ኦርቶዶክስ ተዋህዶ

በስመ አብ ወወልድ ወመንፈስ ቅዱስ አሃዱ አምላክ አሜን ሰላመ እግዚአብሔር ከሁላችን ጋር ይሁን እንደምን ቆያችሁ
።።።።።።።።።።።።።።።።።።።።።።።።።።።።።።
መልስና ጥያቄ
።።።።።።።።።።።።።።።።።።።።።።።።።።።።።።
1⃣,ቤተ ክርስቲ ያን ማለት ምን ማለት ነው??

መልስ፦ -ቤተ ክርስቲያን ማለት የክርስቲያኖች አንድነት ጉባኤ ወይም ማህበር ማለት ነው።

2⃣,መንፈሳዊ ተጋድሎ ማለት ምን ማለት ነው??

መልስ፦ ተጋድሎ ማለት አንድ ሰው የሚያምንበትን እምነት፣የሚመራበትን ሕግ፣ የሚያልመውን ተስፋ ተከትሎ ሀሳቡን ከግብ ለማድረስ ማድረግ የሚገባውን በማድርግ፣ማድረግ የማይገባውን ባለማድረግ በነጻ ፈቃዱ ወስኖ በሙሉ ልቦናው እና በሙሉ ኃይሉ የሚያደርገው የውስጥ እና የውጭ ጥረት ነው።

3⃣, ጸጋ እግዚአብሔር ለማግኘት ምን ማድረግ አለብን???

መልስ፦ ጸጋ ማለት እግዚአብሔር ለልጆቹ በነጻ የሚያድላቸው ስጦታ ማለት ነው። ይኸውም የሚገኘው በመንፈሳዊ ተጋድሎ ነው።

4⃣,የቅዱስ ጴጥሮስ አባት ማን ይባላል??
ነው

መልስ፦ ዮና ይባላል።

5⃣, ከአስራሁለቱ (፩፪) ሐዋርያት መካከል በመጀመርያ የሰማዕትነን አክሊል የተቀዳጀ ሰማዕትነቱ በሐዲስ ኪዳን መጽሐፍ የተጻፈለት ብቸኛ ሐዋርያ ማን ነው??

መልስ፦ ሐዋርያው ቅዱስ ያዕቆብ /ወልደ ዘብዴዎስ/ ነው።
የቤተ ክርስቲያን ታሪክ ቁጥር ፩ ገጽ 48 ላይ ማንበብ ይቻላል።

6⃣, ገድላት በስን ይከፈላሉ??

መልስ፦ ገድላት በ3 ይከፈላሉ እነሱም፦ 1) ገድለ ሰማዕታይ፦ ለምሳሌ ገድለ ጊዮርጊስመከራ ገድለ ፋሲለደስ፤ ገድለ ኢየሉጣ
2) ገድለ ሐዋርያት፦ በአንድነት የተሰበሰቡ የሐዋርያት አገልግሌት ተአምራት የያዘ መጽሐፍት
3) ገድለ ጻድቃን፦ ገድለ አቡነ ተክለ ሃይማኖት፣ ገድለ ገብረ መንፈስ ቅዱስና የመሳሰሉት ናቸው።

7⃣, ህግ በስንት ይከፈላል??

መልስ ፦ በ3 ይከፈላል እነሱም
1ኛ ህግ ልቦና
2ኛ ህግ ኦሪት .
3ኛ ህግ ወንጌል ናቸው።

8⃣, መልአኩ ቅዱስ ገብሬኤል ለነብዩ ዳንኤል ስንት ሚስጥራት ገለጸለት??

//መልስ፦// 3 ሚስጥራትን ገልጾለታል 1ኛ የቤተ እስራኤልን ከ70 አመት በኋላ ወደ ኢየሩሳሌም መመለስ።
2ኛ የክርስቶስ ሰው መሆንና መሞት ዘመን
3ኛ የኃሳዊ መሲህን በመጨረሻው መምጣት ነው።

9⃣, በ8ኛው መቶ ክፍለ ዘመን ቤተ ክርስቲያን ታቃጥል የነበረች አይሁዳዊ ፈላሻ ማን ነበረች??

// መልስ// ዮዲት ጉዲት ነበረች።

የሚከተሉትን ጥያቄዎች ትክክለኛውን መልስ ምረጥ/ጭ/
።።።።።።።።።።።።።።።።።።።።።።።

10, አዕማደ ሐዋርያት (የምሥጢር ሐዋርያት) ከሚባሉት ውስጥ የሆነው የትኛው ነው??

