBBA Sad.2ffaa #Amboo #Dodolaa#Nageelleefi #Haramaayaa
===========
#Area Study MBIBBASad.2ffaa #Dodolaa
=========
#Fiiziksii MBIBBASad.2ffaa Dodolaa
Yammuu ta'u; #Afaanota_Biyya_Alaa Ammoo
#Afaan Arabaa MBIBBASad.2ffaa #Amboo
==========
#Afaan Faransaay MBIBBA Sad.2ffaa #Najjoo
=======
#Afaan Chaayinaa MBIBBA Sad.2ffaa Yaabeelloofi Dodolaaf qacaruu waan barbaaduuf kanneen ulaagaa guuttan Manneen barnootaa Bultii Addaa 7nu keessattiifi BBOtti galmaa'uu kan dandeessan ta'uu hubachiifna.

#Ramaddii Ramaddii Ramaddii

Oromia Education Bureau ☑

⌛ Jion my channel Now!

➡️ Tolla Berisso 💠

​Guyyaa 10/03/2017
#ODUU_GAMMACHIISAA
-----------------

Mootummaan Rippabiliika HANGAARII lammiilee biyya keenyaatiif carraa barnootaa bilisaan kennuuf waadaa galteerti.

Mootummaan R. Hangaarii A. L. Awurooppaatti bara 2025 irraa eegalee #waggaa_waggaan_namoota 100 fudhatee bilisaan

Barnoota irratti Yunivarsitootni biyya keenyaafi biyya Hangaarii walitti dhufeenyaafi wal deeggaranii waliin hojjachuuf sanada walii galtee kan mallatteessan yoo ta'u, gara biyya keenyaatiin Ministeera barnootaatti, Ministeer Deetaa Misooma Barnoota Olaanoo obbo Korraa Xushuneefi gara Hangaarii irraa immoo, Itiyoophiyaatti Ambaasaadara Hangaarii Ambaasaaddar Atiillaa Koppaanii ta'uun beekameera.
yunivarsiitiiwwan biyya isaaniitti akka barsiisu waadaa galeera.
Hangaariin biyya Awurooppaa keessatti argamtu yoo taatu, magaalaan guddoon ishees Budaapeest jedhamti.
#Maddi_odeeffannoo:- Fuula FB Ministeera Barnootaa Itiyoophiyaa irraa arganne.

#scholarship #Free #scholarship

#Barnoota_Qaqqabamaa_Gochuuf #Teeknoloojiitti_Fayyadamuun #Murteessaa Ta'uun Ibsame
########
Sadaasa, 6/2017 Istuudiyooleen Buufata Tamsaasa Barnootaa Raadiyoo #Gimbii, #Goobbaa, #Goree, #Sandaafaa, #Haramaayaafi #Yaabelloo qophii tamsaasa barnootaa Afaana Amaaraa barattoota akka Afaan dhalootaafi Afaan lammaaffaatti barataniif tamsaasa seemisteera lammaffaa iskiriiptii qophaa'e gulaalaa jiru.
Gulaallii iskiriiptii kana Hog.Itti Aanaa BBO Dr.Kaasaahun Galaanaa irratti argamuun jalqabsiisaniiru.
Barnoota lammii hundaaf qaqqabamaa gochuufi qulqullina isaa mirkaneessuuf filannoo jiru hundatti fayyadamuun barattoota biraan gahuun dirqama akka ta'e ibsuun, kana milkeessuu keessatti kutannoo hooggansi BBO qabu ol'aanaa ta'uu ibsanii jiru. Akkasumas meeshaalee gama tamsaasa barnootaa guutuufi tamsaasni barnootaa karaa Raadiyoon darbuuf istuudiyooleen buufata barnoota raadiyoo gahee guddaa akka qabanis dabalanii ibsaniiru.
Akkasumas bakkeewwan hanqinni darbee darbee mul'atutti ammoo dabaltaan barnoota
tekinoloojiidhaan furuuf fala yaadame waan ta'eef, iskiriiptiin qophaa'e dafee gulaalliin isaa raawwatee hatattamaan waraabbiitti akka seenamuu qabu dabalanii ibsaniiru Dr. Kaasaahu.
Qophiin iskiriiptii kun barnoota afaan Amaaraa kutaa 5ffaa hanga 8ffaa yoo ta'u barattoota akka afaan dhalootaafi afaan lammaffaatti barataniif qaqqabamaa gochuuf kan hojjetamudha.
Gosa barnootaa kaanis Raadiyoon kennamu tamsaasni isaa akka addaan hin cinneef rakkoolee mudatan adda baasuun caafii hundatti manneen barnootaa hunda keessatti akka hojjetu gochuuf hojjetamuu akka qabus ibsameera.
Daayirektarri Teekinoloojiifi Miidiyaa Barnootaa Obbo Dassaaleny Waaqjiraa gama isaaniin barnoonni raadiyoon bakka hundatti kennamaa jiru sababa rakkoo xixiqqaan akka addaan hin ciccinneef qindoominaan akka hojjetamuufi barattoonni keenya tekinoloojiin akka deeggaramaniif BBOn hojii bal'aa hojjechaa akka jiruufi cimee akka itti fufu himanii Itti gaafatamtootaafi ogeessota Istuudiyoolee tamsaasa barnoota Raadiyoof dhaamaniiru.
Akka walii galaatti barnoonni gama hundaan kennamu qulqullinni isaa akka mirkanaa'uuf Hooggansi BBO qaamolee deeggartootaafi hawaasa sochoosuun bu'aan barbaadamu akka dhufuuf kutannoon hojjetaa jira.

