Dhaloota dhugaa

➥ Guyyaa tokko qeerransaa fi gosoota saree baay'ee ciccimoo ta'an filanii dorgommiif dhiyeessan. Qeerransaa fi saree waliin
dorgomsiisuufi. Gara bakka dorgommii sanattis seensisan.

• Jalqabamuuf yeroo jedhu,
daawwattoonni hedduun falmii walitti kaasani. Inni kaan qeerransatu injifata jedha. Kaan ammoo lakki sareedha jedha. Osuma waliin falmanii abbaan seeraa dorgomtoonni akka
qophaa'an sagalee dhageessise.

• Saroonni hundi isaanii bakka ciisanii ol ka'anii akka dhaabbatan namoonni fidanii dhufan ajajan. Saroonnis ol jedhanii qophaa'an. Qeerransi
garuu ciiseetuma dhaggeeffata.

• Namichi fidee dhufes calliseetuma ilaala. Abbaan seeraa dorgommichaa akka fiigan yeroo ajaju, saroonni
utaalanii hanga humna isaanii fiiganii sokkan. Ammayyuu qeerransi ciiseetuma jira. Fiiguufis fedha hin agarsiifne. Daawwattoonni waan iyyaniif, abbaan seeraa namicha qeerransa fidee dhufe bira dhaqeetu, "Maaliif akka fiigu hin
taasifne?" jedheen. Namtichis deebisee,

➲ "Kanneen eenyummaa kee hin beeknee fi si hin madaalle hundatti ga'umsaa fi dandeettii kee agarsiisaa ooluun hin barbaachisu. Ani warra isa madaalan natti fakkaateen waliin dorgomsiisuu fide. Kan akka isaa waliin malee, kan isa hin fakkaanne waliin dorgomsiisuun isa tuffachiisa," jedheen.

➲ Eenyummaa kee bakka hundatti mirkaneessuu hin yaaliin!

Galatoomaa🙏


https://t.me/+LRcKMB9yEK4xZGZk

Na quunnamuuf 👉@sisay_Yadessa

Namoonni barruu koo irraa waa barachaa jirtan yaada keessan naaf barreessaa!

✍️👇👇👇👇👇👇👇👇👇👇👇👇👇👇👇
Join gochuun immoo na hordofaa.

https://t.me/+LRcKMB9yEK4xZGZk
https://t.me/+LRcKMB9yEK4xZGZk
https://t.me/+LRcKMB9yEK4xZGZk

GEGGEESSITOOTA MARAATUU
•••••••••••••••••••••••••••••••••••••••
“‘Mootichi immoo deebisee warra dubbii dhokataa hiikuutti beekaman kanaan, "Ana biraa dubbiin citeera, isin abjuchaa fi hiikaa isaa yoo anatti beeksisuu dhaabaattan, harki keessanii fi miilli keessan akka isin irraa ciramu, manni keessan immoo diigamee tuullaa kosii ta'ee akka hafu nan godha.”’ (Dan 2:5) jedhe. Waaqayyo Nebukadnezaar mootichatti waan gara fuula duraatti ta'uuf jedhu keessattuu ka'uu paartilee siyaasaa adda addaa, geggeessitootni jal'oon dhaloota mancaasan ka'uuf akka jiranii fi waa'ee dhagicha isa mootummoota biyya lafaa hundumaa caccabsee iddootti galchuu (mootummaa Masihii) itti mul'ise.

Halkan yeroo abju'ate sana baay'ee na’ee raafamus, garuu ganama yeroo dammaqe sababa isaa himuun kan nama dhibuun abjucha irraanfate. Beektota Kaldootaa keessaa warra dubbii dhokataa hiikan walitti waamsisee, "Abjuun eda abju'adhee fi hiika isaa natti hin himtan taanaan isin fixeen tuullaa kosii isin godha" jedheen. Kan abju'atee irraanfate mooticha; "Natti hin himtan taanaan isinan fixa" kan jedhes mootichuma. Dubbichi isa abbaan warraa ofii balleessee niitii fi ijoollee mana keessaa kolla'uun wal fakkaata. Geggeessitoota mataan dhukkubu.....

