ተአምኆ ቅዱሳን ወግጻዌ (የቅዱሳን ሰላምታ) Teamho Kidusan Wegtsawe (Yekidusa Selamta)

❤ እናትና ልጅም በእንደዚህ ዓይነት ሁኔታ ካረፉ በኋላ የሁለቱን ሥጋቸውን ለይተው ሊቀብሯቸው ሲሉ የቅዱስ አርከሌደስ በድን በሰው አንደበት መናገር ጀመረ፡፡ "የእናቴን ሥጋ ከሥጋዬ አትለዩ በሕይወቷ ሳለች ታየኝ ዘንድ ልቧን ደስ አላሰኘሁምና" የሚል ቃል ከአርከሌድስ በድን ወጣ፡፡ ይህንንም ቃል በሰሙ ጊዜ እጅግ አድንቀው እግዚአብሔርን ካመሰገኑት በኋላ ሁለቱንም ድ መቃብር ውስጥ ቀበሯቸው፡፡ ጌታችንም ለበሽተኞች ታላቅ ፈውስን ከሥጋ ገለጠ። ለእግዚአብሔርም ምስጋና ይሁን እኛንም በአባ አርከሌድስ ጸሎት ይማረን በረከታቸውም ከእኛ ጋር ትኑር ለዘላለሙ አሜን። ምንጭ፦ የጥር 14 ስንክሳር።

                          ✝ ✝ ✝
❤ #የዕለቱ_የማኅሌት_ምስባክ፦ "ፍኖተ ጽድቅከ አብደርኩ። ወኵነኔከሰ ኢረሳዕኩ። ተለውኩ ስምዐከ እግዚኦ ኢታስተኀፍረኒ"። መዝ 118፥30። የሚነበበው ወንጌል ማቴ 10፥28-32።

                           ✝ ✝ ✝
❤ #የዕለቱ_የቅዳሴ_ምስባክ፦ "ወይርአዩ አሕዛብ በቅድመ አዕይንቲነ። በቀለ ደሞሙ ለአግብርቲከ ዘተክዕወ። ይባዕ ቅድሜከ ገዐሮሙ ለሙቁሓን"። መዝ 78፥10-11። የሚነበቡት መልዕክታት ገላ 1፥15-ፍ.ም፣ 1ኛ ዮሐ 5፥18-ፍ.ም እና የሐዋ ሥራ 22፥14-22። የሚነበበው ወንጌል ማር 10፥29-31 ወይም 3፥22-ፍ.ም። የሚቀደሰው ቅዳሴ የእመቤታችን የማርያም ቅዳሴ ነው። መልካም የአቡነ አረጋዊ የልደት፣ የአቡነ አካለ ክርስቶስ የመታሰቢያ በዓል፣ የቅድስት እምራይስና የቅድስት ምህራኤል የዕረፍት። ለሁላችንም ይሁንልን።

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

❤ "በስመ አብ ወወልድ ወመንፈስ ቅዱስ አሐዱ አምላክ አሜን"። ❤

            ❤ #ጥር ፲፬ (14) ቀን።

❤ እንኳን #ጠምህዋ_ከሚባል_አገር_ሰዎች ለሆነች #በ12_ዓመቷ በከሀዲው ንጉሥ በዲዮቅልጥያኖስ ዘመን ፍልፍልያኖስ በሚባል መኰንን እጅ በጊንጦች እፋኝቶችንና እባቦችን ሰብስበው በዳውላ ውስጥ ጨምረው በዚህ ሰማዕትነት ለተቀበለች #ለቅድስት_ምህራኤል_ለዕረፍት_በዓል፣ ለታላቋ ሰማዕት ለከበረች #ለቅድስት_እምራይስ_ለዕረፍቷ በዓልና በገድል ለተጠመደ የሴት ፊት ሳያይ ለኖረ ለከበረ አባት #ለአባ_አርከሌድስ_ለዕረፍት_በዓል እግዚአብሔር አምላክ በሰላምና በጤና አደረሰን። በተጨማሪ በዚች ከሚታሰቡ፦ ከከበረ ሕፃን #ከቅዱስ_ቂርቆስ_ማኅበር_ከሆኑ_አራት_ሽህ_ሠላሳ_አራት_ጭፍሮች በሰማዕትነት ከዐረፉና ከቅዱስ ዱማቴዎስ ወንድም ከከበረ #ከቅዱሴ_መክሲሞስ_ዕረፍት እግዚአብሔር አምላክ ረድኤትና በረከትን ያሳትፈን።                                 

