т н σ υ g н т°ρ α ι 𝔫 т ι и g 🎴

ብዙ መጠሪያ ስሞች ያሉት ማይክ ታይሰን የሚሉት ቡጢኛ መቼስ ጉደኛ ሰው ነው። በጉብዝናው ዓመታት ከ400 ሚሊየን ዶላር በላይ ከስፖርቱ አግኝቷል። እንደ Rolls-Royce እና ፌራሪን የመሳሰሉ ከመቶ በላይ ውድ መኪኖች፣ ስድስት ቅንጡ ቤቶች፣ በርካታ የዳይመንድ ጌጣጌጦችን ሲሰበሰብ ኖረዋል። ለልብስ ብቻ ከሶስት ሚሊየን ዶላር በላይ ያወጣ እንደነበር ይነገራል።
ሲዝናና እና ሲገዛ ለነገ አይልም። ከጓደኞቼ ጋር ዎክ እያረኩ ድንገት ወደሆነ መዝናኛ ቦታ እንሂድ ሲሉኝ ለሰከንድ ሳላቅማማ ወዲያው አዲስ መኪና ገዝቼ ይዣቸው ሄዳለሁ ይላል።

ብራዘር እኔ እኮ ገንዘብ አጠፋለሁ..አይበረክትልኝም አትበል። ማይክ ታይሰን አለልህ። ይበትናል ቢባል እንኳ አይገልጸውም። የሚስቱን ገላ መታጠቢያ ገንዳ በተለየ ሁኔታ ለማሰራት ያወጣውን ብትሰማ ታብዳለህ። ለልደቷ ድግስ ብቻ ከ400K ዶላር በላይ አውጥቷል። [ያውም በእነሱ 80'ዎቹ ውስጥ]። በስፖርቱ እጅግ ስኬታማ ነበር። ከ56 ግጥሚያዎች ውስጥ 50ውን አሸንፈዋል። ያውም 44ቱን በዝረራ።

የጉብዝና ወራቱ ሲያልፉ ጡረታ ወጣ። ቁጭ ብሎ ጥሪቱን መብላት ጀመረ። ሱስ አጧጧፈ። ከዕፅ ጋር ተመቸቸ። ቁማር አስከተለ። ዝነኛው ቡጢኛ በአጭር ጊዜ ቀውስ ላይ ቀውስ እየጨመረ ተቃወሰ። በዚህ ላይ አስገድዶ የመድፈር ክስ እና እስር። የሃብቱ ተራራ በፍጥነት ተናደ። የገላ መታጠቢያን በወርቅ ያሰራላት ሚስቱ 9 ሚሊየን ዶላር ወስዳ ተሸበለለች። ተለየችው። ሌላ አገባ። እሷም ሃብቱን ተካፍላ እብስ አለች። ቀሪ ሃብቱን ቁማር እና መጠጥ ቤቶች ተከፋፈሉት። ጭራሽ መኪኖቹን እና ቤቶቹን በሙሉ በመሸጥ ወደ ዕዳ ገባ። 400 ሚሊየን ዶላሩ ጨርሶ ከ30 ሚሊየን በላይ ዕዳ ተሸካሚ ሆነ። በብድር የተገዘችን መኪና ይዞ ለማደሪያ ጓደኛው ቤት በጥገኝነት ገባ።

በወቅቱ በሰጠው አንድ ቃለመጠይቅ እንዲህ አለ
[ ለሰላምታ የሚጠይቀኝ ሰው አልነበረም። የሚፈልጉኝ በሙሉ አበዳሪዎቼ ናቸው። እራሴን ጠላሁ። በጥልቀት መውደቄን አየሁ። የባከነ ሕይወት መምረጤን ተረዳሁ። እንደምንም በምንም ዋጋ ዕዳዬን ከፍዬ ከሰው ዓይን ዞር ማለት..ከአሜሪካ መራቅ ፈልግኩ ]

ዘመን አልፎ ዘመን ሲተካ አዲስ ፀሐይ ወጣች።
ከሱስ አገገመ። ከቁማር እና ዕፅ ራቀ።
በተቋማት ታግዞ ዕዳውን ለመክፈል ዳግም ወደ ቦክሱ ሪንግ ተመለሰ። በተለያዩ ስፖንሰሮችም ታገዘ። ዕዳውንም መክፈል ቻለ። እንዳውም አሁን እስከ 10 ሚሊየን ዶላር የተጣራ ሃብት አፈራ።

