🌻እንኳን አደረሳችሁ ተወዳጆች

ከዘላለም በፊት የነበረው አምላክ የዛሬ 2017 ዓመት በፊት ለእኛ ሲል ተወለደ ። ዛሬ ድንግል አምላኳን በሥጋ ወለደችው መላዕክት እና የሰው ልጆች እኩል አመሰገኑ በሰማይ እና በምድር ሰላም ሆነ።
የእግዚአብሔር ልጅ ኢየሱስ ክርስቶስ ወደ ዓለም የመጣበት ምክንያቶች የሚከተሉት ናቸው፡-
1. የእግዚአብሔር ፍቅር ለሰው ልጆች፡- "እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና" (ዮሐ. 3፡16)። .
2.ሰው  በእግዚአብሔርን መልክና አምሳል ተፈጥሮ ሳለ ሲወድቅ ይሄን መልኩን ስላጣው የወደቀውን የሰው ልጅ ዳግመኛ አድሶ  በቅድስት ቤተ ክርስቲያን በኩል፡- “ሰው በእግዚአብሔር መልክ ተሠርቶ በኃጢአት ምክንያት የረከሰ ነውርም የሞላበትና የወደቀ ሰውን ወደ ተሻለ ሕይወት መለኮታዊ፣ ጥበበኛው ፈጣሪ እንደ አዲስ ሊመልሰው”
3. የሰዎችን ነፍስ መዳን፡- “ዓለም በልጁ እንዲድን ነው እንጂ በዓለም እንዲፈርድ እግዚአብሔር ወደ ዓለም አልላከውምና (ዮሐ. 3፡17) እኛም   በጌታ ኢየሱስ ክርስቶስ በማመን በዚህ መለኮታዊ ትምህርት መሰረት ህይወታችንን ልንጨርስ፣ በዚህም የነፍሳችንን መዳን እናገኝ ዘንድ።
" ከአእምሮና ከንግግር በላይ ምን ዓይነት ምሥጢር ነው! እግዚአብሔር በምሕረቱ በምድር ላይ ተወልዶአልና፥ ከጠላት ባርነት ነጣ ያወጣን  ዘንድ የባሪያን መልክ ለብሶ በምድር ላይ ተወለደ። የሰውን ልጅ የሚወድ ማን ነው?
ድንግል ማርያም ጌታን ስለወለድሽልን  ደስ ብሎናል ደስ  ይበልሽ አንች ሕግና ጸጋን ተቀብለሻልና የሕግና የጸጋ መካከለኛ ነሽ፣ የብሉይና የአዲስ ኪዳን ማኅተም ነሽ ፣የትንቢት ሁሉ ፍጻሜ በአንች ተደርጓልና ። ድንግል ሆይ ደስ ይበልሽ እግዚአብሔር ካንች ሟች ሥጋችን ተዋሕዶ ከቀድሞው መራራ እርግማን የሔዋንን ማኅፀን ነጻ ወጥቷልና።
🌾🍀ለሙሴ በቍጥቋጦው ውስጥ የተገለጠው፥ በዚህ እንግዳ በሆነ መንገድ ሲፈጸም እናያለን፤ ድንግል በውስጧ እሳትን ወለደች፥ ነገር ግን ብርሃንን የሚያመጣልንን ቸር በወለደች ጊዜ አልጠፋችም
ጌታ ሆይ አንተ ከሥላሴ ወገን እንደ ሆንህ ሥጋ ሆነህ ታየህ እንጂ ማንነትህን አልወጥቅም አቤቱ አንተን የወለደችህን ማኅጸን አላጠፋህውም አንተ ፈጽመህ አምላክና እሳት ነህና አላቃጠለካትም።"
ለሙሴ በሲና ተራራ ቁጥቋጦው ሲነድ ቁጥቆጦው ግን አልተቃጠለም ነበር ጌታ ኢየሱስም ከድንግል ሲወልድ ድንግልናዋን አላጠፋም ነበር። ነብዩ ኢሳያስ ስለ ድንግል እንድህ ሲል ተናገር "Isaiah 8 አማ - ኢሳይያስ
3: ወደ ነቢይቱም ቀረብሁ፤ እርስዋም ፀነሰች ወንድ ልጅንም ወለደች። እግዚአብሔርም አለኝ፦ “ስሙን፦ ‘ምርኮ ፈጠነ፡ ብዝበዛ ቸኰለ፥’ ብለህ ጥራው።"
Isaiah 8 አማ - ኢሳይያስ
4: ሕፃኑ አባቱንና እናቱን መጥራት ሳያውቅ የደማስቆን ሀብትና የሰማርያን ምርኮ በአሦር ንጉሥ ፊት ይወስዳልና፤” አለኝ።