                             ✝ ✝ ✝
❤ #ቅድስት_እምራይስ፦ ይቺም ብፅዕት በክርስቶስ ሃይማኖት ለጸኑ ለከበሩ አባቶች ልጅ ናት ፈሪሀ እግዚአብሔርንም እየተማረች አደገች። በአንዲትም ዕለት ውኃ ልትቀዳ ወደ ወንዝ ስትወርድ ስለ ክርስቶስ የታሠሩ እሥረኞችን አየች እነርሱም ጳጳሳት ቀሳውስትና ዲያቆናት ናቸው ከእርሳቸውም ጋር ስሟን ይጽፍ ዘንድ መዝጋቢውን ለመነችው መዘገባትም ወደ ከሀዲውም መኰንን ወደ ቊልቁልያኖስ አቀረባት። እርሱም ለጣዖት ትሰግድ ዘንድ ብዙ ነገር ሸነገላት እምቢ ባለችም ጊዜ ቸብቸቦዋን ይቆርጡ ዘንድ አዘዘ ከተባባሪዎቿም ጋር ምስክርነቷን ፈጸመች። ለእግዚአብሔርም ምስጋና የሰማዕታት በረከቷም ከእኛ ጋር ትኑር ለዘላለሙ አሜን።

                              ✝ ✝ ✝
❤ #ቅድስት_ምህራኤል፦ የዚችም ቅድስት ወላጆቿ እግዚአብሔርን የሚያመልኩ ክርስቲያኖች ናቸው የአባቷም ስሙ ዮሐንስ የሚባል ቄስ ነው እናቷም ኢላርያ የምትባል ደግ ናት። ነገር ግን ልጅ ስለሌላቸው ስለዚህ እያዘኑ ወደ እግዚአብሔር ይለምኑ ነበር ከብዙ ዘመንም በኋላ ይህችን የከበረች የተቀደሰች ልጅ ተሰጠቻቸው ስሟንም ምህራኤል ብለው ጠርዋት። ዐሥራ ሁለት ዓመትም በሆናት ጊዜ በላይዋ በአደረ መንፈስ ቅዱስ ስጦታ ድንቆች ተአምራቶችን መሥራት ጀመረች።

❤ ከዚህም በኋላ ከሀዲ ንጉሥ ዲዮቅልጥያኖስ በተነሣ ጊዜ ወደ ባሕር ዳርቻ ወጣች መርከብም አግኝታ በላዩ ተሳፈረች ለሰማዕትነት ከሚሔዱት ጋር በመሔድ ወደ እንጽና ከተማ በደረሰች ጊዜ ስሙ ፍልፍልያስ በሚባል መኰንን ፊት ቆመች በአያትም ጊዜ ስለታናሽነቷ ራርቶላት ሊተዋት ወደደ። ሊተዋትም እንደወደደ ዐውቃ እርሱንና የረከሱ አማልክቶቹን በድፍረት ረገመች። ስለዚህም መኰንኑ ተቆጥቶ ጽኑዕ የሆነ ሥቃይን አሠቃያት ከቀናች ሃይማኖቷ ሸንግሎ ይመልሳት ዘንድ በተሳነው ጊዜ ጊንጦችን፣ እፉኝቶችንና እባቦችን ሰብስበው በዳውላ ውስጥ እንዲጨምሩአቸው እርሷንም ከእርሳቸው ጋር በዳውላ ውስጥ እንዲጨምሩት አጥማጆችን አዘዛቸው እነርሱም እንዲሁ አደረጉ።

