በኮቪድ 19 (ኮሮና ቫይረስ) ጉዳይ ብዙ ሰው ከፍተኛ ጭንቀት ውስጥ እየገባ ነው። በመጨነቅ የሚቀየር ላይኖር መጨነቅ አያስፈልግም። ይልቁንም የሚያስፈልገው:–
① ስለበሽታውና ጥንቃቄዎች በቂ ግንዛቤ መያዝ፣
② ተጋላጭነትን ከሚጨምሩ ነገሮች መጠንቀቅ፣ ከአላስፈላጊ ቅልቅል በመታቀብ ሰበቡን ማድረስ፣
③ የተያዘንም ሆነ ያልተያዘን የሚመለከተውን ሸሪዐዊ ህግ መጠበቅ (በሽታው ወዳለበት ሃገር አለመሄድና በሽታው ካለበት አለመውጣት)፣
④ በሽታው አገር ውስጥ መግባቱ ኦፊሻሊ ቢነገር ሊከሰቱ ይችላሉ ተብለው የሚገመቱ ነገሮች በማሰብ ቅድመ ጥንቃቄ ማድረግ፣
⑤ ዱዓእና ዚክር ማድረግ፣
⑥ ህመሙ ካጋጠመ ወደ ሌሎች እንዳይተላለፍ ጥንቃቄ መውሰድ፣ ሃኪም ማማከርና አስፈላጊውን ክትትል ማድረግ፣
⑦ የበሽታው የገዳይነት ደረጃ እስካሁን እየተዘገበ ባለው ከ2%–4% ብቻ ነውና ተስፋ መቁረጥ ውስጥ መግባት አይገባም። ከዚያህም የከፋ ቢሆን ከአማኝ የሚጠበቀው በጌታው ላይ ያለውን ተስፋ ከፍ ማድረግ ነው።
⑧ የሚመጣው አይታወቅምና ለማንኛውም ነገር እራስን ማዘጋጀት። እዳ ካለ በመክፈል፣ ተውበት ማድረግ። ሙእሚን እያንዳንዱን ክስተት ወደጌታው ለመቃረብ ነው የሚጠቀመው።