THIQAH

@thiqahEth

Kanal geosi va tili: Efiopiya, Amharcha

Toifa: Yangiliklar va OAV

Похожие каналы

Kanal geosi va tili

Efiopiya, Amharcha

Toifa

Yangiliklar va OAV

Statistika

Saralanganlar

Postlar filtri

O‘chirilganlarni yashirish

Repostlarni yashirish

THIQAH

21 Dec, 18:39

ፕሬዝዳንት ኢማኑኤል ማክሮን አዲስ አበባ ገቡ።

የፈረንሳዩ ፕሬዝዳንት ኢማኑኤል ማክሮን ለይፋዊ የስራ ጉብኝት ወደ ኢትዮጵያ መምጣታቸውን ጠቅላይ ሚኒስትር ዐቢይ አሕመድ (ዶ/ር) በማህበራዊ ትስስር ገፃቸው ላይ አስፍረዋል።

ማክሮን ቦሌ ዓለም አቀፍ አየር ማረፊያ ሲደርሱ ጠቅላይ ሚኒስትር ዐቢይ ተቀብለዋቸዋል።

ማክሮን ዛሬ ወደ ኢትዮጵያ ከመምጣታቸው በፊት በትናንትናው እለት በጎረቤት ሀገር ጅቡቲ ይፋዊ የስራ ጉብኝት አድርገዋል። #pmoffice

@ThiqahEth

2.3k 0 2 2 31

THIQAH

21 Dec, 18:31

ተ.መ.ድ በኮንጎ ያሰማራው የሰላም አስከባሪ ኃይል ለተጨማሪ አንድ አመት እንዲቆይ ወሰነ።

የዴሞክራቲክ ሪፐብሊክ ኮንጎ መንግስት የሰላም አስከባሪ ተልዕኮው (MONUSCO) ከሀገሪቱ እንዲወጣ በተደጋጋሚ ሲጠይቅ ቆይቷል።

ይሁን እንጂ ግጭት ከበዛበት የምሥራቅ ቀጠና ርቆ እንዲሰፍር የጸጥታው ምክር ቤት ዓርብ'ለት በነበረው ጉባዔ ወስኗል።

ተ.መ.ድ ከ2023 ጀምሮ 11,000 አባላት ያሉትን የሰላም አስከባሪ ኃይል ከM23 ጋር ግጭት ውስጥ በገባችው ዲ አር ሲ አሰማርቷል። #sabcnews

@ThiqahEth

2.4k 0 0 4

THIQAH

20 Dec, 22:43

''የአውሮፓ ህብረት ከአሜሪካ የሚስገባውን ኃይል ማሳደግ እንዳለበት ተናግሪያለሁ'' -ትራምፕ

ትራምፕ በግል የትሩዝ ሶሻል ፔጃቸው ላይ ባሰፈሩት ፅሑፍ የአውሮፓ ህብረት አባል ሀገራት የአሜሪካን ነዳጅ በከፍተኛ መጠን የማይጠቀሙ ከሆነ ወደ አሜሪካ በሚልኳቸው ምርቶች ላይ ታሪፍ ሊጥሉ እንደሚችሉ አስጠንቅቀዋል፡፡

የአውሮፓ ህብረት ኮሚሽን በበኩሉ፣ ''በነዳጅ እና ሌሎች ተያያዥ ጉዳዮች ላይ ከአዲሱ ፕሬዝዳንት ጋር ለመነጋገር ዝግጁ ነኝ'' ሲል አስታውቋል፡፡