❤ ያን ጊዜ የእግዚአብሔር መልአክ ተገለጸላትና ከጌታችን ዘንድ የተሰጣትን ቃል ኪዳን አስረከባት ከዚህም በኋላ ነፍሷን አሳረፈች የምስክርነት አክሊልንም ተቀበለች ከዳውላውም ውስጥ አውጥተው በዚያች ቦታ ቀበሩዋት። ከዚህም በኋላ አባቷና እናቷ በሰሙ ጊዜ ሥጋዋ ወዳለበት ከብዙ ሕዝብ ጋር መጡ ከዚያም ሥጋዋን አፈለሱና ወሰዱአት በታላቅ ክብርም ገንዘው በአማረች ሣጥን ውስጥ አኖሩዋት በሥውር ቦታም ያማረች ቤተ ክርስቲያን ሠሩላት ከእርሷም ድንቆች ተአምራቶች ተገለጡ። ለእግዚአብሔርም ምስጋና ይሁን እኛንም በቅድስት ምህራኤል በጸሎቷ ይማረን በረከቷም ከእኛ ጋር ይኑር ለዘላለሙ አሜን።

                            ✝ ✝ ✝
❤ #አባ_አርኬሌድስ፦ ይህም ቅዱስ ከሮሜ አገር ከታላላቆች ወገን ነው የአባቱም ስም ዮሐንስ የእናቱም ስም ሰንደሊቃ ነው ሁለቱም ዕውነተኞች የሆኑ በእግዚአብሔር ሕግ ያለ ነቀፋ የጸኑ ናቸው። ቅዱስ አርከሌድስም ዕድሜው ዐሥራ ሁለት ዓመት በሆነው ጊዜ አባቱ ሞተ እናቱም ሚስት ልታጋባው አሰበች እርሱ ግን ይህን አልወደደም። አባቱ በሕይወት ሳለ ንጉሡ የሾመው ነበርና እናቱ አሁንም ወደ ንጉሡ ሄዶ የአባቱን ሹመት ይቀበል ዘንድ አርከሌድስን መከረችው፡፡ ለንጉሡ የሚሰጥ እጅ መንሻንና አገልጋዮችን አድርጋ ብዙ ገንዘብ አስይዛ ላከችው፡፡ እርሱም በመርከብም ተጭኖ ሲሄድ ታላቅ ንፋስ ተነሣና ማዕበሉ አየለባቸው፡፡ መርከቡም ተሰበረ፡፡

❤ ቅዱስ አርከሌድም አንዲት የመርከብ ስባሪ ሠሌዳ ላይ ተንጠልጥሎ ወደ የብስ ደረሰ፡፡ ከባህሩ ሲወጣ ማዕበል የተፋው አንድ በድን አገኘና ተቀምጦ ስለ በድኑ አለቀሰ፡፡ የዓለምን ኃላፊነትና እርሱም ከሞተ በኋላ አፈርነቱን አሰበ፣ ነፍሱንም ገሠጻት፡፡ ወደ ቀና መንገድ ይመራውም ዘንድ ወደ ጌታችን ለመነ፡፡ ረጅም መንገድ ተጓዘና ሶርያ ውስጥ በቅዱስ ሮማኖስ ስም ወደተሠራች አንድ ተራራማ ገዳም ደረሰ፡፡ ከገንዘቡም ከእርሱ ጋር የቀረውን ሁለት መቶ የወርቅ ዲናር ለአበ ምኔቱ ሰጠው፡፡ እንዲያመነኩሰውም ጠየቀው፡፡ መጀመሪያውኑ አርኬሌድስ ከመምጣቱ በፊት ለአበምኔቱ መንፈስ ቅዱስ የመምጣቱን ነገር አስረድቶት ነበርና እርሱ በደረሰ ጊዜ ደስ አለው፡፡ መነኰሳቱም ሁሉ ከጸለዩለት በኋላ አመነኰሰው፡፡