ይሄ ትንቢት ለሰው የሚስማማ አይደለም ይሄ ለሕፃኑ የተሰጠ ስም ለሰው አይስማማም፤ እግዚአብሔር እንጂ። ሰማያዊው እና ከተፈጥሮ በላይ የሆነው ሕፃን ገና በመታጠቅ እና በእናቱ እቅፍ ላይ እያለ በሰው ተፈጥሮው ከሰይጣን ጋር በማይታወቅ ኃይሉ እንደ አምላክ ገፈፈው እሱ...."የደማስቆን ሃብትና የሰማርያን ምርኮ ይወስዳል የተባለው በደማስቆ ያደረው የክፉው ጋኔን ኃይል በክርስቶስ ልደት ይደቅቃል ማለቱ ነውን ይሄም መፈጸሙን ያሳያል ። ለክፉ ሥራ ሁሉ ከአጋንንት ኃይል ተልእኮ በባርነት(እንደ ምርኮ) የተያዙት ሰብአ ሰገል ክርስቶስን በማምለክ በምርኮ በያዘው ላይ በግልጽ ዐመፁ።Isaiah 9 አማ - ኢሳይያስ
6: ሕፃን ተወልዶልናልና፥ ወንድ ልጅም ተሰጥቶናልና፤ አለቅነትም በጫንቃው ላይ ይሆናል፤ ስሙም ድንቅ መካር፥ ኃያል አምላክ፥ የዘላለም አባት፥ የሰላም አለቃ ተብሎ ይጠራል።
7: ከዛሬ ጀምሮ እስከ ዘላለም ድረስ በፍርድና በጽድቅ ያጸናውና ይደግፈው ዘንድ በዳዊት ዙፋንና በመንግሥቱ ላይ አለቅነቱ ይበዛል፥ ለሰላሙም ፍፃሜ የለውም። የእግዚአብሔር ቅንዓት ይህን ያደርጋል። ያለው ተፈጽሞ በዛሬዋ ቀን ሰላም በሰማይም በምድርም ሆነ ደስ ይበላችሁ።
Isaiah 11 አማ - ኢሳይያስ
1: ከእሴይ ግንድ በትር ይወጣል፥ ከሥሩም ቍጥቋጥ ያፈራል።
Habakkuk 3 አማ - ዕንባቆም
3: እግዚአብሔር ከቴማን፥ ቅዱሱም ከፋራን ተራራ ይመጣል። ክብሩ ሰማያትን ከድኖአል፥ ምስጋናውም ምድርን ሞልቶአል።
ያሉት የነበያት ቃል ተፈጽሞ አበባ ክርስቶስ ከድንግል ወጣ በዱር ከጋረደው ተራራ ወጣ ፣ወንድ ከማታውቅ ሥጋን ፈጥሮ ተዋሐደ።
እሴይ ደስ ይበለው ዳዊትም ይጨፍር፣ እነሆ ድንግል፣ በእግዚአብሔር የተተከለች በትር፣ አበባን አብቃለች፣ እርሱም ዘላለማዊው ክርስቶስ ነው።
"ሥሩ የአይሁድ ቤተ ሰቦች ነው፣ በትር ማርያም ነው፣ አበባው ክርስቶስ ነው፣ እርስዋም በትር ተብላ በትክክል ተጠርታለች፣ እርስዋ ከንጉሣዊ ዘር፣ ከዳዊት ቤተሰብ  ነችና አበባዋ ክርስቶስ ነው።" እርሱ ራሱ፣Song of Solomon 2 አማ - መኃልየ
1: እኔ የሳሮን ጽጌ ረዳ የቈላም አበባ ነኝ።፡ እንዳለ፡ የዓለምን ርኵሰት ጠረን አጥፍቶ የዘላለም ሕይወትን መዓዛ ያፈሰሰ።
🌾 የማይጠፋውን አበባ ያበበች ምሥጢራዊ በትር ሆይ ደስ ይበልሽ።"
የእግዚአብሔር ሙሽራ ሆይ ደስ ይበልሽ፤ አንቺ የማትጠፋው ጽጌረዳ ያበበችበት አበባም ያበበች ምሥጢር በትር ነሽ።
ዛሬ አንድ ኮከብ በሰማይ ከዋክብት በላይ በራ ብርሃንን ሊገለጽ የማይችል፣ አዲስነቱ ግን ሰዎችን በሚያስገርም ሁኔታ አንጸባረቀ ። የቀሩትን ከዋክብት ከፀሐይና ከጨረቃ ጋር ለዚህ ኮከብ ህብረ ዝማሬ ሠሩ ፣ ብርሃንን ከሁሉም በላይ ታላቅ ሆነ። እናም ይህ አዲስ ትዕይንት ከየት እንደመጣ ብጥብጥ ሆነ። አሁን ሁሉም አስማት ተደምስሷል ድንቁርና ተወግዶ አሮጌው መንግሥት ተሻረ። እግዚአብሔር ራሱ በሰው አምሳል ለዘለም ሕይወት መታደስ ተገለጠ። አሁን ሰዎች እግዚአብሔርን መምሰል አጥተውታልና የሚበሰብሰውን ወደማይበሰብሰው ለመለወጥ ከእግዚአብሔር ብቻ በቀር ለማንም የማይቻለው ስለሆነ ስለዚህ የእግዚአብሔር መልክ መምሰል ለሰዎች የማይቻል ስለሆነ የአብ ምስል ህያው ከሆነው ጌታችን ኢየሱስ ክርስቶስ አንድያ የአብ ልጅ ቃል ሰው ሆነ ።