Tamsaasawwan......................⭐️

OROMIA EDUCATION BUREAU 💠

Qajeelchaafi Maanuwaaliin Barreessuu, Dubbisuufi Herreguu Barattootaa Fooyyessuuf Qophaa'ee Bu'aa Agarsiise Jedhame.
-------
BBO-Sadaasa 01/2017 Biiroon Barnootaa Oromiyaa Qajeelchaafi Maanuwaalii barattoota kutaa 1-4
#1_Afaan_Oromoo_dubbisuufi_barreessuu fi
#2_Lakkoofsaafi_Herrega_Shallaguu dandeessisu qopheessuun manneen barnootaatiif ergee ture barattoota irratti fooyya'insa olaanaa fiduu isaa barsiisotni duula dubbisuu, barreessuufi Herrega shallaguu dandeessisuu barattootaa irratti hirmaatan dubbataniiru.
Biiroon Barnootaa Oromiyaa daa'imman bu'uura irraa cimsuuf Manneen Barnootaa Bu'uura Boruu kuma 16 ol waggoota 3 keessatti hirmaannaa hawaasaatiin ijaaruun, faasiliitii MB hanga danda'ameen guutuun, daa'immaniif nyaata dhiheessuun(harcaatiin akkuma jirutti ta'ee), barsiisota koollejjoota adda addaa irraa dippiloomaan eebbifaman ji'a 2f leenjii dabalataa kennuun 90% ol dubartoota qacaree daa'imman akka barsiisan taasisaa jira.
Manni Barnootaa Bu'uura Boruu daa'imman mana barnootaa idilee kutaa 1ffaa galuun dura umrii 5-6 tti Bu'uura Boruu Gulantaa 1ffaa fi Gulantaa 2ffaa keessa akka darban taasifamee hojjatamaa jira.
Daa'imman MB Bu'uura Boruu keessatti dubbisuu, barreessuufi Herrega salphaa ta'e shallaguu akka danda'an mala baruu barsiisuu hirmaachisaafi hawwataa ( taphaan, faaruun, sheekoofi . . ) ta'een barsiisuun gara kutaa 1ffaa dabarsuudha.

Haata'u malee daa'imman tokko tokko Manneen Barnootaa Bu'uura Boruu keessa otuu hin darbin umriin isaanii waggaa 7fi ol ta'an kutaa 1ffaa kallattiin waan galaniif qubeefi lakkoofsa otuu adda hin baafatin, dubbisuu, barreessuufi herrega shallaguu bifa wal fakkaatuun waan hin dandeenyeef "#Duulli_Dubbisuu_Barreessuf #Herrega_Shallaguu dandeessisu bara 2016 irraa eegalee fuulbaana keessa guyyaa manneen barnootaa banaman irraa kaasee #torban_barnootaa_6 barattoota kutaa 1-4 jiran #barsiisotni_hunduu_akka_irratti_hirmaatan ta'ee labsameera.

Kanuma ka'umsa gochuun duula torban jahaaf taasifamu kana galmaan gahuuf Qajeelchaafi Maanuwaalii qophaa'ee hojiirra oole Afaan Oromoo dubbisuu, barreessuufi Herrega shallaguu daa'immanii irratti fooyya'insa guddaa fiduusaa barsiisotni duula irratti hirmaatan dubbataniiru.

