MOO'AMEE HINGALU

Amalli daldalaa,jalqaba kasaaraadha,booddeen isaa immoo bu’aadha malee,jalqaba bu’aa ergas kasaaraa miti.

Namni daldala irraa jalqaba bu’aa argatu,isa diikoora hojjatu,itti aanee,isa meeshaalee waajjiraa gurguru, sana booda maanaajaraafi hojjattoota warshaa sanaati.

abbaan qabeenyaa dura baasii guddaa dhangalaasa, bu’aa bahii hedduu keessa darba,dhumarra immoo eenyuuyyuu caalaa galii guddaa argata,yoo warshasn kasaares,akkuma yeroo jalqabaa san,dursa kan miidhamu,warruma osoo qoosu,warshaa kuffise sana taha.

Bultii ijaaruunis,jalqaba baasii garagaraa qaba,mana tolchuu irraa jalqabee,meeshaa manaa guutuu itti aansee,lubbuu nama hedduu nyaachisuufi obaasuun itti fufa,duubarra immoo,bu’aa ilmaaniitiifi firaattu caalee argama.

Barnootnis jalqaba ifaajee guddaa barbaada,halkan taa’anii qayyabachuu irraa eegalee,kufuufi rifachuu qaba,ergas bu’aa gaarii duubaan namaa fida,sana booda immoo,haala gabaabaafi karaa sirrii tahe nama qabsiisa .

Amalli namaas akkasuma,jalqaba namatti tola ooltu malee,jalqaba namaa yaaddu malee,jalqaba lubbuu kee namaa laattu malee,lubbuun siif kennamtu tokkollee hinjiraatu,jalqaba hamatamanii,jimatamanii sana booda faarfamuun itti aana.

Yoooo!!!
Lubbuun funyaaniin nama hin baatu jechuun qoosaa malee,funyaanumaan baati,funyaan nama geennaan funyaan qabachuun hin yaadatamu,qimmiidanii si jabeessan malee,lafaa kaatee jabaa hin taatuu, gatii kaffalii ol bahi.

Madda Rakkoo teennaatiifi madaa saba keennaa, kan Amantii,kan eenyummaatiifi kan namoomaa akkasuma kan hawaasummaa erga beekne,hanga dandeenneen gatii barbaachisu hunda kaffallee furmaatarratti xiyyeeffachuu qabna.

Eeee
Dargaggeessi lafaa dhufaan,kan hamilee qabu hundi fakkeenya barbaada,warri dura lafa arge immoo kallattii sirrii eeruufiin barbaachisaadha, bifa barnoota barachuu qabanii filleefii kallattii qabsiisuun dirqama keenna taha.

Yaaa
Mul'ta qabaachuun Kaayyoo sirrii hammatanii galma yaadan bira gahuuf tarsiimoofi tooftaalee hammayyaatu barbaachisa.

#Baga_milkooftan #Ustaz

Hir'achuu Miindaa?

Michuun ani baay'ee jaalladhu tokkotu utuma odeessinuu haala jireenya isaa jijjiiruuf karaa galiin argamu waan barbaadaa jiruuf Muuxannoo qacarrii irratti inni qabun isa gaafadhe. Innis muuxannoo hojii qacarrii irratti waggaa 10 fi isaa ol akka qabu natti hime. Anis waggaa 10 dura galiin miindaa ji'aa isaa hangamiifi amma immoo meeqa irra akka gaheerun gaafadhe. Waggaa 10 dura qarshii 2000 fi galata isaa jechaa amma akka qarshii 10,000 gaheefii natti hime. Waan hundumaafuu galateeffachuu isaa jaalladheera. Garuu " Miindaankee hir'ateerakaa!" kan jedhu gaaffii ani isaaf dhiyeesse ture. innis " Yaa Sool wanti atin finne hin jiruum, hir'ateera jechuunkee maal jechuukeeti?" naan jedhe. Anis gaaffii isaa gaaffiidhaanin deebiseef!