Addunyaa kana irratti dhangala'uu dhiigaa guddaa fi dhumaatii akka malee namoota irra ga’aa turee fi ga’aa jiruuf sababa guddaa kan ta'an, akkasumas maddi rakkoo mootummootaa fi waldoota kristiyaanaa Itoophiyaa, Afriikaa fi addunyaa guutuu geggeessitoota mataan dhukkubu irraa akka maddu barreessitootni hedduun eeraniiru. Sababa kana irraa kan ka'e namootni biiliyoonaan lakkaa'aman du'a, godaansa, hiyyummaa, beela, mana hidhaatti dararfamuu, daa'imni hedduun abbaaf haadha malee hafuu fi rakkoolee balaafamoo hedduun mudataniiru.

Geggeessitoota mataan dhukkubu biyya lafaa kana irratti ka’anii turan keessaa angafootni:-

- Geggeessitoota addunyaa warra jalqabaa godhee Waaqayyo kan muude Addaamii fi Hewwaan rakkoo isaan uumaniin dhala namaa hunda irratti duunni injifannoo argate. Dogoggora warri ilmaan Waaqayyoo jedhaman itti dabalaniin immoo umuriin namaa waggaa 70-120tti gadi xiqqaate. (Uma 6).

- Aaron lubichi Israa'elootni gad dhiisaatti akka jiraataniif dibicha tolchuufiin dheekkamsi Waaqayyoo akka boba'uu fi namootni akka 3,000 du'uu isaanii fi abboommiin Waaqayyo harka isaatiin caafee Museetti kenne akka caccabuuf karaa baneef. (Bau 32).

- Daawit mootichi saba lakkoofsisuun Israa'elootni 70,000 ta'an akka dhumaniif sababa ta'e. (2Sam 24:1-17). Akkasumas Baatsheebaa haadha manaa Uriyaa jal'inaan fuudhuun Israa'el bara baraan dirree waraanaa akka taatuuf Waaqayyoon irratti kakachiise. Lolli Israa'el har'a itti jirtu kun Waaqayyo biraa waan kakatameef isa jaarsummaan hiika argatu miti. “Egaa sababii ati ana tuffatteef, sababii haadha manaa Uriiyaa Heetichaa haadha manaa kee godhatteef, billaan namoota sanyii kee irraa bara baraan hin deebi’u!’ jedhe. (2Sam 12:10)

- Geggeessaan iddoo aarsaa Shiiloo lubni Elii fi ijoolleen isaa rakkoo isaan uumaniin:- Sanduuqni kakuu Waaqayyoo ni booji'ame. (1Sam 4). Loltootni Israa'el lafoon 30,000 tu dhume. Sababa Ahimeelek lubichi Daawitiif galaa galaasee Waaqayyoonis gaafateefiif Saa'ol luboota 85 fixe. (1Sam 22). Kunis lubootni hortee Elii akka dhumaniif mana Elii irratti raajamee ture. “Kunoo, sanyii kee fi sanyii abbaa keetii keessaa jaarsi akka hin argamneef, yeroon ani ol adeemaa kee hundumaa karaatti hambisu in dhufa.” (1Sam 2:31). Lubni Abiyaatar jedhamus hojii lubummaa irraa kan inni ari’atameef horteen Elii hojii lubummaatiin buddeena cabaadhuma tokko illee ittiin nyaachuuf kadhatanii akka dhaban irratti raajamee ture. (1Mot 2:26). Waaqayyo warra jal'ootaa hamma hiddi ishee lafa irraa badduu baatutti faana dha'ee adaba.
Link seenuun na hordofaa

https://t.me/+LRcKMB9yEK4xZGZk

Fak. 11
¯¯¯¯¯¯¯¯¯¯
¹ Miijanni sobaa Waaqayyo duratti jibbamaa dha, dhagaan safaraa inni guutuun garuu isatti in tola;
² yommuu of gurguddisuun dhufu, salphinni in dhufa; yommuu gad of deebisan ogummaatu dhufa;
³ balleessaa dhabuun warra qajeelotaa isaanuma in geggeessa; micciiramummaan warra hin amanamnee garuu, isaanuma in balleessa.
⁴ Guyyaa dheekkamsaatti soorumni homaa waa'ee hin baasu, qajeelummaan garuu du'a nama oolcha;
⁵ qajeelummaan warra mudaa hin qabnee, isaanumaaf karaa qajeelcha, jal'oonni garuu jal'inuma isaaniitiin in kufu ⁶ qajeelummaan warra gara-qajeelotaa isaanuma oolcha, warri hin amanamne garuu, kajeellaa hamaadhaan in qabamu.
⁷ Abdiin nama jal'aa yommuu inni du'u in bada, soorumni inni amanatus waan tokkotti illee hin galu;
⁸ namni qajeelaan rakkina jalaa in ba'a, namni jal'aan garuu, iddoo isaa rakkinatti in gala

