ኦርቶዶክሳዊ አእምሮ

+ ንስሐ ግቡ +

የጌታቻን የኢየሱስ ክርስቶስ መጠመቅ አሰቀድሞ በዮሐንስ ለሀጥያት ስርየት ማጥመቅ መንገድ ጠራጊነት የተጀመረ ነው እርሱም እኔስ ለጠጅ ፡ ቢረሌን ፡ ለልብስ ፡ ገላን ፡ እንዲያጥቡለት ፡ ለሱ ፡ ጥምቀት በሚያበቃ ጥምቀት አጠምቃቹሀለው ይል ነበር እንዲሁም እርሱ የሚያጠምቀው ጥምቀት ክርስቶስ ከሚያጠምቀው ጥምቀት ልዩ መሆኑን ሲገልፅ "በመንፈስ : ቅዱስ : እሳትነት" ክፍውን : ሕሊና : ከበጎው : ሕሊና የሚለይበት ስልጣነ ክህነት ገንዘቡ የሚሆንለት በማለት ይገልፃል ። ዮሐንስ ትንቢት የተነገረለት ያለነቀፌታ ይኖሩ ከነበሩ በእግዚአብሔር ፈት ጻድቃን ከነበሩ ከካህኑ ዘካርያስ እና ከኤልሳቤጥ የተወለደ ነው ። በሉቃ 8-11"

***
በእግዚአብሔር ፈት በቤተ መቅደስ ገብቶ የማጠን ተራ በመዓት አንድ ጊዜ የደረሰበት ካህኑ ዘካርያስ በመሰዊያው ቀኝ የእግዚአብሔር መልአክ ተገልጦለት ታየው ። ይህም በዓመት አንዴ ሳይሆን አንድ ጊዜ በፈሰሰ ደሙ አለምን የሚያድን አምላክ ሊወለድ መሆኑን ሲነግረው ነው አንድም ካለመታዘዝ ወደ መታዘዝ የሚመልስ ከጣኦት አምላኪነት ወደ እግዚአብሔር አምላኪነት የሚመልስ ልጅ ትወልዳለህ ሲለው ነው በተጨመሪም በቀኝ እጁ አምላክን የሚያጠምቅ ልጅ ትወልዳለህ እያለ መንገሩ ነው ("ጸያሔ ፍኖት" ርዕሰ ሊቃውንት አባ ገብረ ኪዳን ግርማ ) ።

ለዚህም ነበር በሰፈው ፈት ፃድቃን መስለው ይታዩ ለነበሩት በእግዚአብሔር ፈት ፅድቃቸው ከተመሰከረላቸው ቤተሰብ የተገኘው ዮሐንስ እርሱ በጌታ ፈት ታላቅ የሆነ ሉቃ 1፡15 በህሊና የተሰወረውን ክፍ ግብራቸውን ሳይፈራ እግዚአብሔር ገልጦለት ይገስፃቸው ነበር ፈሪሳውያንን "መልካም ፍሬ የማያፈራ ይጣላል " ማቴ 3-10 እያለ የነብያት ልጆች መሆናቸው ብቻ ንስሃ ካለመግባታቸው የሚመጣባቸውን ቅጣት እንደማያስመልጣቸው ክቡዳነ አእምሮ ለሆኑት ለእነርሱ "ንስሀ ግቡ" እያለ ያስተምራቸው ነበር ። ምንመካባቸው ብዙ የተከማቹ ሀብት ይዘን ሊሆን ይቻላል በዘመንድ ብዛት የእከሌ ዘመድ የእከሌ ዘር እያልን ምንመፃደቅባቸው በሰው ፈት ከሁሉ የተሻልን ለመምሰል የምናቀርባቸው ቁሶች ከመቃብር አይሻገሩም ያለን ግዙፍ ቤት በሁሉ ፈት ለመመካት ይዘነው አንዞርም አንድ ቦታ እንደተተከለ ይቀራል የሰማይ መንግስት እንወርስ ዘንድ ዮሐንስ ዛሬም "እንግዲህ ለንስሐ የሚያበቃቹሁን በጎ ስራ ስሩ" ይለናል " ማቴ 3-8 ቅዱስ ዮሐንስ አፈወርቅ እንዲህ ይለናል " ጸጋስ ይሉሃል የኃጥያት ስርያት ማግኘት "

እንኳን አደረሳቹሁ ። !!!

