⛪️መንፈሳዊ መጻሕፍትን እናንብብ እንወቅ⛪️

ከፀሐይ አጠገብ የነበረው ኮከብ

የአምላክ ሰው መሆንና ተወልዶ የማደጉ ዜና ሲነገር ሁልጊዜም የሚዘነጋ ክብሩ ግን ከብዙ ቅዱሳን ክብር የሚበልጥ አንድ ታላቅ ሰው ዛሬ በልቡናዬ ውል አለ፡፡ መቼም ከፀሐይ አጠገብ ያለ ኮከብ በፀሐይ ብርሃን ምክንያት መሸፈኑ አይቀርምና በተወለደው የጽድቅ ፀሐይ ፣ የሰላም ንጉሥ በልደቱ ደስታ ተውጠን ፣ በገብርኤል ብሥራት ፣ በድንግል ምስጋና ፣ በመላእክት ዝማሬ ተስበን የዘነጋነውን ፣ ድምቀት ሳያንሰው የተሸፈነውን ኮከብ የቅዱስ ዮሴፍን ነገር ባሰብኩኝ ጊዜ ክብሩን ለመናገር ልቡናዬ ተጨነቀ፡፡

በቅድስናው እያመንን ፣ ውለታውንም እያወቅን የምንዘነጋውን ምናልባትም አንዳንድ ሰዎች የድንግል ማርያምን ዘለዓለማዊ ድንግልና ለማቃለል ስሙን በክፉ ማስረጃነት ሲያነሱብን ከእነርሱ ሸሸን ብለን ሳናውቅ ከበረከቱ የሸሸነውን ጻድቅ ዛሬ ልዘክረው ብል ልቤ በጥፋተኝነት ስሜት ተጨነቀብኝ፡፡

ስለ እርሱ ብዙ ያልዘመርንበትን ፣ ብዙ ያልተቀኘንበትን ዘመን ሳስብ ‘ላዕከ ማርያም ቅዱስ ዮሴፍ ሆይ ስለረሳንህ ቀኛችን ትርሳን ፣ ስላላሰብንህም ምላሳችን ከትናጋችን ይጣበቅ’ ብዬ ይቅርታውን ለመለመን ተመኘሁ፡፡

ቅዱስ ዮሴፍን ማን ብለን እንጥራው? እርሱ እንደሆን እንደ አብርሃም ዘመዶቹን የተወ አማኝ ፣ እንደ ይስሐቅ የታዘዘውን ብቻ ያደረገ ትሑት ፣ እንደ ያዕቆብ በእምነት ግብጽ የወረደ ስደተኛ ነውና እርሱን ለመግለፅ እንደምን ያለ ቋንቋ እንጠቀም ይሆን?

እስቲ ንገሩኝ? ‘መልካሙን እረኛ’ ክርስቶስን የጠበቀውን እረኛ ቅዱስ ዮሴፍን ከቶ በምን ቃል እንገልጸዋለን? የአብን ልጅ ያሳደገውን (ሐፃኔ ወልደ አብ) ቅዱስ ዮሴፍን በምን ቅኔ እናወድሰው?

ሕዝቅኤል ያያትን የእስራኤል አምላክ ገብቶባት ለዘላለም የተዘጋችውን ደጅ የጠበቀውን ታማኝ ዘብ ፤ ‘ከበሩ ደጀ ሰላም መንገድ በዚያ ይገባል በዚያም ይወጣል’ ተብሎ የተነገረለትን የተዘጋችው በር ደጀ ጠኚ ፣ ከታላቅዋ ተራራ ከድንግል ማርያም ያለ ሰው እጅ ድንጋይ ተፈንቅሎ ሲወርድ ቆሞ የተመለከተውን የሐዲስ ኪዳኑን ዳንኤል ከቶ እንዴት ባለ ቃል እንገልጸዋለን?

በቤተ ልሔም ግርግም ውስጥ በላምና አህያ መካከል የተኛውን ሕፃን የተመለከተውንና እንደ ነቢዩ ዕንባቆም
‘በማዕከለ ክልዔ እንስሳ ርኢኩከ’ /በሁለት እንስሳ መካከል አየሁህ/ ሊል የሚቻለውን የቅዱስ ዮሴፍን ክብር በምን አቅማችን እንግለጸው?

ወደ ግብጽ ወርዶ ለወገኖቹና ለዓለም ሁሉ ምግብን እንዳቆየው የብሉይ ኪዳኑ ዮሴፍ ወደ ግብጽ በመከራ ተሰድዶ የሕይወት እንጀራ ክርስቶስን ለሁላችን ላቆየልን ጻድቅ እንዴት ያለ የምስጋና ቃል እናዋጣ?

ዲያቆን ሄኖክ ኃይሌ

+++ አበው ስለ እመቤታችን እንዲህ አሉ +++

"አምላክ ከንጉሥ ሔሮድስ ሴት ልጅ ቢወለድ ኖሮ አልጋ ወራሽ በሆነና ባልተሰደደ ነበር። እርሱ ግን የድሆች ልጅ የሆነችውን ድንግል መረጠ" አባ ጊዮርጊስ ዘጋስጫ

"ታላቁ ተራራ ሆይ ታናሽዋ ብላቴና የተሸከመችህ ራስህን በሚቻላት መጠን አድርገህላት ነው ፣ ታላቁ እሳት ሆይ ታናሽዋ ብላቴና ተሸክማህ ያልተቃጠለችው ኃይልን ትችል ዘንድ አጽንተሃት ነው "  ቅዱስ ኤፍሬም ሶርያዊ

"ይህ ዓለም የእግዚአብሔርን ልጅ በቀጥታ ከእግዚአብሔር አብ እጅ ለመቀበል የተገባ ሆኖ ስላልተገኘ ፣ ዓለም ከእርስዋ ይቀበል ዘንድ አንድያ ልጁን ለድንግል ማርያም እናት ትሆነው ዘንድ ሠጣት" ቅዱስ አውግስጢኖስ