ትራምፕ ገና ስልጣን ሳይረከቡ በካናዳ እና በሜክሲኮ ላይ የታሪፍ ጭማሪ አድርገዋል፡፡

አውሮፓ ህብረት ከውጭ ከሚያስገባው የነዳጅ ሀይል አሜሪካ የ17 በመቶን ድርሻ ትይዛለች፡፡ #brusselssignal

@thiqaheth

3.5k 0 1 2 36

THIQAH

20 Dec, 11:21

ዝምባቡያውያን "የህፃናት ካልሲን እንደኮንዶም እየተጠቀሙ ነው" ተባለ፡፡

አፍሪካዊቷ ሀገር ዝምባቡዌ ከፍተኛ የኮንዶም እጥረት አጋጥሟታል ተብሏል፡፡

በዚህም ዝምባቡያዊያን "የህፃናት ካልሲን እንደኮንዶም እየተጠቀሙ ነው" ተብሎባቸዋል።

"በተለይ በሴተኛ አዳሪዎች ዘንድ የህፃናት ካልሲ በሰፊው ጥቅም ላይ እየዋለ መምጣቱ" ነው የተሰማው።

ይህም ደህንነቱ የተጠበቀ የወሲብ ግንኙነት ካለመፈጸም በላይ በሰውነት ላይ አሉታዊ ጉዳት ያደርሳል ተብሏል፡፡ #rtnews

@ThiqahEth

4k 0 88 11 115

THIQAH

20 Dec, 11:18

100 የሰሜን ኮሪያ ወታደሮች በዩክሬን መገደላቸው ተሰማ፡፡

ወደሩሲያ ከዘመቱት የሰሜን ኮሪያ ወታደሮች ውስጥ ከሞቱት በተጨማሪ 1000 የሚደርሱት ደግሞ በጦርነቱ ቆስለዋል ተብሏል፡፡

ወታደሮቹ በድሮን ውጊያ ላይ ያላቸው ልምድ አነስተኛ መሆኑ ጦርነቱን መቋቋም አለመቻላቸው ተዘግቧል፡፡

ምዕራባውያን እና አሜሪካ፤ ሰሜን ኮሪያ ከወራት በፊት 10,000 ወታደሮችን ወደ ሩሲያ ልካለች ቢባልም ፒዮንግያንግ ውድቅ አድርጋዋለች፡፡ #indiatoday

@thiqaheth

3.6k 0 0 1 12

THIQAH

19 Dec, 23:02

13 የመብት ተሟጋች ድርጅቶች ግብፅ ትፈፅመዋለች ያሉትን ግርፋት፣ አፈናና የሞት ቅጣት እንድታቆም ጠየቁ።

በተለያዩ የዓለም ሀገራት የሚገኙ 13 የሰብዓዊ መብት ተሟጋች ድርጅቶች የእስረኞቹ አያያዝ እንዲሻሻል ለግብፅ መንግስት በፃፉት ደብዳቤ ጠይቀዋል።

ድርጅቶቹ በጋራ ባወጡት ሪፓርት፣ በተለይ ባለፉት አምስት አመታት የግብፅ የሰብዓዊ መብት አያያዝ "እጂግ አስከፊ" በሚባል ደረጃ መድረሱን አስታውቀዋል።

የግብፅ ባለስልጣናት ከፓለቲካ ተሳትፎ ጋር የተያያዙ መብቶችን እንደ ወንጀል እየቆጠሩ ነው ሲል ሪፖርቱ አመላክቷል።

በ2024 በተካሄደው ምርጫ ባለስልጣናት የአልሲሲን ተቃዋሚዎችና አባላቶቻቸው ላይ ከፍተኛ የማንገላታት ወንጀል ፈጽመዋል ሲል ወቅሷል። #ifex #cihrs

@ThiqahEth

3.6k 0 1 22

THIQAH

19 Dec, 22:59

"በዩክሬን ጉዳይ ከትራምፕ ጋር ለመነጋገር ዝግጁ ነኝ" - ፑቲን

ፕሬዝዳንት ዶናልድ ፕራምፕ "እኔ ከተመረጥኩ የዩክሬን ጦርነት በሰዓታት ውስጥ ይቆማል" ሲሉ ተናግው ነበር።

የሩሲያ ፕሬዝዳንት ቭላድሚር ፑቲን የፈረንጆች 2024 አመት መጠናቀቅን አስመልክቶ አመታዊውን መግለጫ በሰጡበት ወቅት፤ ጦርነቱ እንዲያበቃ ከዩክሬን ባለስልጣናት ጋር ለመነጋገር ዝግጁ ነኝ ሲሉ ተደምጠዋል።

ፑቲን በዩክሬን ማድረግ የምንፈልገውን ዋነኛ ዓላማ አሳክተናል ብለዋል። #france24

@thiqaheth

3.8k 0 0 37

THIQAH

18 Dec, 10:46

"ይህ እንደሚፈጠር አውቅ ነበር" - የጀርመን ቻንስለር

የጀርመን ቻንስለር ኦላፍ ሾልዝ መተማመኛ ድምጽ ሳያገኙ መቅረታቸው ተሰምቷል።

ሾልዝ በፓርላማ የመተማመኛ ድምጽ ማጣታቸውን ተከትሎ፣ ጀርመን መስከረም ላይ ልታካሂድ እቅድ የተያዘለትን ሀገራዊ ምርጫ ከሁለት ወር በኋላ የካቲት ውስጥ ለማካሄድ ትገደዳለች፡፡