(ዲያቆን ፍፁም ከበደ)

#ኦርቶዶክሳዊ_አእምሮ

ብታነቡት አንድ ሥርዓት ትፈጽማላችሁ ታቃላችሁ 👍

ጾመ ገሃድ

ገሃድ ምንድን ነው?

ገሃድ የቃሉ ትርጉም መገለጥ፣ መታየት ነው፡፡ በጥምቀት መገለጥ መባሉ ሰው የሆነው አምላክ በዓለም ሲኖር እስከ 30 ዓመት እድሜው ድረስ ሰዎችን ለማዳን የመጣ መሲህ ሰው የሆነበት፣ አምላክ ኢየሱስ ክርስቶስ እሱ መሆኑን ሳያውቁ ከኖሩ በኃላ በ 30 ዓመት እድሜው በባሕረ ዮርዳኖስ በእደ ዮሐንስ እጅ ሲጠመቅ አብ በደመና ሆኖ ‹‹የምወደው ልጄ ይህ ነው›› በማለቱ መንፈስ ቅዱስ በርግብ አምሳል በራሱ ላይ ሲያርፍ በመታየቱ ነቢያት ይወርዳል ይወለዳል ይሰቀላል ይሞታል ይነሳል ብለው የተናገሩለት መሲሕ እርሱ መሆኑ ተገልጦአልና እንዲሁም ሦስቱ አካላት በአንድ ጊዜ ታይተዋልና ምስጢረ ሥላሴ የተገለጠለት በመሆኑ ገሃድ ይባላል፡፡(ማቴ 3፡13-17)

ይህን በማሰብ የምንጾመው ጾም “የገሃድ ጾም” ይባላል፡፡

በዚህ መሠረት የአሁን የገሃድ ጾም የራሱ አዋጅ አለው

ስንክሳር ዘጥር ፲ እንዲህ ብሎ ያዛል

ወለእመ ፡ ኮነ ፡ ዕለተ ፡ በይረሙን ፡ ዘውእቱ ፡ አስተርእዮ ፡ በዕለተ እሁድ አው፡በዕለተ፡ ሰንበተ አይሁድ፡ይጹሙ፡በእለተ ፡ ዓርብ ፡እምቅድሜሁ፡እስከ፡ምሴት፡በከመ ተናገርነ፡ ቅድመ ዳዕሙ ይትዓቀቡ፡እምነ፡በሊዕ፡ጥሉላተ።

ጥምቀት እሁድ ስለዋለ አስቀድመን አርብ እስከ 12 ሰአት ይጾማል። በዋዜማው ደሞ ቅዳሜ ከቅዳሴ በኃላ ምግብ መመገብ ይቻላል። ግን ጥሉላት አይበሉም።
ለምሳሌ  ሥጋ ፣ ወተትና የወተት ተዋጽኦ......

በረከት የምናገኝበት ጾም ያድርግልን!!!
@yetewahedofera
@yetewahedofera
@yetewahedofera

የጥምቀት መዝሙር ጥናት ተጀምሯል

ሊንኩን በመጫን ቮይስ ቻት ግቡ 🥰🙏

በቤተ ክርስቲያናችንም የስም ፍቅርና የሚፈጥረው ችግር ፣ የማእረግ ስሞችን የኩራታቸውና የገቢያቸው ምንጭ ለማድረግ እንጂ በሚጠሩበት ስም ልክ ሥራ ለመሥራት ዐላማ ያላቸው ሰዎች በጣም ጥቂቶች መስለው ነው የሚታዩኝ፡፡ ለዚያ ነው እኮ ያልነበረ የክህነት ደረጃ ጨምረን 'በዕደ ገብሩ ካህን' የሚለውን 'በዕደ ገብሩ ቆሞስ' ወደማለት ሁላ ያመራነው፡፡ አንድም ቀን ተጠቅሜበት አላውቅም፣ አብረውኝ የቀደሱ ቆሞሳት እንደማይደሰቱ ግን ይገባኛል፡፡


( Arega Abate )

