Qoosa

Namichatu firaashii galabaa irraa hojjatame irra bulee abjuu isaan sangaan isa reebaa bulee nama abjuu hiiku bira deemee gaafa gaafatu, Hiiktun deebisee "Nyaata isaarra raftee si ariyuu qofaan hafuu keefuu galata galchi" jedheen.

🤭
@Qoosa430

Giiftiikoo?!

Si fuudhuullee
sin fuudha
amalakoo sanammoo
akkam aabba koon godha!?

Amalakoo

Amalakoo suusii hewwaanotaa
Yoon si fudhe akkam goota?!

Ni jiraattaa na qooddattee
masaanuu keen walii galtee?!

Daadhii Taammiruu
@Qoosa430

Interviewer:- Saani kee aannan hagam siif kenniti?
Farmer:- Sa'a ishee kami, sa'a ishee gurraattii moo ishee adii?

Interviewer:- Ishee gurraattii?
Farmer:- Guyyaatti liitira lama.

Interviewer:- Ishee adiin hoo?
Farmer:- Isheenis guyyaatti liitira lamuma elmamti.

Interviewer:- Eessa bulu saawwan kee kun?
Farmer:- Ishee gurraattii moo ishee adii?

Interviewer:- Ishee gurraattii?
Farmer:- Mooraa loonii keessa.

Interviewer:- Ishee adiin hoo eessa bulti?
Farmer:- Isheenis mooraadhuma loonii keessuma bulti.

Interviewer:- Saawwan kee baay'ee babbareedu, maal soorta akkasitti?
Farmer:- Ishee gurraattii moo ishee adii?

Interviewer:- Ishee gurraattii.
Farmer:- margaa fi qoricha (talaallii) yeroo yeroottin kennaaf.

Interviewer:- Ishee adiif hoo?
Farmer:- Ishee adiifis akkasuma margaa fi qoricha (talaallii) yeroo yeroottin kennaaf.

Interviewer:- (baay'ee aaruun) deebiin saawwan lameeniifuu kennitu wal-fakkaataa ta'ee osoo jiruu maalif wa'ee ishee adii moo ishee gurraattii na gaafatta jettaa?

Farmer:- Sababni isaas ishee gurraattiin kan kiyya waan taateef.

Interviewer:- Saawwi isheen adiin hoo kan eenyuuti?

Farmer:- Ishee adiinis kiyyuma 😁

@Qoosa430

Lammii Ameerikaatu akkas jedhe

“Biyyi keenya baay'ee dimookiraatiidha. Amma otoo 'white house bira dhaabbattee ‘Donaald Tiraamp biyyeen si haa nyaatu!’ jetteeyyuu namni sitti bu'u hinjiru”

Lammiin Itiyoophiyaas jalaa qabee,

“Biyyi keenyas akkasuma, dimookiraatiidha. Amma otoo 'arat kiiloo' dhuftee dhaabbattee, ‘Donaald Tiraamp biyyeen si haa nyaatu!’ jettee namni tisiisa sirraa kaasu hinjiru” jedheen

@Qoosa430

Barsiisaa tokkotu utuu cireesaa hin nyaatin sa'aatiin itti barfannaan, cireesaa mi'a laaqana itti qabatu keessa godhatee mana barumsaa deeme.

Baay'ee waan itti barfateef akkuma dareesaa jalqabaa seeneen barattootasaa fuuldura taa'ee mi'a laaqanasaa banatee nyaachuu eegale. Akkuma gaariitti dadachaasee afaan kaawwachaa, koddaa bishaansaatiis banee qomarraa buufate.

Yammuu inni kana hunda godhu barattoonnisaa callisanii ilaalu turan. Afaan kaa'aa isa xumuraa bishaaniin gadi buufatee yoo ol jedhu qindeessaan mana barumsichaa toora dudduubaarra barattoota gidduu taa'ee isa ilaalaa ture. Barsiisichis nahee maal gochuu akka qabu yaade.

"Barattootaa, amma utuun maal godhuu na argitan?"

Barattoota: Firfirii saahinii tokko guutuu utuu nyaattanii isin argine.

"Baayyee gaariidha barattootaa, itti aanseehoo maalan godhe?"

Barattoota: Bishaan litira walakkaa dhugdan.

Barsiisaa: Xiyyeeffannoon keessan baayyee namatti tola. Kanaafuu barsiisaan tokko qindeessaa mana barumsaasaa fuuldura taahee firfirii nyaatee bishaan dhuga taanaan, barsiisicha maal qaba jechuudha?

Barattoota: Ofitti amanamummaa!

Barsiisaa: Ofitti amanamummaan afaan Ingiliziitiin maal jedhama?

Barattoota: Self Confidence

Barsiisaa: Baayyee gaariidha barattootaa; amma dabtara Siiviksii keessanii baafadhaatii mata duree 'OFITTI AMANAMUMMAA' jedhamu waliin baranna.

Barsiisaadhaaf dhiyeessii nyaataa taasisuu caalmaa, mindaa dabaluun waan barbaachisu sitti hinfakkaatuu?

