GAGGEESSUMMAA

FAAYIDAA DUBBISUU

Kitaabonni dhuguma hiriyyoota kee warra ciccimoodha. Sababni isaas yeroo isaan irratti hirkachuu amaleeffattu miirri nama nuffisiisuu fi mufachiisu, dhiphinni, kophummaan yookiin ni aariin gonkumaa sitti hin dhaga'amu. Yeroo barbaaddetti si waliin deemuu fi miira kee guddisuu danda'u. Yeroo kamiyyuu odeeffannoo fi beekumsa siif qoodu. Kitaabonni gaariin yeroo hunda jireenya keessatti daandii sirrii irra si qajeelchu.

Faayidaaleen Kitaabilee Dubbisuu Maal fa'a:–

Of Fooyyessuu: Dubbisuun yaada gaarii akka qabaattu si gargaara. Dubbisuun barbaachisaa waan ta’eef sammuu kee guddifattee hubannoodhaan akka gaggeeffamtu su taasisa. Beekumsa garmalee akkasumas muuxannoo fi barumsa jireenyaa si gonfachiisa. Waan tokko ariitiidhaan hubachuuf si gargaara. Addunyaa naannoo kee jiru caalaa sammuun kee akka socho'u taasisa, ni guddisa. Dandeettii kalaqaa kee jabeessa.

Dandeettii Walqunnamtii: Dubbisuun jechoota kee fooyyessuu fi dandeettii walqunnamtii (hariiroo) kee ni guddisa. Akkaataa dubbii kee kalaqaan itti fayyadamtu akka cimsattu si gargaara. Walqunnamtiin gaariin gama jireenyaa hundumaa keessatti barbaachisaa dha.

Beekumsa Dabala: Kitaabonni aadaa, duudhaa, aartii, seenaa, teessuma lafaa, fayyaa, xinsammuu fi dhimmoota gama jireenyaa biroo hedduu akka ilaaluu dandeessu si taasisu.

Dhiphina Hir'isa: Kitaaba gaarii dubbisuun addunyaa haaraa fi dhiphina guyyaa guyyaa kee akka salphistu si gargaara. Waan gaarii hedduu qaba. Sammuu, qaamaa fi lubbuu kee irratti dhiibbaa gaarii geessisa. Sammuu kee ni kakaasa, maashaaleen fayyaa kee cimaa akka ta’u taasisa.

Gammachuu Guddaa Kenna: Kitaaba tokko yeroon dubbisu gammachuudhaaf dubbisa. Al tokko Kitaaba akka malee na booji'e gonkumaa dhiisuu hin barbaadu, dubbisuu nan jalqaba hangan xumurutti. Yeroo hunda kitaaba gaarii dubbisuun gammachuu guddaa kenna.

Kunuunsa Yaadaa: Dubbisuun gara addunyaa yaadaa fi kalaqa kee guddisuutti si geessa. Dubbisuu ilaalcha adda addaatiin qoratta. Osoo kitaabota dubbistuu yaada, suuraa fi yaada haaraa fi kalaqaan sammuu kee ijaaraa adeemta. Akka kalaqaan yaaddu, bilisummaadhaan akka yaaddu fi yaada kan kee akka fayyadamtu si taasisa. Kunis yaada (imagination) jedhamuun beekama.

Dandeettii xiinxala kee ni guddisa: Dubbisa sochii qabuun gama jireenyaa kallattii hedduun qoratta. Waan dubbiste gaaffii keessa galchuun yaada kee guddifatte akka ibsitu si gargaara. Yaadonni haaraan dubbisa sochii qabuun sammuu kee keessatti akka ka'anii fi hiika barbaachisaa akka uumtu si deeggaru.

Nuffii Hir’isa: Marsariitiiwwan hawaasummaa hunda irraa ta'uu baatus wanta gaarii barbaaddee argachuun dubbisuun adeemsa nuffisiisaa ta'uu danda'a. Kitaabni harka kee irra jiru garuu haala nuffisiisaa irraa si oolchu.