ይህ እንደሚፈጠር አውቅ ነበር ያሉት ቻንስለሩ፤ ይሁን እንጂ የሚያሳስባቸው የእሳቸው ስልጣን መልቀቅ ሳይሆን የፓርቲያቸው ቀጣይነት እንደሆነ ተናግረዋል፡፡

የኢላፍ ሾልዝን ሶሻል ዲሞክራቲክ ፓርቲ ጨምሮ በሦስት ፓርቲዎች ጥምረት እየተመራች የምትገኘው ጀርመን፣ የጥምር መንግሰቱ የፈረሰው ባሳለፍነው ህዳር ወር ውስጥ ነበር፡፡ #bbcnews

@ThiqahEth

4.5k 0 2 14

THIQAH

18 Dec, 10:42

"ፕሬዝዳንቱ ያለመከሰስ መብታቸው ተነስቶ ፍርድ ቤት እንዲቀርቡ የክስ ዝርዝር የያዙ ዶክመንቶች በተደጋጋሚ ቢላክላቸውም እስካሁን ፍርድ ቤት አልቀረቡም" - የደቡብ ኮሪያ ፍርድ ቤት

የደቡብ ኮሪያ ህገ መንግስታዊ ፍርድ ቤት ፕሬዳንቱ ያፈረሰውን ካቢኒያቸውን ለአስቸኳይ ስብሰባ እንዲጠሩ አዟል።

ከስልጣን የተነሱት የደቡብ ኮሪያ ፍትህ ሚኒስቴር ፕሬዝዳንት ዮን ሱክ ዮዔል፣ ዲሴምበር 24/2024 ስብሰባ ጠርተው ዲሴምበር ሶስት ስለተላለፈው የማርሺያል ሎው ማብራሪያ እንዲሰጡ ተጠይቀዋል፡፡

የፍርድ ቤቱ የመረጃ ደስክ ዳይሬክተር ጄነራል ሊ ጂን በሰጡት መግለጫ፣ ፕሬዝዳንቱ ያለመከሰስ መብታቸው ተነስቶ ፍርድ ቤት እንዲቀርቡ የክስ ዝርዝር የያዙ ዶክመንቶች በተደጋጋሚ ቢላክላቸውም እስካሁን ፍርድ ቤት አልቀረቡም ሲሉ ተናግረዋል፡፡

በዚህም የቀረበባቸውን ክስ ለመከራከር ፍርድ ቤት እንዲቀርቡ ሰባት ቀናት ብቻ እንደተሰጣቸው አብራርተዋል፡፡

ፕሬዜዳንቱ ባሳለፍነው ሳምንት ባሳለፉትና ለትንሽ ጊዜ በቆየው ወታደራዊ አመራር (martial law) ከሀገር እንዳይወጡ የሀገሪቱ ፍትህ ሚኒስቴር ትዕዛዝ ተላልፎባቸው ነበር። #thestraitstimes

@thiqaheth

4.1k 0 1 11

THIQAH

18 Dec, 10:30

በኮንጎ በደረሰ የጀልባ መገልበጥ አደጋ 25 ሰዎች ሕይወት ማለፉ ተሰማ።

ከሰሜን ምሥራቅ ኖንጎ ተነስታ ወደ ዋና ከተማዋ ኪንሻንሳ ስትጓዝ የነበረችው ጀልባ 100 ሰዎችን አሳፍራ ስትጓዝ በፊሚ ወንዝ የመገልበጥ አደጋ ደርሶባታል፡፡

በዚሁ አደጋም የ25 ሰዎች ሕይወት ማለፉ ተሰምቷል።

ከሟቾቹ ባሻገር በአደጋው ከ12 በላይ ሰዎች የጠፉ ሲሆን፤ ፍለጋውም እየተከናወነ እንደሆነ ኮሚሽነር ዴቪድ ካሌምባ ተናግረዋል፡፡

ጀልባዋ ከመጠን በላይ ጭና መጓዟ ለአደጋው መከሰት ምክንያት እንደሆነ ኮሚሽነሩ አብራርተዋል፡፡ #npr

@ThiqahEth

3.9k 0 1 12

THIQAH

17 Dec, 20:38

''የኔ ከሀገር መውጣት የታቀደበት ወይም ሌሎቹ እንደሚሉት ጦርነቱን እየከበደ ስለመጣ የወሰድኩት የመጨረሻ ውሳኔ አልነበረም'' - ፕሬዝዳንት በሽር አላሳድ