❤ ከዚህም በኋላ የከበረ አርከሌድስ ጽኑ ተጋድሎ መጋደል ጀመረ፡፡ ሲጸልይ ይውላል ሲጸልይ ያድራል፤ ሁልጊዜ በየሰባቱ ቀን የሚጾም ሆነ፡፡ እግዚአብሔርም ሀብተ ፈውስን ሰጥቶት ብዙ ሕመምተኞችን ፈወሳቸው፡፡ ከዚህም በኋላ የሴቶችን ፊት ከቶ እንዳያይ ከጌታችን ጋር ቃል ገባ፡፡ እናቱም ለ12 ዓመት ያህል የልጇን ወሬ ምንም ስላልሰማች በእርሱ የሆነውን አላወቀችም ነበርና የሞተም ስለመሰላት እጅግ አዘነች፡፡ የእንግዶችና የመጻተኞች መቀበያ የሚሆን ቤት ሠርታ የመንገደኞች ማደርያ አደረገችው፡፡

❤ በአንዲት ዕለት ያሳደረቻቸው እንግዶች የቅዱስ አርከሌድስን ዜና ሲናገሩ ሰማቻቸው፡፡ እንግዶቹም ስለ ቅድስናው፣ ስለ ተጋድሎው የሚያሳያቸውን ምልክቶችና ተአምራቶቹን፣ የመልኩንም ደም ግባት ሲነጋገሩ ሰምታ ልጇ እንደሆነ ዐወቀች፡፡ መንገደኞቹንም ስለ ሥራው ጠየቀቻቸውና ሥራውን ሁሉ ነገሯት፡፡ ልጇ በሕይወት እንዳለና ሕያው እንደሆነ ተረዳች፡፡ በዚያን ጊዜ ተነሥታ ወደ ከበረ ሮማኖስ ገዳም ሄደች፡፡ ወደ ልጇዋ ወደ ቅዱስ አርከሌድስ "እነሆ ፊትህን አይ ዘንድ ወድጄ እኔ እናትህ መጥቻለሁ" ብላ መልእክት ላከች፡፡ ልጇ ቅዱስ አርከሌድም "ከቶ የሴቶችን ፊት እንዳላይ ከክብር ባለቤት ከባለቤት ከጌታዬ ከኢየሱስ ክርስቶስ ጋር ቃል ገብቻለሁና ቃልኪዳኔን ማፍረስ አይቻለኝም" ብሎ መልሶ ወደእርሷ ላከ፡፡ እናቱም "ፊትህን ካላሳየኸኝ እኔ ወደ ዱር እሄዳለሁ፣ አራዊትም ይበሉኛል" ብላ ላከችበት፡፡ ቅዱስ አርከሌድስም እናቱ ካላየችው እንደማትተወው እርሱም ለእግዚአብሔር የገባውን ቃልኪዳን ማፍረስ እንደማይቻለው ባወቀ ጊዜ ነፍሱን እንዲወስዳት ወደ ጌታችን ለመነ፡፡ ከዚህም በኋላ የበሩን ጠባቂ "እናቴን ወደእኔ ትገባ ዘንድ ፍቀድላት" አለው፡፡ እናቱም ወደ ውስጥ በገባች ጊዜ ልጇን ቅዱስ አርከሌድስን ሙቶ አገኘችውና በታላቅ ድምፅ በመጮህ አለቀሰች፡፡ የእርሷንም ነፍስ ይወስድ ዘንድ ወደ እግዚአብሔር ለመነች፡፡ ጌታችንም ልመናዋን ተቀብሎ ነፍሷን ወሰደ፡፡

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

          ❤ #ጥር ፲፬ (14) ቀን።

❤ እንኳን #ለኢትዮጵያዊው_ጻድቅ አንድ የወይራ ዛፍ ተደግፈው 40 ዓመታት ለጸለዩ #ለአቡነ_አካለ_ክርስቶስ_ዘቤጌምድር ለበዓላቸው መታሰቢያ በዓል፣ #ከዘጠኙ_ቅዱሳን አንዱ ለሆኑት #ለዘሚካኤል በሚሰሩት ስራቸው አረጋዊ ለተባሉት ለታላቁ አባት #ለአቡነ_አረጋዊ_ለልደታቸውና ወደ ደብረ ዳሞ ለወጡበት ቀን ዓመታዊ መታሰቢያ በዓል፣ ለቊስጥንጥንያ ንጉሥ ለቴዎዶስዮስ ልጅ ለሙሽራወ #ለቅዱስ_ገብረ_ክርስቶስ_ለበዓሉ መታሰቢያ እግዚአብሔር አምላክ በሰላምና በጤና አደረሰን።

