Shewa press

በጥምቀት በዓል በታቦተ ሕጉ ላይ የተሳለቁ በማኅበራዊ ሚዲያ አላስፈላጊ መልእክት ያሠራጩ ግለሰቦች እና ቡድኖች በሕግ እንደሚጠየቁ ተገለጸ!

የኢትዮጵያ የሃይማኖት ተቋማት ጉባኤ ሰሞኑን ግለሰቦችና ቡድኖች ሃይማኖታዊ ቅራኔ እና ጥላቻ ሊፈጥሩ የሚችሉ በቪዲዮ የለቀቁትን አሉታዊ መልእክቶችን እና ተግባራትን በፍጥነት ለማረም በጽሕፈት ቤቱ ጋዜጣዊ መግለጫ እና ማብራሪያ ለሚዲያ አካላት ሰጥቷል፡፡

በሰጠው ጋዜጣዊ መግለጫ እንዳብራራው ከእምነቱ ሥርዐት ባፈነገጠ መንገድ አንዳንድ ኃላፊነት የማይሰማቸው ግለሰቦችና ቡድኖች የሌላውን

* እምነትና ሥርዐት በማንቋሸሽ
* ክብረ ነክ ተግባራትን በመፈጸም
* በተለይም በጥምቀት በዓል ታቦተ ሕጉ ላይ በመሳለቅ

የኢስላማዊ አለባበስ መገለጫ የሆነውን ጀለቢያ በመልበስ ሙስሊሞች በመምሰል የትንኮሳ ስብከቶችና ዝማሬዎች በማቅረብ፣

የትንኮሳ አለባበሶች ጭምር በመጠቀም በማኅበራዊ ድረገጽ የለቀቁት አጫጭር ቪዲዮችዎች የእምነቱ ተከታዮችን ማስቆጣቱን ያብራራል፡፡

ይህ ዓይነቱ ተግባር በሀገራችን ለዘመናት የዘለቀውን የመከባበር፣ በሰላም አብሮ የመኖር እሴትን የሚሸረሽር ድርጊት መሆኑን የገለጸው መግለጫው፤ በሁሉም ሃይማኖቶች የሚወገዝ የድፍረት ድርጊት በመሆኑ ይህን የፈጸሙ ግለሰቦችና ቡድኖች በሕግ ሊጠየቁ እንደሚገባ

መጠየቅም መጀመሩን መግለጫው ያስረዳል፡፡ ማንኛውም ግለሰብም ይሁን ቡድን ሃይማኖትን ሽፋን በማድረግ የሌሎችን መብትና ጥቅም በሚጻረር አግባብነት የሌለውና ግጭት ቀስቃሽ ተግባራት የሚፈጽም ማንኛውም ሕገ ወጥ ተግባር በዝምታና ሊታለፍ እንደማይገባው ይገልጻል፡፡

በመጨረሻም ማኅበራዊ ድረገጾችን እና ሚዲያዎችን በመጠቀም የጥላቻ ንግግሮች፣ ትንኮሳዎችና ክብረ ነክ ድርጊቶች የሚፈጽሙ ግለሰቦችና ቡድኖች ከሚመለከታቸው የመንግሥት አካላት፡- ከመገናኛ ብዙኃን ባለሥልጣን፣ ከፍትሕ የጸጥታ አካላት ጋር በቅርበት እየሠሩ እንደሆነ የወጣው መግለጫ ያስረዳል፡፡ አያይዞም ይህ ዓይነቱን ተግባር ለመከላከል የሚያስችል የሕግ ማዕቀፍ ሥርዐት ላይ በማዘጋጀት ላይ እንደሚገኝ የሃይማኖት ተቋማት ጉባኤ መግለጫ ያስረዳል፡፡

Via EOTC TV

@showapress

ከአማራ ፋኖ በጎጃም የተሰጠ የሐዘን መግለጫ
ታጋይ ይሰዋል ትግል ይቀጥላል !!