Kan barreesse: Tesfaye Hailemariam
Kan hiike: Gamachu Tsegaye Firisa !
@Qoosa430

Ishee:- Obboleessa Ziippiin kee banaadha cufadhu
Isa:- Galatoomi... Garuu konkolaataa V8 keessa jiru argiteettaa?
Ishee:- Gaarii gommaan isaa lamaan dho'e qofan arge

😂
@Qoosa430

Niitiin takka mana yaalaa deemtee kaardii erga baafattee booda dabareen ishee geenyan seente.

Doktora:- Maali maal taate? Maal kee si dhukkuba?
Niitii:- Doktor qaamni saalaa abbaa warraa kootii garmalee guddaa waan ta'eef yeroo wal qunnamtii raawwannu laphee na tuqee na dhukkubsaa jira.
Doktara:- Akkas taanan deemitii abbaa manaa kee fidii koottu.
Niitii:- Maalif?
Doktara:- Qaama saalaa isaa gabaabsina
Niitii:- Lakki inni gonkumaa hin ta'u.
Doktara:- Maal wayyaree?
Niitii:- Laphee koo xinnoo ol naaf butaa

😂
@Qoosa430

Abbaan Amantichaa missirroota gara waltajjiitti yaamuun sirna gaa'ila isaanii raawwachiisaa jira. Gidduutti, "gaa'ila kana kan mormu jira yoo ta'e gara fuulduraatti as yaa ba'u!" jechuun ergaa isaa dabarse 🗣

Wayita kana dubartiin ulfi daa'ima waggaa sadii qomatti qabatte tokko galma sana keessaa gara duubaatii fuulduratti suutuma tirachaa dhufte. Misirrittiin wayita dubartii gara fuulduraatti deemaa dhufte ijaan argitetti, "haadha manaa osoo qabduu ana waliinis gaa'ila raawwachaa jirtaa, maal ati namni badiin kun jettee hedduu arrabsuun galmicha sirni gaa'ilaa keessatti raawwatamaa jiru sana keessaa baa'uun fiigdee deemte.

Namootni sirna gaa'ila sanaa hordofaa turanis taatee uumame kanaan rifatanii gamuma isaanitti dhiyaatuun balbalaan ba'anii galmicha gadi dhiisuun sokkan.

Dubartiin garaatti baattu, daa'ima ganna sadii qomatti qabattee galmicha teessoo duubaa irraa kaatee gara fuulduraatti dhufaa turtes teessoo fuulduraa bira yemmuu geessu cal'isteetuma teesse. Abbaan Amantii sirna gaa'ilichaa raawwachiisaa tures haala uumame kanaan waan jeeqamaniif, "maali rakkoon jira moo yaa obboleetti tiyya gara fuulduraatti maalif dhufte?" jechuun gaafate.

Isheenis, "lakki rakkoon homtuu hin jiru, garuu ammoo gurra kiyyatu rakkoo sirriitti dhaga'uu waan qabuuf sirnicha daraan caqasuuf jecha sagaleen akka natti dhaga'amuuf gara fuulduraatti as dhiyaadhee gaa'uuf malee" jetteen.

@Qoosa430

Har'a mana murtiitti...

Namicha tokkotu bulchaa keenya tokko ‘maaloo’ haadhakee jedhee waan arrabseef himatame. Namichattis, ragaan gamaa gamanaa ilaalamee, himatni fi deebiin jiru sakatta'amee waggaan wayii itti murteeffame. Dhaddacha irrattis sababa murtii kana ittiin xiqqeeffatu gaafatamnaan akkas jedhe:

“Taadiwoos Taantuu nama miliyoonaan lakkaa'amu arrabsee, waggaa jahaaf ji'a sadii qofatu itti murteeffame. An nama tokko arrabsee akkamittan waggaa hamma kanaa adabama? Naaf haa ilaalamu” jedhe.

Gidduudhaan, abuukatoon bulchaa keenyaa...

“ Yaadni yakkamaan kun dhiyeessan kufaadha. Obboo Taadiwoos, miliyoonota arrabsan. Namni kun ammoo bulchaa miliyoonotaa arrabsan. Kanaafuu murtiin itti murtaa'e ragga'uu qaba” jedhan.

Himatamaan yakkamaa jedhaman sunis battalumatti deebii kennan.

“Bulchaan an arrabse sunis, miliyoonotuma bulchaa jiran sana faana waan arrabsamaniif yakkikoo kan Taadiwoos Taantuu ol hin ta'u. Kanaaf naaf haa ilaalamu” jedhan.
🤔😉
Kana booda hin dhaggeeffanne.

@Qoosa430

Karaa irratti dargaggoonni lama wallaansoo wal qabanii otuu wal gangalchaa jiraniin qaqqabe. Maalidha waansaa jedhee yemmuun gaafadhu "jarri durattii kaastee yookaan dhooftee wal hin dhooftu wallaansoo wal qabdeetti" jedhan. Namnis dhaabbateema amma wal irraa galchan jedhee ilaala. Gidduutti inni tokko sagalee ciniinsuu qabuun "Maaloo anas qabaa isas qabaa wal goddaane" jedhee yemmuu watwaatu hunduu karaa karaa isaarra qajeele.

