|| ሱቡል አል-ሰላም ||

👉 የጀናዛ ብልት ውስጥ እጇ አልወጣ ያለች ሴት!

.........መዲና ውስጥ አንዲት ሴትዮ ትሞትና ጀናዛዋ መታጠብ ይጀምራል በድንገት የአጣቢዋ ሴት እጅ ከጀናዛው ብልት ጋር ተጣብቆ አልላቀቅም አለ መዲና ውስጥ ያሉ ኡለማዎች የአጣቢዋ እጅ ይቆረጥ ወይስ የጀናዛው ብልት በሚል ከፍተኛ ውዝግብ ውስጥ ገ ቡ በዚህ ጊዜ ነበር ለእንግድነት ለመጡት ኢማሙ ማሊክ ይህ ጥያቄ የቀረበው እሳቸውም ወደ አጣቢዋ በመዞር .......see more
ወላሂ ውሸት አደለም ገብተው ያንብቡት ከስር ነክተው ሙሉውን ለማንበብ
👇👇👇👇
𝐎𝐩𝐞𝐧 ክፈት
𝐎𝐩𝐞𝐧 ክፈት
👆👆👆👆

🖤ይምረኝ ይሆን
✨ክፍል 1
✍አይመኒ
💭ቢንት ኡሚሃ

🎈በድሮዋ ፐርሺያ በአሁኗ ኢራን ውስጥ ተወልጄ በእርሷ መዳፍ ላይ በልቼ ጠጥቼ በሰፋፊ የሲፊን መንደር ሜዳዎች እየወደቅሁ እየተነሳሁ በሳቅ እና ለቅሶ ዜማ ተናውዤ ኹራሳን ውስጥ ኖሬአለሁ።
" ሂልዋ ጃን " የሚል ድምፅ ከእነባባ ክፍል በኩል ሲጠራኝ እንባዬን እየጠራረግሁ ወደ ተጠራሁበት ክፍል ገባሁ፡ ባባ ወደ ፍሪሞንት አሜሪካ በዚችው ሌሊት ለመብረር ሻንጣውን ሸክፎ ከሰፊው ኢራን ሰራሽ አልጋ ላይ አስደግፎታል፡ አይን አይኖቼን እያየ" ነይልኝ እንጂ ሂልዊ ጃን(ውዴ) እኔኮ እንድትከፊብኝ አልፈልግም ትንሽ የስራ ግዜ አሳልፌ እመጣለሁ አለቀ ከዛ " ሲለኝ ዘልዬ ተጠምጥሜ አለቀስኩበት "በጣም ነው የምትናፍቀኝ ባባ "
። ወደ ኤርፖርት የሚያመራው ከሌሊቱ 11 ሰዐት ላይ ስለነበር ያቺን ሌሊት እንቅልፍ በአይኔ ሳይዞር አደርኩኝ፡፡
ከሱብሂ አዛን ቀደም ብሎ ነበር የባባን"ኸረ ለይላ ውዴ ከልጆቹ ልትብሺ ነው እንዴ በቃሽ አሏህ ያቃልኮ" የሚል ማስተዛዘኛ ስሰማ የክፍሌን በር እንደ በረገገ የጦይባ ግመል በርግጄው የወጣሁት፡ እነባባ ክፍል ስደርስ ፈርሃን እና ሀሰን ባባ ላይ ተጠምጥመው ነበር የሁለቱም ታላቅ ብሆንም በዚያች ቅፅበት ግን ከሁሉም ታናሽ የሆንኩ መስሎ ተሰማኝ፡፡

ባባ ሁላችንንም አንድ በአንድ ጉንጫችን እስኪቀላ ከሳመን በኋላ ወደ ኡሚ ተጠግቶ በቅጡ ያልሰማሁትን ወሬ አንሾካሾከላት ፡ እጆቹን በችኮላ ከትከሻዋ ላይ አሳርፎ ግንባሯን ስሟት ወደ መውጪያው በር አመራ፡ " አሏህ ይጠብቅህ ዐሊይ ውዴ..." ነበር የእናቴ ሲቃ አዘል መልስ፡ በኹራሳን ከተማ አነስ ያለች የፖለቲካዊ ፉክቻ ምክንያት ነበር ባባን እስከ ኤርፖርት ድረስ እንዳንሸኘው ያደረገን ።