"ሔሮድስ የማይያዘውን ይይዝ ዘንድ ተነሣ ፣ ዓውሎ ነፋስንም በቤቱ አስገብቶ ሊዘጋ ታገለ" አባ ጊዮርጊስ ዘጋስጫ

"ጌታ ሆይ እናትህን ማን ብለን እንጥራት? እናት ብቻ እንዳንላት ድንግል ሆና አገኘናት ፣ ድንግል እንዳንላት ልጅ ታቅፋ አየናት። ጌታ ሆይ እናትህን ለመጥራት እንዲህ የሚያስቸግር ከሆነ አንተን ከቶ ምን ብለን እንጠራሃለን??"  ቅዱስ ኤፍሬም

     ዲያቆን ሄኖክ ኃይሌ
ለተጨነቀች ነፍስ ዕረፍት የሆነው የእግዚአብሔር ቃል ለሁሉ ይዳረስ ዘንድ :: እኔም ለእናንተ ከሰበክሁ በኁዋላ የተጣልሁ እንዳልሆን ስለ እኔ ጸልዩ!

ይህ በየቀኑ የዲያቆን ሄኖክ ኃይሌ ትምህርቶች የሚለቀቅበት ቻናል ነው ይቀላቀሉ 👇👇👇

@dnhenok_haile
@dnhenok_haile

🍁🍁🍁🍁🍁🍁🍁🍁🍁🍁🍁🍁
ሥርዓተ ማኅሌት ዘነሐሴ ፲፮ በዓለ ኪዳነምህረት
💎💎💎💎💎💎💎💎💎💎💎💎💎💎
ስምዓኒ እግዚኦ ጸሎትየ ሃሌ ሉያ፤ ሃሌ ሉያ ወይብጻሕ ቅድሜከ ገዓርየ ሃሌ ሉያ፤ ሃሌ ሉያ ወኢትሚጥ ገፀከ እምኔየ፤ በዕለተ ምንዳቤየ አጽምእ ዕዝነከ ኀቤየ ሃሌ ሉያ፤ ሃሌ ሉያ አመ ዕለተ እጼውአከ ፍጡነ ስምዓኒ ሃሌ ሉያ፤ ሃሌ ሉያ ለዓለም ወለዓለመ ዓለም፤ ሃሌ ሉያ ዘውእቱ ብሂል፤ ንወድሶ ለዘሃሎ እግዚአብሔር ልዑል፤ ስቡሕ ወውዱስ ዘሣረረ ኲሎ ዓለመ፤ በአሐቲ ቃል።
@EOTCmahlet
@EOTCmahlet
መልክአ ሥላሴ፦
ሰላም ለኲልያቲክሙ እለ ዕሩያን በአካል፤ ዓለመክሙ ሥላሴ አመ ሐወጸ በሣሕል፤ እምኔክሙ አሐዱ እግዚአብሔር ቃል፤ ተፈጸመ ተስፋ አበው በማርያም ድንግል፤ ወበቀራንዮ ተተክለ መድኃኒት መስቀል።
@EOTCmahlet
@EOTCmahlet
ዚቅ፦
ወታስተሥርዩ ኃጥያተ ህዝብኪ ተበውሐ ለኪ፤ እም አብ ወወልድ ወመንፈስ ቅዱስ፤ ከመ ትኲኒ ተንከተመ ለውሉደ ሰብእ፤ ለሕይወት ዘለዓለም፤ ለኪ ይደሉ ከመ ትኵኒ መድኀኒቶሙ ለመሐይምናን ሕዝብኪ፤ ኦ መድኃኒተ ኩሉ ዓለም ወልድኪ ሣህሎ ይክፍለነ ሰዓሊ ለነ ቅድስት
@EOTCmahlet
@EOTCmahlet
ነግስ፦
እምጌቴሴማኒ ፈለሰት ኀበ ዘሉዓሌ መካን፤ውስተ ቤተ መቅደስ ረባቢ ዘመሳከዊሁ ብርሃን፤ አንቀጸ አድኅኖ ማርያም ጽላተ ኪዳን፤ኵሉ ይብልዋ በአኅብሮ ዘበዕብራይስጢ ልሳን፤ ዕፀ ጳጦስ ይዕቲ እንተ በአማን ቅድስተ ቅዱሳን፤ እመቅድሐ ከርሣ ተቀድሐ አስራባተ ወይን ወውስቴታ ተሠርዓ ቁርባን።
@EOTCmahlet
@EOTCmahlet
ዚቅ፦
ዕፀ ጳጦስ እንተ በአማን መዝገቡ ለቃል፤ ዕፀ ጳጦስ እንተ በአማን አንቀጸ ብርሃን፤ዕፀ ጳጦስ እንተ በአማን ጽጌ ደንጉላት፤ ሐረገ ወይን ዘእምነገደ ይሁዳ፤ እንተ ሠረፀት ለሕይወት።
@EOTCmahlet
@EOTCmahlet
መልክዓ ኪዳነምህረት፦
ሰላም ለፍልሰተ ሥጋኪ ኀበ ሕንጻ ሕይወት ዘተሐደሰ፤ እምቅድመ ዝኒ ኀቤሁ ሥጋ ወልድኪ ፈለሰ፤ ቤዛዊተ ዓለም ማርያም አስተበቁዓኪ አንሰ፤ ትቤዝዊ በኪዳንኪ ዘዚዓየ ነፍሰ፤ እስመ በሥራያ ይዕቲ ቀብዓተኒ ፈውሰ።
@EOTCmahlet
ዚቅ፦
ደብተራ ፍጽምት ዘጳዉሊ፤ወማኅደሩ በጽድቅ ዘገብራ ከሃሊ፤ፈለሰት እምዘይበሊ ኀበ ኢይበሊ፤በመሰንቆሁ እንዘ የኃሊ፤ዳዊት አቡሃ ዘወልዳ ወዓሊ።
@EOTCmahlet
ወረብ፦
ደብተራ ፍጽምት ዘጳዉሊ ፈለሰት እምዘይበሊ ኀበ ኢይበሊ/፪/
በመሰንቆሁ እንዘ የኃሊ ዳዊት አቡሃ ዘወልዳ ወዓሊ/፪/
@EOTCmahlet
@EOTCmahlet
መልክአ ማርያም
ሰላም ሰላም ለዝክረ ስምኪ ሐዋዝ፣እምነ ከልበኔ ወቊስጥ ወእምነ ሰንበልት ምዑዝ፣ማርያም ድንግል ለባሲተ ዓቢይ ትዕዛዝ፣ይስቅየኒ ለለጽባሑ ወይነ ፍቅርኪ አዚዝ፣ከመ ይሰቅዮ ውኂዝ ለሠናይ አርዝ።
@EOTCmahlet
ዚቅ
ሰላም ለኪ ማርያም እመ አምላክ፤ወልድኪ ይጼዉዓኪ፤ውስተ ሕይወት ወመንግሥተ ክብር።
@EOTCmahlet
ወረብ፦
ሰላም ለኪ ማርያም እመ አምላክ ማኅደረ መለኮት/፪/
"ወልድኪ"/፪/ይጼዉዓኪ ውስተ ሕይወት ወመንግሥተ ክብር/፪/
@EOTCmahlet
@EOTCmahlet
መልክዓ ማርያም፦
ሰላም ለእስትፋስኪ ዘመዓዛሁ ሕይወት፤ከመ መዓዛ ዕፀ ኅሩይ ዘውስተ ገነት፤ማርያም ድንግል ቤተ ቅድሳት፤ ጽንሕኒ ውስተ ሠናይ ወሰውርኒ እሞት፤በአክናፍኪ ርግብየ ኅሪት
@EOTCmahlet
ዚቅ፦
ንዒ ኀቤየ እንቲአየ ሠናይት ርግብየ ፤መዓዛ አፉሃ ከመ ኮል፤ ወኵሉ ነገራ በሰላም
@EOTCmahlet
ወረብ፦
ንዒ ኀቤየ እንቲአየ ሠናይት ርግብየ/፪/
መዓዛ አፉሃ ከመ ኮል/፬/
@EOTCmahlet
መልክዓ ፍልሰታ
ሰላም ለፍልሰተ ሥጋኪ ዘኢይቀብል ሞገሱ፤ ወዘኢይነጸፍ ባሕርየ ተውዳሱ፤ ማርያም ታዕካ ለእግዚአብሔር ጽርሐ መቅደሱ፤ተበሃሉ በሰማያት እለ ኪያኪ አፍለሱ፤ ማርያምሰ እንተ በምድር ታንሶሱ።
@EOTCmahlet
ዚቅ፦
ማርያም ጽርሕ ንጽሕት፤ማሕደረ መለኮት፤እኅቶሙ ለመላእክት ሰመያ፤ ሰማያዊት እንተ በምድር ታንሶሱ
@EOTCmahlet
አመላለስ፦
ማርያም ጽርሕ ንጽሕት/፪/
ጽርሕ ንጽሕት ማሕደረ መለኮት/፪/
@EOTCmahlet
ምልጣን፦
ትርሢተ ወልድ መለኮት ወፍቅር፤ኀደረ ላዕሌሃ፤ይቤላ ርግብየ ወይቤላ ሠናይትየ፤ፀቃውዕ ይውኅዝ እምከናፍሪሃ
@EOTCmahlet
አመላለስ፦
ፀቃውዕ ይውኅዝ/፪/
ይውኅዝ እምከናፍሪሃ/፬/
@EOTCmahlet
ወረብ፦
ትርሢተ ወልድ መለኮት ወፍቅር ኀደረ ላዕሌሃ/፪/
ይቤላ ርግብየ ወይቤላ ወይቤላ ሠናይትየ/፪/
@EOTCmahlet
@EOTCmahlet
ቅንዋት
ክብሮሙ ለቅዱሳን ሞገሶሙ ለጻድቃን፤መርሖሙ ለዕውራን ዝንቱ ውእቱ መስቀል፤እንስሳ ገዳምኒ አዕዋፈ ሰማይኒ ያንቀዓድዉ ኀቤከ፤አምላክ መስተመይጥ፤ያፀግብ ነፍሰ ነዳያን ያከርም በበዓመት፤ለዘበእንቲአነ ውስተ ማኅፀና ለማርያም ተሠወርከ፤ወበደመናትኒ
ሰማየ ዘከለልከ፤ወኵሉ ቀሊል በኀቤከ።
@EOTCmahlet
ሰላም፦
ንዒ ኀቤየ እንቲአየ ሠናይት ርግብየ ፤መዓዛ አፉሃ ከመ ኮል፤ ወኵሉ ነገራ በሰላም

