𝗥𝗮𝗮𝗺𝗮𝗱𝗮𝗮𝗻 𝗺𝘂𝗯𝗮𝗮𝗿𝗮𝗸

Ramadaanni dhufe
Kunoo wol'arginee
Ulaarra dhaabatee
Barrii ittii banee
Haga humna keenyaa
Kayriidhaaf hawwinee

Hedduut woliin jiraa
Keessummaan Baayyeedha
Hundumtuu olseenaa
Jedhe ummanidhaa

Jennaan soomni didee
Waa tokko himate
Sheexaanni gadi bahi
Jedheetu himatee

Sheexaannis hin dinne
Deemeetu hidhame
Dafee soomni seennaan
Kaan achii dhabame

Anis nin gaafadhe
Meerre warri kaanii
Jennaan soomni dafee
Hime dhugaa saanii

Gaafa nan olseenu
Ajriin koo Baayyeedha
Ataraawwii fa'atu
Anuma keessadhaa

Hundumtuu ni jiraa
Hin hafne bakkeetti
Kan Manatt olseenee
Hunduma saaniitii

Kan Atin agarre
Maqaanis Baayyeedha
Qur'aana agartee
Anuma keessadha
Osoo Atin argin
Fudhee nan seenedha

Inshaalaah fedha saan
Waan hundaa hojjanne
Miskiina gargaaruu
Hajrii yoo Argannee

Sooma soomuu jechuun
Afaan qofaa mitii
Nyaata fi dhugaatii
Dhisuu qofaa miti

Waan rabbiin sidhowwe
Hundarraa dhorkamtee
Haala hadiisnii jedheen
Soomana soommattee
Inshaalaa mana kee
Borii ijaarattee

Rabbiin nuuf haa laatu
Duniyaa halaalaa
Kan Gaaffiin qabaannee
Boru Gaafa Awwaalaa

✍️𝙼𝚞𝚜𝚊𝚊𝚋 𝙽𝚊𝚊𝚜𝚒𝚛
𝒓𝒂𝒂𝒎𝒂𝒅𝒂𝒂𝒏 𝒎𝒖𝒃𝒂𝒂𝒓𝒂𝒌
➪@Musaab_Naasir🌟
➪@Musaab_Naasir🌟
༆༆༆༆༆༆༆༆༆༆༆
👍    ❤   🗨️       ♂️
ˡⁱᵏᵉ  ʳᵉᵃᶜᵗ ᶜᵒᵐᵐᵉⁿᵗ ˢʰᵃʳᵉ