ባባ ከተናበተን በኋላ ፈርሃን እና ሀሰንን "ኡሚ ብቻዋን እንዳትሆን ዛሬ እነባባ ክፍል እናድራለን፡ የሌሊት ልብሳችሁን አርጋችሁ ኑ" አልኳቸው በትዕዛዛዊ አንደበት ፡ ኡሚን ኩርምት ብላ ነበር ያገኘኋት " ኡሚ ሁሉም አሏህ ያለው ነው ብሎሻልኮ ባባ ለምንድነው ምታዝኚው" ፡ " የኔ ቆንጆ ሂልዋ አላዘንኩምኮ ትንሽ ብቻ ነው የደበረኝ" ብላ አቀፈችኝ፡ ጉንጯን ወደ ኋላ የተበተነው እንደ ቱርክ ሒና የደመቀው ፀጉሬ ላይ አንተርሳ እንዳነባች ግን አልረሳውም፡፡

እናቴ ለይላ ልቅም ያለች የፐርሺያዋ ጨረቃ ናት ምንም እንከን የማይወጣላት ፡አይኖቿ ሀዘል አረንዴ እና የሚያበሩ አፍንጫዋ ስልክክ ብሎ የተተከለ የታችኛው ፊቷ እንደ ሰይዲና ዐሊይ ዙልፊቃር ሰይፍ የተሳለ ነበር ፡ ባባ እቺን የመሰለች እንቁ ማግኘቱ እደለኛነቱን ያሳብቃል ፡እሷም ብትሆን ባባን ያንን ደግ የኢራን ጉብል ማግኘቷ ሰዐዳ መሆኗን ያሳያል፡ ግን ምን ዋጋ አለው እናቴ እኔን ከወለደችበት ግዜ አንስቶ የሚያሰቃያት አንድ በሽታ ነበር።

ፈርሀን እና ሐሰን ፒጃማቸውን ለብሰው ወደ ክፍሉ ሲገቡ ነበር ኡሚ እንባዋን ገታ አድርጋ" ነይ ፈርሂ አንቺ መሀል ተኚ ሐሱ ደግሞ ከኔ በስተቀኝ ሁን ምን መጣብህ ከነዚህ ትላልቅ ፍጥረቶች አጠገብ" ብላ ፈገግ አለች፡ ሁላችንም እርስ በእርስ ተቃቅፈን ሰፊው ንጉሳዊ የመሰለ ሰሪር ላይ ወደቅን. .... ኡሚ ጥንታዊ የፋርስ እሳት አምላኪዎችን የሞኝ ስራ እና እምነቶችን እየነገረችን ነበር የተኛነው....እንቅልፍ ፈርሂን ሀሱን እማን እያለ በመጨረሻም የእኔን አይኖች ከደነ.......
1980 ኢራን ሲፊን መንደር

በመስኮቱ በኩል የሚገባው የወፎች ዝማሬ ነበር ከእንቅልፌ ያነቃኝ " ሂልዋ ተነሺ እንጂ ቀድ ሐደረ ጦዐም " የኡሚም ድምጽ ከሲፊን ወፎች እንጉርጉሮ የሚተናነስ አይደለም ፡ የዝነኛውን ካህሊል ጂብራን እና የሃፊዝ ካፕሌቶችን በፐርሺያዊ ለዛ ስታዜማቸው የቴህራንን ወይኖች ያጣጣምኩ ያህል ደስ የሚል ስሜት ይወረኛል፡፡

ሰላም አለይኩም ኡሚ ካልኳት በኋላ ያስቀመጠችልኝን ጣፋጭ ሃልዋ እና እንደ ህፃን ጉንጭ የለሰለሰ ነአን አጣጥሜ ወደ መድረሳ ለመሄድ ተነሳሁ ፡ " አበባዬ አንችኮ የኔ ዛህራ ነሽ በርቺልኝ እሺ ቁርዐን ፊፍዝሽን ስትጨርሺ ማደርግልሽን አታውቂም" ብላኝ አፍም ሳታስከፍተኝ የቆዳውን ቦርሳዬን አስይዛ እስከ መውጪያው በር ሸኘችኝ! ትላንት ባባ እኛን ጥሎ የከነፈባት የእንጨት በር!