#ኦርቶዶክሳዊ_አእምሮ

✞  ጥር 4 የቅዱስ ዮሐንስ ወንጌላዊ ዓመታዊ በዓል
የወንጌላዊ ዮሐንስ ድንቅ ታሪክን አባ ጊዮርጊስ ዘጋሥጫ ለዮሐንስ በደረሰለት ውዳሴ
ሃሌ ሉያ ሃሌ ሉያ ሃሌ ሉያ ኮከብን ብለን ጠራንህ፤ የጽድቅ ፀሓይ ያሳደገህ ባጠገቡ (በጉያውም) ያስቀመጠህ ኮከብን ብለን ጠራንህ፤ በአፉ የሳመኽ በመታጠቂያውም ያስታጠቀኽ ኮከብን ብለን ጠራንኽ፤ የተሰወረውን ምስጢር ያሳየኽ የጸጋውን ወንጌል የሰጠኽ ኮከብን ብለን ጠራንኽ፤ ዮሐንስ እንዳንተ ያለ ማን ነው ታማልደን ዘንድ ማለድንኽ።

√ ሊቁ አባ ጊዮርጊስ ዘጋሥጫ በዚህ ክፍል ላይ ተጋድሎው ሕይወቱ እንደ ኮከብ የደመቀውን ዮሐንስን አመስግኖታል፤ ይህ ዮሐንስ ቊጥሩ ከ12ቱ ሐዋርያት መካከል ሆኖ የዘብዴዎስ እና የሰሎሜ ልጅ ሲሆን በእኛ ትውፊት እናቱን ማርያም ባውፍልያ ይላታል።

√ ጌታችን ያዕቆብንና ወንድሙን ዮሐንስን ከአባታቸው ከዘብዴዎስ ጋር በታንኳ መረባቸውን ሲያበጁ ዐየ፤ ጠራቸውም እነርሱም ወዲያው ታንኳይቱንና አባታቸውን ትተው ተከትለውታል። [ማቴ. 4፥21-22]

√ ጌታም ኹለቱን ወንድማማቾችን ቦአኔርጌስ ብሏቸዋል፤ ትርጓሜውም የነጐድጓድ ልጆች ማለት ነው። [ማር. 3፥17]

√ ጌታችን ምስጢረ መንግሥትን ለመግለጽ ወደ ታቦር ተራራ ይዞት ወጥቷል፤ በጌቴሴማኒም ምስጢረ ጸሎትን ሲያሳይ ከጌታ ጋር ነበርና "የምስጢር ሐዋርያ" ይባላል።

√ ጌታችን ይወድደው የነበረው ደቀ መዝሙር ርሱ ነውና "ፍቁረ እግዚእ" (የጌታ ወዳጅ) ሲባል በምሴተ ኀሙስም ምስጢረ ቊርባንን ሲመሠርት ከጐኑ የተጠቀመጠው ርሱ ዮሐንስ ነበርና ሊቁ “የጽድቅ ፀሓይ ያሳደገኽ ባጠገቡ ያስቀመጠኽ” ብሎታል፡፡

√ ጌታችን ሲጠራው የ25 ዓመት ወጣት እንደ ነበር ሄሬኔዎስ የተባለ ደቀ መዝሙሩ ጽፏል፡፡

√ ቅዱስ ጳውሎስ “Pillars of the Church- አዕማደ ቤተክርስቲያን” ብሎ ከሚጠራቸው ሐዋርያት አንዱ ዮሐንስ ነው። [ገላ. 2፥9]

[ሊቁ ዮሐንስ አፈ ወርቅና አውግስጢኖስ ስለ ዮሐንስ ሲመሰክሩ]

√ “ቅዱስ ዮሐንስ ጌታችንን እስከ መስቀል ድረስ የተከተለ ብቸኛ ሐዋርያ ነውና ጌታም ዮሐንስ ካሳየው ፍቅር ከ100 (መቶ) ዕጥፍ በላይ እናቱን እናት አድርጎ ሰጠው፡፡ ምንኛ የታደለ ሐዋርያ ነው” ይላሉ፡፡ [ዮሐ. 19፥20-27]

√ ጌታችን በጸሎተ ኀሙስ ለደቀ መዝሙርቱ ትሕትናን ሊያስተምር ከእራት በኋላ ተነሥቶ ልብሱን አኑሮ “ወነሥአ መክፌ ዘለንጽ ወቀነተ ሐቌሁ” ይላል ዘርፍ ያላት ዝናር አንሥቶ ወገቡን ታጠቀ ሥራ የምታሠራ የምታስጌጥ ስትኾን ኢዮአብ ወደ ሰልፍ ሲገባ እየለበሳት ይገባ እንደነበረች ያለች ናት፤ ልብሰ መንድያ ይላታል በሺሕ ዘሓ (ድር) የተሠራች ናት።