👇👇👇👇👇🇪🇹
👉@EOTCmahlet👈
👉@EOTCmahlet👈
👉@EOTCmahlet👈
🇪🇹👆👆👆👆👆👆🇪🇹

@EOTCmahlet
#ይቀላቀሉ & #ለወዳጅዎ_ሼር_ያርጉ

+++ "የምወደው ልጄ ይህ ነው" +++

ጌታችን ከሐዋርያቱ መካከል "የምሥጢር ሐዋርያ” የተባሉትን ያዕቆብና ጴጥሮስ፣ ዮሐንስንም ወደ ቅዱሱ የታቦር ተራራ ብቻቸውን ይዟቸው ወጣ። ከተራራውም ጫፍ ሲደርሱ ሦስቱ ደቀ መዛሙርት የመምህራቸው ፊት እንደ ፀሐይ ሲያበራ ልብሱም እንደ በረዶ ነጭ ሲሆን ተመለከቱ። እነሆም ከቀደሙት ጻድቃን ታላላቆቹ ሙሴና ኤልያስ በታቦር ተገኝተው ከእርሱ ጋር ሲነጋገሩ ታዩአቸው።

እነዚህ የብሉይ ኪዳን ነቢያት የትንቢታቸው ፍጻሜ ከሆነው ክርስቶስ ጋር ምን ተነጋገሩ? መቼም በጊዜው ከጌታ ጋር ውለው ያድሩ እንደ ነበሩት ተማሪዎቹ ሐዋርያት  "አትሙትብን" አይሉትም። በሺህ ለሚቆጠሩ ዓመታት ሱባኤ የያዙለትና ደጅ የጠኑት የድኅነት ተስፋ እናዳይፈጸም "ይቅር አትሙት" እንዴት ይላሉ? ስለዚህ ከብሔረ ሕያዋን የመጣው ኤልያስና ከብሔረ ሙታን የመጣው ሙሴ በአንድ ላይ "በኢየሩሳሌም ሊፈጸም ስላለው ስለ መውጣቱ (ስለ መከራው፣ ሞቱ)" ያነጋግሩት ነበር።(ሉቃ 9፥31)

በታቦር ተራራ ላይ የብሉይ ኪዳንና የሐዲስ ኪዳን መልእክተኞች ተገናኙ። በባሕር ላይ በእግሩ የተራመደው ጴጥሮስ፣ የኤርትራን ባሕር እጁን ዘርግቶ የከፈለው ሙሴን አየው።(ማቴ 14፥29፣ ዘጸአ 14፥21) የሰማርያ ሰዎች በተቃወሙ ጊዜ "እሳት ከሰማይ ወርዶ ያጥፋቸው" ያሉ ያዕቆብና ዮሐንስ፣ ከሰማይ እሳት አዝንሞ ሃምሳ አንዱን ወታደሮች ያስበላ ኤልያስን ተመለከቱት።(ሉቃ 9፥54፣ 2ኛ ነገ 1፥10)

ሁለቱ ምስክሮች እንደ ተሰወሩም ወዲያው ቅዱስ ጴጥሮስ በዚህ መሆን ለእኛ መልካም ነው፤ ብትወድስ ሦስት ዳሶች እንሥራ ብሎ ጌታውን ጠየቀ። ሐዋርያው በዚህ ተራራ ላይ መቅረት የፈለገው ያለ ምክንያት አይደለም። መድኃኒታችን አስቀድሞ ወደ ኢየሩሳሌም ይሄድ ዘንድ ከሽማግሎችና ከካህናት አለቆች ከጻፎችም ዘንድ ብዙ መከራ ይቀበልና ይሞት ዘንድ እንዳለው ሲነግራቸው ቅዱስ ጴጥሮስ "አይሁንብህ፤ አይድረስብህ" ሲል ሊከላከለው ሞክሮ ነበር። ለዚህም በጊዜ "ወደ ኋላዬ ሂድ፥ አንተ ሰይጣን፤ የሰውን እንጂ የእግዚአብሔርን አታስብምና ዕንቅፋት ሆነህብኛል" ተብሎ ተገስጾበታል።(ማር 9፥31-33) ይሁን እንጂ አሁንም ቅዱስ ጴጥሮስ ያለውን ሁሉ እድል ተጠቅሞ ጌታን ወደ ኢየሩሳሌም ከመሄድና በካህናት አለቆች እጅ ተላልፎ ከመሰጠት ማስቀረት ስለሚፈልግ "ጌታ ሆይ፦ በዚህ(በታቦር ተራራ) መሆን ለእኛ መልካም ነው" ብሎ ተናገረ።

እርሱም ይህን ገና ሲናገር ሳለ እነሆ፥ ብሩህ ደመና ጋረዳቸው። ከደመናው "በእርሱ ደስ የሚለኝ የምወደው ልጄ ይህ ነው፤ እርሱን ስሙት" የሚል ድምፅ መጣ። ሐዋርያቱ ይህን ድምጽ የሰሙት ሙሴ እና ኤልያስ ከክርስቶስ ተለይተው ከሄዱ፣ እነርሱም ወድቀው ከነበሩበት ከተነሡ በኋላ ነው። ይህም ከደመናው ውስጥ ሲወጣ ስለ ሰሙት ቃል "ለማን የተነገረ ይሆን?" ብለው እንዳይጠይቁና ምስክርነቱ ለክርስቶስ ብቻ የተሰጠ መሆኑን በማያሻማ ሁኔታ እንዲረዱ ነው። በዚሁም ላይ ደመናው ወርዶ የጋረደው ጌታችን ኢየሱስ ክርስቶስን ብቻ ሳይሆን ሐዋርያቱንም ጭምር ነበር። ቅዱስ ዮሐንስ አፈወርቅ እንደሚነግረን ደመናው ጌታን ብቻ ጋርዶት ቢሆን ኖሮ፣ ሐዋርያቱ "እርሱን ስሙት" የሚለውን ቃል ራሱ ክርስቶስ ለራሱ የተናገረው ሊመስላቸው በቻለ ነበር። 

ቅዱስ ጴጥሮስ "አትሙት" ያለው መምህሩን በፍጹም ልቡ ስለሚወደው መሆኑ አያጠራጥርም። ነገር ግን ጴጥሮስ ጌታን የቱንም ያህል ቢወደው፣ ፍቅሩ ግን ከወለደው ከባሕርይ አባቱ ከአብ አይደለም ሊበልጥ ሊነጻጸርም አይችልም። ታዲያ አብ በእርሱ ደስ የሚለው፣ የሚወደው፣ አንድያ ልጁ እንዲሞት ፈቃዱ ከሆነ፣ የአብን ያህል ሊወደው የማችለው አረጋዊው ጴጥሮስ ለምን "አትሙት" እያለ ይቃወማል?!

