ተጨዋች ባለማስፈረማችን ተበሳጭተናል “ አርቴታ

የመድፈኞቹ ዋና አሰልጣኝ ሚኬል አርቴታ ቡድናቸው በዝውውር መስኮቱ ተሳትፎ ባለማድረጉ መበሳጨታቸውን ገልጸዋል።

ተጨዋች የማስፈረም ግልጽ ሀሳብ ነበረን ያሉት አርቴታ “ ነገርግን ማሳካት አልቻልንም በዚህም ተበሳጭተናል “ ሲሉ ቡድኑ መጠናከር ይገባው ነበር ብለዋል።

አርሰናል መጠናከር የሚገባው በተወሰነ መልኩ እንደነበር ያነሱት አሰልጣኙ ባሉት ተጨዋቾች ለመጠቀም እንደሚያስቡ አስረድተዋል።

አርሰናል በቀጣይ በአጥቂነት ማንን ይጠቀማል ?

የፊት መስመር አጥቂ ክፍተት ያለበት አርሰናል በዝውውር መስኮቱ አጥቂ ያስፈርማል ተብሎ ቢጠበቅም ሳይስፈርም ቀርቷል።

በጉዳዩ ላይ ቃላቸውን የሰጡት ሚኬል አርቴታ “ የፊት መስመሩ በቀጣይ ተቀያያሪ ይሆናል “ ሲሉ ተናግረዋል።

ሚኬል አርቴታ አክለውም “ ራሂም ስተርሊንግ ፣ ንዋኔሪ እና ጋብሬል ማርቲኒሊ በአጥቂ ቦታ መጫወት ይችላሉ “ ብለዋል።


https://t.me/Ethioallball