                            ✝ ✝ ✝
❤ #አባ_ዘሚካኤል_አቡነ_አረጋዊ_ታሪክ_ልደት፦
የጻድቁ የአቡነ አረጋዊ አባታቸው ቅዱስ ይስሐቅ እናታቸው ቅድስት እድና ይባላሉ፡፡ ሁለቱም እግዚአብሔርን የሚፈሩና የሚያከብሩና በሮም አገር የሚኖሩ ነበሩ፡፡ እግዚአብሔር አምላክም የተባረከውን ልጅ ሰጣቸው፤ ይህም የሆነው በጥር ፲፬ ቀን ነው፡፡ እግዚአብሔርን መፍራት፣ ሕገ ኦሪትን ትምህርተ ነቢያትንና ቅዱሳት መጽሕፍትን እያስተማሩ አሳደጉት፡፡ እርሱም በመንፈስ ቅዱስ ኃይል እየጸና እየበረታ አደገ፡፡ ሚስት ያገባ ዘንድ አጩለት፡፡ ጻድቁ አባታችን አቡነ ዘሚካኤል (አረጋዊ) ፈጽሞ እምቢ አለ፡፡
                                
                          ✝ ✝ ✝
❤ #አቡነ_አካለ_ክርስቶስ_ዘቤጌምድር፦ ከአባታቸው ከገላውዴዎስ ከእናታቸው ወለተ አዳም ጌታችን በተወለደበት ዕለት ታኅሣሥ 29 ቀን ተወለዱ። በተወለዱም ጊዜ ሙት አስነሥተዋል። የአቡነ እስትንፋሰ ክርስቶስ ደቀ መዝሙር ሲሆኑ በ21 ዓመታቸው ነው በሐይቅ እስጢፍኖስ ገዳም የመነኰሱት። ዘገብርኤል የተባለ በስሙ አሳሳች የሆነ ጣዖት አምላኪ ለጣዖት አልሰግድም ቢሉ ወስዶ በእጅጉ አሠቃቷቸዋል። በ6 ችንካሮች ቸንክሮ ሲያሠቃያቸው ጌታችን ተገልጦላቸው እንደ ጊዮርጊስ ጽና ብሎ ተስፋውን ሰጥቷቸዋል።

❤ ጻድቁ አገራቸው ጋይንት ሲሆን በዚሁ አካባቢ ምዕራፈ ቅዱሳን በተባለው ቦታ አንድ የወይራ ዛፍ ተደግፈው ሳይንቀሳቀሱ 40 ዓመት ቆመው የጸለዩበት ወይራ ዛፍ ዛሬም በገዳሙ ተከብራ ትኖራለች። ቤተ መቅደሱ ሳይታጠን የቀረ እንደሆነ ወይም ዲያቆኑ መብራት ሳያጠፋ የሄደ እንደሆነ የጻድቁ መቋሚያቸው እንደ ሰው አፍ አውጥታ ታቃጭላለች። ያበደ ሰው በመቋሚያዋ 7 ጊዜ ቢተሻሽባት ይድናል። በአካባቢው ብዙ መርዛማ እባቦች ቢኖሩም የአቡነ አካለ ክርስቶስን ስም ከተጠራባቸው ምንም ጉዳት አያደርሱም። በሌላም ቦታ ሆኖ እባብ የነደፈው ሰው እምነታቸውን ከተቀባ ጸበላቸውን ከጠጣ ፈጥኖ ይድናል። ምንጭ፦ መዝገበ ቅዱሳን።