ከአንድ ሳምንት በፊት ሀገር ጥለው ወደ ሩሲያ የኮበለሉት የሶሪያው ፕሬዝዳንት በሽር አላሳድ፤ ከሀገር ከወጡ በኋላ ለመጀመሪያ ጊዜ በሰጡት መግለጫ ሰጥተዋል።

በመግለጫቸው፣ "ታጣቂዎች ደማስቆ መግባት ሲጀምሩ እኔ ጦርነቱን መቀልበስ በሚቻልበት ሁኔታ ከሩሲያ አጋሮቼ ጋር ለመወያየት ወደ ላቲካ ተጉዣለሁ" ብለዋል።

"በሀሜም አየር ማረፊያ እንደደረስኩ የኛ ኃይሎች የጦር ቀጠናዎችን ጥለው እየወጡ ተመለከትኩ" ያሉት አላሳድ፤ እሳቸው የሄዱበት የሩሲያ ባህር ሀይል ሰፈር በድሮን ጥቃት መመታት እንደጀመረም ገልጸዋል፡፡

ጦሩ ሙሉ በሙሉ መደምሰሱን ተከትሎ የመንግስት ተቋማት መዳከማቸውን ሲያዩ በዚያ ቅጽበት ወደ ሞስኮ እንዲወጡ የሩሲያ ባለስልጣናት ሁኔታዎችን እንዳመቻቹላቸው አብራርተዋል፡፡

ፕሬዝዳንቱ ስልጣን የመልቀቅና ጥገኝነት የመጠየቅ እቅድ በግለሰብም ሆነ በፓርቲ ደረጃ ፈጽሞ አልነበረም ብለዋል፡፡

"ገና ጦርነት ሲቀሰቀስ 14 አመታትን በጦርነት ጨለማ የነበረ፣ የሀገሩን ሉዓላዊነት የህዝቡን ክብር ለማስጠበቅ ብዙ አመታትን እንደደከመ መሪ፣ ሀገሩን ከአሸባሪዎች ለመጠበቅ ከጦር ጀኔራሎች ጋር የቆመ መሪ፤ ድንገት ህዝቡንና ሀገሩን አሳልፎ አይሰጥም" ሲሉ ተናግረዋል።

''የኔ ከሀገር መውጣት የታቀደበት ወይም ሌሎቹ እንደሚሉት ጦርነቱን እየከበደ ስለመጣ የወሰድኩት የመጨረሻ ውሳኔ አልነበረም'' ነው ያሉት። #rtnews

@ThiqahEth

4.5k 0 3 31 90

THIQAH

17 Dec, 10:48

''ብዙ ገንዘብ ተዋጥቷል፤ ፈንድም ተገኝቷል ግን አሁንም ተጨማሪ ገንዘብ ያስፈልጋል'' - የእንግሊዝ ጠ/ሚኒስትር

የእንግሊዝ ጠቅላይ ሚኒስትር በዩክሬን የሚገኙ ወታደሮቻቸውን እንደሚጎበኙ ተናግረዋል።

ጠቅላይ ሚኒስትር ኬር ስታርመር፣ ከዩክሬን ጎን ተሰልፈው በሩሲያ ድንበር ጦርነት ላይ የሚገኙ ወታደሮችን ተገኝተው እንደሚያበረታቱ ነው የተናገሩት፡፡

ጠ/ሚው ከባልቲክ ሀገራት መሪዎች ጋር በተገናኙበት ወቅት ዩክሬን ጦርነቱን እንድታሸንፍ የገንዘብና የአቅም ድጋፍ ያስፈልጋታል ብለዋል፡፡

''ብዙ ገንዘብ ተዋጥቷል፤ ፈንድም ተገኝቷል ግን አሁንም ተጨማሪ ገንዘብ ያስፈልጋል'' ነው ያሉት፡፡ #thestandard

@ThiqahEth

5k 0 1 15

THIQAH

17 Dec, 10:43

የካናዳ ገንዘብ ሚኒስትር ክሪስቲያ ፍሪላንድ ስልጣን ለቀቁ፡፡

ትራምፕ በበኩላቸው፣ ''ፍሪላንድ መርዘኛ ባህሪ ነበራቸው'' ሲሉ ፅፈዋል።

የጠቅላይ ሚኒስትር ጀስቲን ትሩዶ ወዳጅና የረጅም ጊዜ የካቢኔ አባል የሆኑት ክርስቲያ ፍሪላንድ መልቀቃቸው በትሩንዶ መንግስት ላይ ስጋት ፈጥሯል ተብሏል፡፡

