ሰው መሆን 🇪🇹

join our new channel

👉👉👉👉 👉 @ethiomemes123

ጦርነቱ በአጥቂና ተጠቂ፣ በሁለት ወገን ጦሮች ደርቷል። አንዱ የአንዱን ሃይል ለማዳከምና ለመደምሰስ የቻለውን ሁሉ ያደርጋል። አከባቢው የከባድ መሳሪያ ፍንዳታ፣ የክላሺንኮቭ እሩምታ አልበቃ ብሎት የእናቶች፣ የሴቶችና የህፃናት ድምፅ መንደሩን አውኮታል። የጠላት ይሁን የወገን ጦር መሆኑ ባይታወቅም የመንደሩን ቤቶች እያቃጠሉ ነው። የተቃጠለው ተቃጥሎ የተረፈው ተርፎ ወታደሮች ወደ መጡበት ሊመለሱ ሲሉ። አንድ ህፃን ልጅ ወታደሮቹ በእነሱ ጋር ሲያልፉ, ጣቶቹን ወደ ወታደሮቹ በመጠቆም "እማዬ እነዚህ፣ እነዚህ ናቸው ቤታችንን ያቃጠሉት"? በማለት ከአለበት ጣቱን ሳያወርድ ጠየቃት። እናትም መልስ ለልጃ ሳትመልስ; የተቀሰረውን እጆቹን ከተዘረጉበት ከአነር በላቀ ፍጥነት እጆቹን መለሰችው። ጊዜው ሰው ሰውነቱን ያጣበት የዚህ ሀገር ዜጋ መሆን መረገም በሆነበት ሰዓት፤ ይሄን ጥያቄ መጠየቅ ከሞት ከፍ ያለ ሞት ያስከትላል። ማንም ይጠየቅ። ከጠያቂው ይልቅ ጥያቄው ትኩረት ተደርጎበት ቤተሰቡ ላይ ሁሉ እሳት ስለሚያወርዱ ሁሉም ለአፋ ዘበኛ አቁሞ ነው የሚንቀሳቀሰው፤ የሚናገረው። እናትየዋ ከአሁን አሁን ምን መጣብኝ ስትል ከወታደሮቹ መሃከል አንዱ የልጁን ጥያቄ ሰምቶ ኖሮ, ወደ ልጁ መለስ በማለት ቁጢጥ ብሎ በመቀመጥ, እንባው ከዓይኑ ጠብ ጠብ እያለ, "አዋ እኛ ነን ያቃጠል ነው። አዋ" በማለት ወታደሩ ልጁን እቅፍ አድርጎት ስቅስቅ እያለ አለቀሰ። አዋዋ በእኛ በእልኸኞች አዋቂዋች አማካኝነት እናንተ ንፅሁ ባህሪ ልጆችን ቤታቹን እኛ ነን ያቃጠልነው...... እስቲ ምን ላድርግል አሁን"? በማለት ወታደሩ ልጁን ወደ እቅፉ እያስጠጋው ጠየቀው??? ልጁም በልጅ አንደበቱ አፋ በሚኮላተፍ ለዛ "ለምንድነው ቤታችንን ያቃጠልከው አባባ" ለምንድነው እያለ ልጁ የወታደሩ እቅፍ ውስጥ እንደተሸጎጠ ጥያቄውን ጠየቀው....................????
ወታደሩስ ምን ብሎ ይመልስለት፥ መልሱን ቢያቀው እንኳን እንዴትስ ብሎ ለዚህ አንድ ፍሬ ልጅ፣ ምን ብሎ ያስረዳው .......................ግን ለምን ይሁን ቤቶቹን ያቃጠሉት???? ግን ለምን ይሁን በአዋቂዎች ምክንያት አላዋቂዎች የሚያልቁት????? ግን እስከ መቼ ይሁን ህፃናት ከደስታ ርችት ይልቅ የጥይት ድምፅ ሰምተው የሚያድጉት......?? ግን ለምን ይሁን ላቡን ጠብ አድርጎ የለፋው ንብረቱ ስራ በማይወዱ ግለሰቦች ምክንያት ዶግ አመድ የሚሆነው?? ግን ለምን.......????
#ከምህረትዬ B!
#2013 T E.c

ፍጥረታት እንደ አፈጣጠራቸው የራሳቸው ፈጣሪ አላቸው። "የእኔ የአብራኬ ክፋይ የሆኑት ፍጥረታትም ፈጣሪያቸው እኔ ነኝ" ይላል ገሬ። በጠዋት ከተኛበት ፍራሽ ላይ ሲነሳ መጀመሪያ የሚቀናው የፈጠሩትንና እንደዚህ ዓይነት ክፉ ሕይወት እንዲኖር ያደረጉቱን ሰዎችን በመርገምና በማብጠልጠል ነው።