የአማራ ፋኖ በጎጃም ምክትል የህዝብ ግንኙነት ሀላፊ የነበረው እና አሁን ላይ በአማራ ፋኖ በጎጃም የሁለተኛ (ተፈራ ) ክፍለጦር ሰብሳቢ የነበረው ፋኖ ዮሐንስ አለማየሁ በክብር ተሰዋ።

የአማራ ህዝብ የተጋረጠበትን የህሎና አደጋ ለመቀልበስ ያለ እረፍት ከአባልነት እስከ ከፍተኛ አመራርነት ግንባር ቀደም ትግል ሲያደርግ የነበረው ጀግናው ፋኖ ዮሐንስ አለማየሁ ጥር 12 ቀን ሌሊት ለጥር 13 አጥቢያ ዋሸራ በተባለ ቦታ ከጠላት ጋር ፊት ለፊት ተናንቆ የክብር መስዕዋትነትን ተቀብሏል ።

ፋኖ ዮሐንስ አለማየሁ በጎንጅ ቆለላ ወረዳ ጎንጅ ወ እንዘግድም በተባለ ቦታ የተወለደ ሲሆን የዩኒቨርስቲ ትምህርቱን ከማጠናቀቁ በፊት "በአማራ ተማሪዎች ማህበር አተማ " ከፍተኛ አመራር በመሆን ወቅቱ የጠየቀውን ትግል አድርጓል ።
ከዚያም አብይ አህመድ አማራን መውረሩን ተከትሎ ወደ ትውልድ ቀዬው እንዘግድም በመሔድ ቀደም ሲል የነበረውን " ጎንጅ ወ እንዘግድም ብርጌድን" የአሁኑን "ንስር ብርጌድን" ከሌሎች ጓዶቹ ጋር በመመስረት አይተኬ የትግል አሻራ ያሳረፈ ጀግና ነበር።

ፋኖ ዮሐንስ አለማየሁ በሞጣ : በአዴት : በምላጭበር : በፈረስ ቤት በቋሪት ከትግል ጓዶቹ ጋር በመሆን ከባድ ውጊያ ያደረገ ልበ ቆራጥ አርዓያ ፋኖ ነበር።

የአማራ ፋኖ በጎጃም ከተመሰረተ ዕለት ጀምሮ በአማራ ፋኖ በጎጃም ምክትል የህዝብ ግንኘነት ሀላፊ በመሆን ሰለቸኝ ታከተኝ ሳይል ያገለገለ ሲሆን ከቅንነት የመነጨ ልበ ቆራጥነትን ያስመሰከረ እና ታታሪነትን እና ለህዝብ ዋጋ መክፈልን መርህ ያደረገ ጀግና የፋኖ አመራር ነበር።

የአማራ ፋኖ በጎጃም ምክትል የህዝብ ግንኙነት ሀላፊ በነበረበት ጊዜ ያለፈውን ፈታኝ ጊዜ በመረዳት የመምራት እና ችግርን የመፍታት ትልቅ አቅሙ ታምኖበት የሁለተኛ ( ተፈራ) ክፍለጦር ሰብሳቢ በመሆን ትልቅ የመንፈስ መነቃቃትን የፈጠረ ታጋያችን ነበር።

ፋኖ ዮሐንስ አለማየሁ ጥር 12 ቀን 2017 ዓ.ም ሌሊት ለጥር 13 አጥቢያ ጠላት ወደ ዋሸራ ከተማ ለመግባት በመገስገስ ላይ እያለ ባደረገው የፊት ለፊት ውጊያ አብሪ የጠላት ሐይሎችን በመደምሰስ የክብር መስዕዋትነትን ተቀብሏል ።

ፋኖ ዮሐንስ አለማየሁ ፅናትን : መታመንን : ቁርጠኝነትን እና መስዕዋትነትን ከታላላቅ ሰማዕታት ፋኖዎች በመውረስ ለቀሪው የአማራ ትውልድ ዕውነትን አስተምሮ ያለፈ ጀግና ነው።

ድርጅታችን የአማራ ፋኖ በጎጃም የፋኖ ዮሐንስ አለማየሁን ክብር የሚመጥን ዝግጅት እንደሚያደርግ እየገለፀ ለትግል ጓዶቹ እና ለቤተሰቦቹ መፅናናትን ይመኛል ።

