ዓባይ ባንክ በድሬዳዋ ከተማ የኢፍጣር መርሃ ግብር አከናወነ
------------------------
ዓባይ ባንክ የ1446ኛውን የታላቁን የረመዳን ወር ምክንያት በማድረግ በድሬዳዋ ከተማ የኢፍጣር መርሃ ግብር በትናትናው ዕለት አከናውኗል፡፡

በመርሃ ግብሩ ላይ የዓባይ ባንክ የሪቴል ባንኪንግ ዋና መኮንን አቶ አሰፋ ተፈራ፣ የዲስትሪክት ሰፖርት ዳይሬክተር አቶ ሲራክ ግርማ፣ የድሬዳዋ ዲስትሪክት ሥራ አስኪያጅ አቶ አዲሱ አናጋው እና የዲስትሪክቱ የሥራ ኃላፊዎች የተገኙ ሲሆን፣ ባንኩ ማኅበራዊ ኃላፊነቱን ለመወጣት ባስቀመጠው ተቋማዊ መርሁ መሠረት የዜጎችን ማህበራዊ እና ኢኮኖሚያዊ ተግዳሮቶችን በመቅረፍ ረገድ ለወገን ያለውን አጋርነት አጠናክሮ እንደሚቀጥል ተገልጿል፡፡

የረመዳን ወር የአብሮነት መገለጫ ወር በመሆኑ፣ ባንኩ በሀገሪቱ የተለያዩ ከተሞች ተመሳሳይ የኢፍጣር መርሃግብር በማዘጋጀት ላይ ይገኛል፡፡