ስጋቱ የመነጨው የኑሮ ውድነት ይጨምራል፣ የስደተኞች ፍሰትን መቆጣጠር ያስቸግራል በሚል ስጋት ነው ተብሏል፡፡

ተመራጩ የአሜሪካ ፕሬዝዳንት ዶናልድ ትምፕ፣ ''ፍሪላንድ መርዘኛ ባህሪ ነበራቸው'' ሲሉ መልቀቃቸው እንዳስደሰታቸው በግል የማህበራዊ ትስስር ገጻቸው ባሰፈሩት ጽሑፍ አስታውቀዋል፡፡

ትራምፕ ከካናዳና ሜክሲኮ ጋር በነጻ የንግድ ልውውጥ ዙሪያ ንግግር ባደረጉበት ወቅት ሚኒስትሯ ያራመዱትን አቋም ''አልወደድኩትም'' ብለዋል፡፡ #associatedpress

@ThiqahEth

4.7k 0 2 9

THIQAH

17 Dec, 10:38

የደቡብ ኮሪያ ጠቅላይ ኢታማዡር ሹም በቁጥጥር ስር ዋሉ፡፡

ጄነራሉ ስልጣን ያለ አግባብ በመጠቀም ወንጀል ተጠርጥረው ነው ፖሊስ በቁጥጥር ስር ያዋላቸው፡፡

ጄነራል ፓርክ አን ሱ የወታደራዊ አገዛዝ ህግ (martial law) በተላለፈበት ወቅት በፕሬዝዳንት ዮን ሱክ ዮዔል ተመርጠው ዋና ኮማንደር ሆነው መርተዋል፡፡

በተያያዘ ዜና፣ በማርሺያል ሎው ምክንያት ከኃላፊነት የተነሱት ፕሬዝዳንት ዮን ሱክ ዩኤል ጉዳያቸው በፍርድ ቤት መታየት ሊጀምር እንደሆነ ተዘግቧል፡፡ #outlookindia

@ThiqahEth

4.3k 0 1 1 18

THIQAH

16 Dec, 12:27

በአህጉሪቱ በዝንጀሮ ፈንጣጣ ወረርሽኝ (Mpox) የተያዙ ሰዎች ቁጥር ከ65,000 መብለጡ ተነገረ፡

በአፍሪካ የተከሰተው የዝንጀሮ ፈንጣጣ ወረርሽኝ (Mpox) በድምሩ የ1,200 ሰዎችን ህይወት ቀጥፏል ተብሏል፡፡

መቀመጫውን አዲስ አበባ ያደረገው የአፍሪካ በሽታ መከላከልና መቆጣጠር ማዕከል ያወጣው አዲስ ሪፖርት ባለፈው አንድ ሳምንት ውስጥ ብቻ 3,545 ሰዎች ሲያዙ 37 ሰዎች መሞታቸውን አመላክቷል፡፡

የማዕከሉ ዋና ዳይሬክተር ጂያን ካሰያ ወረርሽኙ 20 በሚደርሱ የአፍሪካ ሀገራት መከሰቱን አስታውቀዋል፡፡ #iol

@ThiqahEth

4.7k 0 4 1 18

THIQAH

16 Dec, 12:24

''ሶማሊያ አደገኛ ጦርነትን ማስቀረት ችላለች'' - አድቡረህማን የሱፍ አል አብደላህ

የሶማሊያ የመረጃ፣ ባህልና ቱሪዝም ሚኒስትር ድዔታ አድቡረህማን የሱፍ አል አብደላህ የአንካራውን ስምምነት በተመለከተ መግለጫ ሰጥተዋል።

በዚህም መንግስት በሶማሊያ ብሔራዊ ደህንነት ላይ ያንዣበበን ጦርነት ማስቀረት ችሏል ብለዋል፡፡

''ከአንድ አመት ጠንካራ ሥራ በኋላ አደገኛ ሙከራን አክሽፈናል'' ሲሉም ተናግረዋል።

የሶማሊያ መንግስት ከኢትዮያ ጋር የተፈጠረውን አለመግባባት ለመፍታት የሄደበትን ርቀት ሲገልጹት ''አስቸጋሪ እና ፍሪያማ ነበር'' ብለውታል፡፡

ሚኒስር ድዔታው፣ ''ሁሉም ምስጋና ለፈጣሪ ይሁን፤ ባለስልጣትና የሶማሊያ ህዝብ በህብረትና በጠንካራ አቋም ሀገራቸውን ተከላክለዋል፤ ኢንሻ አላህ ሀገራችን ታሸንፋለች፤ ፈተናዎችን ታልፋለች'' ነው ያሉት። #allafrica