እነሆ...
ዛሬ ንጋት በ58 ዓመቱ ከወጣቱ ጄክ ፓውል ጋር ዳግም ቡጢ ይጋጠማል። በዚህም ተጨማሪ ሚሊየን ዶላሮችን ይዝቃል። 70 ሺህ ተመልካች ፊት የሚደረገውን የቡጢ ግጥሚያ Netflix ለ280 ሚሊየን ደንበኞቹ በቀጥታ ያስተላልፋል።

እኔ ጠብ፣ ጠበኞች፣ ቡጢ እና ቡጢኞችም አይመቹኝም። ሰው እንዴት በድብድብ እንደሚዝናና አይገባኝም። ሞሐመድ አሊ በፖለቲካዊ ሃሳቦቹ እና በቀጥተኝነቱ ደስ ይለኛል። በርግጥ ታይሰንም ፖለቲካዊ እሳቤዎቹን በንቅሳቶቹ ይነግረናል። ብዙ ንቅሳቶች አሉት።

[ አርቱር አሼ: በቴኒስ የገነነ ጥቁር
Spike Lee: ነጮች በፊልሞቻቸው ያሳነሳቸውን ጥቁር አሜሪካዊንን በፊልሞቹ ለማቃናት የተጋ
.
.
ማኦ ዜዶንግ
ቼ ጉቫራ
ፊቱ ላይ የ{Maori} ጎሳ ታጋይነት ምልክት ]
እነዚህ ነቅሳቶቹ Political statement ናቸው።

የሆነ ሆኖ...
በዚህኛው ግጥሚያ ግምቴ ለወጣቱ Jake Paul ነው። በመካከላቸው የ30 ዓመት የዕድሜ ልዩነት አለ። ታይሰን ነገሩ ከከበደው ከዚህ ቀደም የሆሊፊልድን ጆሮ ነክሶ ደም በደም እንዳረገው ታሪክ እራሱን ልደግም ይችላል። በተረፈ ማይክ ታይሰን ወድቆ የመነሳት ተምሳሌት ነው።


-ፀሐፊ ጥላዬ ያሚ

-Source mereja

አንዷ ናት አሉ ለምን ሀይማኖት ቀየርሽ ስትባል

" የሆነ ቀን ማታ ላይ ተኝቼ እያሰብኩ የሆነ ጥያቄ ተፈጠረብኝ ከዛ ጓደኛዬን ስጠይቃት መመለስ አልቻለችም ከዛን ቀየርኩ አለች አሉ😂

እና እኔም አሁን ስለ ኢትዮጵያ ታሪክ ከ አራተኛ ክፍል ያቋረጠ ጀለሴን ጠይቄው ሊመልስልኝ ስላልቻለ ዜግነት ልቀይር ነው😂

Repost 2022


ጥበብ ከጲላጦስ እስከ ቅፅ³ ድረስ the same chapter ነው ምን አልባት ምዕራፎችሁ ውስጥ የሚነሱት ሰዎችና አሳቦች ይለያዩ ይሆናል። ካልረሳውት ምዕራፎችሁ ሀሳብ ፡ እምነት : ሞት : ሴት : ውበት ነው።

ታድያ ከነዚህ ውስጥ "ውበት" የሚለው chapterን Define የሚያደርጉት ወንዶች ብቻ ናቸው። እና በስጨት ያደርገኛል በእውኑ አለም ስለ ውበት የሚጠበቡት ሴቶች ሆነው ሳለ ይህን ጥልቀት የሚተነትኑት ግን ወንዶች ናቸው። ከዛሬ 5-6 ወር በፊት መሸሸት ብሎ እኔም ከስራ ወደቤት እየገባው በነበረበት ሰዓት ከጀርባዬ ሁለት ሴቶች  እያወጉ ነበር። በርግጥ "ሁለት ሴቶች ተቀምጠው ሲያወጉ ምንም የረባ ነገር አይወጣቸውም" እንዳለው ካህሊል ውይይታቸውን ንቄ አላለፍኩትም ነበር።

