በአንድ ወር የሚዘንብ ዝናብ መጠንን በአንድ ሰዓት ባስተናገደችው ስፔን ሺዎች ተፈናቀሉ

በአንድ ወር የሚዘንብ ዝናብ መጠንን በአንድ ሰዓት ባስተናገደችው ስፔን በሺዎች የሚቆጠሩ ዜጎቿ ተፈናቅለዋል፡፡

ከሁለት ሳምንታት በፊት በስፔን ቫሌንሺያ ከባድ ዝናብ ባስከተለው የጎርፍ አደጋ የበርካታ ሰዎች ሕይወት ማለፉ ይታወሳል፡፡

በዛሬው ዕለትም ሀገሪቱ በአንድ ወር የሚዘንብ ዝናብ መጠንን በአንድ ሰዓት በማስተናገዷ በሺዎች የሚቆጠሩ ዜጎቿ መፈናቀላቸው ተሰምቷል፡፡

በሀገሪቱ ማላጋ አካባቢ ከ4 ሺህ በላይ ሰዎች ሲፈናቀሉ ከ1 ሺህ በላይ ቤቶች ደግሞ በጎርፉ አደጋ ከጥቅም ውጭ መሆናቸውን በአንዳሉሺያ የጎርፍ አደጋ ፕላን ዳይሬክተር አንቶኒዮ ሳንዝ አስታውቀዋል።

አሁንም ከባድ ዝናብ እስከ ምሽት ድረስ ከማላጋና ግራናዳ እስከ ቫሌንሲያ እና ታራጎና ሊቀጥል እንደሚችል መመላከቱን ሲኤንኤን ዘግቧል።(ኤፍ ቢ ሲ)

@Ethionews433 @Ethionews433