@showapress

በደርባ ከተማ ከታቦት ማደርያ ላይ የደብር አስተዳዳሪ እና ሁለት ሚሊሺያዎች ተወስደው ተገደሉ

(መሠረት ሚድያ)- በትናንትናው እለት በኦሮሚያ ክልል ከጫንጮ ከተማ 20 ኪ/ሜ ገደማ ርቀት ላይ በሚገኘው በተለምዶ 'ደርባ ሲሚንቶ' ተብሎ በሚጠራው ስፍራ ታጣቂዎች ከታቦት ማደርያ ላይ አንድ የደብር አስተዳዳሪ እና ሁለት ሚሊሺያዎችን ወስደው መግደላቸው ታውቋል።

መሠረት ሚድያ ዛሬ የደረሰው መረጃ እንደሚጠቁመው ታጣቂዎቹ ከግድያው በተጨማሪ ሌሎች በርካታ ሰዎችንም አግተው ይዘው ሄደዋል።

"ግድያ የተፈፀመባቸው የደርባ ሚካኤል ቤተክርስቲያን አስተዳዳሪ ናቸው" ብለው ለሚድያችን የተናገሩት አንድ የአካባቢው ነዋሪ ሁኔታው የፈጠረው ድንጋጤ ከፍተኛ መሆኑን ተናግረዋል።

መሠረት ሚድያ በስልክ ያናገራቸው አንድ ስሜ አይጠቀስ ያሉ የአካባቢው ባለስልጣን "ድርጊቱን የፈፀመው ሸኔ ነው፣ ሶስት ሰው ገድሎ ስምንት ሌላ ሰው ይዞ ጫካ ገብቷል" በማለት ማረጋገጫ ሰጥተዋል።

በአዲስ አበባ ከተማ ዙርያ ባለው የሸገር ከተማ እንዲሁም በሰሜን ሸዋ (ሰላሌ) አካባቢዎች ታጣቂዎች በርካታ ጥቃቶችን እየፈፀሙ እንደሚገኙ ይታወቃል፣ በዚህ መሀል በርካታ ንፁሀን ዜጎችም ሰለባ እየሆኑ ይገኛሉ።

የመንግስት ሚድያዎች በተለይ የመንግስት አመራሮች ላይ በታጣቂዎች የሚፈፀሙ ጥቃቶች እንዳይዘግቡ ጥብቅ መመርያ እንደተላለፈላቸው ከሰሞኑ የደረሰን ተጨማሪ መረጃ ያሳያል።


©መሰረት ሚድያ

@showapress

በ ጀግናው ኢንጅነር ደሳለኝ ሲያስብ ሸዋ የሚመራው የአመራ ፋኖ በሸዋ አፄ ይኩኖአምላክ ክፍለጦር እና በአርበኛ መከታው ማሞ የሚመራው የ አማራ ፋኖ ሸዋ ጠቅላይ ግዛት  ዕዝ 7ለ70 ክፍለጦር በጋራ ከትናንት ጥር 7/2017 ዓ/ም ጀምሮ እስከዘ ዛሬ ጥር 8/2017 ዓ/ም ምሽት ድረስ በ አጣዬ አካባቢ በተደረገ ተጋድሎ ታላቅ ጀብድ ተቀናጅተዋል።

Unity is power💪💪✊

@showapress

ለክርስትና እምነት ተከታይ ወገኖቻችን በሙሉ መልካም የገና በዓል ይሁንልን!!!

@showapress

ለሊት 9:52ከባድ የመሬት መንቀጥቀጥ በቆይታውም በአይነቱም እስከዛሬ ከተመዘገበው መጠን ከፍ ያለ ሆኗል በሬክተር ስኬል 5.8 ማግኒቲውድ ሆኖ ተመዝግቧል።

@showapress

"ቀኝ አዝማች ይታገሱ አዳሙ እንደ ዳግማዊ አፄ ቴዎድሮስ "

በታሪክ ምስክርነት ፣በዓለም የጠበብቶች ብራና በአኩሪ ገድል የሚታወቀው የአፄ ቴዎድሮስ የእጀን አልሰጥም ዘላለማዊ ክብር በአማራ ፋኖ ሸዋ ዕዝ ናደው ክፍለጦር ዋና አዛዥ በቀኝ አዝማች ይታገሱ አዳሙ በድጋሜ በሸዋ ምድር መርሀቤቴ አውራጃ ተደገመ።