እያወሩ ነው አንዷ ሴት ተለቅ ያለች ወደ 30 ዓመት እድሜ የምትጠጋ ነች አንዷ ደግሞ የገጠር ንጹህ ታዳጊ ልጃገረች ነች። ታዳጊዋ ገና ከገጠር እንደመጣችና ብዙም ከተማውን እንዳለመደችው አነጋገሯ ያስታውቃል። Like "origin woman" አዳም ረታ ``በማህፀኗ ዓየር ያላስገባች ድፍን ሴት`` ነች ማለት ይቀላል። እኔ ከፊት ከፊት ስሄድ እነርሱም ከዋላዬ እየተከተሉ ያወጋሉ።  ይህቺ የገጠር ንጹህ ሴት ተናዳ ታወራለች የምታወራው የወንድሟን የማብሸቂያ ስድብ እንዲያቆም ነግራው አለማቆሙን ነው።

ትልቋ ሴት ትጠይቃለች- "ቆይ ምን ልሁን ነው የምትይው?"

ልጅቷ-"በቃ አረጀሽ አስጠሊታ እየሆንሽ ነው ይለኛል"

  "እና ምን ችግር አለው"

"እንዴ ደጋግሞ 'አረጀሽ አረጀሽ' ይላል አትበለኝ ስለው ደግሞ ይብስበታል"

-"ወይኔ እውነቱን እኮ ነው አረጀሽ በቃ"

ስትላት ታዳጊዋ የማጉረምረምና የመከፋት ድምፆችን አሰማች። ለምን ግን¿ 🤔

እላይ በኑሮ ተሰቅላለች የምትባለው ሴት እና ሁሉንም የተረዳች አዋቂ የምትባል ሴት አልያም ምንም የማታውቀው ንጹህ ሴት፤ አንድ የሚያደርጋቸው ፍርሃት ቢኖር የማርጀት ወይንም የውበት መርገፍ ፍርሃት ነው። ይሄ profile ሲደበዝዝ ውብ የሆኑ ነገሮች የማብቂያ ጊዜያቸው እንደደረሰ የማመን አባዜ ተጠናውቷቸዋል። Money Heist የተሰኘው Movie ላይ በርሊን የሚባለው ገፀባህሪ ለአንድ ያልጠነከረ አዕምሮ ላለው ወጣት ምክር ቢጤ ይወረውርበታል። ልጁ አብራው በምዘርፈው ሴት ፍቅር ክንፍ ብሏል። ወላ ከእርሷ ጋር አግብቶ ልጅ ወልዶ መኖር አላማው አድርጎታል። እና በሁለቱ መኃከል ያለው ነገር የእውነት እንደሆነ እና ልጆች እንደሚያፈሩ ለበርሊን ይነግረዋል። በርሊንም ያለው ይሄን ነው። ቃል በቃል ባይሆንም የማስታውሰውን ማለት የፈለገውን ነው የጻፍኩት።

`` ከእርሷ ጋር አንድ ላይ ሆናችሁ የመጀመርያ ልጃችሁን አርግዛ መጣው መጣው ብሏት ሆስፒታል አልጋ ላይ በህመም እያማጠች ሳለ የምታስበባቸው የተወሰኑ ነገሮች ቢኖሩ ህመሟን እና የእርጅና መንገድ ላይ እንደሆነች ብቻ ነው። ታድያ የሚመጣው ልጅ የደስታ እሳቤ ቢሆንም ከሁለት ጭን እንደወጣ ኒኩለር ነው። ሁለምንም ነገር ከነበር ወደአልነበር ይለውጠዋል። ምክንያቱም ከእንግዲህ እንደበፊቱ እሆናለው የልጄ አባትም በድሮ ፍቅሩ ይቀጥላል የሚለው አሳብ እንደማይሆን በመገንዘብ ባሏን የማጣት ቀሽም የመክሸፍ ስሜታዊ ሀሳብ ይከባታል!``

በመጨረሻም ውበት ምንድነው ብዬ መጠየቅ የምፈልገው ሴትን ልጅ ነው። ስለ ውበት ከሴት በላይ የሚጠበብ የለም እንዴት ላምጣው እና እንዴት ይዘቱን ሳይለቅ ለዓመታት ላቆየው የሚለው የማሰብ ሂደት ለሴት ልጅ የተሰጠ የእግዜር ሰይጣን ነው። ቅዱስነቱ በእድሜ የታጠረ እርኩሰት እንደማለት ነው።