ሀ) ዮሐንስ ለ) ያዕቆብ መ) ጴጥሮስ ሠ) ሁሉም መልስ ነው??

//መልስ// ሠ, ሁሉም መልስ ነው።

11, ቆስጠንጢኖስ ለቤተ ክርስቲያን ከሰጣቸው መብቶች ውስጥ የትኞቹ ናቸው??

ሀ) ቤተ ክርስቲያን ከግብር ነጻ ናት።
ለ) ከመንግሥት ገቢ ለቤተ ክርስቲያን የተወሰነ ድርሻ አላት።

ሐ) ዕለተ እሑድ /ሰንበት/ በንጉሠ ነገሥቱ ግዛት ውስጥ ሥራ እንዳይሠራበት አወጀ።

መ) ከክርስቲያን ወገን በሕይወቱም ሆነ በሞቱ ንብረቱን ለቤተ ክርስቲያን አወርሳለሁ የሚል ምእመን ካለ ቤተ ክርስቲያን ኑዛዜ የመቀበል፤ ውርስ የመውረስ መብት አላት።

ሠ) በክርስቲያኖች መካከል ለሚፈጠሩ አንዳንድ አለመግባባቶች ቢኖሩ ለኤጲስ ቆጶሳት የዳኝነት ሥልጣን ሰጥቷል።

ረ) ሁሉም መልስ ነው።

የተጀመረው
//መልስ// ረ, ሁሉም መልስ ነው።

1⃣2⃣, ክህደት በ-----------------ነው
.ሀ) በሳጥናኤል/ዲያብሎስ
ለ) በአርዮስ
ሐ) በይሁዳ
መ) አይታወቅም

//መልስ//፦ ሀ) በሳጥናኤል /ዲያብሎስ

ውድ የተወደዳችሁና የተከበራችሁ ወንድም እህቶቼ ጠቅላላ መልስ ይህንን ይመስላል ስተት ከአለበት አርሙኝ ለመታረም ዝግጁ ነኝ። ወስብኃት ለእግዚአብሔር
ወለ ለወላዲቱ ድንግል
ወለ ለመስቀሉ ክቡር።

✝ኦርቶዶክስ ተዋህዶ✝
       
     #መልካም_አዳር

https://t.me/OrtoPicture
https://t.me/OrtoPicture
https://t.me/OrtoPicture

 ገዳማዊያኑ እየሰሩ ቀጣይነት ያለው ገቢ እንዲያመነጩ ለማድረግ በማሰብ በሃሙሲት ከተማ የሸቀጣ ሸቀጥ እና የንዋያተ ቅዱሳት መሸጫ ሱቅ ተከፍቶ ወደ ስራ ተገብቷል።
 ለግንባታ የሚውል በሃሙሲት ከተማ 30 ሺህ ካሬ ሜትር ቦታ ከመንግስት በሊዝ በመውሰድ በዚህም የአብነት ት/ቤት ፣ አለማዊ ት/ቤት እንዲሁም የመጀመሪያ ደረጃ ጤና ጣቢያ በተጨማሪም ሌሎችም ለገዳማዊያኑ አስፈላጊ የሆኑ የልማት ስራዎች የሚሰሩበት ይሆናል።

የልማት ስራዎች ከተጀመሩ አጭር ጊዜ በመሆኑ እስካሁን የተሰሩ ስራዎች አበረታች ቢሆኑም ከዚህ በተሻለ ፍጥነት መስራት እንዳይቻል የተለያዩ ተግዳሮቶች አጋጥመውናል፡፡
 በገዳሙ ውስጥ ስራ የሚሰራባቸው ቀናት ውስን መሆን፤ ማለትም ቅዳሜ እና እሁድን ጨምሮ ገዳማዊያኑም የሚያከብሯቸው በዓላት ሲጨማመሩ በወር ውስጥ የሚሰራባቸው ቀናት ከ 4(አራት) – 14(አስራ አራት) የሚሆኑ ቀናት ብቻ ናቸው።
 በግንባታ እቃዎች ላይ ከጊዜ ወደ ጊዜ የሚስተዋል የዋጋ ልዩነትም አንዱ ችግር ነው።