አብ ምትክ የሌለው ልጁ ወልድ ሰው ሆኖ በክፉዎች እጅ ሲንገላታ እና እስከ መስቀል ሞት ሲደርስ እያየ ዝም ያለው ስለማይወደው አይደለም። ዓለም ያለ ልጁ መከራና ሞት ስለማትድን ነው እንጂ። ከዚህ ምን እንማራለን?  ዛሬም ወደ መከራ የምንገባ የጸጋ ልጆቹ የምንሆን እኛ ክርስቲያኖች "እግዚአብሔር እንዲህ ስሆን ዝም ያለኝ  ስለማይወደኝ ነው" አንበል። ባገኘን ጥቂት የሥጋ መከራና ሕመም የሚበልጠውን የነፍስ ጤና የምንሸምት ከሆነ እግዚአብሔር ዝም ይላል። ዝም የሚለው መከራችንን ስለማያይ ሳይሆን ከመከራው ጀርባ ያለው ዓላማ ታላቅና የተቀደሰ እንደ ሆነ ስለሚያውቅ ነው።

ዲያቆን አቤል ካሳሁን

+ ከታቦር ተራራ አትቅር +

"አጣቢም በምድር ላይ እንደዚያ ሊያነጣው እስከማይችል በጣም ነጭ ሆነ። "
ማር 9: 3
/ሽራፊ ሃሳቦች ከደብረ ታቦር ንባብ/

የወንጌላውያን ትሕትና ይደንቃል ፣ ማቴዎስ ማርቆስ ሉቃስ ስለ ደብረ ታቦር ሲጽፉ ዮሐንስ አልጻፈም። ዮሐንስ ተመርጦ የተገኘበትን ታሪክ "ተመርጬ" ብሎ አልጻፈም። የቀሩት ወንጌላውያን ደግሞ "እኛ የሌለንበትን ነገር አንጽፍም" አላሉም። አንድ ወንጌል እየሰበኩ የሚፎካከሩ ፣ የአንድ ቤት ጣሪያ እየሠሩ ቆርቆሮ የሚሻሙ የእኛ ዘመን አገልጋዮች አልነበሩምና እነርሱ ያልተመረጡበትን ታሪክ ለመናገር ተሯሯጡ። እኛን የማያካትት ክብር ፣ እኛን የማይጨምር ድግስ ጉዳይ ሲነሣ ለማይጥመን ፣ እኛ የሌለንበትን ፎቶ እንኳን ለማየት የማንፈልግ ፣ በእኛ በኩል ያለፈን ነገር ብቻ የምናራግብ ፣ የሌለንበትን ነገር ጥሩም ቢሆን እንኳን ለምናጣጥል "በእኔ በቀር ባዮች" ትምህርቱ ድንቅ ነው።

ሌላ ማሳያም አለ ማቴዎስ ወንጌላዊው ስለ ራሱ ታሪክ ሲጽፍ "ማቴዎስ የተባለ ቀራጭ በመቅረጫው ተቀምጦ" ብሎ በኃጢአት ከተዘፈቀበት ሥራ ላይ ወደ ክርስትና እንደተጠራ በግልጽ ሲጽፍ ሌሎቹ ወንጌላውያን ግን በሐዋርያት ዝርዝር ላይ ማቴዎስ ያሉትን ሰው ስለ ቀድሞ የቀራጭነት ሥራው ሲጽፉ ግን ሌዊ የሚል ተለዋጭ ስሙን ተጠቅመዋል። ትሑቱ ማቴዎስ ግን በሌሎች ወንጌላውያን የተሸሸገ የቀድሞ የኃጢአት አኗኗሩን ለእግዚአብሔር ይቅር ባይነት ማሳያ እንዲሆን ስለፈለገ ጭራሽ በሐዋርያት የስም ዝርዝር ላይ "ቀራጩ ማቴዎስ" ብሎ ራሱን ጠርቷል።

የሚገርመው ከቀራጭነት ከተጠራ በኋላ በቤቱ ታላቅ ድግስ ደግሶ ጌታችንን ከኃጢአተኞች ጓደኞቹ ጋር የተቀበለ መሆኑን በሌሎች ወንጌላውያን ሲጽፉ ማቴዎስ ግን ቀራጭነቱን አጉልቶ እንዳልጻፈ ሁሉ የግብዣው ነገር ደጋሹ እርሱ መሆኑን አድበስብሶ በመጻፍ አልፎታል።

★ ★ ★

ቅዱስ ጴጥሮስ "ጌታ ሆይ በዚህ መሆን ለእኛ መልካም ነው" አለ። "ለእኛ" መልካም ነው የሚለው ቃል ድንቅ ነው። በእግዚአብሔር ቤት መኖራችን መልካምነቱና ጥቅሙ ለእኛ ነው እንጂ ለእግዚአብሔር አይደለም። የማንጠቅም ባሪያዎቹ ስሙን በአሕዛብ ዘንድ ከማሰደብ በቀር ለእርሱ ምን እንጠቅመዋለን። ለዚህም ነው ቅዱስ ባስልዮስ "ጌታ ሆይ የአንተ አምላክነት ለእኔ ያስፈልገኛል እንጂ የእኔ ፍጡርነት ለአንተ አያስፈልግህም" ያለው።
ስለዚህ ጴጥሮስ "ለእኛ መልካም ነው" አለ።

"ብትወድስ ሦስት ዳስ እንሥራ" አለ ፣ ጌታ ካልወደደ እንኳን ሦስት አንድ ዳስ መሥራት አይቻልም ፣ እግዚአብሔር ቤትን ካልሠራ ሠራተኞች በከንቱ ይደክማሉ" ስለዚህ "ብትወድስ" አለ።

የዋሁ ጴጥሮስ ለእኔ ልሥራ አላለም ፣ የሐዲስ ኪዳን ሐዋርያ ነኝ ብሎ የብሉይ ኪዳን ነቢያትን ከማክበር ወደ ኋላ አላለም። "አንተ ዓለት ነህ በዚህች ዓለት ላይ ቤተ ክርስቲያኔን እሠራታለሁ" በተባለ ማግስት ለነቢያቱ ድንኳን ሊቀልስ የጠየቀ ከጴጥሮስ በቀር ማን አለ?