ገሬ ወደ ማያውቃት ወደዚች ምድር አምጥተው ስቃይና መከራ እንዲዘንብበት ያስደረጉት ቤተሰቦቹ ሂወቱን መሪር እንዳደረጉበት፣ እሱም እጁን አጣጥፎ መቀመጥ አልሆነለትም። በእጆቹ ላይ በተሰጠው መክሊት በመጠቀም የተለያየ የጥበብ ስራዎች ይሰራል። በተለያዩ ስዕሎቹ ላይ የሚታዩት ገፀ-ባህሪያት የሀዘን ናቸው። ስዕሉን ለማየት ዕድል የቀናቸው ሰዎች የስዕሉን ሃሳብ ከተረዱ በኋላ ለምን በሀዘን አለንጋ የአብራኩ ክፋይ የሆኑትን ፍጥረታት እንደሚደቁሳቸው ጥያቄ ሲያቀርቡለት። "እኔ የእነሱ ፈጣሪ ነኝ። ስለዚህ በእነሱ ማንነት ላይ የፈለኩትን ማድረግ እችላለሁ"። በማለት የ'ሱ ፍጥረታት ለሌሎች ፍጡራን የሚያቀርቡትን ሮሮ በፈጣሪያቸው ምንም ሳይታዘንላቸው አቤቱታቸው ይወድቃል። ፈጣሪው ለፍጡሩ ካልራራለት ማንስ ሊራራት ይችላል።

ገሬም የእሱ ፈጣሪዎች እንዳልራሩለት ሁሉ፤ እሱም ለፍጥረታቱ ምንም ምሕረት አያሳያቸውም። በረሃብ፣ በሀዘን፣ በጭንቀት፣ በብቸኝነት፣ በማማረር፣ ......., ስዕሉ በሚያርፍበት ነገሮች ላይ ሁሉ ያሰቃያቸዋል!

ስዕሎቹም ቀኑ በብርሃን ወጋግታ ሲጀመር ፈጣሪያቸውን በማማረር ይጀምራሉ!


# ከምህረትዬ B.
# 2013 AKu.

ሙሁሩ!


ከቢሮው ደረጃ እየወረደ፤ ከስር ከስሩ መከታተሌን እንዳላቆምኩ ስላወቀ፤ ወደ ኋላ በመዞር "እኛም እንደ አንተ ነው፤ በድህነት ውስጥ ሆነን ተምረን እዚህ የደረስነው። በል ባለህበት ቦታ በርትተ ተማር"! በማለት ወደ መኪና ማቆሚያ ቦታ ባለውበት ትቶኝ ሄደ። የዩኒቨርሲቲ ቅያሪዬን ውድቅድቅ አድርጎብኝ። ቁብ እንዳልሰጠውት እንኳን የሚያሳየው? እንባዬን እንደ ጅረት በቆምኩበት እያፈሰስኩኝ እያየኝ እንዴት እንዳለው ለማወቅ አንዴም ስንኳ ወደ ኋላ ሳይዞር መኪናውን ከፍቶ ገብቶ መሄዱ ነው።

ንግግሩ አደራረቀኝ፤ እንቧ ፊቴ ላይ ሞላ! በእጄ የያዝኩትን የትምህርት ማስረጃ አሽቀንጥሬ ከፊት ለፊቴ ተዘርጎቶ የሚገኘው አሰፋልት ላይ ወረወርኩት።
ከዓመታት በኃላ እኔ በትምህርት ላይ እንዳለው, "እኛም እንደ አንተ በድህነት ውስጥ ነው የተማርነው ያለኝ" የዩኒቨርሲቲ ፕሬዝዳንት በረሃ መውጣቱንና መሸፈቱን ሰማው፤ ያሸነፈውን ድህነት ዳግም አገኘው። ድህነትም ሸምቆ ወጋው። ሸምቆ አንበረበደው! ሽምቅ ተዋጊና ድህነት አጥፍተናቸው ይነሳሉ ለካ፤ ራሳቸው በሚያውቁት ቀመር። እሱንም ድሃነት ሽምቅ ወግቶት ዳግም በረሃ ገብቶ ጠብመንጃ እንዲያነሳ አደረገው። ድህነትን በዕውቀት ሳይሆን በጠብመንጃ ዳግም ሊያሸንፈው።

እኔ ግን? እኔ ግን? ከዓመታት በኃላ እዛው ፍራሼ ላይ ነበርኩ። ዩኒቨርሲቲ ሳልቀይር! አይ ጊዜ.... አሳልፈሽ አትሽጪኝ ለባለ ጊዜኛ!

# ....., ......, 2013ዓ.ም
# ከምህረትዬ B.
@Sewmehoneth

Join Teklu Tilahun channel

👇👇👇👇👇👇👇👇👇
https://t.me/joinchat/WNt7pi2aOa42OGNk

ሃሳብ አስተያየት ካላቹ በBot መስጫ ላይ መላክ ትችላላቹ። ማስተካከለል ያለብንን እንድናስተካክል የእናንተ የሁል ጊዜ ሂስ ያሸናልና። መልካም ሰንበት ይሁንላቹ!!!

