"ቤተ ማርያም መንፈሳዊ ሚዲያ💒

✝እንኳን አደረሰነ!

☞ደመና የጋረደ፥ መና ያወረደ፤ ውሃን ያፈለቀ፥ ባሕርን ያደረቀ፤ ድንጋይ ያዘነመ፥ ለአበው የቆመ . . . ቅዱስ ሚካኤል በረድኤት አይለየነ!

ኅዳር ፲፪  በዚች ዕለት  ከጽንፍ እስከ ጽንፍ የሚበር ንሥረ አርያም የሚባል ውዳሴው እንደ ማር የጣፈጠ ንዑድ ክቡር የሆነ የከበረ የመላእክት አለቃ ቅዱስ ሚካኤል በዓለ ሲመቱ ነው።

=>ዳግመኛ በዚህች ዕለት ቅዱስ ሚካኤል ኢያሱን እንደ ረዳው  :- ይህስ እንደ ምን ነው ቢሉ:-

+በመጽሐፈ ኢያሱ ምዕራፍ 5 ላይ እንደ ተጻፈው ቅዱሱ መልአክ ለኢያሱ ተገልጦለታል:: እሥራኤልን በምድረ በዳ የመራ ሊቀ ነቢያት ቅዱስ ሙሴ ሲያርፍ ታላቅ ሐዘንና ድንጋጤ ተፈጥሮ ነበር::

+እግዚአብሔር ግን ኢያሱን አስነስቶ አረጋግቷቸዋል:: ቅዱስ ሚካኤል 40ውን ዘመን እሥራኤልን ደመና ጋርዶ: መና አውርዶ: ክንፉን ዘርግቶ: ጠላትን መክቶ ከሙሴ ጋ እንደ መራቸው ከኢያሱ ጋርም ይሆን ዘንድ ከሰማይ ወረደ::

+በኢያሪኮ አካባቢም የተመዘዘ ሰይፉን ይዞ በግርማ ለኢያሱ ታየው:: ኢያሱም ወደ እርሱ ቀርቦ "አንተ ከእኛ ወገን ነህን? ወይስ ከጠላቶቻችን?" ሲል ጠየቀው:: ቅዱስ ሚካኤልም መልሶ "እረዳህ ዘንድ እነሆ የሠራዊት አለቃ ሆኜ ተሹሜ መጥተቻለሁ" አለው::

+ያን ጊዜ ታላቁ ነቢይ ቅዱስ ኢያሱ በግንባሩ ተደፍቶ ለሊቀ መላእክት ቅዱስ ሚካኤል ሰገደለት:: ቅዱሱ መልአክም አክሎ "ፍታሕ ቶታነ አሳዕኒከ እም እገሪከ: እስመ ምድር እንተ ትከይዳ ቅድስት ይዕቲ - የረገጥካት ምድር የተቀደሰች ናትና ጫማህን ከእግርህ አውጣ" አለው::

+ኢያሱም የተባለውን አደረገ:: ለዚህ ነው ቤተ ክርስቲያናችን "ለመላእክት የጸጋ (የአክብሮ) ስግደት ይገባል: በቅዱሳኑ ፊትም ጫማ ተለብሶ አይቆምም" የምትለው:: ያ መሬት ሊቀ መላእክት ቢቆምበት ተቀድሷል:: ዛሬም ቤቱ በታነጸበት: ታቦቱ በተቀረጸበት ቦታ ሁሉ ቅዱሱ መልአክ አለና ጫማን አውልቆ: ባጭሩ ታጥቆ መግባት ይገባል::

+ሊቀ መላእክት ቅዱስ ሚካኤል ከኢያሱ ጋር ሆኖ አማሌቅን ጨምሮ የእሥራኤልን ጠላት አጥፍቷል:: ጥቅመ ኢያሪኮን (ቅጥሩን) አፍርሷል:: ምድረ ርስትን አውርሷል:: በገባኦን ፀሐይን: በቆላተ ኤሎምም ጨረቃን ሲያቆም ከእርሱ ጋር ሆኖ ረድቶታል:ሰአል ለነ #ሚካኤል መላአከ ምክሩ  ለልዑል