ከእግዚአብሔር አብ ግን "አትሙት" እስከማለት ለደረሰው ለነጴጥሮስ ንግግር "የምወደው ልጄ ይህ ነው እርሱን ስሙት" የሚል ትእዛዝ መጣ። ሃሳቡ ድንቅ ቢሆንም ቃሉን ሳይሰሙ ዳስ መሥራት መጀመር አይቻልም።

በዚያ ላይ ጌታ የመጣው በደብረ ታቦር ድንኳን አስጥሎ ሊኖር ሳይሆን በቀራንዮ በተሰቀለበት በመስቀሉ ካስማ በደሙ ድንኳን ተክሎ ሊያስጠልለን ነው። ቅዱስ አባ ጊዮርጊስ "ጴጥሮስ ሆይ ለአንተ የፊቱን ብርሃን እያየህ በዚህ መኖር መልካም ነው ፣ እኛ ግን የምንድነው በተራራው ሲኖር ሳይሆን ወርዶ ፊቱን በጥፊ ሲመታ ነው" ብሎታል።

ጴጥሮስ የዋሁ "በአባቴ ቤት ብዙ መኖሪያ አለ" ላለው ለክርስቶስ ድንኳን ሊቀልስ ጠየቀ። በሰማይ "በሰው ሳይሆን በጌታ የተተከለች ድንኳን" ላለችው ሊቀ ካህናት ድንኳን ሊሠራ ለመነ። እዚህ አለ ሲሉት እዚያ ለሚገኘው ፣ በመንፈስ እየተነጠቀ አድራሻውን ለመወሰን ያስቸግር ለነበረው ኤልያስ እንዲቀመጥ ተስፋ አድርጎ ድንኳን ልሥራ አለ። እጅግ የተዋበችና በወርቅ በሐር ያጌጠችን የኦሪት ድንኳን ለሠራው ሙሴ ዓሣ አጥማጁ ጴጥሮስ ድንኳን ልሥራለት አለ። ሐዋርያት ነቢያቱን ሊያስተናግዱ የለመኑባት ደብረ ታቦር ፣ ሐዋርያት ነቢያቱን ለጌታ ቀኝ አዝማች ግራዝማች አድርገው በድንኳን አስቀምጠው እነርሱ እንደ ሎሌ ከደጅ ሊኖሩ የጠየቁ እነ ጴጥሮስ እንደምን ይደንቃሉ? ጴጥሮስ ሆይ አሁን በሰማይ ድንኳኖች ውስጥ እያገለገልህ ይሆንን? ደብረ ታቦርን አይተህ በደስታ "እንኑር" ያልከው ጴጥሮስ ሆይ የገነት ደስታ ስታይ ምን ተሰምቶህ ይሆን?

በእሳት ድንኳን ለመኖር ተስፋ የምናደርግ "በነቢያትና በሐዋርያት መሠረት ላይ ታንጻችኋል" የተባልን እኛስ ምንኛ የታደልን ነን?

★ ★ ★

በታቦር ተራራ ላይ የጌታችን ልብስ እንደ ፀሐይ አበራ ፣ ቅዱስ ዮሐንስ አፈወርቅ "ከፀሐይም በላይ ነው ፣ ፀሐይ አይቶ የወደቀ የለም የጌታችንን ልብስ ሲያዩ ግን የወደቁት ያበራው ከዚያ በላይ ስለሆነ ነው" ይላል።

ከጌታችን በዚያ ተራራ ከሙሴና ኤልያስ ጋር ነበረ። ሙሴ እንደምናውቀው ጽላቱን ተቀብሎ ሲወርድ ሕዝቡ "እባክህን ተሸፈንልን" ብለውት ፊቱን በመጎናጸፊያው ሸፍኖ ነበር። የሙሴ አምላክ ክርስቶስ ግን ደቀ መዛሙርቱ ሲወድቁ አይቶ በልብሱ እንዳይሸፈን ያበራው ፊቱ ብቻ ሳይሆን ልብሱም ነበር።

" አጣቢም በምድር ላይ እንደዚያ ሊያነጣው እስከማይችል በጣም ነጭ ሆነ" ማር 9: 3
የሚለው ቃል ምንኛ የሚደንቅ ነው። በምድር ላይ ያለ አጣቢ ቢፈትግ ቢታገል የዚያን ያህል ሊያነጻው የማይችለው ነጭ እንዴት ያለ ነው? መቼም ሁላችን የምናውቀው ነጭ ነገር ሁሉ በምድር ላይ ባለ አጣቢ የታጠበ ስለሆነ እንዲህ ነው ማለት አንችልም። ብቻ መድኃኔ ዓለም ክርስቶስ በምድር ያሉ አጣቢዎች ከሚያነጡት በላይ ልብስን ማንጣት ይችላል።

ይህ ቃል በኃጢአት እድፍ ልብሳችን ላደፈ ሁሉ መጽናኛችን ነው።

መቼም የምድር አጣቢዎች አቅማቸው ውስን ነው።
ቆሽሸን ያዩን ሰዎች ብንታጠብም አያምኑንም ፣ ቢያጥቡልንም በኅሊናቸው የሚያስቀሩብን ቆሻሻ አለ።
በሰው ዓይን አንዴ ቆሽሸህ አትገኝ እንጂ ከተገኘህ መቼም ነጭ አትሆንም። አንተ ግን የደብረ ታቦሩ ብርሃን መድኃኔ ዓለምን ብቻ "እጠበኝ ከበረዶም ይልቅ ነጭ እሆናለሁ" በለው "ኃጢአታችሁ እንደ አለላ ብትሆን እንደ አመዳይ ትነጻለች፤ እንደ ደምም ብትቀላ እንደ ባዘቶ ትጠራለች። " ብሎ በገባው ቃል መሠረት ነጭ ያደርግሃል።