" አለና እግዚአብሄር ከአላህ ለይፈለና"!

መቐለ ከተማ ከሚገነቡት አዳ'ዲስ ሰፈሮች መሃከል አንዱ የነቁሬ ሰፈር ነው። ቤቶቹ በአዳዲስ ዲዛይን አንዳንዶቹ ተሰርተው አልቀዋል፤ አንዳንዶቹ እየተሰሩ ናቸው። እንደ ቤቶቹ አዲስነት ሁሉ ነዋሪዎቹም በሚመሳሰሉት ዓይነት እርስ በራሳቸው አዲስ ጉርብትና በመመስረት ተመዳድበዋል። አብዛኛው ጉርብትናቸውን የቦደኑት በሃይማኖትና በመጡበት አካባቢ መሰረት ነው።


ወደ ሰፈሩ ከሚያስገቡት ሶስት አቅጣጫዎች መሐከል ቁሬ በስተምስራቅ ያለው መንገድ ላይ አንድ ጤና ጣቢያ ጥግ ስር ኬሻ ከልሎ ነው የሚኖረው። ቁሬ በሰፈሩ ሰው ታዋቂ ነው። የሚኖርባትን የኬሻ ዳስ ደጃፍ ላይ በበዙት የሲጋራ ቁሪዎች አማካኝነት ስሙን ከ'መሃሪ' ወደ 'ቁሬ' መለወጣቸው አንዱ ማሳያ ነው። ከዚህ ሌላም የሰፈሩን ሰው ቆሻሻ እሱ ነበር የሚደፋላቸው፤ ቆሻሻ አንሺ ማህበራት ሳይመጡ በፊት። ሁሉም የሚስማሙበት ቁሬን ለየት የሚያደርገው ግን የ'ሱ ብቻ በሆነው ልዪ ሰላምታው ነው።
.
.
.
ክርስቲያን ሆነ ሙስሊም፣ አማኝ ሆነ ኢ-አማኝ፣ ትልቅ ሆነ ትንሽ፣ ሀብታም ሆነ ድሃ፣ ቀይ ሆነ ጥቁር፣ ከዚህ መጣ ከዛ ... ሳይለይ በቀኑ ውስጥ ከብዙ ነዎሪዎች ጋር ሰላምታ ይቀያየራል።

በየቀኑ ቁሬ በሚገኝበት መንገድ የሚያልፉ ሰዎች ሰላምታቸውን እንዲህ በማለት ለቁሬ ያቀርባሉ፤ እሱ በሚመልሰው መልስና እንቅስቃሴ ለመዝናናት "ቁሬ ሰላም ዶ"( ቁሬ እንዴት ነህ) ብለው ሰላምታቸውን ያቀርባሉ። ቁሬ እያጨሰ ያለውን ሲጋራ ከከንፈሮቹ መሃል አንስቶ "አለና! እግዚአብሔር ከአላህ ለይፈለና"('አለን እግዚአብሄር ከአላህ ሳንለይ!'' ይላቸዋል፤ በሲጋራ ምክንያት የዛገ ብረት በመሰለው ጥርሱ ደስታ በተሞላው ፈገግታ እየተቀበላቸው። ለምላሹ ማድመቂያ የቀኝ እጁን በሰላምታ ምልክት እያውለበለበ፤ ከወገቡ ጎንበስ፣ ቀና እያለ። እነሱም በምላሹ እያሳቁ "ንበር ንበር" (ኑር ኑር) ብለውት ሌላ ምላሽ እንደሌለው ሰለሚያውቁ፣ ለቀጣይ ሰላምታ አቅራቢ መንገደኞች ቁሬን ትተው መንገዳቸውን ............!!

እኔ ግን ሁሌ ቁሬ "አለና እግዚአብሄር ከአላህ ለይፈለና" ባለኝ ቁጥር በሃይማኖቴ አሳብቤ የተለያየዋቸው፣ የተለያዩኝ ወዳጆቼ፣ ጓደኟቼ በአጠቃላይ የሰው ዘር ፊቴ ይደቀናል።
እኔ ግን ሁሌ እግዚአብሄር ከአላህ ለይቼ ዘመድ፣ ጓደኛ፣ ቤተሰብ ለማፍራት የማደርገውን አካሄዴን እንድመረምር ያደርገኛል።
እኔ ግን ሁሌ እግዚአብሄር ከአላህ ለይቼ ለሰዎች ሰላምታ አቀራረቤን ያስታውሰኛል።
እኔ ግን ሁሌ እግዚአብሄር ከአላህ ለይቼ .................... ያስታውሰኛል??
.
.
.
እናንተስ እግዚአብሄርን ከአላህ ለይታቹ ምን አደረጋቹ፣ ምንስ እያደረጋቹ ይሁን .............??
ለማንኛውም ቁሬ ምን ሊለን ይሁን "አለን እግዚአብሄር ከአላህ ሳንለይ" እያለ ለሰላምተኛው ሚመልሰው ወዳጆቼ????