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

                            ✝ ✝ ✝
❤ "#ሰላም_ለ፯ቱ_ደቂቅ እለ ኀብኦሙ እግዚአብሔር ውስተ በኣት ወወሀቦሙ ንዋመ ጥዑመ እስከ ፫፻፸ወ፪ ዓመት፤ እለ አስማቲሆሙ# አርከሌዶ_ ዲኦሚዶስ #አውጋንዮስ_ድሜጥሮስ_በርናጥዮስ_ከእስጢፋኖ_ኪራኮስ ሰማዕታት እለ ክርስቶስ"። ትርጉም፦ እግዚአብሔር በዋሻ ውስጥ የሰወረራቸው፤ #እስከ_372_ዓመት ድረስ ጥዑም እንቅልፍን የሰጣቸው #በክርስቶስ ሰማዕት ለኾኑ ስማቸው #አርከሊዶስ_ዲኦሚዶስ_አውጋንዮስ_ድሜጥሮስ_በርናጥዮስ_ከእስጢፋኖስ_ኪራኮስ_ለኾነ_ለሰባቱ_ሕፃናት_ሰላምታ_ይገባል። #ሊቁ_አባ_ጊዮርጊስ_ዘጋስጫ_በተአምኆ_ቅዱሳን_ላይ።

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

                           ✝ ✝ ✝
❤ "#ሰላም_ለመቃብሪከ_ዘየአቅቦ_ኪሩብ። ሠረገላሁ #ለአብ_ዘርዐ_ቡሩክ ልዑል ህፃነ #ማርያም_ርግብ። መርሖሙ ውስተ ከብካብ። ማዕከለ ጎል ጥበብ። #ለሰብአ_ሰገል_ካህናት ጽድቅከ ኮከብ"። ትርጉም፦ #የአብ_ሠረገላ_ኪሩብ ለሚጠብቀው #መቃብርህ_ሰላምታ_ይገባል። #የርግብ_ማርያም_ልጅ_አባ ዘርዓ_ቡሩክ ከኮብ ጽድቅህ #ሰብአ_ሰገል_ካህናትን ከጥበብ በረት ወደ ሰርግ ቤት መራቸው። #መልክዐ_አብነ_ዘርዐ_ቡሩክ።

@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL

❤ "በስመ አብ  ወወልድ ወመንፈስ ቅዱስ አሐዱ አምላክ አሜን"። ❤

                         ✝ ✝ ✝
❤ #የዕለቱ_አንገርጋሪ_ግእዝ_ዜማ፦ ሃሌ ሉያ "ኅቡር መንበሩ #ምስለ_አቡሁ_ዘዕሩይ ምክሩ #ምስለ_ወላዲሁ ዘእምቅድመ ዓለም መንግሥቱ ሰፋኒት #ለቅዱሳን_እዘዝ እንዘ ነአምን ወንገኒ ከመ ውእቱ ረዳኢ ወመድኅን አማን እደ መዝራዕቱ ለልዑል"። ትርጉም፦ #ከአባቱ_ጋር_ክብሩ_አንድ_ነው ከወለደው ጋር ምክሩ የተስተካከለ ነው ከዓለም አስቀድሞ መንግሥቱ ምሉዕ #የቅዱሳን_ጽናት መድኃኒት (አዳኝ) እና የሚረዳ እንደሆነ እያመንን እናመሰግናለን በእውነት የልዑል ልጁ ክንዱ ነው።
                      
                             ✝ ✝ ✝
❤ #የዕለቱ_እግ_ነግ_ዓራራይ_ዜማ፦ "#ልደቱ_መንክር_አስተርእዮቱ ምስጢር #ለዋህድ_ለወልደ_እግዚአብሔር_በልደቱ ተርህወ ሰማይ ወበጥምቀቱ ተዐውቀ መለኮቱ"። ትርጉም፦ #ልደቱ_ድንቅ_መገለጡም_ምሥጢር_ነው ለአንድ #ለእግዚአብሔር_ልጅ_ወልድ_በልደቱ_ሰማይ ተከፈተ #በጥምቀቱም_መለኮቱ (አምላክነቱ) ታወቀ። #ሊቁ_ቅዱስ_ያሬድ_በድጓው_ላይ።


@sigewe

https://t.me/joinchat/AAAAAFGQ22bI0Ij80hYpFA

https://www.facebook.com/profile.php?id=100063896616886

https://www.facebook.com/profile.php?id=61552828743736&mibextid=ZbWKwL