Abu Mahira

¶"የረሱል"ﷺ" ልጆች"¶

1} አል ቃሲም፦ በዚህ ልጃቸው ኩኒያ አበል- ቃሲም ተብለው ይጠሩ ነበር። ከነብይነት በፊት የተወለደ ነው። የሁለት አመት ልጅ ሲሆን ወደ ማይቀረው አኺራ ሂዷል።

2} ዐብደሏህ፦ አጥ-ጠይብ አጥ-ጧሒርም ይባላል። ምክንያቱ ከነብዩ ﷺ የነብይነት ማዕረግ በኋላ ስለተወለደ ነው። አጥ-ጠይብ አጥ-ጧሒር የተባለው ከዐብደላህ ሌላ ነውም ተብሏል። { ትክክለኛው የመጀመሪያው ነው}

3) ኢብራሒም፦ በስምንተኛው አመት በመዲና ነው የተወለደው። በአስረኛው አመት ሞቷል። የዱኒያ ቆይታው የ17 ወይም የ18 ወር ብቻ ነበር።


®"ረሱል"ﷺ" የነበራቸው ሴት ልጆች አራት ናቸው።

1} ዘይነብ(ረ.ዓ) ፦ የአክስቷ ልጅ የሆነው አቡል ዓስ ኢብኑ ረቢዓ ያገባት ናት።

2} ፋጢማ(ረ.ዓ)፦ የታላቁ ሰሓብይ ዓሊይ ቢን አቢ ጧሊብ (ረ.ዓ) ባለቤት ናት።

3} ሩቅያ (ረ.ዓ)፦ የዑስማን ኢብኑ አፋን ሚስት ናት።

4} ኡሙ ኩልሱም (ረ.ዓ) ፦ እሷም የዑስማን ኢብኑ አፋን (ረዓ) ሚስት ናት። መጀመሪያ ሩቅያን አገቡ። ከዚያ ሩቅያ ስትሞትባቸው ኡሙ ኩልሱምን አገቡ። ለዚህም ነው ዑስማን ዛ ኑረይን የተባሉት።

©"የረሱል"ﷺ" ሴት ልጆች ያለ ኺላፍ አራት ናቸው። ወንዶቹ ደግሞ በሶሒሕ ሦስት ናቸው።
¶ተሕዚብ ሢራህ ኢብኑ ሒሻም¶

«አንተ ሰዎች በሚሉት ነገር ልብህ የሚጨናነቅ መኾኑን በእርግጥ እናውቃለን፡፡ ጌታህን ከማመስገንህ ጋር አጥራው ከሰጋጆቹም ኹን፡፡
[Surah Al-Ḥijr 97-98]

¶"በድር" ¶

® «የበድር ዕለት በእርግጥም እውነት ከሐሰት የተለየበት ዕለት ነበር። የእውነትና የሐሰት ኃይላት ከዚያ በፊት በይፋ ጦር ተማዝዘው እያውቁም ነበር። የበድር ዕለት ጦር ተማዘዙ። ከሐሳብ ጦርነት ባሻገር ምድር ላይ ግንባር ለግንባር ተሞሻለቁ። ግዙፉ የሐሰት ኃይል ተንኮታኮተ እውነት ግልጽና ይፋ ወጣ።

® «ከዚያ በፊት ሙስሊሞች ከጠላቶቻቸው ጋር ጦር እንዲማዘዙ አልተፈቀደላቸውም ነበር። በትዕግስት እንዲጠባበቁ የሚደርስባቸውን ጥቃት ሁሉ እንዲሸከሙ ነበር የታዘዙት። የበድር ዕለት ግን ይህ ዘመን የማብቃቱ ዜና በተግባር ታወጀ። የጡንቻ ግብግብ ተጀመረ።