# ከምህረትዬ B.
# 14,2,2014 ዓ.ም
#ማ. ለክብሮም ለገሰ።

Join Teklu Tilahun channel

👇👇👇👇👇👇👇👇👇
https://t.me/joinchat/WNt7pi2aOa42OGNk

ፀፀት!

እንደ ወትሮዬ የፀሐያን ግብዓት ተመልክቼ ለወክ(ለእግር ሽርሽር) ተሰነዳድቼ ከቤት ወጣውኝ። ከሰሞኑ የምሰማቸው "የሰዎች ስግብግብነትና ራስ ወዳድነት" ወሬዋች ራሴን አነውዘውኝ በምሄድበት(ኮብል ስቶን) የተጠረበ ምንጣፍ ድንጋይ ላይ እግሬን በቀስታ እየለቀኩኝ ከራሴ ጋር በሆዴ እያወራው እሄዳለው፤ አንዳንዴ ንግግሩ ከሆዴ አፈትልኮ በመውጣት የአደባባይ ጉዳይ ይሆንና በተናገርኩት ነገር ሰው አየኝ አላየኝ በማለት ስቅቅ እያልኩኝ ከሰሙኝ ሰዎች እስክሰወር ፈጠን ፈጠን ያለ እርምጃ እራመዳለሁ።
ሰዎቹ ከእኔ መራቃቸውን ወይም ከእኔ ጋር አለመሆናቸውን ከተረዳሁኝ በኋላ ዳግም በዝግታ እየተራመድኩኝ ቤት ውስጥ ሴቶች ሲያወሩ የሰማውትን አብሰለስላለው። በእንዲው ሙድ ውስጥ እያለሁ ከየት መጣ ያላልኩት ልጅ ፀጉሩ የተንጨፈረረ፣ ከታች ሰማያዊ የሴት ታይት ያደረገ፣ ከላይ አልፎ አልፎ ቀዳዳ ቀዳዳ የሚታይበት ወይን ጠጅ ቲሸርት የለበሰ፣ ባዶ እግሩን የሆነ፣ ፊቱ የወየበ፣ ቁመቱ ሜትር ከሰባ ሚደርሰው ከመንገድ ላይ እንቅልፍ እንዲ ብሎ ቀሰቀሰኝ "አባት አምስት ብር አለሽ"? ማነው ብዬ ስመለከተው ከላይ የገለፅኩላቹ ልጅ መሆኑን አወኩኝ። እሱ መሆኑን ሳውቅ ችላ ብየው መንገዴን ቀጠልኩኝ፤ እሱ ግን አልተወኝም ነበር። ዳግም "አባት! አባት በቃ እሺ አንድ ብር አድርጊው። ልምጣ አለኝ?" ከኋላ ኋላዬ እየተከተለኝ። ዞሬ ገላመጥኩትና መንገዴን ቀጠልኩኝ። የገረመኝ ነገር ቢኖር ፍቅረኛዬ ጋር ካርድ ሞልቼ ለመደወል ከታክሲ የተረፋኝን ሳንቲሞች የኋላ ኪሴ ውስጥ አምስት የአንድ አንድ ብር ሳንቲም መኖሩና በመጀመሪያ የጠየቀኝ የብር መጠን እኩል መሆኑ ነው። ከዛው ወርዶ አንድ ብር ማለቱ ደግሞ አናደደኝ በማላቀው ነገር? ልጁ ከነጀሰኝ በኋላ ከፊት ለፊቴ የአስር አስር ብር ኖት እየቆጠረ ከፊት ለፊቴ ልጅ እግር ልጅ መጣ። "ምናለ ልጁ እዚህ ጋ ቢሆን ኖሮ" አልኩኝ የልጁ አቆጣጠርንና የብር ብዛቱን አይቼ። ይሄን አይቼ ሳልጨርስ የተቀቀለ ድንች(ፌንቸራ) የምትሸጥ ሴትዮ የሸጠችውን ብር በዓይነት በዓይነቱ ከፌስታል ውስጥ እያወጣች ታስተካክላለች። በድጋሜ ጠያቂና ሰጪ አለመገናኘት አልኩኝ። በማያገባኝ ገብቼ በሃሳብ ከምሰቃኝ ፍቅረኛዬ ጋር ድውዬ እስቲ ላውራት በማለት አቅራቢያዬ ካለው ሱቅ ካርድ ገዝቼ መንገድ ለመንገድ እየሄድኩኝ ካርዱን ሞላውት። ከፊት ለፊቴ አንድ ሴትና ወንድ ህፃናት ልጆች ይሄዳሉ። በአምስት ብሩ የአየር የድምፅ ጥቅል አገልግሎት ገዝቼ ወደ ፍቅረኛዬ ብደውል ስልኳ አይነሳም! ደገምኩት አሁንም አይነሳም፣ ለሶስተኛ ጊዜ ሞክሬ እምቢ ሲለኝ ሞባየሌን ኪሴ ውስጥ ከተትኳት። ልጆቹ አሁንም ከፊቴ ይሄዳሉ። ሴቷ በቀኝ እጇ ነጭ ፌስታል ይዛለች። በፌስታሉ አየሩን እየቀዘፈች ውስጡ ታስገባዋለች። ወንዱ "ከየት ነው የምገዢው" ሲላት ሰማው። ዐይኔ ማን እንዳዘዘው ባላውቅም ፌስታሉ ላይ አተኮረ የልጁን ጥያቄ ተንተርሶ። ዐይኔ ከፈለገው ውጪ የዚህ ሰዓት አየ። የልጅቷ እጅ ውስጥ ሁለት አስር ብሮች። እንዴት ቅድም ሳላየው እያልኩኝ ተገርሜ ሳልጨርስ፣ ልጆቹ በስተቀኝ ባለው መታጠፍያ ታጥፈው ሲሄዱ እኔ ደሞ ግራውን መታጠፍያ ይዤ ወደ ሆስፒታሉ የሚወስደውን መንገድ ያዝኩኝ። ቀን ላይ ቸፍ ቸፍ ያለው ዝናብ መንገዱ ላይ ውሃ አቁሮ ተኝታል።