 ሰው ሰራሽና ተፈጥሯዊ ችግሮች ተጠቃሽ ሲሆኑ
 ከሚዲያው አካባቢ በተለይም ቲክቶክ አንዳንድ ቲክቶከሮች ፣ የገዳሙ አባቶችን ሆነ የቤተክርስቲያን መዋቅር ምንም አይነት መረጃ ሳይጠይቁና ያለ ምንም ተጨባጭ ማስረጃ በይመስለኛል ብቻ፣ የገዳሙንም የተከታዮቻቸውንም ክብር በማይመጥን መልኩ ተገቢና ትክክለኛ ያልሆኑ መረጃዎችን ማሰራጨት የሚሉት ከብዙዎቹ ተግዳሮቶች ጥቂቶቹ እነዚህ ናቸው።

እስካሁን የተከናወኑ ስራዎች በተለይም የእናቶችን ችግር በመቅረፍ ደረጃ ጥሩና አስደሳች ቢሆንም በአባቶች በኩል ገና ብዙ ስራዎች ይቀራሉ፡፡በመሆኑም በቀጣይ በትኩረት ከሚሰሩ ስራዎች መካከል፡-
 የአባቶች በዓት ግንባታ ሥራ
 የአባቶች ቤተ እግዚአብሔር ግንባታ ሥራ
 የአባቶች የመጸዳጃ ቤት ግንባታ ሥራ
 የእንጨት እና የብረታብረት ውጤቶችን ማምረቻ ሼድ ግንባታ ሥራ፣
 የእህል መጋዘን ግንባታ ሥራ
 የቅዱስ ሚካኤል ህንጻ ቤተክርስቲያን ግንባታ ሥራ
 የአብነት ት/ቤት ፣ ዓለማዊ ት/ቤት እና የመጀመሪያ ደረጃ ጤና ጣቢያ ግንባታ ሥራ
 የጸበልተኞች ማረፊያ ቤት ግንባታ ሥራ እንዲሁም
 የውሃ እና መብራት አገልግሎት እንዲያገኙ ማድረግ በቀጣይ ከሚሰሩት ስራዎች መካከል ተጠቃሾች ናቸው፡፡
በቀጣይ ለሚሰሩት የልማት ሥራዎች ማከናወኛ የሚሆን ድጋፍን ለማሰባሰብ በቀጣይም የተለያዩ መርሀ-ግብሮች የሚከናወኑ ይሆናል።

ለአብነትም፡-
 ከመጋቢት 25 እስከ ሚያዝያ 2 ቀን 2017 ዓ.ም ምዕመኑ ከገዳሙ በረከት እንዲያገኙ እንዲሁም ገዳሙን እንዲጎበኙ የጉዞ መርሃግብር ተዘጋጅቷል።
 የድጋፍ ማሰባሰቢያ የቀጥታ ስርጭት መርሃ-ግብር በተለያዩ የሚዲያ ተቋማት የሚከናወን ይሆናል።
 ጥቅምት 16 ቀን 2018 ዓ.ም በሚሊኒየም አዳራሽ ብጹዓን ሊቃነ ጳጳሳት እና ሊቃውንተ ቤተክርስቲያ በተገኙበት ታላቅ የገቢ ማሰባሰቢያ ጉባኤ ይኖረናል፤
 የሚዲያ ንቅናቄ ዘመቻውም እንደተጠበቀ ሆኖ በተለይም ከቤተ-ክርስቲያን የሚዲያ አካላት ጋር በመነጋገርም ዶክሜንተሪዎችን እንዲሰሩና ምዕመኑ ገዳማዊያኑ ያሉባቸውን ችግሮች በመረዳት ድጋፍ እንዲያደርጉ ለማስቻል ስራዎች የሚሰሩ ይሆናል፡፡

‹ለድሃ ቸርነትን የሚያደርግ ለእግዚአብሄር ያበድራል፣በጎነቱንም መልሶ ይክፍለዋል› እንዲል ጠቢቡ ሰለሞን፣ ለዓለሙ ሰላም፣ ለሰው ልጆች ሁሉ ድህነት ዘወትር የሚማጸኑት እነዚህ ገዳማዊያን፣ ያሉባቸው ችግሮች ተፈተውላቸው፣ ዓለሙን ትተው የሄዱበትን ፈጣሪን መማጸን ላይ ብቻ እንዲያደርጉ፣ ሁሉም ምዕመን ድጋፍ እንዲያደርግ በልዑል እግዚአብሄር ስም ጥሪ እናቀርባለን፡፡