ልቤን አንዳች ነገር እንዳስጨነቀኝ ቢሰማኝም ናቅ አድርጌ ትቼው ስለታናናሾቼ ሁኔታ ማሰብ ያዝኩ" ፈርሃንስ እሺ እንደስሟ ደስታ የሚያሳድዳት፡በትላቅ የአረም ማሳ ላይ አፈንጋጭ አረጓዴ ተክል የሚታያት እድለኛ ልጅ ናት ሀሰን ግን ያለዐቅሙ ነው ሚያስበው ባባ ትላንትና ኡሚን ያንሾካሾከላት ስለ ሐሰን ጉዳይ ሳይሆን አይቀርም" እያልኩ ከልቤ ጋር እያወራሁ ነበር ኢስቲቅላል መድረሳ የደርስኩት፡
በር ላይ እንደተለመደው ግርግር ይታያል፡ ኪታብ የሚሸጡ ሽማግሌዎች ኢስቲቅላል መድረሳ በር ላይ ተኮልኩከዋል ከበሩ ራቅ ብሎ ደግሞ ኹፍ፡ሲዋክ ሙሰበሃ የመቭለዊይ ኮፊታዎች እና ኢራን የምትኮራባቸው አፍንጫ የሚያናውዙ አድሩሶችን የሚሸጡ ወጣት እና አሮጊት ቅልቅል ፍጥረታት የጦፈ ወሬ ይዘው ተደርድረዋል

ከዋናው መንገድ ተሻግሮ የመድረሳችን ኡስታዞችና ጎበዝ ጧሊቦች የሚሰበሰቡባት "ኢናያ መፃህፍት ቤት" በመድረሳው ትይዩ ቀጥ ብላ አፍጥጣ ቆማለች፡፡ ወደ በሩ ስጠጋ " ሰላም አለይኩም ሂልዋ " የሚሉ ብዙ ድምጾች ተስተጋቡ" ወአለይኩሙሰላም ወራህማ" ምትለዋን እየደጋገምኩ ኢስቲቅላልን ዘለቅኋት።

በዚህች ግቢ የእኔ ስም ከነኢማም አል ገዛሊ እኩል ሊጠራ ደርሷል ብል ማጋነን አይሆብኝም፡ከኡሚ ከወረስኩት ሀዘል አረንጓዴ አይን እና የሚበር ፋልኮን ከመሰለው ቅንድብ በላይ አስደማሚ የመድረሳ ውጤቴ አነጋጋሪ ሆኗል ፡ገና በአስር አመቴ ቅዱስ ቁርዐንን ለማኽተም 5 ጁዝኦች ብቻ ቀርተውኛል፡ "ሚኣህ አሃዲስ አነበዊይ" የተሰኘውን ባላመቶ የረሱል ሐዲስ እንደ ስሜ እያቀላጠፍኩ እዘግባለሁ ፡የቅኔ እውቀቴም ልጅኛ አይመስልም ጀላሉዲን አል ሩሚ፡ ሰዐዲይ፡ሃፊዝ እና ሌሎችም የፋርስ ባለቅኔዎች ሙሉ መዛግብታቸውን ባላካልልም ከባህራቸው ቀማምሼአለሁ፡ ለዚህም ነው የግቢው ዋና ሙዲር ሸይኽ ጢብሪዝ" ሁመይራእ" እያሉ የሚጠሩኝ፡ የረሱላችን ሚስት እመት አኢሻእ ተቀፅላ ፡፡

🎈


🎈 በአሏህ ፍቃድ ይቀጥላል
✨@WISDOMISM1 👈

✨✨ሞገደኛው ብርሃን ክፍል 4

🌴🌴🌴🌴
የእውነት መገለጫ እውነት
أﺻ ﺪَق اﳊﺪﻳِﺚ


4)إﱠن أﺻ ﺪَق اﳊﺪﻳِﺚ ﻛﺘﺎُب الله
4) ከንግግሮች ሑሉ እውነተኛ ንግግር የአሏህ ኪታብ ነው(ነሳኢ1578፡ሶሂህ)