ጫማዬ እንዳይበላሽ ዳር ዳሩን ይዤ አለፍኩኝ። ግን ሌላ ትልቅ ተራራ ፊት ለፊቴ ተደቀነ። እናቴን የሚመስሉት እናት ከቀናት በኋላ ማደበሪያቸውን ዘርግተው የያጅ፣ ወራጁን እጅ ይጠባበቃሉ! በተለመደው ቦታ ሆነው። አሁን ተናደድኩኝ ካርድ በመሙላቴ፤ ንዴትን እንድጨርስ አልተፈቀደልኝም በመንገዱ ዳር ከእናቴ መሳይ እናት መቶ ሜትር ርቀት ላይ ከህፃን ልጇ ጋር በመሆን ለልመና የወጣች ባልቴት አየው። የማየውን ስላልወደድኩት ለጆሮዬ ሂርፎን አብጅቼለት ዘፈን እያዳመጥኩኝ የእግር ሽርሽሬን ማጣጣም ተያያዝኩት። የቀኑ ብርሃን ሙሉ ለሙሉ በአንፖል ሲተካ፣ በወጣ እግሬ ወደ ቤት ተመለስኩኝ። ድክም ብሎኝ ቤት ስለገባው፣ የፈረደባት ይመስል ቀን ቀን እንደ መቀመጫነትና ማታ ላይ እንደ አልጋ የምንጠቀምበት ሶፍ ላይ ለመሆን ልብሴን ለመቀየር ፈጠን ብዬ ጓዳ ገባው። የተጫማውትን ጫማ ቁጭ ባልኩበት በእግሬ የአንዱን በአንዱ አወለኩት። ሱሪዬ ጊዜውን ለመምሰል ብዬ እግሩ ጋር ስላስጠበብኩት ለማውልቅ እንዲመቸኝ በሆነ መልኩ ከወገቡ ጋር ገልብጬ እግሬ ስር አደረኩት። አንድ እግሬን አወጣውት፤ የቀረውን ለማውለቅ ታግዬ አወለኩት። የሱሪውን እግር ይዤ አጣጥፌ ለማስቀመጥ ስል ከየት መጣ የማልለው የአንዱ ብር ሳንቲም ከኪሴ ውስጥ ወድቆ "ቂልልል, ቂሊሊሊ" እያለ የቤቱ ወለል ላይ ተሽከርክሮ ፊት ለፊቴ ተቀመጠ። የኔ መሆኑን ተጠራጠርኩኝ? የት ውስጥ ተሸሽጎ ነው አሁን የወጣው? እኔ ማውቀው ባለአንድ ብሩ አምስት ሳንቲም መኖሩን ነው ኪሴ ውስጥ። ሱሬዬን ማጣጠፍ ትቼ ቁጭ ባልኩበት ልጁ ፊቴ ላይ መጥቶ በጣቱ አንድ ቁጥር ሰርቶ "አባት እሺ አንድ ብር ካለክ" ያለኝ ትዝ አለኝ! ለምንስ አንድ ብር ጠየቀኝ? አንድ ብር በአሁን ሰዓት ምን ያህል አስፈልጎት ነው እየተከተለኝ የጠየቀኝ አልኩኝ? ጊዜው ካለፈ በኋላ። በሶፍው ላይ በጀርባዬ ተንጋልዬ ተኝቼ ዘፈን ማዳመጤን ትቼ ለፍቅረኛዬ የተከሰተውን ለመንገርና ታናፋቂ ድምፃን ሳልሰማ መተኛት ስለማልችል ደወልኩላት! ሞባየሏ ይጠራል ግን አታነሳውም። አምስት ጊዜ ሞከርኩኝ? ምንም ምላሽ የለም። ስልክ ባለመነሳቱ ተናደድኩኝ። ንዴቴ እየበረደ ሲመጣ ግን "ምን ሆኗ ነው " ብዬ መጨነቅ ጀመርኩኝ። በተኛውበት በእጄ ላይ ያለውን የአንድ ብር ሳንቲም እያገለባበጥኩ። ይሄኔ ልጁ ዐይኔ ላይ ድቅን አለ። ብሩን የጠየቀኝ ይሄ እንደሚፈጠር አስቀድሞ አውቆ ይሆን? ለሊቱን በሙላ እንቅልፍ እምቢ አለኝ! ልጁ የጠየቀኝን አለመስጠቴ ፀፀተኝ። እናቴን መሳይ ነድያንና የልጅ እናቷ እጅ እጄን ሲመለከቱኝ ትቻቸው ማለፌ በፀፀት አንገበገበኝ። ስለ ስግብግብነትና ራስ ወዳድነት ቤት የሰማውት፤ ስጋ ለብሶ በእኔ ውስጥ ሲገለጥ አገኘውት።