Goolaba

Amalli dubbisuu amaloota gaarii namni tokko qabaachuun barbaachisudha. Kitaabonni hiriyyaa kee isa guddaa ta'uun isaanii sababa qabatamaa fi guddaa qaba. Kanaaf amala dubbisuu gaarii horachuun baay’ee barbaachisaa dha. Hundi keenyaa dubbisuu qabna. Guyyaa guyyaan yoo xiqqaate daqiiqaa 30f firii mi’aawaa kana argachuu. Bakka tasgabbaa'aa taa'anii gammachuu guddaadhaan dubbisuu. Kitaaba gaarii dubbisuun muuxannoo hunda caalaa nama gammachiisu qabaachuun ni danda’ama.

@Reading_pdf
@Reading_pdf ✅

Ergaa 🔻

🕖"Yeroo keetti qoosaa jirta yoo ta'e yeroonis sitti qoosuuf jira!"
▬▬▬▬▬▬▬▬
✨ Namoonni utuu karoora baay'ee qabanii, Abjuu baay'ee qabanii akka tasaan karaatti hafan baay'eedha. Namoonni kun guyyaa boruu utuma abju'atanuu guyyaa har'aa kana dhaban. Ofii kee ilaali Uumaan yeroo kana guutummaatti akka ati ittiin jijjirama fidduuf siif kenne. Nama itti fayyadama isaa beekef yeroon Furmaata waan hundumaati. Yeroo qabdu kamiyyuu keessatti kutannoodhaan itti fayyadamuu dandeenyan garaagarummaa ni fidda. Kutannoo kana tapha kubbaa miillaa irraa fakkeenya fudhachuu dandeessa. Taphattoonni kubbaa miillaa daqiiqaawwan jalqabaa irratti yoo garee isaanii irratti kubbaan gale xaphachuu hin dhiisan, yookiin immoo hamma yeroo boqonnaa duraatitti garee faallaatiin durfaman "moo'amneerra waan ta'eef boqonnaa booda hin taphannu" hin jedhani. Maalif? Yeroo muraasa hafe keessatti garaagarummaa uumuu ni dandeenya!! Yeroo hafte kana keessatti mo'achuu in dandeenya jedhanii waan amananiif hamma daqiiqaan isaaniif kenname dhumutti Kubbaa garee faallaatti galchuuf yaaluu isaanii hin dhiisani.

Yeroon addunyaa kana irratti akka ati ittiin jijjirama fiddu, akka ati ittiin mo'attuuf siif kenname ammayyuu ganaa hin dhumne. Kanaaf atis tattaafachuu kee hin dhiisin. Hamma yoonaatti jireenya kee kessaatti wantoonni si injifachuuf yaalan baay'een jiraachuu danda'u... yookiin immoo akka Kubbaan garee tokko irratti galu sana si biras akkas ta'uu danda'a.... garuu yeroon siif kenname hin xumuramne waan ta'eef dirree jireenyaa keessaa hin ba'in. Yaaluu kee hin dhaabiin. Akka injifattu amanii tattaaffadhu!!

✅✅✅✅✅
⁃ Kaayyoo
⁃ Karoora
⁃ Kutannoo QABAADHU!
✅✅✅✅✅

❍ Gatii baasuu qabdu hundumaa baasii waan hojjechuu dandeessu hojjedhu! Ammuma hojjedhu! Kana hin qabu, sana dhabeera hin jedhin! Wanti gochuu dandeessu baay'een jiru. Of amansiisi! Yeroo keetti fayyadami! Kaayyoon kee beekii, wanta amma hojjechuu qabdu ammuma raawwadhu! Wanta yeroo itti aanu hojjechuuf yaada qabdu immoo karoora addaa qopheessi! Karoora kee gara fiixan bahuumsatti fiduuf kutannoo qabaadhu!

3K QABAADHU:

①. Kaayyoo: Kaayyoon si milkeessiti! Kaayyoo qabaachuun abdiidhaan akka jiraattuu fi obsaan akka turtu humna siif taati!

②. Karoora: Karoora yoo qabaatte waan hojjechuu qabduu fi waan hojjechuu hin qabne adda baafatta.

③. Kutannoo: Milkaa'ina barbaaddee fi guddina hawwitetti seenuuf kutannoo qabaachuun hunda caalatti barbaachisaadha.

🕖@timevalue24

@Gaggeessummaa
@Gaggeessummaa ✅