Gahumsa dubbisuu, barreessuufi Herreguu barattootaa fooyya'aa ta'uusaa #hojii_supparviizyinii_barnootaa_hogganaa_BBO Dr. Tolaa Bariisoo #torban_darbe_keessa #Godinoota Booranaa, Boorana Bahaa, Gujii, Arsii Lixaafi #Bulchiinsa_Magaalota Adoolaa Wayyuu, Shaashamanneefi Maayaatti manneen barnootaa daree galuun daawwatameen kan mirkanaa'e ta'uun hubatameera.

Qajeelchaafi Maanuwaalii #Afaan_Oromoo Dubbisuufi\Barreessuu akkasumas Qajeelfama #Lakkoofsa_Herreguu daa'immanii gargaaru kana #qaamniifi_maatiin daa'imman isaanii gargaaruu barbaadu hundi akka itti fayyadamuu danda'u chaanaalii telegraamii keenyaa irraa argachuu/buufachuu/ ni dandeessu.

Telegram:
https://t.me/oeb_book_store

Walumaa galatti, jilli Magaalaa Maayaatti supparviizyinii barnootaa gaggeessaa oole kun cimina manneen barnootaa keessatti mul'ate jajjabeessuun caalatti akka itti fufuu qabu ibsuun, hanqina mul'ataniif immoo, lammiin dhaloota gahumsa qabu egere arguu hawwu hundi barnoota irratti xiyyeeffannoo kennuun akka deeggaru dhaamaniiru.

Dhumarratti, Hogganaan Biiroo Barnootaa Oromiyaa Dr. Tolaa Bariisoo supparviizyinii barnootaa jila isaanii waliin ta'uun gaggeessaniin duub-deebii kenname hunda akka galteetti fudhachuun jijjiirama olaanaaf akka hojjatan ibsuun jila daawwannaa kanarratti hirmaate galateeffataniiru.
#Keessattuu, Pirezidaantii Yunivarsiitii Haramaayaa Dr. Jemaal Yusuuf deeggarsa isaan Manneen Barnootaa Maayaa dabalatee manneen barnootaa godina Harargee Bahaa keessatti argamaniif taasisaa jiran galata guddaa galchaniifiiru.
Supparviizyinii Barnootaa taasifameen MBIBBA Haramaayaatiin ala, manneen barnootaa Bu'uura Boruu irraa hanga MB. Sad. 2ffaa keessatti rakkoowwan hedduun mul'ataniiru.
Rakkoowwan mul'atan immoo mootummaan ykn qaama muraasaan kan furamanii miti.
Rakkoo barnoota biyya keenyaa yeroo dheeraaf kan kuufamaa dhufe ta'uurraa kan ka'e wal xaxaafi humna dinagdee guddaa kan gaafatuudha.
Kanaafuu, #Dhalootni_kan_ijaaramu_barnootaan_waan_ta'eef_barnoota_deeggaruun_immoo_kutannoo_lammii_hundaa_gaafata. Lamniin hunduu barnootni bu'uura waan hundaa ta'uu hubachuun hundaa ol dursa kenninee barnoota keenya qulqullinasaa mirkaneessuuf hojjatamui akka qaban dhaamsa dabarsaniiru.
Walumaa galatti, qaamni adda dureen ergamni itti kenname Gumiin Tiransiformeeshinii Barnootaa Oromiyaa(GTBO) sadarkaan jiran hundi hojii bara 2016 hojjataa turtaniif galateeffachaa bara 2017 immoo, jijjiirama ajaa'ibsiisaa galmeessisuuf akka hojjattan abdii guddaan qaba jedhaniiru.

Supparviizyinin barnootaa hogganaa BBO Dr. Tolaa Bariisootiin gaggeeffamaa jiru kun #godinaalee_hafanittis_kan_itti fufu ta'uu sagantaan bahe agarsiisera.