* እርሱ አሏህ እውነት ነው፡ቃሉ እውነት ነው፡ቅዱስ መፃህፍቶቹ ሁሉ እውነት ናቸው፡እስልምና እውነት ነው፡የሙሃመድ( pbuh) ባርነትና መልእክተኝነት እውነት ነው፡፡

*በአሁኑ ወቅት ብዙሃን እምነት የለሽ ከሃዲያን የሚያለበልቡአት መፈክር አለች ቁርዐን የፈጣሪ እውነተኛ ቃል እንደሆነ በምን እናውቃለን በማለት እራሳቸውን ያታልላሉ፡ ፡ እነርሱም በፈጣሪ ቃል የተገኙ ሆነው ሳለ ይህንን ማለታቸው ተገቢ ነውን? እርሱን የከበቧቸው የፈጣሪን እውነት ማስረጂኣዎች አይደሉምን?
እውነትን ለመረዳት እል

ፍ አላፍ መንገዶች አሉ፡ ፡ለምሳሌ የተናጋሪውን ስብዕና ጠንቅቆ ማወቅ፡የንግግሮቹን ጅራፍ በተጨባጭ መለኪያ ላይ ማሳረፍ እንዲሁም የእውነትን ተቃራኒ በሚገባ ማወቅ።

የሰው ልጅ ደካማ ፍጥረት ከመሆኑም ባሻገር የተሰጠውን እንጂ የሩቁን ማሰብ አይችልም፡ ስለዚህ የሃያሉን አሏህ ስብዕና ጠንቅቆ ማወቅ አይቻለውም!፡አይደለም የፈጣሪውን የልብ ጓደኛውንም ውስጣዊ ማንነት በልኩ አያውቅም፡ለምን? የተሰጠው የተገደበ እውቀት ነውና!

وَمَآ أُوتِيتُم مِّنَ ٱلْعِلْمِ إِلَّا قَلِيلا>> ከዕውቀትም ጥቂትን እንጂ አልተሰጣችሁም» አሊስራእ 85


ታዲያ የአሏህን እውነተኘነት በምን ልታውቅ ነው?
የቁርዓንን Theoretical ህግጋቶች ወደ ተግባር በመቀየር በህይወትህ ላይ የሚያምጡትን አዎንታዊ እና እሉታዊ ተፅእኖዎች መገምገም፡፡
ለምሳሌ በቅዱስ ቁርዐን ውስጥ ብዙ የተከለከሉ ተግባራት ተሰድረዋል፡ እውነተኝነታቸውን ከተጠራጥርክ ለምን እንዚያን ነገሮች አትሞክራቸውም?
ከ14መቶ ክ/ዘ በፊት የሚከተለው የፈጣሪ ቃል ወረደ
፡
إِنَّمَا حَرَّمَ عَلَيْكُمُ ٱلْمَيْتَةَ وَٱلدَّمَ وَلَحْمَ ٱلْخِنزِيرِ وَمَآ أُهِلَّ بِهِۦ لِغَيْرِ ٱللَّهِ ۖ
በናንተ ላይ እርም ያደረገው በክትንና ደምን፣ የእሪያ ሥጋንም፣ በእርሱም (ማረድ) ከአላህ ስም ሌላ የተነሳበትን ነገር ብቻ ነው፡፡
🎈

🎈

🎈ይቀጥላል ✍አይመኒ
@WISDOMism1

✨✨አመሻሹን ወፍቆናል

አንዳንድ ሶሃቦች የረሱላችንን ፊት ሲመለከቱ
በድጋሚ የራሳቸው ፊት ይፋጠጡ ነበር
ኮለል ያለው ባህር የማይደፈርሰው
አባቱን አደምን ከስደት መለሰው