ወስብሐት ለእግዚአብሔር
የካቲት ፲፬ ቀን ፳፻፲፯ ዓ.ም
አዲስ አበባ፤ዋቢ ሸበሌ ሆቴል

✝ኦርቶዶክስ ተዋህዶ✝

#መልካም_እለት

https://t.me/OrtoPicture
https://t.me/OrtoPicture
https://t.me/OrtoPicture

ከሙትአንሳ ማር ቅዱስ ሚካኤል አንድነት ገዳም የተሰጠ ጋዜጣዊ መግለጫ

በስመአብ ወወልድ ወመንፈስ ቅዱስ አሐዱ አምላክ አሜን

 ብጹዕ አባታችን አቡነ እንጦስ የምዕራብ ሐረርጌ ሐገረስብከት ሊቀጳጳስ
 መንፈሳዊ ተልዕኮ ተቀብላችሁ ልዑል እግዚአብሄር በሰጣችሁ ጸጋ በተለያየ ስፍራ የምታገለግሉ ሊቃውንተ ቤተ-ክርስቲያን
 ጥሪ የተደረገላችሁ ተጋባዥ እንግዶች፣
 የመንግስት እና የግል የሚዲያ ተቋማት፣
 ዩትዩበሮች እና ቲክቶከሮች
 ጥሪያችንን አክብራችሁ ስለተገኛችሁ በልዑል እግዚአብሔር ስም ልባዊ ምስጋንችንን ለማቅረብ እንወዳለን፡፡

ወደ ጋዜጣዊ መግለጫው ከመግባታችን በፊት፣ልበ አምላክ ቅዱስ ዳዊት እንዳለው መዝ 35-3 ‹‹ እኔስ እነርሱ በታመሙ ጊዜ ማቅ ለበስሁ ነፍሴንም በጾም አደከምኳት›› እንዳለው፣ ነፍስን ለማንቃት፣ፈቃደ ስጋን ለፈቃደ ነፍስ ለማስገዛት ተመራጩ መንገድ ጾም ነውና ጌታችን መድሃኒታችን ኢየሱስ ክርስቶስ ለኛ አብነት ለመሆን ለጾመው ለታላቁ ዐብይ ጾም ከወዲሁ እንኳን አደረሳችሁ እንኳን አደረሰን ለማለት እንወዳለን፡፡

በኢ/ኦ/ተ/ቤ/ክ፣ ገዳም የእኔ የግሌ የሚሉት ንብረት የሌለበት፣ ሁሉ በማኅበር በአንድነት በጸሎት በስራ እየተጉ ፍጹም የዓለምን አላፊነት ተረድተው፣ የማታልፍ የእግዚአብሄር መንግስት እንዳለች በመገንዘብ ዘወትር በቀኖና ተወስነው የሚኖሩበት የቅዱሳን መኖሪያና ጸጋ እግዚአብሔር የማይለይበት የዲያብሎስ ፈተና የሚበዛበት ሥፍራ ነው።

ገዳምና ገዳማዊ ሕይወት አስፈላጊ በመሆኑ ጌታችን አምላካችን ኢየሱስ ክርስቶስ አርአያ ሆኖን፣ በገዳመ ቆሮንቶስ ከዲያብሎስ ይፈተን ዘንድ ተቀመጠ (ማቴ.4፡1-11) ፈታኝ ዲያብሎስንም ድል አደረገው፣ገዳምና ገዳማዊ ሕይወት አስፈላጊ ሆኖ የመሰረተልን አምላካችን አርአያችን ኢየሱስ ክርስቶስ ነው፡፡ ዛሬም እርሱን በመከተል ገዳማዊ ሕይወት ለትሩፋት መስሪያ፣ለንስሃ ሕይወት መቆያ፣ለበረከት ለረድኤት የአምላካችንን አረያነት ተከትለው አባቶች እናቶች በገዳም ተወስነው ይገኛሉ፡፡

ገዳማት የቤተ-ክርስቲያናችን ስውር ጓዳዎችና የሚስጢር መዝገቦች፣የመማጸኛ ቅዱስ ስፍራዎች፣የቤተ-ክርስቲያናችን ሁለንተናዊ አገልግሎት መሰረት፣ የተግባራዊ ክርስትና ምሳሌዎችም እና የታላላቅ የቤተ-ክርስቲያን ሊቃውንት መፍለቂያዎችም ናቸው።