እርሱ ወዳለባት የቅድስት ቤተክርስቲያን ተራራ በንስሓ ከደረስክና በታቦር ያበራውን ብርሃኑን ካበራልህ ነጭ ትሆናለህ። ከዚያ "አጣቢ የማያነጻውን ያህል ትነጻለህ" ከአብ የባሕርይ ልጅ ከብርሃኑ ፀዳል ስትቀርብ አንተም በጥምቀት ያገኘኸው የጸጋ ልጅነትህ ያንጸባርቃል። ነጭ በሆንህ ጊዜ የሚያዩህ ሁሉ "በበጉ ደም ልብስህ መታጠቡን"ና ነጭ መሆኑን አይተው ይደነግጣሉ ፣ ሊሰሙህ ያልወደዱ ሁሉ ለባሕርይ ልጁ "የምወደው ልጄ ይህ ነው እርሱን ስሙት" ብሎ እንዳዘዘለት ለአንተም ጆሮ እንዲሠጡህ ያደርግልሃል።

አንተ ብቻ ከደብረ ታቦር አትቅር ፣ ካልሞትህ እንደ ኤልያስ ፈጥነህ ና ፣ በበደል ከሞትክም እንደሙሴ ተነሥተህ ና። ብቻ ወደ ደብረ ታቦር ቅድስት ቤተ ክርስቲያን ለመምጣት ተስፋ አትቁረጥ ፣ እንደ ሙሴ ትሞታለህ እንጂ ምድረ ርስትን አታይም ብትባል ፣ እንደ ኤልያስ ትኖራለህ እንጂ ሞትን አታይም ብትባል ብቻ አንተ ከደብረ ታቦር አትቅር።