ታህሳስ 24/2017 ዓ.ም የአገዛዙ ነፍሰ በላ ቡድን በሸዋ ክፍለ ሀገር በመርሐቤቴ አውራጃ ከአለም ከተማ በመነሳት በአካባቢው አጠራር ወደ ገረንና በርቃቶ ቀበሌዎች በማምራት አማራ ጠል መሆኑን በግልፅ ለማሳየት ከትጥቅ ትግሉ ጋር ምንም አይነት ግንኙነት የሌላቸውን ስድስት ግለሰቦችን በግፍ ገሏል::
1ኛ መኳንንት ሲያሰኝ
2ኛ ጫብሰው አማረ
3ኛ ደምሰው ሽታው
4ኛ ብርሀኑ ተሰማ
5ኛ አባቴነው ማርቆስ
6ኛ የቻለሰው ንጉስ የተባሉ ንፁሀንን
ከግብርና ስራቸው ማለትም ከአውድማቸው ላይ በማፈን እጃቸውን በገጀራ አይናቸውን በጩቤ አውጥቶ ፍፁም አረመኔነቱን በሚያሳይ መልኩ በግፍ ከገደለ በኋላ አስከሬናቸውን በየቦታው ጥሎት ሄዷል።

ያኔ ነበር ለሌላ ስራ በአካባቢው ቅርብ ርቀት ላይ ሲንቀሳቀስ የነበረው ጀግናው መሪና ሁለት ጓደኞቹ"የአማራ ህዝብ ሆይ ካንተ በፊት ሞቴን፣ከአንተ አጠገብ ብስራቴን ያድርገው" ብሎ ለራሱና ለህዝቡ ቃል የገባው ሞት አይፈሬው የአማራ ፋኖ ሸዋ ዕዝ ናደው ክፍለጦር ዋና አዛዥ ቀኝ አዝማች #ይታገሱ አዳሙ ከሌሎች ሁለት አመራሮችና አጃቢዎቻቸው ጋር በመሆን ጠላትን ፊት ለፊት የተጋፈጡት። አዎ ያማል ወገንህ አገር ሰላም ብሎ በተቀመጠበት እጁ ተቆርጦ አይኑ ወጥቶ ስታይ እንኳንስ ክላሽ ይዘህና በድንጋይም ቢሆን መጋፈጥ የጥንት ስሪታችን አማራዊ ስነልቦናችንም ነው።

የወገኖቹ የግፍ ግድያ ያንገበገበው ግፍና መከራ ያንገሸገሸው ቀኝ አዝማች #ይታገስ አዳሙ ለአንድያ ነፍሱ ለሰከንድ እንኳን ሳይሳሳ የያዘውን ዘጠና የክላሽ ጥይት ጠላት ላይ አርከፍክፎ የያዘውን ሦስት ኤፍ ዋን ቦንብ አረመኔው ላይ አዝንቦ በርካቶችን እስከወዲያኛው ሸኝቶ በርካቶችን ክፉኛ አቁስሎ በስተመጨረሻም እጅህን ለጠላት አትስጥ የሚለውን የመቅደላውን ጀግና የቴዎድሮስን ተግባር ማተቡ ላይ በማሰር በቀረችው አንድ ጥይት ራሱን ሰማዕት አደረገ። ታጋይ ይሰዋል ትግል ይቀጥላል፣ላይጠናቀቅ የተጀመረ የአማራ ትግል የለም። ይብላኝ እንጂ እንመረዋለን የሚሉትን ህዝብ ጨፍጫፊ ቡድን እያሰማሩ ወገናቸውን በግፍ የሚያስገድሉ የደም ፊርማ የሚፈርሙ የክልል፣የዞንና የመርሐቤቴ ወረዳ ካድሬዎች ምድሪቷ እሾህ ፣ሰማዩ ደግሞ እሳት ሲሆንባቸው!

ድል ለአማራ ፋኖ
ክቡርና ሞገስ ለተሰው ሰማዕታት
የአማራ ፋኖ ሸዋ ዕዝ ናደው ክፍለ ጦር የሚዲያና ኮምንኬሽን ክፍል
ታህሳስ 24/2017 ዓ

@Showapress