ግርም ከሚሉኝ አባባሎች “ኡስታዜን አትንኩ!” የሚለው አንዱ ነው። ግልፅ ግልጡን የአንድ ኡስታዝን ስም ጠቅሰው (ከየትኛውም ወገን ይሁን!) እርሱን አትንኩት የሚሉ ሰዎች አይዋጡኝም (ፕሮፋይልም የሚያደርጉ እንዳሉ ሆነው) እኔ ከዚህ ምረዳው የፈለገውን ይናገር፣ ይጻፍ በቃ አትንኩንት አትንኩት! የሚለውን ነው። ይሄ ደግሞ ግልፅ ወገንተኝነት ነው። መዘዝም አለው። መልካም ሲሰራ “በርታ” “አብሽር” ማለት ሌላ ነገር ነው። ወዳጄ! በህይወት ያለ ሰው ምሉዕ እምነት አይጣልበትም፣ ሊንሸራተት ይችላል። አንተ ስታወድሰው “አትንኩት” እያልክ ደጀን ስትሆንለት የነበረው አቋሙንና እይታው ሊዘወር ይችላል፣ ያለበትና የቆመበት ስህተት ከሆነም ሲመከር እንኳ እንዳይሰማ “እሱን አትንኩት” እያልክ ነፍሲያና ሸይጧንን በርሱ ላይ አብሽሩ ማለት ነው የሚሆነው። ራስህን ወደ አንድ ኡስታዝ ወይም ሸይኽ... ሙልጭ አድርገህ አስጠግተህ ሲወጣ ለመምከርም፣ ለማውገዝም አቅም ያሳጣል (አይቼዋለሁ)
በቃ አንዳዶቹ እርሱን “የነካ”፣ እርምት የሰጠውን ሁሉ (እርምት የሰጠ ሁሉ ትክክል ነውም አይባልም) ስህተት ላይ የወደቀ አድርገው ሲቆጥሩ እናያለን (እኔንም አንድ ሰሞን ተጠናውቶኝ ነበር!) ቆይ! እርሱ ልክ እንደኛ ሰው አይደለ እንዴ? ሰው ደግሞ ፍጹም አይደለማ? መቼም አዎ ነው መልሱ።
ለማንኛውም ከመልዕክተኛው ሰለላሁ ዓለይሂ ወሰለም ውጭ ለግለሰብ ምሉዕ ወገንተኝነት ተቀባይነት የለውም።
•┈┈•◈◉✹❒🔸❒✹◉◈•┈┈•
©ሱቡሉ ሰላም-سبل السلام
https://t.me/AbubilalIbnuseid