ከነገ ጀምሩ!

አንድን እጅግ ወሳኝ ሕግና መርህ ላስታውሳችሁ ወይም ላስተዋውቃችሁ፡፡ ማንኛውንም ነገር ስንጀምር መጀመሪያ ማሰብና ማቀድ ያለብን እንዴትና መቼ እንደምንጀምረው ብቻ ሳይሆን የጀመርነውን ነገር ወደየት እንደምንወስደውና በምን መልኩ እንዲጠናቀቅ እንደምንፈልግ ሊሆን ይገባዋል፡፡ 

መጨረሻውን በቅጡ ሳታውቁት የጀመራችሁት ነገር በየመንገዱ እየለጣጠፋችሁት የምትሄዱት ነገር ነው፡፡ መጨረሻውን በአይነ-ህሊናችሁ አይታችሁ ስላልጀመራችሁት መጨረሻውን አታውቁትም፡፡ ስለዚህ ደረሳችሁበትን ሁሉ የመቀበል ዝንባሌን ልታዳብሩ ትችላላችሁ፡፡ ወይም ደግሞ በየመንገዱ ጉዞው ከበድ ሲል ወደቀለለው አቅጣጫን የመለዋወጥ ሁኔታ ውስጥ መግባታችሁ አይቀርም፡፡ 

አንድን ነገር ከጀመራችሁና እጃችሁ ካስገባችሁ በኋላ ወደየት እንደምትወስዱትና ምን እንደምታደርጉት ለማወቅ የሚደረግ ጥረት አድካሚ፣ አሳሳችና መጨረሻው የት እንደሚሆን የማይታወቅ ሂደት ነው፡፡ ስለሆነም . . .

•  ማንኛውንም ግንኙነት ስትጀምሩ በተቻላችሁ መጠን ያንን ግንኙነት ወደየትና የት ድረስ ለመውሰድ እንደፈለጋችሁና እንዳሰባችሁ እርግጠኞች ሁኑ፡፡

•  አንድን ስራ ወይም ተግባር ከመጀመራችሁ በፊት ያንን የምትጀምሩትን ነገር ወደየት እና የት ድረስ እንደምትወስዱት እርግጠኞች ሁኑ፡፡

•  አንድን መረጃና ማስረጃ እጃችሁ ለማስገባት ከመሞከራችሁ በፊት ያንን መረጃና ማስረጃ ወደየት እና የት ድረስ እንደምትወስዱት እርግጠኞች ሁኑ፡፡

@Beleqe_boostup
📱ቴሌግራም👉 @Beleqe_boostup
📱ፌስቡክ ገጽ👉 https://www.facebook.com/SuperBoostUp?mibextid=NTRm0r7WZyOdZZsz https://www.facebook.com/SuperBoostU
📱ቲክቶክ👉 @superboo' rel='nofollow'>tiktok.com/@superboo