Gabaa qaamaa

Qaama kee rakasa gootee
Hidhii sagaltama hootee
Hallattee goorroo dhiirotaa
Rakasa maalif of goota?
Jaalala fakkeessaan of hiitee
Miira kee guutuuf of miitee
Iime...
Waamicha hundaaf owwaattee
cobdee dhumtee akka shaamaa...
Of gurguruuf deddeebitee
mi'eeffatte gabaa qaamaa...
Abbaan arge hidhiif qaama saalaa
Maalif akka fedhetti si haama...?

Ihim...
Maalif kabaja kee gad buusta
Xoofoo heexoo maalif kuusta?
Luka kee hundaaf maaf saaqxa?
Galmee kee balfaan maaf laaqxa?
Salphoo soqolatte soqolaa gargaaru
Yooti ofin eegne waaqnuu sin maaru
Ow...
Mi'a rakasa taatee
Gabaa hundaatti maaf baate?

Nyaata afaan banaa bule
nyaachuu namuu hin dharra'u
Bor balfatti si gatee darba
harki har'a mudhiitti si rarra'u

Ee...
Hin ta'in halaleef raatuu
Akkasitti naman taatu...
Rabbi qalbii siif haa laatu

Ishee jirtuuf gabaa qaamaa
Erga kana qofaan dhaama


© Keenboon