  እንኳን አደረሳችሁ

📕#ቅዱስ_ላሊ_በላ🌹

📘☞ወር በገባ በ12 ታስቦ የሚውለው ቅድስናን ክንግስና ጋር ንግስና ከቅድስና ጋር አስተባብሮ የያዘ ቅዱስ ላሊበላ ያደረገው ተዓምር ይህ ነው፡፡
☞ከዕለታት በአንድ ቀን ቅዱስ ላሊበላ እራት ሊበላ ሲዘጋጅ እንዲህ ሆነ፡፡
☞ሦስት ሰዎች በቤተ መንግሥቱ አዳራሽ አቅራቢያ እርሱ ወደ ተቀመጠበት
መጡ፡፡ እነዚህ ሦስት ሰዎች አቤቱ ጌታችን ምንበላው ሥጠን ዛሬ የምንበላው
የለንምና ብለው ለመኑት አንዱ ይህን በአለው ጊዜ ቅዱስ ላሊበላ ሊጎርስ በእጁ
የያዘውን አንዱ ጉርሻ ሠጠው፡፡
☞ሁለተኛም እንደዚያ ለመነው፡፡ለእርሱም ሁለተኛውን ጉርሻ ሰጠው፡፡
ሦስተኛውም እንደዚያ ለመነው ሦስተኛውን ጉርሻ ለሦስተኛው እንዲሰጠው
ረዱን አዘዘው፡፡
☞ቅዱስ ላሊበላ ሲመገብ ያለ ሶስት ጉርሻዎች አይበላም ነበርና ሦስቱም
ፈጽሞ ተሠጠ ረዱ የቅድስ ላሊበላ ምግብ እንዳለቀ ባየ ጊዜ የእንጀራውን
ጠርዝ ወስዶ በጎመን ለውሶ እንዲበላ ሠጠው፡፡
☞ቅዱስ ላሊበላ የምበላው ሰሦስቱን ጎርሻ ለተቸገሩት ከሰጠሁ በኃላ ሌላ
ቁራሽ እመገባለሁ ብሎ እምቢ አለ፡፡ ይህንን የሰጠህኝንማ ከበላሁ ስለ ሰጠሁት
ፈንታ ሌላውን ብበላ እንዳልሰጠሁ መሆኔ ነው ብሎ፡፡ ይህን ተናግሮ ቅዱስ
ላሊበላ ጾሙን አደረ፡፡
☞ይኸውም የእግዚአብሔር ቃል ነው፡፡ ከራሳችሁ ይልቅ ባልንጀራችሁን ውደዱ
የምትለዋን በሐዋርያው አንደበት የተነገረችውን ቃል ፈጽሟታልና፡፡
☞ይህችው ቃል በቅዱስ ላሊበላ ተፈጸመች፡፡ራሱ ተርቦ ሌሎዎችን
እንዲያጠግብ፡፡ራሱ ተጠምቶ ሌሎችን እንዲያረካ፡፡ ጌታ በወንጌል ስለ ጽድቅ
የሚረቡ የሚጠሙ ንዑዳን ናቸው እነሱ ደስ ይሰኛሉ ይጠግቡማል እንዳለ፡፡ ማቴ
ም 5፡፡ ይህችንም ቃል ለመፈጸም ቅዱስ ላሊበላ እራሱ የሚመገባቸውን ሦስት
ጉርሻዎች ሰጠ፡፡
☞ ንጉሥ ሲሆን የሚሠጠው አጥቶ አይደለም በእግዚአብሔር ዘንድ ዎጋ
እንዲያገኝ ምግቡን ሠጠ እንጂ፡፡
☞ከዚህም በኃላ ለሦሥቱ ሰዎች ረዱን ሌላ የሚበላ የሚጠጣ ተራቁተውም
ሲያይ ልብስ እንዲሠጣቸው አዘዘው፡፡
☞አገልጋዩ ረዱም በወጣ ጊዜ እኒዚያ ሦስቱ ሰዎች ወደ ሰማይ ሲያርጉ
አያቸው፡፡
☞ወደ ገብረ መስቀል(ቅዱስ ላሊበለ) እንዲጎበኙትና ቸርነቱን ለመፈተን የመጡ
መላእክት ናቸውና፡፡
☞ጌታችንም እንግዳ ተቀባዮችን ራሱ እንግዳ ሆኖ ይጎበኛቸዋልና፡፡ ከአብርሃም
ቤት እንግዳ ሆኖ እንደገባ ዘሩንና እሱን እንደባረካቸው፡፡
☞ቅዱስ ላሊበላ በዘመነ መንግሥቱ ከሦስቱ ጉርሻ በስተቀር ሌላ
አልተመገበም፡፡ ከአንዲት ጽዋ ውሃ ሌላ አይጠጣም ነበርና፡፡
☞ጸሎት ልመናው ተራዳይነቱ በዚህ በቅዱስ እና በንጉሥ ላሊበላ በጸሎቱ
ለምታምኑ ይሁን፡፡
☞( ገድለ ቅዱስ ላሊበላ)
☞11-9-2014

=>+"+ በሰማይም ሰልፍ ሆነ:: ሚካኤልና መላእክቱ ዘንዶውን ተዋጉ:: ዘንዶውም ከመላእክቱ ጋር ተዋጋ:: አልቻላቸውምም:: ከዚያም ወዲያ በሰማይ ሥፍራ አልተገኘላቸውም:: ዓለሙንም ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመው እባብ ወደ ምድር ተጣለ:: +"+ (ራዕይ. 12:7)

✝✞✝ ወስብሐት ለእግዚአብሔር ✝✞✝