የተሸነፍኩት በጠይም ቆንጆ  ፊቷ  አይደለም፤ የተማረኩት በጥቁር ዞማ ፀጉሯ አይደለም ፤ ያሸነፈችኝ በየዋህነቷ ነው ።

ለመድመቅ አለመፍጨርጨሯ ነው ፤  ተፈላጊነቷን ለማሳየት አትዳክርም ፤ ያላትን ለማጉላት አትታከክም  ።

የምወዳት ፍቅሯን ለመግለፅ አውላላ መንገድ  ላይ በነፃነት ስለምትጠመጠምብኝ ነው ፤  የገዛኝ ብቻዬን ስለምትወደኝ ነው።

ሲሳካልኝ እና ስወድቅ ከጎኔ እንደምትሆን ስለምታሰማኝ ነው።

የምወዳት ከወዳጆቻችን ጋ ስንሰባሰብ እኔ ሳወራ ከሁሉም በላይ  ቀልቧን ስለምትሰጠኝ ነው ፤ የነገርኳትን ወሬ ደገምከው ሳትለኝ ስለምትሰማኝ ። የወደድኩትን ነገረ ስለምትወድልኝ ነው  ።

የምወዳት ተስፋ ቆርጬ ፤  ተናድጄ ፤ አዝኜ ሳወራ በዝምታ እረጋ ብላ ስለምታፅናናኝ ነው። 

የምወዳት ተቀይማኝ ተናዳብኝ አንገቷ  ስር ስስማት በዝምታ ስትሳምልኝ ፤ ተናዳ በትንሽ ልፋት ስለምትረጋጋልኝ ነው  ።

የምወዳት ልቧ አምኖኝ ፍለጋ ስላቆመች ነው።  ከመታመን በላይ ሃላፊነት የት አለ ?

የምወዳት ስታናድደኝ እና ስናደድ በፍቅር ይቅርታ ስለምጠይቀኝ ነው ።

የምትፈልገውን እንዳደርግላት የምታደርገኝ ትህትና በተጠቀጠቀበት  ልምምጥ ነው ። ስትለማመጥ በትሯ አይኗ ነው አይኗ ያሳዝናል፤ እሷ ላይ ስልጣን እንዳለኝ ይሰማኛል እንደምትታዘዘኝ ስታስዳስሰኝ  ፍፁም ታዛዥ እሆናለሁ ።

✅️⭐@Enmare1988
✅️✅️@Enmare1988