https://t.me/+LRcKMB9yEK4xZGZk

Kutaa 107🌹
👇👇👇👇👇👇👇👇👇👇👇👇👇👇👇👇👇👇
#Waan_hin_qabne_akka_waan_qabnuutti_dubbachuuirra_waan_hin_qabne_argachuuf_hojjechuun_baayyee_gaariidha.

✍️Jireenyi gaariin kan warra yeroo hundumaa cichoominaan hojjetaniiti.
👉Jireenya keessatti wanti baayyee rakkisaan waan hin qabne akka waan qabnuutti himachuu, waan hin beekne akka waan beeknuutti dubbachuudha.

✍️Hundeerraa dhalli namaa jijjirrama hunda-galeessa qabaachuu kan inni danda'u, waan hin qabne gaafa dhugaan adda baasee beekudha.
✍️Namni waan hin qabne beeku, waan barbaadu bareechee beeka.
✍️Barbaachi keenya dhugaan waan nu barbaachisu gaafa ta'uu isaa beeknu, qalbii guutuun isa argachuuf xiyyeeffannoon yaada keenya irra keenyee hojjenna.
✍️“Namni harki isaa ba'eessa godhee hojjetu in mo'a, namni harki isaa dhibaa'u garuu, garbicha namaa in ta'a;”
— Fak. 12:24

✍️Laphee keenya guutuudhaan, hafuura dhugaa sanaan gaafa Waaqayyoon dhaggeeffannu abdii haala ol ta'een guutamna.
✍️Keessa keenyaas waan baraachisaa arganna.
✍️Namni hariiroo sirrii, Waaqayyo wajjin qabu, waaqasaa fi nama naannoo isaa jiru hin sobu.

✍️Dhugaatti ofii keenyaaf amanamoo gaafa taanu haalli rakkisaa fi cubbuun kam illee qabee karaa nu dhaabuu hin danda'u.
✍️Yeroo sana gara barbaachisaatti guddanna.
✍️Yeroo hundumaa humna dhugaa of keessaa qabuun guutamnee waan deemnuuf gararraa waan hundumaa taanee jiraanna.
🥰“Garuu warra jiraatan gidduu kan jiraatu abdii qaba; leenca du'e irra saree jiru wayya.”
— Lal. 9:4
✍️Abdii sobaan of guutuu irra dhugaa dubbii Waaqayyoon of qajeelchuun immoo carroomuudha.
“namni dhibaa'aan jabaatee wanta adamsu duukaa hin bu'u, namni dhimmee hojjetu garuu, wanta gati-jabeessa in argata;”
— Fak. 12:27
✍️Jireenyi gaariin, bilchinni, ogummaan, beekumsi kan baadhadhummaan Waaqayyo keessatti yoo ta'e bu'aa qabeessa nama godha.
“Namni horii jaallatu horii hin quufu, namni badhaadhummaa jaallatus isa hin quufu; kunis wanta waa'ee hin baafne dha;”
— Lal. 5:10
👇“Wanti hamaan ani aduu jalatti arge tokko immoo, isa namni badhaadhummaa tuulee deebi'ee ittiin miidhamuu dha;”

✍️Kana hundumaa keessatti ulfina isaa Waaqayyoof hin goonu yoo ta'e gatii nu jalaa dhaba
#Waan_hin_qabne_akka_waan_qabnuutti_dubbachuuirra_waan_hin_qabne_argachuuf_hojjechuun_baayyee_gaariidha.
Obboleessa keessan @Sisay Yadessa
#share gochuun namoota biraan gahaa.
Baayyeen sin jaalladha🥰