እነዚህ አብያተ-ክርስቲያናት እና ገዳማት መንፈሳዊ አገልግሎታቸውን እየሰጡ፣ትውልድንም በክርስቲያናዊ ስነ-ምግባር እያነጹ ይቀጥሉ ዘንድ ገቢ ያስፈልጋቸዋል። ይህንን ገቢያቸውን ከሚያገኙባቸው መንገዶች መካከል በራሳቸው አቅም ገቢ የሚያመነጩ ስራዎችን ማከናወን እንዲሁም ምዕመኑ በሚሰጠው መባ እና አስራት በኩራ ይጠቀሳሉ።

ይሁንና አንዳንዴ ተፈጥሮ ፊቷን ስታዞርና ተፈጥሯዊ ችግሮች ሲበረቱ ሰው ሰራሽ ችግሮችም ሰጨመሩ ገዳማት የገቢ ምንጫቸውና ህልውናቸው ሙሉ በሙሉ ሕዝበ ክርስቲያኑ በሚያደርገው ድጋፍ ላይ የተንጠለጠለ የሚሆንበት አጋጣሚም ይፈጠራል ፤ሙትአንሳ ማር ቅዱስ ሚካኤል አንድነት ገዳም በአሁኑ ወቅት የገጠመው ችግር በዚህ ደረጃ የሚገለጽ ነው።
በማዕከላዊ ጎንደር ሐገረ ስብከት በምስራቅ በለሳ ወረዳ ቤተክህነት የሚገኘው ይህ ገዳም፣ ከዘጠና በላይ መነኮሳትና በመቶ የሚቆጠሩ ፀበልተኞች የሚገኙበት እጅግ ድንቅ ተዓምር ያለበት ታሪካዊ የአንድነት ገዳም ቢሆንም መነኮሳቱ በአሁኑ ወቅት ትልቅ ችግር ተጋርጦባቸው ይገኛሉ።

በአንድ በኩል አካባቢው በርሃማ በመሆኑ በበጋ ወቅት ለከፍተኛ ድርቅ ይጋለጣል፣በዚህም ምክንያት ምንም ዓይነት አዝዕርት አይበቅልበትም፣ይህን ተከትሎ ቀደም ሲል ድጋፍ ያደርጉ የነበሩት የአካባቢው ነዋሪዎች ሳይቀር ለገዳሙ ምንም አይነት ድጋፍ ለማድረግ ተቸግረዋል።

ገዳማዊያኑ የሚቀምሱት እህል፣የሚለብሱት ልብስ በመጠኑ የተሟላላቸው ቢሆንም ከጾም፣ ጸሎት መልስ ስጋቸውን የሚያሳርፉበት በዓት (ቤት) የላቸውም። በአንድ ደሳሳ ጎጆ በዓት ውስጥ ለሶስት ለአራት የሚያድሩበት በጣም አሳዛኝ ሁኔታ ዉስጥ ይገኛሉ።

በዚህ ገዳም የሚገኙ ገዳማዊያን ዛሬም ከጸሃይ፣ከብርድ፣ከዝናብ የሚከላከል መጠለያ አጥተው በከፍተኛ ችግር እየተፈተኑ የሚገኙ በመሆኑ፣ ገዳማዊያኑን ከነዚህ ችግሮች እንዲወጡና በቀጣይም ገዳሙ ራሱን እንዲችል ለማድረግ፣ በጠቅላይ ቤተክህነት እውቅና እና በሐገረ ስብከቱ ፍቃድ ገዳሙ ብቻ የሚጠቀመው በገዳሙ ስም የተከፈቱ የባንክ አካውንቶች ይፋ ተደርገው፣ በሕዝበ ክርስቲያኑ በሚደረገው ድጋፍ ስራዎች እየተሰሩ ሲሆን፣ ገዳሙም የተለያዩ ፕሮጀክቶችን በወረዳ ቤተ-ክህነት፣በሐገረ ስብከትና በጠቅላይ ቤተ ክህነት ጸድቆ በሊቃነ ጳጳሳት ቡራኬና የቅርብ ክትትል እየተደረገበት በመሰራት ላይ ይገኛል።

እነዚህን የታቀዱ ለገዳሙ አስፈላጊ እና መሰረታዊ የሆኑትን የልማት ሥራዎችን ለማከናወን የሚያስችል ገቢ ለማሰባሰብ የሚረዱ የተለያዩ የገቢ ማሰባሰቢያ መንገዶችን ለመጠቀም ጥረት ተደርጓል።