@ThiqahEth

4.6k 0 3 1 53

THIQAH

16 Dec, 12:20

ተ.መ.ድ በአልሸባብ ላይ ጥሎት የቆየውን ማዕቀብ ማደሱን አስታወቀ።

የመንግስታቱ ድርጅት የጸጥታው ምክር ቤት በሶማሊያ በሚቀሳቀሰው የአልሸባብ አሸባሪ ቡድን ላይ የጣለውን ማዕቀብ ለአንድ አመት እንዲራዘም መወሰኑ ተሰምቷል።

በእንግሊዝ የቀረበው የውሳኔ ሃሳብ 15 አባላት ባሉት የጸጥታው ምክር ቤት በሙሉ ድምፅ ተቀባይነት አግኝቷል ተብሏል።

በማዕቀቡ ህገ-ወጥ የጦር መሳሪያ ማስገባት፣ የድንጋይ ከሰል ወደ ውጭ መላክን እና ፈንጂዎች አገልግሎት ላይ እንዳይውሉ መከልከልን ጨምሮ ሌሎች እገዳዎች ተካተዋል ነው የተባለው። #aa

@thiqaheth

4.4k 0 0 14

THIQAH

15 Dec, 21:02

"እኔ ከኃላፊነት ሳልነሳ አፍሪካ ቋሚ መቀመጫ ይኖራታል" - አንቶኒዮ ጉተሬዝ

የተ.መ.ድ ዋና ፀሐፊ አንቶኒዮ ጉተሬዝ በእሳቸው የስልጣን ዘመን አፍሪካ በፀጥታው ምክር ቤት ቢያንስ ሁለት ቋሚ መቀመጫ እንዲኖራት እሰራለሁ ብለዋል።

አንቶኒዮ ጉተሬዝ፣ "እኔ ከኃላፊነት ሳልነሳ አፍሪካ ቋሚ መቀመጫ ይኖራታል" ነው ያሉት።

ይህን ለማድረግም በአምስቱ ቋሚ የምክር ቤት አባላት መካከል መግባባት ላይ ተደርሷል ሲሉም አክለዋል።

ዋና ፀሐፊው ይህን ያሉት በቅርቡ ወደደቡብ አፍሪካ ባቀኑበት ወቅት ነው። #rtnews #sputnik

@ThiqahEth

4.8k 0 1 6 83

THIQAH

15 Dec, 20:58

"ለመሪነት አይመጥንም" - አደባባይ የወጡ ነዋሪዎች

በፓለቲካ አለመረጋጋት ውስጥ የምትገኘው ጆርጂያ የእግር ኳስ ተጫዋቹን ፕሬዝዳንት አድርጋ ሾመች።

አዲሱ ፕሬዝዳንት፣ "ለመሪነት አይመጥንም" ያሉ ዜጎች ፓርላመንታዊ ምርጫ እንዲካሄድ ለመጠየቅ አደባባይ ወጥተዋል።

የጆርጂያ ገዥ ድሪም ፓርቲ ባካሄደው ምርጫ የቀድሞው እግር ኳስ ተጫዋች ሚካኤል ካቨላሽቪሊ ቀጣዩ ፕሬዝዳንት እንዲሆኑ ወስኗል።

ካቨላሽቪሊ ጫማ ከሰቀሉ በኋላ የጆርጂያ የህዝብ ተወካዮች ምክርቤት አፈጉባዔ በመሆን አገልግለዋል። #jamnews

@thiqaheth

5k 0 0 13

THIQAH

15 Dec, 20:55

ከመጠን ያለፈ ቅዝቃዜ ያጋጠማት ኢራን መስሪያ ቤቶችና ትምህርትቤቶችን ዘጋች።

ቅዝቃዜው ከፍተኛ የኃይል መቆራረጥ አስከትሏል።

በዓለም ሁለተኛው የኃይል ማከማቻ ባለቤት የሆነችው ቴህራን በቅዝቃዜው ምክንያት የኤሌክትሪክ ኃይልን በፈረቃ ለማዳረስ ተገዳለች ተብሏል።

ከመጠን ያለፈው ቅዝቃዜ በሁሉም የሀገሪቱ ክፍሎች መከሰቱን የሀገሪቱ ባለስልጣናት አስታውቀዋል። #thepeninsula

@thiqaheth