የክርስቶስን ልደት በተመለከት ኢሳያስ እንድህ ሲል ይናገራል Isaiah 66 አማ - ኢሳይያስ
7: ሳታምጥ ወለደች፤ ምጥም ሳያገኛት ወንድ ልጅን ወለደች።

ጌታ ለሔዋን በምጥ ትወልጃለሽ ያላትን እርግማን በድንግል ማርያም ላይ በማጥፋት ጀመረ ሥቃይም አልደረሰባትም እሱ አምላክ ነውና በተፀነሰ ጊዜ ድንግል እንደነበረች በመወለዱም ጊዜ ድንግልናዋን አጸና።

🍀ሰዎች የድንግል ዘላለማዊ ድንግልና ለማመን ለምን እንደሚከብዳቸው አላቅም
ማርያም ከተፈጥሮ ሕግ ውጭ በሆነ መንገድ ወልዳ በድንግልና ቀረች ብሎ ማመን ለምን ይከብዳል
ከባሕርይ ሕግ በተቃራኒ ባሕሩ አይቶ ሲሸሽ፣ የዮርዳኖስም ውኃ ወደ ኃላ ተመለሰች ብሎ ማመን ለምን ይከብዳል። Psalms 114 አማ - መዝሙር
3: ባሕር አየች ሸሸችም፥ዮርዳኖስም ወደ ኋላው ተመለሰ። ድንጋይ ውሃ ካፈለቀ Exodus 17 አማ - ዘጸአት