√ “ወወደየ ማየ ውስተ ንብቲራ ወአኀዘ ይሕጽብ እገሪሆሙ ለአርዳኢሁ ወመዝመዘ በውእቱ መክፌ ዘቀነተ” በመታጠቢያው ውሃ ጨመረ የደቀ መዛሙርቱንም እግር ሊያጥብና በታጠቀበትም ማበሻ ጨርቅ ሊያብስ ጀመረ ይላል።

√ ይህቺ የታጠቀበትን ለዮሐንስ ወንጌላዊ ሰጥቶት ጌታ በታጠቀበት ቢታጠቅ ሕገ ሥጋ ጠፍቶለታል ፍቁረ እግዚእ ያሰኘው ይኽ ነውና ሊቁ “በመታጠቂውም ያስታጠቀኽ” በማለት አመስግኗል፡፡

√ “በአፉ የሳመኽ” ማለቱ የሮሙ ንጉሥ ጢባርዮስ ቄሳር የጌታን ነገር አይሁድ በግፍ ጠልተው ተመቅኝተው ሰቅለውት እንደሞተ እንደተነሣ እንዳረገ ሰምቶ የጌታዬን እናት ማን ባመጣልኝ እኔ ቋሚ ለጓሚ፤ ሚስቴ ገረድ ደንገጥር በኾንላት ብሎ ተመኘ፤ ተመኝቶም አልቀረ “ወለአከ ኢየሩሳሌም ሰራዊተ ወሐራ ወአዋልደ ብዙኃተ ወኅጽዋነ” ይላል ወደ ኢየሩሳሌም ብዙ ደንገጥሮች ሰራዊትና ጭፍራ እንደዚሁም የሴት ደናግልና ባለሟሎችን በክብር አጅበው ያመጧት ዘንድ ላከ።

√ ጌታም የእናቱን ተድላ ነፍስ እንጂ ተድላ ሥጋን አይሻምና

እናቴ ሆይ ከዚህ ዓለም መንግሥት ክብር የሚበልጥና የሚያስደንቅ የጌትነቴን ክብር ታዪ ዘንድ በጎ ዕረፍት ወዳለበት ወደ ሰማይ አሳርግሽ ዘንድ ተነሥተሸ ቁሚ አላት፤ ከዚያም ወደ ገነት አግብቶ በገነት ላሉ ነፍሳት መድኀኒታችኊ እነኋት ርሷን አመስግኑ ብሏቸው አመስግነዋታል፡፡

በእርሱም ሐዘን እንዳይጸናበት ዮሐንስ ወንጌላዊን ላከለት ከዚያም ንጉሡን ስለ ጌታችን ሥጋዌ አስተማረው፤ ንጉሡም የሚቻልህም ከሆነ በመስቀል ላይ ተሰቅሎ እንዳየኸው ሥዕሉን ሥለህ አሳየኝ አለው፤ ዮሐንስም ንጉሥ ሆይ እሺ በርሱ ላይ የተፈጸመውን ሁሉ ሥዬ አሳይሆለኊ አለው፤ ከዚያም ዮሐንስ በዕለተ ዐርብ ጌታን እንደሰቀሉት አድርጎ ሣለው።

ብፁዕ ዮሐንስም የጌታችንን የኢየሱስ ክርስቶስን ሥዕል ሠርቶ ከፈጸመ በኋላ ራሱን ወደታች ዝቅ አድርጎ የሕያው እግዚአብሔርን ልጅ ሥዕል ተሳለመ፤ በዚችም ዕለት የዚሆ ሥዕል ከናፍር ከብፁዕ ዮሐንስ ከናፍር ጋር ለብዙ ሰዓት ተያይዞ ቆየ ይህም ጽንዐ ፍቅራቸውን ለማጠየቅ ነው፡፡ በዚያን ጊዜ የመድኅን ጌታ ሥዕል ንጉሥና በዚያም የቆሙ ሁሉ እያንዳዳንዳቸው እየሰሙት ወዳጄ ዮሐንስ ዮሐንስ እያለ ድምፅ አሰምቷልና ሊቁ አባ ጊዮርጊስ ይኽነን ተናገረ፡፡