# ከምህረትዬ B.
# 21/1/2014 ዓ.ም
@Sewmehoneth

ሀዘን!
ወደ ሰፈር ስገባ የሰፈር ሰዎች በደሞና በገሶ የተቆለለውን የአፈር ክምር ይንዳሉ። የተናደውን አፈር በአካፋው የውሃ መውረጃ ቦዩ ላይ በማደበርያ እየጫኑ ይደፍናሉ፤ ጭቃ ቦታው ላይ ደሞ በቆሙበት ቦታ ላይ ሆነው አፈር እየወረወሩ ጭቃውን ያለብሳሉ። ጓደኛዬ ከጠወተ በኋላ ደጀ ሰላም እንድንሄድ ጠርቶኝ ሄጄ፤ ወደ ሰፈር ስመለስ ያልተለመደ እንቅስቃሴ ሰፈር ውስጥ ሳይ ምን ተፈጠረ ብዬ ክው አልኩኝ። ረሃብ እየፈጀኝ እንዳልነበረ፤ የረሃብ ወስፋቴ በአንዴ ተቆለፈ! የውሃ መውረጃው ቦይን በአፈር የሚደፍኑት ልጆች ጋር እያማጥኩ ደርሼ "ምን ተፈጥሮ ነው አልኳቸው"? ልጆቹም በሆነው ነገር ተደነጋግጠዋል! ለእኔ ለመንገር እየተርበተበቱ "ጋሽ! ጋሽ፣ ጋሽ ...... አደላ ሞቱ አሉኝ"። ደነገጥኩኝ። የምለው ጠፋኝ? ሰሞኑን አሟቸው ሀኪም ቤት እየተመላለሱ ምርመራ እየተደረገላቸው መሆኑን ባውቅም። ከግቢያቸው ውስጥ "አባቴ፣ አባቴ፣ ወይኔ አባዬ" የሚል የአልቃሽ ድምፅ ይሰማል። ከድንጋጤ ሳልመለስ አፈሩን ንደው የሚያስተካክሉት ልጆች ጋር ደርሼ፤ ሰላም ባልሆነበት ቦታ ሰላምታ አቀረብኩላቸው .....
ሰፈሩ በለቀስተኞች ድምፅ ከደቂቃዎች በኋላ ተሞላ። "ወይኔ አጎቴ, አጎቴ, አጎትዬኤኤ፣ መካሪዬ, መካሪዬ, መካሪዬኤኤኤ፣ ጓዴ, ጓዴ, ጓዴኤኤኤ፣ ጠያቂዬ, ጠያቂዬኤኤ፣ ወንድሜ, ወንድሜኤ..., የእናቴ ልጅ, የእናቴ ልጅእእ፣ ጎረቤቴኤኤ..., ጎረቤቴኤ...፣ አጫዋቼኤኤ, አጫዋቼኤኤኤ...፣ አለሁልሽ ባዬኤ..., አለሁልሽ ባዬኤ..., ሚስጢረኛኤኤ, ሚስጢረኛኤ..." በማለት በነዚህ የሀዘን እንጉርጉሮ ሰፈሩን አደበላለቁት። ጋሽ አደላ ልክ እንዳሏቸው ሰው ነበሩ። ትንሽ ትልቅ ሳይለዩ መካሪ፣ ዘመድ ከባዳ ሳይለዩ ጠያቂ፣ ደምን ሳይለኩ ወንድም፣ ሀብት ንብረት ሳያዩ ደራሽ፣ ዘር እምነት ሳይለዩ ጎረቤት። ልጆቻቸው፣ የልጅ ልጆቻቸው፣ ያሳደጓቸው የሰፈር ልጆች፣ የእህቶቻቸው ልጆች፣ ጎረቤቶች፣ የሰፈር ሰዎች፣ ዕድርተኛ፣ ማህበርተኛ በአጠቃላይ ሁሉም ሰው በበራቸው ደጃፍ ላይ አረገደላቸው። ይገባቸዋልም።
በማግስቱ ግብዓተ አፈራቸው የሚካሄድበት የመቃብር ስፍራ ላይ መሸኛ ሙሾ አወረዱላቸው፣ ደረት ደቁላቸው፣ እንባ አፈሰሱላቸው፣ ፀጉር ነጩላቸው ,..........., እነሱ ግን በተገነዙበት ሰሌን ተጠቅልለው እንዳሉ አፈር አለበስናቸው። ይሄኔ ከዐይኔ እንባ ፈሰሰ፣ ከአንደበቴ ሙሾ ወረደ፣ ደረቴን ደቃው። የሚለብሳቸውን አፈር መሆን ተመኘው፣ የተከፈኑበትን ሰሌን አለመሆኔ ቆጨኝ፣ የተቆፈረላቸውን ጉድጓድ መተናነሴ አናደደኝ። እንዲ አልኩሏቸው ወይኔ ሚስጢሬ, ሚስጢሬ፣ ወይኔ ዕውቀቴ, ዕውቀቴ፣ ወይኔ ትዳሬ, ትዳሬ፣ ወይኔ ........ በማለት ሀዘኔን ለቀኩት!
የያዙትን የአነዋወር ሚስጢር ለማንም ሳያካፍሉ ይዘው በማለፋቸው፣ የያዙትን ትልቅ መድኋኒት የመቀመም ዕውቀት ደብቀው በሞሞታቸው፣ አባት ሆነው በየቤቱ ነጠላውን ጥንድ፣ የተፋቱትን፣ የተኳረፋትን፣ የተጣሉትን አስታርቀው ቤተሰብ የማፅናት ብልዐት ከራሳቸው ጋር ሸጉጠው እንዲሄድ ሳላደረጉ አነባው፣ ደረት ደቃው። ለቀስተኞቹ እነዚህን ነገሮች ይወቁ፣ አይወቁ ባልረዳም!?። ለቀጣይ ትውልድ መተላለፍ ሲኖርባቸው ያልተላለፋትን ጥበቦች በማሰብ በሀዘን ተዋጥኩኝ። ለወራት ማቅ ለብሼ መቃብራቸው ጋር ተመላለስኩ፣ ፊቴ ከሰለ፣ አጥንቴ ወጣ። አንዴ ወደ ወዲያኛው ከነባለቤቱ ሄደዋልና ከማዘን በቀር ምንም ነገር ማምጣት አልቻልኩም። ያን ሰሞን ከዘመድ አዝማድ የበለጠ ሀዘን ገረፈኝ!
#ከምህረትዬ B.
#23,1,2013 አዳማ!
#ማስታወሻነቱ ለጋሼ!