ዲያቆን ሄኖክ ኃይሌ
ደብረ ታቦር
ለንደን ፣ ብሪታንያ

🌹🌹🌹🌹🌹🌹🌹🌹🌹🌹🌹
ስርአተ ማህሌት ዘበዓለ ደብረ ታቦር
🌿🌿🌿🌿🌿🌿🌿🌿🌿🌿🌿
ሥርዓተ ነግሥ
ስምዓኒ እግዚኦ ጸሎትየ፡ ሃሌ ሉያ ሃሌ ሉያ፡ ወይብጻሕ ቅድሜከ ገአርየ፡ ሃሌ ሉያ ሃሌ ሉያ፡ ወኢትሚጥ ገጸከ እምኔየ፡ በዕለተ ምንዳቤየ አጽምእ እዝነከ ኀቤየ፡ ሃሌ ሉያ ሃሌ ሉያ፡ አመ ዕለተ እጼውአከ ፍጡነ ስምዓኒ፡ ሃሌ ሉያ ሃሌ ሉያ፡ ለዓለም ወለዓለመ ዓለም፡ ሃሌ ሉያ ዘውእቱ ብሂል፡ ንወድሶ ለዘሃሎ እግዚአብሔር ልዑል፡ ስቡሕ ወውዱስ ዘሣረረ ኲሎ ዓለመ፡ በአሐቲ ቃል።
@EOTCmahlet
መልክአ ሥላሴ፦
ሥላሴክሙ ሥላሴ ይረስየኒ መካነ፤ድኅረ ተዋሓድኩሰ ዘሥላሴሁ ብርሃነ፤ዮርዳኖስክሙ ዝየ እስመ ኵለንታየ ኮነ፤ኢየኀሥሥ እምዮርዳኖስ ሰማዕተክሙ ምእመነ፤ወኢይትሜነዮ ለታቦር እስመ ታቦር አነ።
@EOTCmahlet
@EOTCmahlet
ዚቅ፦
ሰላም ለከ ኦ ደብረ ታቦር፤ዘአስተርአየ ላዕሌከ ትእምርተ መንግስት ህየ ንሰግድ ኩልነ፤ኀበ ተሰብሐ እግዚእነ
@EOTCmahlet
ወረብ፦
ሰላም ለከ ኦ ደብረ ታቦር ዘአስተርአየ ላዕሌከ ትእምርተ መንግስት/2/
ህየ ንሰግድ ኩልነ ኀበ ተሰብሐ እግዚእነ/2/
@EOTCmahlet
@EOTCmahlet
ነግሥ
ዳዊት ነቢይ እምነ አድባራት አልዓላ ፤አምሳለ ኪሩብ አስተማሠላ ፤አመ ወአለ ባቲ ክርስቶስ ርእሰ መሐላ ፤በደብረታቦር ካልዕተ ጸናፊ ጌልጌላ ፤ናሁ ተመነየ በማዕከላ ጴጥሮስ ከመ ይሣርር ሠቀላ ።
@EOTCmahlet
ዚቅ፦
ደብር ዘበእንቲአሁ ጸርሐ፤ዳዊት ነቢይ እንዘ ይብል፤ወሰምዐኒ እምደብረ መቅደሱ
@EOTCmahlet
@EOTCmahlet
መልክአ ፍልሰታ፦
ሰላም ለፍልሰተ ሥጋኪ ስቡሐ ዘተሰብሐ፤እምነ ፀሐይ ወወርህ ስነ ስብሐትኪ አብርሃ ፤ እንበሌኪ ድንግል ወእንበለ ወልድኪ በኩረ ፍስሐ ፤ አልቦ ለሞት ማዕሰሪሁ ዘፈትሐ፤ ወሙታነ በሲኦል አንቅሐ።
@EOTCmahlet
ዚቅ፦
እግዝእትየ ፍትሕኒ እማዕሠሩ ለሰይጣን፤ እሙ ለመድኅን ወለተ ብርሃን
@EOTCmahlet
@EOTCmahlet
መልክዐ ኢየሱስ፦
ሰላም ለዝክረ ስምከ ስመ መሓላ ዘኢይሔሱ፡ ዘአንበረ ቅድመ እግዚአብሔር በአትሮንሱ፡ ኢየሱስ ክርስቶስ ለዳዊት ባሕርየ ከርሡ፡ አክሊለ ስምከ እንዘ ይትቄጸል በርእሱ፡ አህጉረ ፀር ወረሰ ኢያሱ።
@EOTCmahlet
@EOTCmahlet
ዚቅ
ታቦር ወአርሞንዔም በስመ ዚአከ ይትፌስሁ ወይሴብሑ ለስምከ ታቦር ወአርሞንዔም በስመ ዚአከ ይትፌስሑ ወይሴብሑ ለስምከ ዮም ታቦር
@EOTCmahlet
ወረብ፦
ታቦር ወአርሞንዔም በስመ ዚአከ ይትፌስሑ በስመ ዚአከ/፪/
ወይሴብሑ ለስምከ ይሴብሑ ለስም/፪/
@EOTCmahlet
መልክአ ኢየሱስ
ሰላም ለልሳንከ በደብረ ታቦር ዘአልኆሰሰ፡ለብርሃን ዐቢይ እስከ ጽላሎቱ ተሐውሰ፡ ነበልባለ እሳት ክርስቶስ ዘተዋሐድከ ጳጦሰ፡በዋዕየ ፍቅርከ ከመ ሥርወ አእዋም የብሰ፤ውሣጤ ሕሊናየ ነደ ወልብየ ጤሰ።
@EOTCmahlet
ዚቅ