® "ኢስላም መንፈሳዊ ብቻ ሳያይሆን፥ ምድርን ከግፍና ጭቆና ሥረዓት ለማጽዳትና የሰውን ልጅ እውነተኛ ነጻነት ለማጐናፀፍ የመጣ ሃይማኖት (ዲን) እንደመሆኑ በሰበካ ብቻ ሊወሰን እንደማይችል የትጥቅ ትግል እንደሚያሻው የተረጋገጠበት ዕለት ነበር።

® "በድር"፦ ኢስላም ለዚህ ቅዱስ ዓላማ የሰው ልጆችን የሕይወት መርሕ ሥረዓት ለመዘርጋት ሲንቀሳቀስ በሥጋት ለሚያዩትና እንቅፋት የሚሆኑበትን ኃይላት ሁሉ በኃይል ማንበርከክ ግዴታ እንደሆነ የተገለፀበት ዕለት ነው። በዚህ የተጨባጭ ትርጉሙ ነው የበድር ዕለት “የውመል ፉርቃን" የተባለው።

® «በሰው ልጅ ታሪክ ላይም “የመለያ ቀን” ወሳኝ ሊሆን ይችላል "በድር"፡፡ ከዚህ ዕለት በፊት የሰው ልጅ ባጠቃላይ ኢስላማዊውን ሥርዓት በተሟላ መልኩ አላየውም አያውቀውም። በወቅቱ ዓለም በጃሒሊያ መንግሥታትና ጨቋኝ ሥርዓቶች ትመራ ነበር። ከበድር ዕለት በኋላ ግን በመለኮታዊ እምነትና አመለካከት ላይ የታነፀ አዲስ ሥርዓት አዲስ ሕገ-መንግሥት ለዓለም ይፋ ሆነ።፡

® «የሰው ልጅ "ለድል" ያለው ግንዛቤም የተስተካከለበት ዘመቻ በመሆኑም “የውመል ፉርቃን” ሊሰኝ ችሏል። ሙስሊሞች በሁሉም ምድራዊ ሚዛን ለሽንፈት በሚያበቃቸው ሁኔታ ውስጥ ነበሩ። በቁጥር እጅግ አናሳ፣ ሁነኛ የጦር መሣሪያም ያልታጠቁ ነበሩ።

"በአንጻሩ ከሓዲያን በምድራዊ መስፈርት ለድል የሚያበቃቸውን የሰው ኃይልም ሆነ የመሣሪያ ጥንካሬ ነበራቸው። አላህ ጦርነቱን በዚህ ተጨባጭ እንዲከናወን አደረገው፡፡ የድል ሰበቡ የጡንቻ ጥንካሬ ሳይሆን የእምነት ፅናት፣ የዓላማ አንድነት እንደሆነ በውጤቱ አሳየ። የዚህ ዲን ተከታዮች ከጠላቶቻቸው ጋር በሚያደርጉት ፍልሚያ የሚያደርጉት አቢይ ዝግጅትም ምን ሊሆን እንደሚገባ በተጨባጭ ያስተማረ ዕለት ነበር፡፡

¶ዘካ¶
«ዘካ" ከኢስላም መሠረቶች አንዱና ዋነኛው ምሰሶ ነው። የክፍፍል ሥርዓቱም ለስምንት ዓይነት የኅብረተሰብ ክፍሎች ይሰጣል፦

1) «”ድሆች" {ፉቀራእ}፦ እነዚህ መሠረታዊ ፍላጐታቸውን በምንም መልኩ በትንሽም ማሟላት የተሳናቸው ናቸው፡፡

2) «ችግረኞች» {መሳኪን}፦ እንደ መጀመሪያዎቹ ድሆች ሆነው 'ግን ችግራቸውን ለሰው ለማካፈል የማይደፍሩና ከድሆች በትንሹ የተሻሉ ናቸው፡፡ አላቸው ግን ለመሠረታዊ ነገር በቂ አይደለም።