[ሊቁ አባ ጊዮርጊስ በዚኽ መጽሐፉ ላይ]

የተሰወረውን ምስጢር ያሳየኽ የጸጋውን ወንጌል የሰጠኽ ኮከብን ብለን ጠራንኽ በማለት ለዮሐንስ የተገለጸለትን ሰማያዊ ምስጢር ተናግሯል። ይኸውም ቅዱስ ዮሐንስ ንጽሐ ሥጋ፣ ንጽሐ ነፍስ፣ ንጽሐ ልቡና ተሰጥቶት ሰማያዊ የአንድነት የሦስትነት ምስጢር ተገልጾለት።

“በመጀመሪያው ቃል ነበረ ቃልም በእግዚአብሔር ዘንድ ነበረ ቃልም እግዚአብሔር ነበረ ይህ በመጀመሪያው በእግዚአብሔር ዘንድ ነበረ” እያለ ወንጌሉን ሲጽፍ መልአኩ ከውቅያኖስ አስኳሉ በወጣለት እንቊላል እየቀዳ ውሃውን ሲያፈስስ ዐየው።

ዮሐንስም በአድናቆት ሆኖ “ምን ያደርግልኻል” ብሎ መልአኩን ጠየቀው፤ “ይህንን ውሃ በዚኽ እየቀዳኊ አፍስሼ ለማድረቅ ነው” አለው፤ ዮሐንስም “ያልቅልኻልን” አለው፤ መልአኩም “ይኽስ ፍጡር ነው ቁም ነገር የለውም ይፈጸማል፤ አንተስ የማይፈጸመውን ባሕርየ እግዚአብሔርን እፈጽማለኊ ብለኽ ጀምረህ የለም” አለው፤ ያን ጊዜ ዮሐንስ “ከእግዚአብሔር የተላከ ስሙ ዮሐንስ የሚባል አንድ ሰው ነበረ” በማለት ወንጌሉን መጻፍ ጀምሯል፡፡

ቅዱስ ዮሐንስ ከወንጌል በተጨማሪ ሦስት መልእክታትን ሲጽፍ፤ በ98 ዓ.ም በፍጥሞ ደሴት ሳለ የዓለም ፍጻሜ ነገር ተገልጾለት ራእዩን ከጻፈ በኋላ ጥር 4 እንደተሰወረ ይነገራል፤ የቅዱስ ዮሐንስ በረከት በዝቶ ይደርብን፡፡

ማጣቀሻ
መጽሐፈ ሰዓታት ንባቡና ትርጓሜው ከመጋቤ ሐዲስ ዶ/ር ሮዳስ ታደሰ
@yetewahedofera
@yetewahedofera
@yetewahedofera

ጌታችን ያለ ወንድ ዘር ስለምን ተወለደ ?

በዘር በሩካቤ መወለድ ኃጢአት ስለሆነ ይሆን ? አይደለም ! እኮ ስለምን እንልከሆነ ፦ በሴቶች የወንዶች ብድር ነበረባቸው ። ብድሩም አዳም ብቻውን ሴትን ሲያስገኝ ፥ ሴቶች ግን ወንድን አላስገኙም ነበር ። ይህን የሴቶች ብድር ሲያጠፍላቸው ከድንግል ማርያም በድንግልና ተወለደ ። ዮሐንስ አፈ ወርቅ ይህን ሲመሰክር ወበእንተዝንቱ ወለደት ድንግል ብእሴ እንበለ ዘርዐ ብእሲ ከመትፍድዮ ለብእሲ ዕዳሃ ለሔዋን ፣ ስለዚህም እመቤታችን ብእሲ ክርስቶስን ያለ ዘር አስገኘች። የሔዋንንም ብድራት ለአዳም ትከፍለው ዘንድ ብእሲ ክርስቶስን ያለ ዘር ወለደችው በማለት ይናገራል ሃይ.አበ.ም.፳፮፥፳፱። (ኦርያሬስ ገጽ-160 መምህር ሳሙኤል ሰሎሞን) ባለጠግነቱ ይህም አይደለም ታድያ ።