ወሪዶሙ እምደብር እም ደብረ ታቦር አዘዞሙ ኢይንግሩ ዘርእዩ በደብር እስከ አመ ይትፈጸም በዕድሜሁ
@EOTCmahlet
@EOTCmahlet
ወረብ፦
ወሪዶሙ እምደብር እምደብር እምደብረ ታቦር  ኢይንግሩ ዘርእዩ በደብር /፪/
እስከ አመ ይትፈጸም በዕድሜሁ ይትፈጸም/፪/
@EOTCmahlet
@EOTCmahlet
መልክአ ኢየሱስ
ሰላም ለሰኰናከ እንተ ይስተጋብእ ኩሎ፡ ኃበ ኅደገ ወቀጽዐ ውስተ ሠሌዳ ኰኩሕ ሥዕሎ፡ ኢየሱስ ክርስቶስ ለመልአከ ዓለም ዘትትቤቀሎ፡ ስብሐቲከ እርአይ እግዚኦ እምቅድመ ዓለማት ዘሀሎ፤መንጦላዕተ ዓይንየ ቅላዕ ወአብርህ ጸዳሎ።
@EOTCmahlet
ዚቅ
ስብሐቲሁ ዘእምሃቤሁ ወውዳሴሁ እምዚአሁ አኃዜ አለም ለሊሁ ሰይፈ በቀል ውስተ እዴሁ ፍትሐ ግፉዓን ይወጽእ እምጽሩሕ
@EOTCmahlet
ወረብ
አሐዜ አለም ዘእምሃቤሁ ስብሐቲሁ ወውዳሴሁ እምዚአ/፪/
ሰይፈ በቀል ውስተ እዴሁ ፍትሐ ግፉአን እምጽሩይ ህይወት/፪/
@EOTCmahlet
@EOTCmahlet
መልክአ ኢየሱስ
እምኩሉ ይኄይስ በሥላሴከ ተአምኖ፡ ወበወላዲትከ ተማኅፅኖ፡ ኢየሱስ ክርስቶስ እምቤተ መንግሥት ወተክህኖ፡ ተሰብኦተከ እመቦ ዘያስተሐቅር መኒኖ፡ ያንኰ ርኩር ታሕተ ደይን ግዱፈ ከዊኖ
@EOTCmahlet
@EOTCmahlet
ዚቅ
ነአምን በአብ ወነአምን በወልድ ወነአምን በመንፈስ ቅዱስ ነአምን ዘንተ ሥላሴ አሐዱ ውእቱ አምላክ ፍጹም ዘእምኔሁ ለአብ ወወልድ ተወልደ በአምሳለ ዚአሁ ኅቡር ህላዌሁ ነአምን ንሕነ ነአምን።
@EOTCmahlet
ወረብ
ነአምን በአብ ወነአምን በወልድ ወነአምን በመንፈስ ቅዱስ/፪/
አሐዱ ውእቱ አምላክ ፍፁም አሐዱ ውእቱ/፪/
@EOTCmahlet
@EOTCmahlet
ምልጣን:-
ደብር ርጉዕ ወደብር ጥሉል ለምንት ይትነሥዑ አድባር ርጉዓን ደብር ዘሠምሮ የኀድር ውስቴቱ እግዚአብሔር አማን ተሰብሐ በደብረ ታቦር።
@EOTCmahlet
አመላለስ፦
አማን በአማን አማን በአማን ተሰብሐ አማን በአማአማን በአማ/፪/
ተሰብሐ በደብረ ታቦር/፪/
@EOTCmahlet
ወረብ፦
ደብር ርጉዕ ወደብር ጥሉል ደብር ርጉዕ ወደብር ጥሉል ለምንት ይትነሥዑ አድባር ርጉዐን/፪/
ደብር ዘሠምሮ እግዚአብሔር የሐድር ውስቴቱ እግዚአብሔር/፪/
@EOTCmahlet
@EOTCmahlet
እስመ ለዓለም
ወተወለጠ ራዕዮ በቅድሜሆሙ ወአልባሲሁኒ ኮነ ጸአዳ ከመ በረድ ይቤሎ ጴጥሮስ ለኢየሱስ ሊቅ ንንበር ዝየ ወንግበር ሠለስተ ማህደረ፤ማ-አሐደ ለከ ወአሐደ ለሙሴ ፤ወአሐደ ለኤልያስ ንግበር ማህደረ።
@EOTCmahlet           
አመላለስ፦
አሐደ ለከ ወአሐደ ለሙሴ/፪/
ወአሐደ ለኤልያስ ንግበር ማህደረ/፬/
@EOTCmahlet
@EOTCmahlet
ወረብ፦
ወተወለጠ ራዕዮ በቅድሜሆሙ ራዕዮ በቅድሜሆሙ/፪/
ወአልባሲሁኒ ኮነ ጸአዳ ከመ በረድ/፪/

👇👇👇👇👇🇪🇹
👉@EOTCmahlet👈                 
👉@EOTCmahlet👈
👉@EOTCmahlet👈
🇪🇹👆👆👆👆👆👆🇪🇹

      @EOTCmahlet
  #ይቀላቀሉ & #ለወዳጅዎ_ሼር_ያርጉ