3) «በርሷ ላይ ለሚሠሩ ሰዎች»፦ ዘካን የመሰብሰቡንና የማከፋፈሉን ተግባር የሚያከናውኑ ወገኖች ናቸው፡፡

4) «ልቦቻቸው (ኢስላምን) እንዲላመዱ የሚከጀሉ ወገኖች»፦ አዲስ ኢስላም የተቀበሉ ሊሆኑ ይችላሉ፡፡ ልባቸው በኢስላም ላይ እንዲፀና ዘካ ይሰጣቸዋል። ወይም ለኢስላም ጥሩ አመለካከት እንዲኖራቸውና ሸራቸውን ለመከላከል ወይም እንዲሰልሙ የሚከጀሉ ወገኖች ሊሆኑም ይችላሉ።

5) «ለባሪያዎች›፦ ይህ ድንጋጌ የባሪያ አሳዳሪ ሥርዓት ዓለም አቀፋዊ ሥርዓት በነበረበት ወቅት የወረደ ነው፡፡ ዘካ የባሪያ ሥርዓቱ እንዲከስምና እንዲጠፋ ታላቅ ሚና ተጫውቷል። በተመሳሳይ ሁኔታ የጦር ምርኮኞችን ነጸ ለማውጣትም የዘካ ገንዘብ ጥቅም ላይ ይውላል።

6) «ባለዕዳዎች»፦ ዕዳቸውን ይከፍሉና እፎይ ይሉ ዘንድ ከዘካ ገንዘብ ይሰጣቸዋል።

7) «በአላህ መንገድ ለሚደረግ ትግል»፦ በአላህ መንገድ የሚደረግ ትግል ዘርፈ ብዙ ነው፡፡ በሰይፍ ፣ በጠመንጃ፣ ወይም በብዕር፥ ወዘተ ... ሊሆን ይችላል።

8) «ስንቅ ያለቀበት መንገደኛ»፦ ለሀገሩ መዳረሻ የሚያበቃውን ያህል ገንዘብ ከዘካ ላይ ይሰጠዋል።

«ዘካ በርካታ ማኅበራዊ ችግሮችንና ቀውሶችን በመቅረፍ ረገድ እጅግ ጠቃሚ ሚናን ይጫወታል። አሁን ላይ ዘካ ምን እንደ ሆነ የማያውቅ ማህበረሰብ ተፈጥሯል። ነገር ግን ያሉብንን ብዙ ማህበረሰባዊ ቀውሶችን እንደ ዑማ ለመቅረፍ ዘካ ትልቁን ድርሻ ይወስዳል። የግል ሐያታችንም በረካ ይኖረዋል።

«ጂሐድ እና ሶሓቦች»

«እነዚያም ለጉዞ የሚሆን እንስሳ የጠየቁህና ላገኝላችሁ አልችልም" ያልካቸው ለጂሃድ የሚያውሉት ገንዘብ ሊያገኙ ባለመቻላቸውም እጅግ አዝነውና ዓይኖቻቸው እንባ እየረጩ የተመለሱትንም ወቀሳ የለባቸውም፡፡ (9/92)

«የዚችን አንቀጽ መውረድ በተመለከተ ከኢብን ዐባስ (ረዐ) የተላለፈው ዘገባ እንዲህ ይለናል፦

«የአላህ መልዕክተኛ "ﷺ" ሰዎችን ስንቅና ትጥቃቸውን አዘጋጅተው ከርሳቸው ጋር እንዲዘምቱ አዘዙ። ከባልደረቦቻቸው ከፊሎቹ የጉዞ እንስሳ ሊጠይቋቸው ከርሳቸው ዘንድ ቀረቡ። ዐብደላህ ኢብን ሙገፈል አል-ማዚኒ አብሯቸው ነበር።

«የአላህ መልዕክተኛ ሆይ! ለጉዞ የሚሆነን እንስሳ ይስጡን» በማለት ጠየቁ መልዕክተኛውም፦፡ «“በአላህ እምላለሁ አላገኝላችሁም» አሏቸው፡፡ እያለቀሱ ተመለሱ። ምክንያቱም ከጂሃድ መቅረት ለእነሱ በእጅጉ ከባድና የሞት ሞት ነበር።