@Qoosa430

Haadha warraatu Abbaa warraashee shakkiti!

Guyyaa tokko utuu inni kutaa shaaworii keessa jiruu bilbilasaa fuutee sakata'u jalqabde!
lakkoofsa bilbilaa akkanatti qabamanii jiran bilbilasaa keessatti argite,👇

1. My love

2. Woman of my friend

3. My Beautiful

4. King of my heart

5. Second mom

Kana booda aartee, aarii guddaadhaan gara bilbila isa jalqabatti gaafa bilbiltu haadhasaatu irraa kaase!
Ammas isa cuftee lammaffaarratti gaafa bilbiltu obboleettinsaa hangafni irraa kaaste😑
Amma erga naasuu guddaan bilbilicha cuftee booda bilbila isa saddaatti aartiin gaafa bilbiltu inni kun immoo kan obboleettisaa ishee quxusuuti🤧

Ammas akka joonja'uu wayii taatee isa arfaffaarratti gaafa bilbiltu inni kunimmoo kan masmarri qabamaadha jedhe. Kan isheeti!😂

Amma fuula gammachuun guutame wayiidhaan bilbila isa shanaffarratti gaafa bilbiltu kan haadha isheetiitia😊

Gidduu kanatti abbaa warraa kutaa shaworii keessaa fixee yeroo achi as ba'u haadha warraansaa baayyee gammaddee waan turteef qarshii kuma shan (5000) isa badhaaste. Kana booda innimmoo chiikisaa ishee " Obbo Guutamaa " jedhee qabatee jiru sana qarshichaan deemee bargarii affeere😁

@Qoosa430

Moo ti vee shin😳
_
Paastariin daldalaan tokko yeroo kasaaru 'motivational speaker' ta'a. Waan dhugaa hin taane sitti himee samii sadaffaatti seera harkisa lafaa malee ol si ergee, sifannisee osoo sin buusin sokka.

Ani garuu waan dhugaa ta'e tokkon sitti hima. Samii sadaffaa irratti osoo ati hin fannifamin, waan sitti fannifamee jiruun qabeen sitti hima.

🤙 Kunoo, yeroo ammaa kana sanyiin dhiiraa baattuun (cidhaan) tokko gabaa addunyaa irratti doolaara kuma 175n gurgurama. Kana jechuun Birrii miiliyoona 18 ol ta'a jechuudha.

Kanaafuu borsaa si fayyadaa hinjirre, kan birrii miliyoona 36 baatu miila kee lamaan gidduutti baattee, jireenyatu qaala'e jettee maalif ofiis rakkattee mootummaa keenyas dhiphista?

😁Beekumsi kun gaaf tokko na ajjeesisuunsaa hin oolu!
Tesfaye Hailemariam akka barreessetti.
Afaan Oromootti kan hiike Gamachu Tsegaye Firisa ti.
@Qoosa430

Tokko maal naan jedhe seetan, "yeroo ammaa kanatti jireenyi sitti hammaatee dhugduu fi machooftuu ta'uufiyyuu hojii qabaachuu qabda"

🤭

@Qoosa430

Tokko boochistuun gaafa "Haati Abaluufaa Haadha hunda keenyaa turan" jettee gaafa boochistu dhaga'eetu, Haati manaa hiriyaa keenyaa duutee yemmuu boo'u "Haati manaa abaluu Haadha manaa hunda keenyaa turte" jennaan uummatni afaan qabate. Kunoo amma isa awwaallee deebi'aa jirra.

Meettaa "Akka abaluun sirbaan morma nama jallisa"

🤭
@Qoosa430

Otuu akka ijoollummaa koo arraba dheeradhee silaa yoona fagoon jira. Xiqqaa taanee barumsa Amantaa barannee otuu ba'aa jirruu tokko Jamaa gareen taa'u keessaa "Ijoolle har'a maal barattan? Kkkkkk" jedhee nu gaafannaan "Waaqayyoo naafa fayyisuu isaa baranne" jedheen deebiseef. Hundumtuu kolfuu dhiisee ija rifaatuun na ilaalutti ka'e. Edaa namichichi naafa ture.

@Qoosa430

Hiriyaan keenya sibiila "bayyadu" tokko boqotee awwaallee numaa deebi'uu duumessi hamaan dhufee bakakkaan balaqqee isaan samii billic dirgem godhuutti kaanan hiriyaan keenya rukutamaan tokko yoo maal jedhee boo'e gaaridha? "Yoomittuu hojii eegalte hiriyaa koo... Uuuuu"

Nabsee yaa maaru
@Qoosa430

Mucaan fira keenyaa Qananiin baargamatti guddate tokko baadiyyaa deemnee Nyaata organic argadhe jedhee ofitti guuretu garaan isaa kuf jedhe. Sooftii waan hin qabatiniif baaluma fayyadami jedheenin nagaan adda baane. Amma kunoo "Wayyoo ..duu koo" jedheetu maraachaa jira. Maaltu akka isa argate rabbi yaa beeku.

@Qoosa430