👇👇👇👇👇👇👉👉👉👉👉👉👉👇
https://t.me/+LRcKMB9yEK4xZGZk

✍️Kutaa 106🌹

#Bultii_ijaarrachuun_mana_ijaarrachuurra_daran_caala.
✍️1 Bultii ijaarrachuun mana ijaarrachuurra daran caala. Yeroo tokko tokko naannoo jireenyakootti dargaggoota hangan mana ijaarradhutti ykn hangan konkolaataa bitadhutti hin fuudhu jedhan hedduun dhaga’a! Wanti kun hin barbaachisu jechuun goonkumaa hin danda’aamu, Yoo gowwumni itti abshaalome malee namni akkas jedhu hin jiru, bultiikee waan hundumaan bulchuu hin dandeessu taanaaniyyuu hin fuudhin! Waantotni ani kaase kun ba’eessa ta’us garuu rakkoo mataasaa danda’e ni qabaata; shamarreen isin wajjiniin bultii ijaarrattan gaafa mana ijaaramaatti galtu miira abbummaa dhabuu malti! Waan hundumaa goolabamaatti argite taanaan mana kiraayii galtee wajjin wal hin caalu! Kununsuu, tottolchuufi kankooti jettee qabachuunsheeyyuu baayyee gadi bu’ee argama. Ykn naannicha jijjiirranna , ykn gurgurree kan biraa bitanna ykn ijaarranna ykn kutaa isa kana akkas goona ykn halluu isaa jijjiirra ykn waanuma ta’e sana kana isiniin jechuu malti ; maalif? dadhabbii mana ijaaruun qabu dhiiga namaa akka annan qoqorroo keessaa danfuutti akka inni ol ka’u si faana hin miireffanne waan ta’eef dadhabbiikeetti gatii laattus goonkumaa hanga ati itti dadhabde siif beekuu hin dandeessu! sababni isaa dur yeroo qofaakee turte ijaarte amma garuu fedhiinis kan nama lamaati, yaadnis kan nama lamaati! Kanaafuu utuu gaafa lafa bitattan waliin marii’attanii, gaafa dhagaa, ashawwaafi simintoos ta’e biyyee isaa guuruutii hanga halluu mana keessan dibattaniitti wajjin marii’achaa utuu ijaartaniitii abeet yaa gammachuu manicha keessaa! Kaan gamoo ijaaramaa keessatti wal jeeqee wal hiika kaan ammoo mana kiraayii keessatti gammachuun wal eega! Bultiis Waaqayyootu ijaara Kanaafan dubbiikooyyiu Bultii ijaarrachuun mana ijaarrachuurra daran caala jedhee eegale!

2. Konkolaataa bareedaa, mana bareedaa, uffata barredaafi waantota bareedaa yeroo barbaaddetti kireeffachuu dandeessa GAA’ELA bareedaa garuu abadan 🙅 goonkumaa kireeffachuu hin dandeessu🙅

3. Uumama keessattis bakka Waaqayyo xuqaa kaa’ee uumama uumuu dhaabee deemeetii Yesuus waggoota hedduu booda dhufee hojii eegaluun isaas waanti guddaafi ulfina qabeesi gaa’ela caalu akka hin jirre nu barsiisuuf ture. Waaqayyo Addaamiin dabalatee, samii diriirsee, dachee dhisee, bineensota, biqiltoota, ilbiisota erga taasiseen booda hojii lafa jalaafi samii gidduu Hewaaniin Addaamiif kennuutiin ykn gaa’elaan erga gudunfee as oomaayyuu itti dabalaee hin uumne. Waggoota kumaatama booda ammoo Yesuus ilmi Waaqayyoos bakkuma abbaan xuqaa kaa’eetii hojii isaa tokko jedhee mana cidhaatti dinqii jalqabaa hojjechuun tajaajila isaa eegaluun isaa Fuula Waaqayyoo duratti waanti guddaan gaa’ela caale akka hin jirre nu barsiisa.
Via :Eba Keneni Hundessati

Suuraan Siifoo koo isheen mararfadhudha.
Guyyaa gaarii qabaadhaa.

Yaada kana jaallachuu irraan kan ka'e isiniif qoodeera.
Sisay Sif Elaa Niyaana

https://t.me/+LRcKMB9yEK4xZGZk