📌Gaaffii ani gaafadhe " waggaa 10 dura gatiin buuphaa yookaan hanqaaquu meeqa ture?"
📌Deebii inni naaf deebise "qarshii 1n hanqaaquu 2"
📌Gaaffiikoo " tokkoon ishee adii tokko(50cent) jechuudha. Amma hanqaaquun 1 meeqa?"
📌Deebii isaa: "Hanqaaquun tokko qarshii 12, 13"
📌Gaaffiikoo: hanqaaquu akka ilaalcha jireenyaatti fudhanneetu, waggaa 10 dura miindaakee ji'aa sanaan utuu akka jiruun hanqaaquu bittee meeqa siif bita ture?
📌Deebii isaa: hanqaaquu tokko adii tokkoon waan binnuuf hanqaaquu 4000 bituu ni danda'a ture.
📌Gaaffiikoo: Ammahoo?
📌Deebii isaa: tarii hanqaaquu 830 bita.
📌Gaaffiikoo: Miindaan lakkoofsaan  guddatee waan barbaaddu bituuf dandeettiin isaa harka 75tiin hir'ateeraa jechuudha.
📌Deebii isaa: Eeyyee
📌Gaaffiikoo: dhugaa yoo dubbanne dhugumatti Miindaankee hir'ateeramoo hin hir'anne?
📌Deebii isaa: Hir'ateera.
📌Gaaffiikoo:waggaa 10n dura qarshii 2000n jireenya ati jiraatte jiraachuuf karaa hanqaaquun kan tilmaamne qofaan osoon taane Miindaan ji'aakee gara qarshii 48,000tti guddachuu qaba tureyyuu. Jechuun hanqaaquu 4000 yoo qarshii 12tiin baay'isne jechaadha.  Kana yaaddeettaa garuu?
📌Deebii isaa: iiii lakki lakki!

Kanaafuu deebiin isaa maaliree?
Dachee kana irratti rakkoon furmaata hin qabne hin jiru!
Tokkoon tokkoon rakkoo jiranii gaarummaa isa madaaluu ykn kan isaan olii fi carraa gaarii qabteeti kan jiru. Kanaafuu carraa gaarii qabatee jira.
Kanaan Dubbisee irraa.


@meraraf

Give and Take!!
***
Namichatu Umuriin isaa sooramaaf geenyaan gara hoogganaa isaa deemee, yeroon kun yeroon itti soorama bahu dha. Turtiin hanga ammaatti isin waliin tureef isinis ta’ee rabbis nan galateeffa dha. Amma garuu xalayaa sooramaa naaf kennaa jechuun hoogganaa isaa gaafata.

Hogganaan isaa hojjetaa cimaa kanaa erga dhaggeeffateen booda tole siifan barreessa, isa dura garuu hojii tokko na gargaari , erga isa xummurteen booda soorama baata jedheen.

Hojjetaan kunis tole hojichi maali jedhee hoogganticha gaafata. Hoogganaan isaa mana baay’ee miidhagaa fi sadarkaa isaa eeggate yeroo gabaabaa keessatti ijaarii xummuriitii soorama kee bahi jedheen.

Hojjetaan kun akkuma ajaja fudhatetti hojiisaa eegale. Mana kana dafee yoo xummure soorama waan bahuuf guyyoota muraasa keessatti mana baay’ee miidhagaa ta’e ijaree xummuruun hoogganaa isaatiin xummureera xalayaa naaf kenni jedhaan.

Manichi irra keessa isaatu bareeda malee gadi fagaatee hin dhaabbanne. Hundeen isaa gadi fagoo miti. Ni miidhaga garuu jabaataa miti. Soorama bahuuf ariitiin ijaare malee manichi maaliif akka ijaaramu of hin gaafanne.

Hoogganaan isaa tole amma xalayaa siifan kenna. Xalayaan siif kennu kan sooramaa dabalatee umurii kee isa si hafe guutuu mana kana keessa jiraatta, Manichi kan keeti jedheen. Manuma kana keessatti umurii si hafe jiraattee dabarsita gaafa jedhuun namtichi hedduu rifate.

Namni waanuma facaase hammata. Jireenya keenya keessatti wantoota nu mudatan kallattii tokko qofaan yoo ilaalle bu’aan isarraa argamu deebi’ee numa mataa keenya miidha.

Waan hojjennu qulqullinaa fi akkuma kan keenyaatti yoo hojjenne rabbis biraas nama biraas eebba arganna. Waan namoota biroof goonu, akkuma waan ofii godhannuutti yoo qajeelummaan ilaalle gaarii dha.