ይሉኝታ ባይኖረህ ህይወትህን እንዴት ትኖራት ነበር?

“Care about what other people think and you will always be their prisoner.” – Lao Tzu

ሌሎች ስለኔ ምን ያስባሉ እያልክ የምትጨነቅ ከሆነ ያለምንም ጥያቄ እስረኛ ነህ። የአይምሮ ባርነት በባለቤቱ ካልሆነ በቀር በማንም ነጻ አውጪ ነኝ ባይ ነጻ የማይወጣ ከባድ ባርነት ነው። እርግጥ ነው ፈጽሞ ስለሰው ሳይጨነቁ መኖር እጅግ የሚከብድ ነገር ነው። ነገር ግን የባርነቱን ጥብቀት ግን መለወጥ ይቻላል። ሰዎች እንደመሆናችን መጠን በሌሎች ዘንድ ተቀባይነትን ለማግኘትና ለመወደድ ስንል ብዙሃኑ የሚወዱትን ነገር እናደርጋለን። የነፍሳችንን ጩኸት አፍነን፤ የሌሎችን ምርጫ እውን ለማድረግ እንጥራለን። በዚህ ማህል የራሳችንን ደስታ መስዋት እናደርጋለን።

ሰዎች ስለኛ ያላቸውን አመለካከት ለማስተካከል ያልሆንነውን እየሆንን፤ የማንፈልገውን እያደርግን ህይወታችንን በይሉኝታ የታጠረች ጠባብ መንገድ እናደርጋታለን። እውነት ግን ስለሌሎች ግድ ባይኖረን ህይወታችን ምን አይነት መልክ ይይዝ ነበር? ደስታችን እስከየት ይደርስ ነበር? ነጻነታችን ምን ያህል ጥልቅ ይሆን ነበር? ከምንም በላይ ምን ያህል የህይወት ልምድ ይኖረን ይሆን። ስህተትን እና ውድቀትን የምንሸሸው እኮ እራሳችንን ፈርተን አይደለም። ሌሎች በውድቀታችንና በስህተታችን የሚኖራቸውን አስተያየት በመፍራት እንጂ። እኛ ብቻ የምናውቀው ስህተት እና ውድቀትማ ምን ያስፈራናል? ነገር ግን ሌሎች ምን ይሉኛል በማለት ውድቀትን እና ስህተትን እየሸሸን አዲስ ነገር ከማየት ተቆጥበናል።