ሰይዲና ኢብን አባስ ረሱልን ሲወስፉ ደግሞ እንዲህ ይላሉ
🎈 ما رأيت رسول الله مع الشمس والقمر إلا وكان أنور من الشمس وأضوء من القمر
ረሱልን ከፀሃይ እና ጨረቃ ጋር አላየኋቸውም
ኑራቸው ከፀሃይ ልቆ የበራ
ወገግታቸው ከጨረቃ የበለጠ ቢሆኑ እንጂ
✨ ያ ቀመረል መካ ሲራጄ ሙኒሬ
✨ሲሩል ካኢናቲ ሚስጥረ ብዕሬ
ሰዎች ሰይድ በራእ ዘንድ መጥተው፡ በራእ ሆይ የረሱል ፊት እንዴት ዐይነት ነበር ! ልክ እንደ ሰይፍ አብረቅራቂ ነበርን ብለው ሲጠይቋቸውሳ?
لا بل مثل القمر
አይደለም ፊታቸው እንደ ጨረቃ ቦግ ያለ ነበር

✨ጀማልሁ ሸንተረር ጀማልሁ ተራራ
✨ወስፉ አላልቅ አለኝ ምነው ኸይረል ወራ

ሐቢቤዋ የሰይዲና ዩሱፍን መልከመልካምነት ለሶሃቦች ሲገልጡላቸው
🎈 أعطي يوسف شطر الحسن
ዪሱፍ የውበትን ግማሽ ተሰጥቷል ነበር ያሏቸው

የገባው ገብቶታል ያልገባው የሰይድ ዩሱፍ ፊት አምሮታል
ውበት ማለት እራሳቸው ሐቢብ ናቸው፡
ዩሱፍም የሐቢብ ግማሽ ደረሳቸው
በሰይዲና ዩሱፍ ቁንጅና ወይዛዝርቶች እጃቸውን በስለት ሸረከቱ
✨ በረሱል ውበት የዘይኑን ለቅሶ ልድረስ ያለች ሚስኪን እናት ጉበቷ ፈነዳ
✨ሙሂብ ግመል ያን ውበት ካላየው ሳር ቅጠሉ ይቅርብኝ ቀለብ በቃኝ ብላ እራሷን በረሃብ ገደለች
✨ዘላኑ አህያ አደብ ገዛሁ ነብዬ ብሎ እሽክር ሁኖ ኖሮ ሲሞቱበት ቅስሙ ተሰባብሮ በውበቱ የናፍቆት ሃራራ እራሱን ገደል ውስጥ ገፍትሮ ተሰቃይቶ ሞተ

ፀሐይም አለችው
✨እኔ አንተ ላይ ጨረሬን ልኬ ጥላህን ላነጥፍ አልችልምና አንተው ብርሃንህን ላክልኝ!

✨ጎንትሎ ጀምሎ ኸላልቆህ ረባሁ
✨ ሙሂብ ሊያሳብድ ነው ኸረ ምን ጉድነሁ

💚 ሸጋ ኸሚስ
✍አይመኒ @wisdomism1

🎁ብርሃናዊ ምልከታዎች

✨የትም ቦታ ሆነህ የ
✨ አድፈህም ሳታድፍ
✨በዉዱእም ያለዉዱእ
✨ቂብላ ሳትቀጣጭ፡ክንዶችህን ሳትዘረጋ
የምትፈፅመውን ሶላት ላመላክትህ?
💚 በሙስጦፋ ላይ ሶለዋትን አውርድ
✨ሶለዋት የሲራጥ ነዳጅ
✨የማዕሸር ብርሃን ናት
ጀነት ውስጥ አንድም ኒዕማ የለችም ማሳዎቿ የሚዘረጉ፡ሁሪኦቿ የሚያበሩ ፡ፋኖሶቿ አጥናፍ የሚሰፍሩ በአህመዱ ሶለዋት ቢሆን እንጂ

🎈اللهم صلي على من ٱنشقت له القمر
🎈وانفلقت منه الأسرار
🎈وانفجرت منه الأنوار
🎈عدد من صلى عليه ومن لم يصلي عليه
🎈في كل يوم ألف مرة
🎈من أول يوم خلقته
🎈إلى اليوم الفزع يوم القيامة
✍አይመኒ @WISDOMism1

■□■□■□■□■□■□■□■□
የዓለም ግማሽ ህዝብ በፈጣሪው የሚክደው
አውነታውን በተከተሉት ሰዎች አስከፊ ባሕሪ ሰበብ ነው
■□■□■□■□■□■□■□■□
🎈ኢማም አል ገዛሊ
💚ውብ የፍቅር ማለዳ