ሊቁ ቅዱስ ያሬድ እመቤታችንን "አንቀጸ ብርሃን" የብርሃን ደጅ በር እያለ ያመሰግናታል ሌሎች ደጆች ካልተከፈቱ አያስገቡም ካልተዘጉም አይከለክሉም መስታወት ተዘግቶም ሳለ ብርሃን ያሳልፍል ሌሎች ግዙፍን ፍጥረታትን ግን አያሳልፍም ሌሎች አናቅጽ የሌሎች ሴቶች ምሳሌ አነርሱ በድንግልና ፀንሰው በድንግልና መውለድ አልቻሉም እርሷ ግን በድንግልና ፀንሳ በድንግና ወልዳለች ያ ብርሃንን እያስገባ ሌሎቹን እንዲከለክል እመቤታችንም ጌታን በድንግልና ስትወልድ ልማደ አንስት ዘርዐ ወራዙት አላገኛትምና ከጌታችን በቀርም ልጅን አልወለደችም በዚህም አንቀጸ ብርሃን ተብላለች ። ( አንቀጸ ብርሃን አንድምታ ትርጓሜ ገጽ-35 መ/ር ኃይለ ማርያም ዘውዱ )

#ኦርቶዶክሳዊ_አእምሮ

💢የጎዳና ላይ አረጋውያን እናት አባቶቻችንን ምገባ

💢 እሁድ ጥር 4 ጠዋት 3:00

💢የኢትዮጵያ ፖስታ አገልግሎት ድርጅት ዋና መስሪያ ቤት ጀርባ መንገድ ዳርወደፍሉሀ ሚወስደው መንገድ በሰአቱ ተገኝተን የማስተባበር ስራ እንስራ

ለበለጠ መረጃ
0967722490
0915528969
ይደውሉ

አዘጋጅ፦ ማህበረ ኤዶምያስ ጠቅላላ ማህበር

የዘድሮ ይለያል የአእላፍ ዝማሬ ❤

https://vm.tiktok.com/ZMkyDncRj/

+ ደስታችን ሆነ +

እግዚአብሔር "ከእኛ እንደ አንዱ ሆነ "ዘፍ 3-22 በማለት አዳምን እርሱ ሰው ሲሆን ሰውን አምላክ በማድረግ የመሆን መሻቱን በሰው ስጋ ተገልጦ(ተወልዶ) እንደሚፈጸምለት የተሰፍ ቃል ገብቶለታል ቅዱስ ያሬድ በድጓ ሲገልጥ ፦ "ወይቤሎ ለአቡነ አዳም እትወለድ እምወለተ ወለትከ ወእድኅክ ውስተ መርሕብከ ወእከውን ሕፃነ በእንቲአከ ፤ አባታችን አዳምን እንዲህ አለሁ"ከልጅ ልጅህ እወለዳለሁ ፣ በአደባባይህም ዳዴ እላለሁ ስለ አንተም ሕፃንን እሆናለሁ " ሊቁ አለቃ አያሌው ታምሩ ደግሞ ፦ አዳም ወዴት አለኽ ? ምናልባት አትብላ ያለኩኽን በላኽን የሚሉት ቃላት ጥያቄ አዳም አንተ ኹሉን ቻይ ንጹሕ ባሕርይ እኔን መኾን አትችልም እንጂ ሠሪ ከሠራው ቤት ሊገባ ችሎታ እንደ አለው እንዲሁ እኔም አንተን መኾን እችላሉሁ እንደ ማለት ያሉ በመኾናቸው አምላክ ሰው ለመኾኑ የትንቢት በር ከፍች ኾነዋል ይላሉ ።( የኢትዮጽያ እምነት በሦስቱ ሕግጋት ገጽ-233 )