🌀 Full images

Oromia Education Bureau 💠

Dhalootni kan ijaaramu barnootaan yoo ta'u Barnoota deeggaruun immo, kutannoo lammii hundaa gaafata."
- Dr. Tolaa Bariisoo - Hog BBO
___
BBO- 28/02/2017 Hogganaan Biiroo Barnootaa Oromiyaa Dr. Tolaa Bariisoo tibbana Godinaalee Oromiyaa keessa naanna'uun supparviizyinii barnootaa gaggeessaa kan jiran ta'uun ni beekama.
Qulqullina barnootaa mirkaneessuun dhaloota gahumsa qabu horachuun kan danda'amu hoggansi barnootaafi hawaasni barnootaa adeemsa baruu - barsiisuu hanga mana barnootaafi daree barnootaattii gadi bu'ee daawwachuun deeggarsa barbaachisaa ta'e taasisuun kan furamu waan ta'eef supparviizyiniifi deeggarsa wal irraa hincinne taasisuun barbaachisaadha.

Kanuma bu'uureeffachuun jilli Dr. Tolaa Bariisootiin durfamu guyyaa 27/02/2017 Harargee, #Magaalaa_Maayaatti argamuun Supperviizyinii Barnootaa gaggeessaniiru.
Manneen Barnootaa Magaalaa Maayaa keessa jiran, Mana Barnootaa Ifa Boruu Bultii Addaa Addaa Sad. 2ffaa Haramayaa, MB Sad. 2ffaa Haramayaa, MB Sad. 1ffaa(1-8)Addeelleefi Bu'uura Boruu 2 tti argamuun daree barnootaa galuun, mana kitaabaa, labraatoorii, mooraa manneen barnootaa daawwachuun haala manneen barnootaa irratti barattootaafi barsiisota mari'achiisaa oolaniiru.
Jilli Dr. Tolaan durfamu kun #Ministeera Barnootaa irraa Ministir Deetaa Barnoota Walii Galaa aadde Ayyalach Isheetee, Ministir Deetaa Barnoota Olaanoo obbo Korraa Xunshee, #Daayirektara_Tajaajila _Madaallii_Barnootaafi_Qormaataa_Biyyoolessaa Dr. Isheetuu Kabbadaa garee isaanii waliin, #Pirezidaantii_Yunivarsiitii_Haramaayaa Dr. Jamaal Yusuuf garee isaanii waliin, #Kantibaa_Magaalaa_Maayaa Dr. Ifraah Waziir garee isaanii waliin ta'uun daawwannaa daree barnootaa, mooraa MBfi marii barataafi barsiisaa waliin gaggeessaniin rakkoowwan sadarkaa Ministeera Barnootaatti, Biiroo Barnootaa, Bulchiinsa Magaalaatti, Waajjira Barnootaa Bu/Magaalaatti hiikamu furmaata kennuuf kan waadaa galan yoo ta'u, rakkoowwan manni barnootaa furuu qabus adda baasuun kallattii kan kaa'an yoo ta'u barattootnis gahee isaanii akka bahan gorsa kennuun jajjabeessaniiru.

Manneen Barnootaa Magaalichaa haala adda addaatiin deeggarsa kennaa kan jiru Pirezidaantiin Yunivarsiitii Haramaayaa Dr. Jamaal Yusuuf Yunivarsiitiin isaanii deeggarsa manneen barnootaaf kanaan dura taasisaa jiran caalaa akka itti fufan himaniiru.
Dr. Jamaal Yusuuf Mana Barnootaa Sad. 2ffaa Haramaayaatti kan baratanii turan ta'uu ibsuun barattoota mana barnootichaatiif muuxannoo qaban qooduun barattoota jajjabeessaniiru.

#Kantibaan_Bulchiinsa_Magaalaa_Maayaa Dr. Ifraah Waziir gaaffilee barsiisota irraa ka'an #waa'ee_kenna_lafa_jireenya ilaalchisee barsiisota otuu hin argatin harca'anii hafan hundaaf yeroo gabaabaa keessatti kan kennan ta'uu waadaa galaniiru.
Manneen barnootaa hanqina adda addaa qaban Gumii Tiraansiformeeshinii Barnootaa (#GTB) cimsuun qulqullina barnootaa mirkaneessuuf daran akka hojjatan dhaamsa dabarsaniiru.