የሚከተሉት ነጥቦች ከይሉኝታ ተላቀን የነጻነት ኑሮን እንድንኖር የሚረዱ ነጥቦች ናቸው።

ሁሉንም ማስደሰት አይቻልም- መቼም አንድ ሰውን ብቻ አውቀን ህይወታችንን አንገፋም። በተለያዩ የህይወት አጋጣሚዎች ብዙ ሰዎችን እናገኛለን። ሁሉም ታዲያ ህይወትን የሚያዩበት የተለያየ የህይወት መነጽር አላቸው። ሁሉም አንተን ሲመለከቱ በግላቸው የህይወት መነጽር ነው። አንተ ላይ እንከን የሚሉትም ሆነ የሚያደንቁልህ ነገር ከራሳቸው እምነት፤ እውቀትና የኑሮ ልምድ በመነሳት ነው። እናም ኑሮዋቸውን እንደሚያዩበት መነጽር በተገቢ ሁኔታ እንድትታያቸው ይፈልጋሉ። ለሁሉም ሰው መልካም ሆኖ መታየት ከባድ ነው፤ በአጭሩ ሁሉንም ማስደሰት አይቻልም። ስለዚህ የራስህን ኑሮ ኑር፤ የምታደርገው ነገር አንተን እስካስደሰተህ ድረስና የህሊና ሰላም እስከሰጠህ ድረስ ትክክል ነው።ይሉኝታ ከአላማህ ያደናቅፍሃል-እውነት አላማ ካለህ በእርግጠኝነት የአላማህ እንቅፋት የሚሆኑ ሰዎችን መራቅህ አይቀርም። ምናልባት የቅርብ ጓደኞችህ ወይም የቤተሰብ አባል ሊሆን ይችላል። አንዳንድ ሰዎች የአላማ እንቅፋት የሚሆኑት ሆን ብለው አይደለም። እኛ የምናየውን ነገር ማየት ስለትሳናቸው ብቻ ነው። በእኛ መነጽር ሳሩ ስለታየን ወደፊት እንጋልባለን፤ እነሱ ግን ሳሩ ስለማይታያቸው ሊያስቆሙን ይጥራሉ። አንዳንዴ አላማችን የእውነት ከሆነ ሌሎች ስለኛ ምን ይላሉ ሳንል ወደፊት መገስገሱ ያዋጣናል።

ስህተት እና ትክክለኛነት በእያንዳንዱ ሰው ዘንድ የተለያየ ትርጉም አላቸው-በጥንታውያን ግሪኮች ታሪክ ሶቅራጠስ አስተሳሰቡ በዘመኑ ከበሩ ሰዎች የላቀ ስለነበር፤ እውቀቱ እንደስህተት ተቆጥሮ ለሞት በቃ። የሶቅራጠስ አስተሳሰብ ስህተት ሆኖ ሳይሆን፤ በዘመኑ የነበሩ ሰዎች መረዳት ስላቃታቸው ብቻ አወገዙት። ይኸው የሶቅራጠስ አስተሳሰብ ዘመን ተሻግሮ እኛም ጋር ደርሷል። ስለዚህ ሌሎች ሰዎች ለምን አመለካከቴን እና አስተሳሰቤን አልተቀበሉትም ብለህ አትጨነቅ፤ ምክንያቱም ሁሉም እውነትን የሚመዝነው ባለው የአይምሮ ስፋት እና ጥበት መጠን ነው።

በመጨረሻ ሰዎች እንደምንታስበው ስለአንተ አያስቡም- እውነት ነው! ለምሳሌ ያልታጠበና የተጨማደደ ሸሚዝ ለብሰህ ወደቢሮ ሄድክ እንበል። ሰዎች በተንሾካሾኩ እና በተሳሳቁ ቁጥር ባንተ ሸሚዝ የሚሳለቁ ይመስልህና ቀኑን ሙሉ ስትጨነቅ ትውላለህ።በመንገድ ስታልፍ ሌሎች “ቆሻሻ” የሚል ቃል ሲናገሩ ከሰማህ ስላንተ የሸሚዝ ቆሻሻ የሚያወሩ ይመስልሃል። ይህ “ሌሎች ስለኔ ምን ይላሉ” የሚለው ጥያቄ እያሯሯጠህ ቀንህን የፈተና ያደርገዋል። እውነታው ግን ምናልባት ሰዎቹ ምን አይነት ሸሚዝ እንደለበስክ ላያስተውሉ ይችላሉ።

ደግሞም ያንተ ህይወት ያንተ ብቻ ናት በአንተ ደግነት ሌላው አይጸድቅም ባንተ ሃጥያት ሌላው አይኮነንም

@sewmehoneth

Our 2nd channel ethio memes No -2
For Unlimited posts per day
use....

👉 @funnyvideodaily