ይህን ተስፍ አምስት ሺህ አምስት መቶ ዘመን በኋላም በቤተልሔም ተወልዶ ሲገለጥ ፈጽሞለታል ። ይህን ሁሉ ዘመን ጠብቆ መወለዱ ድኅነቱን በለበሰው የሰው ስጋ የሚፈጽመው ለአዳም እና ለሔዋን ብቻ ሳይሆን ለሁሉም የሰው ዘር መሆኑን ያሳውቅ ዘንድ ስለወደደ ። ሰው መሆኑ በእባብ አካል ተደብቆ ወደ ውሸት የመራውን ጠላት ዲያብሎስ እራሱን በሚታይ ግዙፍ አካል ነፍስና ስጋን ነስቶ ተወልዶ ሰዎችን ሁሉ ወደ እውነት እርሱን ወደ መረዳት አንድነት ይቀላቅል ዘንድ ፈቀደ ። ኢየሱስ ክርሰቶስ ሰው ሆኖ መገለጡን ስናወራ የእኛን የሰዎችን አፈጣጠርና ጥንተ ነገር መናገር ይገባል ይለናል "ቅዱስ አትናቴዎስ ሐዋርያዊ" ምክንያቱም ሰው ሆኖ እንዲገለጥ በእኛ መካከል እንዲገኝ ያረገው የእኛ በደል ነውና ቅዱስ ያሬድ በድጓው "ኢትዘኪሮ አበሳ ዚአነ ኢሐደገነ ፍሰሐ ኮነ ዘውእቱ ኢየሱስ ክርስቶስ ፤ የእኛን በደላችንን ሳያስታውስ [በኃጠአተኝነት] አልተወንም ፣ ደስታችን ሆነ ይኸው እርሱ ራሱ ኢየሱስ ክርስቶስ ነው ይለናል "[ድጓ ዘአስተምሮ] በአንቀጸ ብርሃን ደርሰቱ ደግሞ ሰማያውን መላእክት ምድራውያን የሰው ልጆች አምላክ ሰው በመሆኑ ደስተኞች መሆናቸውን "ተፈሥሑ ሰማያት" መላእክትም በመኖርያቸው "ወተሐሥየት ምድር " ደቂቀ አዳምም መኖርያቸው ። ይለናል

ዲያቆን ፍፁም ከበደ
ታኀሳስ 27 2017 ዓ.ም

#ኦርቶዶክሳዊ_አእምሮ

+ ምሕረቱና ፍርዱ +

እግዚአብሔር መሐሪና ታጋሽ ቢሆንም የማይፈርድ ግን አይደለም ። እግዚአብሔር ፈታሒ በጽድቅ ኮናኒ በርትዕ ነውና ምሕረቱንና ፍርዱን ነጣጥሎ ማየት አይቻልም ። ሊቁ አግስጢኖስ "ወደ ኃጢአት መውደቅ ተገኝቶብህ ቢሆን ገደብ የሌለው ምሕረቱን ተስፍ አድርግ ፣ ኃጢአት ለመሥራት ፈተና ሲመጣብህ ደግሞ እግዚአብሔር ፈራጅ መሆኑን አስበህ ፍራ ። ምክንያቱም "እግዚአብሔር መሐሪ ነው " በማለት እርሱን መበደል ራስህን ለምሕረት ያልተገባ ማድረግ ነው " ያለው ለዚህ ነው ። ሌላም ሊቅ እንዲሁ፦ "የበደለ ማንም ቢሆን ምሕረትን መለመን ይቻለዋል ፣ በምሕረት ላይ የሚበድል ግን ወደ ማንም ሊማፀን አይቻለውም በሏል ።

የእግዚአብሔር ምሕረት የመብዛቱን ያህል በንስሐ በማይመለሱ ላይ ደግሞ በታገሠ መጠን ቅጣቱ እየከፍ ይሄዳል ። ቅዱስ ዮሐንስ አፈ ወርቅ ፦ " እግዚአብሔር ልበ ደንዳና የሆነውን ኃጥእ ከመቅጣት በታገሠ መጠን አብዝቶ መፍራት ይገባል " ሲል ተናግሯል ። ምክንያቱም በታገሠ መጠን ቅጣቱ እየከበደ ይሄዳልና ። ፈርኦንን ከነ ሠራዊቱ በባሕር ያሰጠመው ፣ ናቡከደነፆርን ለሰባት ዓመታት ያህል ከሰው ተለይቶ በምደረ በዳ ከዱር አራዊት ጋር እንዲኖርና እንደ በሬ ሣር እንዲበላ ያደረገው ብዙ ስለታገሣቸው ነው ። ዳን 4፡31-33 ( ቃል ኪዳን በነገረ ድኅነት ዲያቆን ያረጋል አበጋዝ ገጽ 51-52)

#ኦርቶዶክሳዊ_አእምሮ