«አላህﷻ ለእርሱና ለመልዕክተኛው"ﷺ" ያላቸውን ጥልቅ ፍቅር በመመልከት ይህችን አንቀጽ በማውረድ ስሜታቸውን አከመ። ታሪኩ የሰሓቦችን ሐቅን ለመርዳትና የበላይ ለማድረግ የነበራቸውን ከፍተኛ ጉጉትና ጥልቅ የጂሃድ ስሜት በጉልህ ያሳያል።

«በእንዲህ ዓይነት መንፈስ በሚደረግ ትግል ነው ድሮ ኢስላም ለድልና ለበላይነት የበቃው። ተራው ሕዝብ ኢስላምን እንዳይሰማና እንዳያውቅ እንቅፋት የነበሩ ኃይሎችን ያንኮታኮተውና ዓለምን ለዘመናት በበላይነት የመራውም በእነዚህና መሰሎቻቸው ጀግኖቹ ነበር፡፡

«በወቅቱ የነበሩ ግዙፎቹን የሮማንና የፐርሺያን ኢምፓየሮች ጭምር በአጭር ጊዜ ውስጥ ያንበረከከው በዚህ መንፈስና ወኔ ነበር፡፡

«ዛሬ ላይ “ሙስሊሞች” ከዚህ ስሜት ጋር ምን ያህል ተራርቀናል? የሚለው ለማንም ግልፅ ነው። ያለንበትም የውርደት አዘቅጥና የበታችነት ስሜት ጂሐድን ችሎ መኖር ብለን እንድንተረጉም አድርጎናል። አሁን ላይ ከዲኑ ላይ ይቅርና ከነፍሳችን ላይ በምላሳችን እንኳን ዲፋዕ ማድረግ አቅቶናል።

«ታዲያ ዛሬ ላይ ይህ ለጂሐድ የምንሰጠው ትርጓሜ እና ኢስላም ዓለምን ከመራበት ትርጓሜ አንጻር ሲታይ እጅጉን ይለያል። ከዚህ ዑማ ግን አሕሉ -ገዛ ይለያሉ። ጥንታዊው ጂሐድ ትርጉሙንም መንፈሱንም የተረዱ ወኔውንም የታጠቁ ናቸው ብንል ማጋነን አይሆንም። እንደ እነርሱ መሆን ቢያቅተን እንኳ እነሱን ማድነቅና ለእነሱ ነስርን መመኘት ከኢማን ነው። አላህ ቀልባችንን ለጂሐድ ሕያው ያድርግልን።

«ይህንን የጀግኖች ጥምር ፎቶ አይቶ በቀልቡ እንኳ መቀላቀልን ያልተመኘች ቀልብ አላህ ድጋሚ ሩሕ ይዝራባት።
https://t.me/AbuMahira55

"ተረቴን መልሱ አፌን በዳቦ አብሱ" ያው እሱ ረስቶት መሰለኝ😀 ያው በተረት ተረት እና በዐረቄ PHD ሲኖርህ ውጤቱ ይህን ይመስላል።

"እንኳን አደረሳችሁ" ማለት፦
"ይህንን በማወቅም ይሁን ባለማወቅ ለጉርብትና ብሎ፣ ለመመሳሰል፣ ይሉኝታ ይዞትም ይሁን አልያም በእነሱ ለመወደድ አስቦ ይህን ከፈፀመ ትልቅ ወንጀልን ሠርቷል።

«ኩፋሮችን ልዩ በሆነ በዓላቸው እነሱን እንኳን አደረሳችሁ ማለት ሐራም ነው። ይህን ያደረገ ሰው ከኩ*ፍ*ር ቢተርፍ እንኳን ለመስቀል መስገዳቸውንና የኩፍር ተግባራቸውን እንደ ማበረታታት ይቆጠራልና ከዝሙት እና ከአስካሪ መጠጥ እንዲሁም ነፍስን ከመግደል በላይ የከፋ ወንጀል ሠርቷል»። {أحكام أهل الذمة ابن القيم}