#Daayirektara_Tajaajila_Qormaata_Biyyooleessaa Dr. Isheetuu Kabbadaa barattootaaf #haala_qophii_Qormaata_Biyyoolessaarratti_gorsa_barattootaaf_dabarsaniiru.
#Qormaatni_biyyoolessaa_kutaa_12ffaa kan qophaa'u kitaaba barataa keessaa kan bahu ta'uu himuu, barataan kitaaba barataa kennameef boqonnaalee hundaa baratee xumureefi tasgabaa'ee qo'ate hundi shakkii tokko malee darbuu akka danda'an barattootaatti himaniiru. Dabalataanis, Dr. Isheetuu Kabbadaa barattootni qormaata darbuuf hundaa ol dhiphachuu ofirraa ittisuun bilisaa ta'anii tasgabiin hojjachuun isaan irraa akka eegamu dhaamsa dabarsaniiru.

Gareen Ministeera Barnootaa irraa dhufanis Manneen Barnootaa keessa naanna'uun ilaalaa kan turaniifi marii barattootaafi barsiisotaa waliin gaggeeffame irratti kitaabotni barataa Sadarkaa 2ffaa barattoota Bulchiinsa Magaalaa Maayaa hunda 1:1n wal gahuu isaa gammachuu isaanitti dhagahame ibsuun hanqinoota leenjii barsiisotaa, labraatorii, ICTfi kkf irratti BBO waliin ta'uun furmaata kennuu irratti akka hojjatan ibsaniiru.

#BEEKSISA_WAAMICHA #LEENJII_BARSIISUMMAA
#######
Onkoloolessa 20/2017, Biiroon Barnootaa Oromiyaa Barattoota Qormaata Biyyoolessaa Kutaa 12ffaa Bara 2014, 2015fi 2016tti Fudhataniifi Kanneen #Ulaagaa guutan filatee Kolleejjii Barnoota Barsiisotaa 13 Qabu keessatti ogummaa barsiisummaan agantaa Dippiloomaafi Sartifikeetiin leenjisuu barbaada.

Kanaaf, Barattoonni Ulaagaa armaan gadii guuttan Onkoloolessa 25-27/2017tti #Kolleejjii #Barnoota_Barsiisotaa 13fi Iddoowwan #Galmee_Kolleejjonni_Mijeessanitti galmaa'uu kan dandeessan ta'uu hubachiifna.

rel='nofollow'>Https://t.me/PAWSOG_bot/PAWS?startapp=ctFJJVfG

Oromia Education Bureau 💠

Biiroon Barnootaa Oromiyaafi Korporeetii Biroodkaastingii Faanaa Ijaarsa Istuudiyoo Ammayyaaf Waliigaltee Mallatteessan


#BBO,Biiroon Barnootaa Oromiyaafi Korpooreetii Biroodkaastingii Faanaa istuudiyoo poodkast ammayyaa ijaaruuf bakka Hog.BBO Dr. #Tolaa_Bariisoofi Hojii Gaggeessaa Korpooreetii Biroodkaastingii Faanaa Obbo #Admaasuu_Daamxoofi ogeeyyiin manneen hojii lamaanii argamanitti walii galtee mallatteessaniiru.
Hoogganaan BBO Dr.Tolaa Bariisoo kaayyoo waliigaltee ijaarsaa kana yeroo ibsan; miidiyaan dhageettii guddaa qabuufi qaqqabamaa waan ta’eef, hojii Barnootaa milkeessuufi hawaasa ittiin barsiissufi kakaasuuf humni miidiyaan qabu guddaa waan ta’eef; barnoota keenya miidiyaadhaan deeggaruun murteessaa akka ta’e ibsaniiru.
Akkasumas jedhan Dr.Tolaan istuudiyoo haaraa ijaaruuf qophoofnu kun dhalootaaf barnoota karaa miidiyaa ammayyaa ta’een qaqqabamaa gochuuf bu’aa guddaa qaba waan ta’eef; Korpooreetii Biroodkaastingii Faanaa waliin yeroo dhiyoo keessatti ijaarsi isaa raawwatee gara hojiitti akka galamuuf waliigalamuu ibsaniiru.
Hojii Gaggeessaan Korpooreetii Biroodkaastingii Faanaa Obbo Admaasuu Daamxoo dhaabbanni isaanii dhaloota karaa miidiyaan ijaaruu keessatti gahee mataa isaa bahataa jira waan ta’eef; akkasumas istuudiyoolee ammayyaa garaa garaa ijaaruu keessattis muuxannoo gahaa waan qabuuf, Istuudiyoo Poodkastii ammayyaa yeroo waliin deemu ijaaruun gara hojiitti akka seenamu ibsaniiru.

Oromia Education Bureau 💠