ከነዚህም ውስጥ፦ ገዳሙ ያለበትን አሁናዊ ሁኔታ የሚገልጹ እና የሚያሳዩ የኢትዮጵያ ኦርቶዶክስ ተዋሕዶ ቤተክርስቲያን ዶግማ፣ ቀኖና እንዲሁም ትሁፊት በጠበቀ መልኩ፡

 በቴሌቪዥንና ራዲዮን ማስታወቂያዎችን በማስተላለፍ ሕብረተሰቡ መረጃዉ ኖሮት የተቻለውን ድጋፍ እንዲያደርግ
 በማሕበራዊ ሚዲያ ማለትም፡ በፌስቡክ፣ በዩቲዩብ፣ በቲክቶክ፣ በቴሌግራም፣ በኢንስታግራምና ሌሎችንም በመጠቀም ለታቀዱት የልማት ሥራዎች የሚያስፈልገውን ገቢ ለማሰባሰብ ጥረት ተደርጓል።

በዚህም እስካሁን 11,000,000.00 (አስራ አንድ ሚሊዮን) ብር የሚያህል የገንዘብ ድጋፍ እንዲሁም 1,200,000.00(አንድ ሚሊዮን ሁለት መቶ ሺህ) ብር የሚሆን የአይነት ድጋፍ ማሰባሰብ ተችሏል።

ፕሮጀክቱ ከተጀመረ 11(አስራ አንድ) ወራትን ያስቆጠረ ሲሆን በነዚህ ጊዚያት በመጀመሪያው ምዕራፍ በርካታ ስራዎች ተከናውነዋል።

ከተሰሩ ስራዎች መካከል ፡-

 የእናቶች በዓት ወይም ቤት በጥሩ ሁኔታ ተሰርቷል።
 170 ሜትር ተራራ ተቦርቡሮ ለእናቶችም ለአባቶችም ለእንቅስቃሴ አስቸጋሪ የነበረው ቦታ በአርማታ ደረጃ ተሰርቶለት ለገዳማዊያን እንቅስቃሴ ምቹ እንዲሆን ተደርጓል።
 በአካባቢው ምንም አይነት የመብራት አገልግሎት ያልነበረ ሲሆን አሁን የሶላር መብራት ተሟልቶ የመብራት ተጠቃሚ ለማድረግ ተችሏል።
 ቤተ-እግዚአብሔር ወይም ማዕድ ቤት ተሰርቷል፤የሚያስፈልጉ ሙሉ ቁሳቁሶችም ተሟልተዋል።
 ገዳማዊያኑ በተደጋጋሚ የሚያጋጥማቸውን የምግብ አቅርቦት ችግር እና የአቅም ውስንነት በዘላቂነት ለመቅረፍ ጥረት እየተደረገ ይገኛል።
 ለገዳማዊያኑ የእደ-ጥበባት ውጤቶችን ማምረቻ ሼድ ግንባታ ተከናውኗል እንዲሁም የሸማ ስራ ሙያ እንዲሰለጥኑ በማድረግ ወደ ስራ እንዲገቡ ተደርጓል፣ ለስራው የሚያስፈልጉ መሳሪያዎች እና የጥሬ እቃ ግብዓቶችም ተሟልተዋል።
 የሻማ እና የጧፍ መስሪያ ማሽን ግዢ ተከናውኗል።
 አካባቢው በተደጋጋሚ በድርቅ የሚጠቃ በመሆኑ ለገዳማዊያኑ የተሻለ ለማድረግ የአካባቢ ጥበቃ ስራዎች እየተከናወኑ ይገኛሉ።
 ወደ ገዳሙ የሚያደርስ 8 (ስምንት) ኪሎ ሜትር ደረጃ አንድ የጠጠር መንገድ ሥራ ተሰርቷል

 የእናቶች የመጸዳጃ ቤቶች ግንባታ ተከናውኗል።
 ለግንባታ አገልግሎት የሚውል የሲምንቶ ማቡኪያ ማሽን፣የብረታ ብረትና የእንጨት መስሪያ ማሽነሪ ግዥ ተፈጽሟል።
 ከሚመለከታቸው አካላት ጋር በመነጋገር የገዳሙ ይዞታ ህጋዊ የይዞታ ማረጋገጫ ያልነበረው በመሆኑ የገዳሙ ህጋዊ ይዞታው እንዲረጋገጥለት ተደርጓል።